Month: November 2021

ភ្នំពេញ÷អគ្គីភ័យឆាបឆេះផ្ទះប្រជាពលរដ្ឋអស់មួយល្វែងនៅក្នុងបុរីគីមសាន្ត បណ្ដាលឲ្យមនុស្សវ័យចំណាស់ប្រុសស្រី០២ៈនាក់ត្រូវស្លា ប់បាត់បង់ជីវិតក្រោយពេលបញ្ជូនយកទៅសង្គ្រោះនៅឯមន្ទីរពេទ្យ ដោយសាតែរត់ចេញមិនទាន់។ហេតុការណ៍អគ្គីភ័យនេះបានកើតឡើងកាលពីវេលម៉ោង១១ៈនឹង ៤៥ៈនាទីយប់ ថ្ងៃ២៩ៈ ខែវិច្ឆិកា ឆ្នាំ២០២១ ស្ថិតតាមបណ្ដោយផ្លូវបេតុង ក្នុងភូមិតាកេរ្ត៍ សង្កាត់កំបូល ខណ្ឌកំបូល រាជធានីភ្នំពេញ !!យោងតាមការបញ្ជាក់ពីសមត្ថកិច្ចបានឲ្យដឹងថាម្ចាស់មាន ឈ្មោះ សុ ផល ភេទប្រុស អាយុជាង ៦០ៈឆ្នាំ ជនជាតិខ្មែរ មុខរបរជា មន្ត្រីយោធា ផ្កាយ៣ៈ នឹង ឈ្មោះ វ៉ុន ថេន ភេទស្រី អាយុ ៣០ៈឆ្នាំ មុខរបរជាមេផ្ទះ !!តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលអគ្គីភ័យនេះបានកើតឡើង គេបានឃើញមានផ្សែងហុយយ៉ាងខ្លាំងចេញមកពីខាងក្នុង បន្ទាប់មកក៍បានឆាបឆេះជាអណ្ដាតភ្លើងយ៉ាងសន្ធោសន្ធៅ ក្រោយមកទើបមានឮសូរសម្លេងស្រែកថាជួយផងភ្លើងឆេះផ្ទះខ្ញុំហើយ គ្រាន់តែបានឮសម្លេងនេះភ្លាមប្រជាពលរដ្ឋដែលនៅជិតខាងបាននាំគ្នារត់យកបំពង់សម្រាប់បាញ់ពន្លត់អគ្គីភ័យទៅជួយបាញ់ពន្លត់ដែរ តែនៅក្នុងស្ថានភាពនេះឆេះខ្លាំងពេក ទើបរាយការណ៍ជូនទៅសមត្ថកិច្ចនិងរថយន្តពន្លត់អគ្គីភ័យឲ្យចុះមកជួយធ្វើអន្តរាគមន៍បាញ់ពន្លត់ ក៍ដូចជាជួយសង្គ្រោះមនុស្សនៅជាប់ខាងក្នុង តែជាកម្មអកុសលជនរងគ្រោះប្រុសស្រីចំនួន០២ៈនាក់បានស្លា ប់បាត់បង់ជីវិតក្រោយពេលបញ្ជូនទៅសង្គ្រោះនៅឯមន្ទីរពេទ្យ ។រថយន្តពន្លត់អគ្គីភ័យ ចំនួន០៥ៈ គ្រឿង ទី០១ៈរថយន្ត របស់សង្ឃឹមថ្មីមានចំនួន០៣ៈ គ្រឿង ទី០២ៈរថយន្តពន្លត់អគ្គីភ័យរបស់អង្គភាព៩១១ៈមានចំនួន០១ៈ គ្រឿង នឹងទី០៣ៈរថយន្តពន្លត់អគ្គីភ័យរបស់រដ្ឋបាលខណ្ឌកំបូល ចំនួន០១ៈ គ្រឿង ទើបគ្រប់គ្រងបាននឹងពន្លត់ជាប់ទៅវិញជាស្ថាពរនៅវេលាម៉ោង២ៈនឹង១០ៈនាទីយប់ រំលងអធ្រាត្រមឈានចូល […]

