Month: June 2021

(ភ្នំពេញ)នៅថ្ងៃទី 30/06/2021 រសៀលតាមបណ្តោយផ្លូវសហព័ន្ធរុស្សី សង្កាត់បឹងកក់១ ខណ្ឌ ទួលគោក រាជ្យធានីភ្នំពេញ មានភ្លៀងធ្លាក់លាយឡំជាមួយខ្យល់កន្ទ្រាក់បានបោកបក់យ៉ាងគំហុកបង្ករអោយបាក់រលំដើមឈើធំមួយដើមនៅទល់មុខក្រសួងការងា ចំពីពីលើ passapp មួយគ្រឿងពាក់ស្លាកលេខ (ព្រៃវែង 1N-1761)រងការខូចខាតកំពឹតដំបូលតែមិនបណ្តាលអោយរងរបួសដល់មនុស្សទេ ហេតុការនេះបង្ករអោយមានការកកស្ទះព្រោះតែដើមឈើបាក់រលំកាត់ទទឹងផ្លូវតែម្តង។ក្រោយហេត្តការណ៍កើតឡើងក៏ឃើញមានកងកម្លាំងសម្ថកិច្ចខ័ណ្ឌទួលគោកចុះជួយអន្តរាគមន៍ដើម្បីជួយកាត់ដើមឈើដើម្បីយកកង់បីឥណ្ឌាចេញពីក្រោមដើមឈើផងដែរ៕ដោយ% ទូច រ៉ាវុធ

ភ្នំពេញ ៖ អគ្គិភ័យបានឆាប់ឆេះផ្ទះលេខ៤៤ និង៤៦ ផ្លូវលេខ២០០ ក្រុម២ ភូមិ១ សង្កាត់បឹងរាំង ខណ្ឌដូនពេញ រាជធានីភ្នំពេញ នាម៉ោង៤៖៣០នាទីព្រឹក ថ្ងៃទី២៩ ខែមិថុនា ឆ្នាំ២០២១នេះ បានធ្វើឲ្យមនុស្សប្រុស៤នាក់ស្លាប់ និងរងរបួសម្នាក់ ព្រមទាំងឆេះរថយន្ត និងម៉ូតូទាំងអស់៩គ្រឿងផងដែរ។ នេះបើតាមការចុះផ្សាយ របស់នាយកដ្ឋាននគរបាលបង្ការពន្លត់អគ្គិភ័យ និងសង្រ្គោះ។ អ្នកស្លាប់ទាំង៤នាក់នោះ មិនទាន់ស្គាល់អត្តសញ្ញាណនៅឡើយទេ ចំណែកអ្នករបួសស្រាលមានឈ្មោះ ម៉ូច សីហា ភេទប្រុស អាយុ ២៤ឆ្នាំ មុខរបរ មន្រ្តីកិច្ចសន្យាអគ្គិភ័យ។ ផ្ទះដែលឆាប់ឆេះនោះធ្វើពីថ្មបេតុង ទំហំ៩ម៉ែត្រ គុណ៣០ម៉ែត្រ ចំនួន៣ជាន់។ ខូចខាតសម្ភារដូចជា៖ ផ្ទះត្រូវខូចខាតទាំងស្រុង ឆេះរថយន្ត Ford Willdrak ពណ៌ខ្មៅ ពាក់ស្លាកលេខ ភ្នំពេញ 2BB-8233 ចំនួន១គ្រឿង ឆេះរថយន្ត Luxus 330 ពណ៌ស ពាក់ស្លាក់លេខ ភ្នំពេញ 2AL-1158 ចំនួន១គ្រឿង និងឆេះម៉ូតូសរុបចំនួន ៧គ្រឿង ដោយអគ្គិភ័យពុំបានឆេះរាលដាលដល់ផ្ទះអ្នកជិតខាងឡើយ។ […]