{សេចក្ដីជូនដំណឹង}ក្រសួងធនធានទឹកបានបញ្ជាក់ថាចាប់ពីថ្ងៃទី១ដល់ថ្ងៃទី៧ ខែធ្នូឆ្នាំ២០២១ ខេត្តមួយចំនួន នៅក្នុងប្រទេសកម្ពុជានឹងមានអាកាសធាតុចុះត្រជាក់រហូតដល់ ១៥ អង្សាសេ ដូច្នេះសូមប្រជាពលរដ្ឋទាំងអស់យកចិត្តទុកដាក់ក្នុងការថែរក្សាសុខភាពឱ្យបានគ្រប់ៗគ្នាជាពិសេសគឺកុមារតូចៗ។តាមសេចក្តីជូនដំណឹងរបស់ក្រសួងធន ធានទឹកនិងឧតុនិយម បានឱ្យដឹងថាព្រះ រាជាណាចក្រកម្ពុជា បានទទួលឥទ្ធិពលពីទ្រនុងសម្ពាធខ្ពស់ប្រទេសចិន ដែលបន្តរំកិលចុះមកក្រោមជាមួយនឹងខ្យល់មូសុងឦសានបង្កើនល្បឿនក្នុងកម្រិតពីមធ្យមទៅបង្គួរ ។ដោយស្ថានភាពបែបនេះនឹងធ្វើឱ្យ ៖បណ្តាខេត្តនៅតំបន់វាលទំនាបកណ្ដាល ៖សីតុណ្ហភាពអប្បបរមា មានពី ១៧-១៩ °C,សីតុណ្ហភាពអតិបរមា មានពី ២៦-២៨ °C,អាចមានអាកាសធាតុត្រជាក់បង្គួរ និងខ្យល់ខុសធម្មតា (ខ្យល់រដូវ) ។ចំពោះបណ្តាខេត្តជាប់ជួរភ្នំដងរែក និងខ្ពង់រាបឦសាន ៖សីតុណ្ហភាពអប្បបរមា មានពី ១៦-១៨ °C,សីតុណ្ហភាពអតិបរមា មានពី ២៦-២៨ °Cក្នុងនោះ ខេត្តមណ្ឌល គិរី , ខេត្តរតនគិរី , ខេត្តព្រះវិហារ និងខេត្តឧត្តរមានជ័យ ។ តំបន់មាត់សមុទ្រ ៖សីតុណ្ហភាពអប្បបរមា មានពី ១៨-២០ °C,សីតុណ្ហភាពអតិបរមា មានពី ២៧-២៩ °C អាចមានអាកាសធាតុត្រជាក់បន្តិចបន្តួច និងខ្យល់ខុសធម្មតា (ខ្យល់រដូវ) ៕

កំពង់ឆ្នាំង÷នៅព្រឹកថ្ងៃទី២៩ ខែវិច្ឆិកា ឆ្នាំ២០២១នេះ ឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានដឹកនាំកម្លាំងអាជ្ញាធរ និងសមត្ថកិច្ចចុះទៅស្រាវជ្រាវ និងបង្ក្រាបបទល្មើសការកាប់ទន្ទ្រានព្រៃលិចទឹកនៅជុំវិញបឹងទន្លេសាប ជាពិសេសនៅខេត្តកំពង់ឆ្នាំង។ ចុះទៅស្រាវជ្រាវ និងបង្ក្រាបបទល្មើសការកាប់ទន្ទ្រាន ព្រៃលិចទឹកនៅជុំវិញបឹងទន្លេសាប ជាពិសេសនៅខេត្តកំពង់ឆ្នាំង ធ្វើឡើងក្រោយពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា កាលពីថ្ងៃទី២៨ ខែវិច្ឆិកា ឆ្នាំ២០២១ម្សិលមិញ បានចេញបទបញ្ជាយ៉ាងម៉ឺងម៉ាត់មួយ ឱ្យក្រសួងស្ថាប័នពាក់ព័ន្ធ និងអភិបាលខេត្តជាប់បឹងទន្លេសាប ត្រូវធ្វើការទប់ស្កាត់ និង បង្រ្កាបជាបន្ទាន់ចំពោះការលួចកាប់ព្រៃលិចទឹក និងវាទទីយកដីនៅតាមបឹងទន្លេសាប ជាពិសេសនៅខេត្តកំពង់ឆ្នាំងតែម្តង។ បទបញ្ជារបស់សម្តេចតេជោ ហ៊ុន សែន បានធ្វើឡើងបន្ទាប់ពីរាជបណ្ឌិត្យសភាកម្ពុជាដឹកនាំដោយ លោកបណ្ឌិត សុខ ទូច បានចុះសិក្សាស្រាវជ្រាវនៅបឹងទន្លេសាប ដែលរកឃើញអំពីបញ្ហាកាប់ឈើ និងទន្ទ្រានយកដីព្រៃលិចទឹកយ៉ាងអនាធិបតេយ្យ គួរឱ្យព្រួយបារម្ភ ជាពិសេសខេត្តកំពង់ឆ្នាំង និងត្រូវមានការដោះស្រាយជាបន្ទាន់។ ឯកឧត្តម ឧបនាយករដ្ឋមន្រ្តី ជា សុផារ៉ា បានធ្វើ ដំណើរ ទៅដល់ខេត្តកំពង់ឆ្នាំង បានបើកកិច្ចប្រជុំជាមួយថ្នាក់ដឹកនាំក្រុមការងារចុះជួយខេត្ត អភិបាល ខេត្ត […]

ភ្នំពេញ ៖ កាលពីថ្ងៃទី២៦ ខែវិច្ឆិកា ឆ្នាំ២០២១ កម្លាំងអន្តរាគមន៍នៃអធិការដ្ឋាននគរបាលខណ្ឌមានជ័យ ឃាត់ខ្លួនជនសង្ស័យចំនួន០២នាក់ ករណីលួចយកផ្លាកលេខរថយន្ត នៅចំណុចមាត់ប្រឡាយទឹកស្អុយ ផ្លូវបេតុង ភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។ ជនសង្ស័យឃាត់ខ្លួនចំនួន០២នាក់៖​១-ឈ្មោះ វ៉ង់ ខ័ណ្ឌដែន ភេទប្រុស អាយុ៣៦ឆ្នាំ ជនជាតិ ខ្មែរ ស្នាក់នៅផ្ទះជួល ផ្លូវលំ ភូមិព្រែកតានូ សង្កាត់ចាក់អង្រែលើ ខណ្ឌ មានជ័យ រាជធានីភ្នំពេញ មុខរបរ មិនពិតប្រាកដ។២-ឈ្មោះ សុខ រ៉ា ហៅ ណូ ភេទប្រុស អាយុ៣៥ឆ្នាំ ជនជាតិ ខ្មែរ ស្នាក់នៅផ្ទះគ្មានលេខ ផ្លូវលំ សង្កាត់ដង្កោ ខណ្ឌដង្កោ រាជធានីភ្នំពេញ មុខរបរ មិនពិតប្រាកដ។ ហេតុការណ៍៖ កាលពីថ្ងៃទី២៦ ខែវិច្ឆិកា ឆ្នាំ២០២១ វេលាម៉ោង ០៣:៣០នាទី ទៀបភ្លឺ កម្លាំងអន្តរាគមន៍នៃអធិការដ្ឋាននគរបាលខណ្ឌមានជ័យ ធ្វើការល្បាតពួនស្ទាក់ក្នុងមូលដ្ឋានសង្កាត់ស្ទឹងមានជ័យទី១ ពេលមកដល់ចំណុចកើតហេតុ […]

(ភ្នំពេញ) ថ្ងៃទី២៤ ខែវិច្ឆិកា ឆ្នាំ២០២១ម៉ោង ១៨:៤៣:៥៥ភ្នំពេញ ៖ នៅរសៀលថ្ងៃទី២៤ ខែវិច្ឆិកា ឆ្នាំ២០២១នេះ កម្មករកម្មការិនីរោងចក្រកាត់ដេរសម្លៀកបំពាក់យីហោ ស៊ិនហាវស៊ុន ប្រហែល៥០០នាក់ បានផ្ទុះការតវ៉ាចេញមកឈរត្រៀបត្រា ពេញមុខរោងចក្រ បង្កឲ្យមានការភ្ញាក់ដល់អ្នកដំណើរនិងសមត្ថកិច្ចដែលស្ថិតនៅផ្លូវ៣៧១សឡា ក្នុងភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។បើយោងតាមសម្តីរបស់ក្រុមកម្មករ ដែលមកមកឈរតវ៉ានៅមុខរោងចក្រនេះ បានប្រាប់ឲ្យដឹងថា មូលហេតុដែលពួកគាត់ផ្ទុះការតវ៉ា ជាមួយនិងថៅកែរោងចក្រកាត់ដេរនេះ គឺដោយសារតែក្រុមហ៊ុន បានបញ្ឈប់តំណាងកម្មករម្នាក់ ហើយពួកគាត់ក៏បានទាមទារលក្ខខណ្ឌរវាងកម្មករនិងក្រុមហ៊ុនចំនួន៥ចំណុចរួមមាន ៖ ទី១: ទាមទារប្រាក់បំណាច់ឆ្នាំ ទី២: ប្រាក់អតីតភាព ទី៣: ប្រាក់សម្រាប់ស្ត្រីមានផ្ទៃពោះ ទី៤: ទាមទារច្បាប់ការងាររបស់ក្រសួងការងារឲ្យបានត្រឹមត្រូវ និងទី៥: ទាមទារឲ្យមានតំណាងកម្មករ។ចំពោះការតវ៉ាទាមទាររបស់ក្រុមកម្មករខាងលើនេះ គេពុំឃើញមានវត្តមានថៅកែក្រុមហ៊ុន ឬអ្នកតំណាងក្រុមហ៊ុនណាម្នាក់ ចេញមុខមកដោះស្រាយជាមួយកម្មករនោះទេ។ដោយកម្មករទាំងនោះ បានបញ្ជាក់យ៉ាងច្បាស់ប្រាប់អ្នកសារព័ត៌មាន ឲ្យដឹងថា បើគ្មានដំណោះស្រាយនោះទេ ពួកគាត់នៅតែបន្តធ្វើការតវ៉ា នៅមុខរោងចក្រជានិច្ច លុះត្រាណាមានដំណោះស្រាយគ្នា រវាងម្ចាស់ក្រុមហ៊ុនកាត់ដេរស៊ិនហាវស៊ុន ជាមួយនិងពួកគាត់ ទើបពួកគាត់ចូលធ្វើការវិញ៕

ភ្នំពេញ÷មានករណីអត្តឃាតមួយបង្កឲ្យមានការភ្ញាក់ផ្អើលទាំងព្រឹកដោយយុវជនម្នាក់មិនដឹងមានវិបត្តិអ្វីបានសម្រេចចិត្តចងកសម្លាប់ខ្លួនបង្កឱ្យមានការភ្ញាក់ផ្អើលទាំងព្រឹក។ហេតុការណ៍នេះបានកើតឡើងកាលពីវេលាម៉ោង ៩ និង ៤៥ នាទី ព្រឹក ថ្ងៃទី២១ ខែវិច្ឆិកាឆ្នាំ ២០២១ នៅតាមបណ្ដោយផ្លូវបេតុងមួយកណ្លែង ក្នុងសង្កាត់ចាក់អង្រែក្រោមខណ្ឌមានជ័យ រាជធានីភ្នំពេញ។តាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុបងប្អូនប្រជាពលរដ្ឋបានឃើញបុរសម្នាក់ចងកសម្លាប់ខ្លួនជាប់នឹងរបងផ្ទះរបស់ប្រជាពលរដ្ឋ ឃើញហេតុការណ៍ដូច្នេះទើបប្រជាពលរដ្ឋបានទំនាក់ទំនងទៅសមត្ថកិច្ចមូលដ្ឋានឲ្យចុះមកមើល ក្រោយពីទទួលបានព័ត៌មានភ្លាមកម្លាំងសមត្ថកិច្ចក៏បានចុះមកដល់ទីកន្លែងហើយបានយកខ្សែមកហុំព័ទ្ធកន្លែងកើតហេតុដើម្បីធ្វើការត្រួតពិនិត្យ។តាមប្រភពពីសមត្ថកិច្ចបានឲ្យដឹងថា សពជនរងគ្រោះមានឈ្មោះថល់ សារ៉ា ភេទប្រុសអាយុ 20 ឆ្នាំ ស្រុកកំណើតនៅភូមិល្វាទោង ឃុំកំពង់កុង ស្រុកកោះធំ ខេត្តកណ្ដាល។ក្រោយពីសមត្ថកិច្ចធ្វើកោសល្យវិច័យឃើញថាសាកសពខាងលើពិតជាចងកសម្លាប់ខ្លួនពិតប្រាកដមែន ក្រោយកើតហេតុសមត្ថកិច្ចក៏បានបញ្ជូនសពទៅតម្កល់ទុកនៅវត្តចាក់អង្រែក្រោមដើម្បីរង់ចាំសាច់ញាតិមកទទួលយកទៅធ្វើបុណ្យតាមប្រពៃណី៕ដោយ% ទូ រ៉ាវុធ