ភ្នំពេញ: បុរសម្នាក់សង្ស័យសង្ស័យស្រវឹងស្រាធ្លាក់ភ្នែកបើករថយន្តធុនតូចមួយគ្រឿងរេចង្កូតបុករថយន្តធុនធំដឹកសត្វគោនិងក្របីពីចំហៀងពេញកំហឹង បណ្តាលឲ្យខ្ទាតទៅប៉ះកង់មួយគ្រឿងទៀតដែរម្ចាស់ទុកនៅមុខផ្ទះរងការខូចខាតយ៉ាងដំណំសំណាងល្អមិនបង្កឲ្យមានអ្នករងរបួស។ ហេតុការណ៍នេះកើតឡើងកាលពីវេលាម៉ោង 10 និង 30 នាទីយប់ថ្ងៃទី ២៨ ខែមិថុនាឆ្នាំ ២០២១ នៅតាមបណ្តោយផ្លូវ ៥៩៨ ជិតនឹងរង្វង់មូលកាំកូសុីធីក្នុងសង្កាត់ទួលសង្កែបឹងកក់ទី១ ខ័ណ្ឌទួលគក រាជ្យធានីភ្នំពេញ។ តាមការរៀបរាប់ពីតៃកុងរថយន្តធន់ធំបានប្រាប់ឲ្យដឹងថាមុនកើតហេតុហេតុរូបគាត់បើករថយន្តម៉ាកHINOមួយគ្រឿងពណ៌ក្រហមពាក់ស្លាកលេខពោធិ៍សាត់3A-1446ដឹកសត្វគោនិងក្របីចេញពីខេត្តបាត់ដំបង ដោយយកទៅលក់នៅប្រទេសវៀតណាម ដោយធ្វើដំណើរទិសដៅពីជើងទៅត្បូង ក្នុងល្បឿនមធ្យម លុះមកដល់ចំណុចកើតហេតុខាងលើស្រាប់តែមានបុរសម្នាក់សង្ស័យស្រវឹងស្រាធ្លាក់ភ្នែកបើករថយន្តមួយគ្រឿងម៉ាកSUBARU FORESTER ពណ៌ទឹកប្រាក់ពាក់ស្លាកលេខភ្នំពេញ2AO-7756 ធ្វើដំណើរបញ្ច្រាសទិសដៅគ្នាពីត្បូងទៅជើង បានរេចង្កូតមកខាងឆ្វេងដៃជ្រុលទៅបុកពីចំហៀងរថយន្តធុនធំពេញទំហឹង បណ្ដាលឲ្យរថយន្តធន់តូចខ្ទាតមកខាងស្ដាំដៃទៅប៉ះកង់មួយគ្រឿងទៀតដែលម្ចាស់ដាក់នៅមុខផ្ទះរងការខូចខាតយ៉ាងដំណំ ចំណែករថយន្តធន់ធំរងការខូចខាតបន្តិចបន្តួច ឯរថយន្តធន់តូចខូចខាតផ្នែកខាងមុខយ៉ាងដំណំ។ ក្រោយកើតហេតុសមត្ថកិច្ចមូលដ្ឋានបានចុះមកដលនឹងមានតំណាងភាគីទាំងសងខាងចុះមកដល់កន្លែងកើតហេតុ ដោយខាងភាគីរថយន្តធន់តូចបានចេញសំណងថ្លៃខូចខាតទៅឲ្យរថយន្តធន់ធំនិងកង់មួយគ្រឿងដើម្បីបញ្ចប់រឿងនៅនឹងកន្លែងកើតហេតុ៕ដោយ% ទូច រ៉ាវុធ

បន្ទាយមានជ័យ ៖ ទីបំផុត! ជនដៃដល់ដែលធ្វើសកម្មភាពយកពូថៅកាប់សម្លាប់លោកយាយវ័យ៧៤ឆ្នាំ យ៉ាងសាហាវនោះ ក្រោយពីរត់គេចខ្លួនបាន២ថ្ងៃ ដាច់បាយក្រហាយទឹក បានដើរមកស៊ីបាយនៅនឹងផ្ទះ ក៏ត្រូវជាប់អន្ទាក់នគរបាល និងចាប់ខ្លួនភ្លាមៗ នៅវេលាម៉ោង០៥ល្ងាច ថ្ងៃទី២៧ ខែមិថុនា ឆ្នាំ២០២១ នៅនឹងផ្ទះជនដៃដល់តែម្តង ស្ថិតនៅភូមិឃូស្វាយ ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ។ លោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះ បានឲ្យដឹងថា ក្រោយពីកើតមានអំពើឃាតកម្មយ៉ាងព្រៃផ្សៃ បានកើតឡើងនៅវេលាម៉ោង១២និង០៥នាទីថ្ងៃត្រង់ ថ្ងៃទី២៦ ខែមិថុនា ឆ្នាំ២០២១ ទៅលើជនរងគ្រោះឈ្មោះ សួ សួង ភេទស្រី អាយុ៧៤ឆ្នាំ នៅភូមិឃូស្វាយ ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ រួចមក ជនសង្ស័យជាឃាត.ក បានរត់គេចខ្លួនបាត់។ ដោយអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ កម្លាំងនគរបាលស្រុកព្រះនេត្រព្រះ និងកម្លាំងនគរបាលការិយាល័យព្រហ្មទណ្ឌកម្រិតធ្ងន់ ចុះធ្វើការស៊ើបអង្កេតស្រាវជ្រាវ និងលួចពួនចាំឃ្លាំមើលនៅជិតផ្ទះជនល្មើស រហូតដល់វេលាម៉ោង០៥ល្ងាច ថ្ងៃទី២៧ ខែមិថុនា ឆ្នាំ២០២១ ជនដៃដល់ឈ្មោះ ចយ សឺន […]

ព្រៃវែង ៖ រដ្ឋបាលខេត្តព្រៃវែង បានបង្ហាញអត្តសញ្ញាណអ្នកវិជ្ជមានចជំងឺកូវីដ១៩ ចំនួន២២នាក់ បន្ថែមទៀត តាមរយៈការធ្វើតេស្តរហ័ស (Rapid Test) នៅមូលដ្ឋានក្នុងក្រុង/ស្រុកចំនួន១០ នាថ្ងៃទី២៣ ខែមិថុនា ម្សិលមិញ។ បច្ចុប្បន្ន អ្នកវិជ្ជមានជំងឺកូវីដ១៩ ទាំង ២២នាក់ខាងលើ កំពុងសម្រាកព្យាបាលនៅមន្ទីរពេទ្យបង្អែកខេត្ត និងតាមមន្ទីរពេទ្យបង្អែកស្រុករបស់ពួកគេនីមួយៗ។ ជាថ្មីម្តងទៀត ចំពោះអ្នកដែលបានប្រាស្រ័យទាក់ទងប៉ះពាល់ដោយផ្ទាល់ ឬប្រយោលជាមួយបុគ្គលវិជ្ជមានកូវីដ១៩ ខាងលើ សូមដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍មកអាជ្ញាធរដើម្បីយកសំណាក និងធ្វើចត្តាឡីស័ក៕

ភ្នំពេញ ៖ កម្លាំងកងរាជអាវុធហត្ថរាជធានីភ្នំពេញ នៅព្រឹកថ្ងៃទី២២ ខែមិថុនា ឆ្នាំ២០២១នេះ បានឃាត់ខ្លួនតារាសម្តែងម្នាក់ ឈ្មោះ អេនវីន បញ្ជូនទៅកាន់សាលាដំបូងរាជធានីភ្នំពេញ ដើម្បីសម្រេចតាមច្បាប់ ពាក់ព័ន្ធករណីវាយសង្សារជាស្ត្រីមេម៉ាយឲ្យរងរបួស។ សូមជម្រាបថា ការឃាត់ខ្លួនជនសង្ស័យឈ្មោះ អេន វីន បានធ្វើឡើងបន្ទាប់ពីមានគណនី Facebook ឈ្មោះ សុទ្ធ កញ្ចកា ជាជនរងគ្រោះ កាលពីថ្ងៃទី១៧ ខែមិថុនា ឆ្នាំ២០២១ បង្ហោះរូបភាពភ្ជាប់ជាមួយខ្លឹមសារថា៖ «ឈឺអត់ទេ អត់ឈឺទេប៉ុណ្ណឹង តែអ្វីដែលឈឺបំផុត គឺឈឺចិត្ត ឈឺបេះដូង ឈឺចាប់ស្ទើរស្លាប់ មនុស្សដែលខ្ញុំស្រឡាញ់បំផុតលើសជីវិត អ្វីក៏ហ៊ានលះបង់ដើម្បីនៅជិតគ្នា បែរជាហ៊ានលើកដៃវាយខ្ញុំដូចសត្វធាតុ។ ប៉ុន្មានថ្ងៃក្រោយកើតហេតុ ខ្ញុំពិតជាមិនចង់យករូបបែបនេះយកមកផុសទេ ព្រោះពេលចង់សរសេរហើយ សូមសរសេរទៅមុខអត់រួចទេព្រោះបេះដូងខ្ញុំឈឺខ្លាំងទឹកភ្នែកសុំហូរខ្លាំងទប់មិនជាប់ទេ។ សាកបិទភ្នែកស្រមៃមើល សាកស្រមៃមើល ពេលដែលគេបិទទ្វារ មិនឲ្យអ្នកណាចូលមកជួយហើយដកខ្សែក្រវាត់ទំហំប៉ុន៣ម្រាមដៃ វាយក្បាលខ្ញុំប្រហែល១០ដង វាយយកវាយយកមិនដកដៃ។ ពេលនោះ ខ្ញុំឈឺពេកក៏យកដៃរងហើយគេមិនឈប់ទេគេមកវាយខ្លួនខ្ញុំថែមគ្រប់កន្លែងរហូតខ្ញុំរត់ទៅ កន្លៀតពួនលើកដៃសំពះគេ បងអើយឈប់វាយទៅ អូនឈឺណាស់ អូនអត់ខុសជាមួយបងទេ ម៉េចបងមិនជឿអូន តែគេមិនឈប់ដដែលគេវាយយកវាយយកទៀតរហូតខ្ញុំគាំង សុំស្ទះ គេក៏ឈប់មួយភ្លែតហើយគេ មកបោចសក់ខ្ញុំទម្លាក់ពីលើជណ្តើរ […]

ភ្នំពេញ ៖ ជនសង្ស័យម្នាក់ ធ្វើសកម្មភាពលួចយកទូរស័ព្ទពីស្ត្រីម្នាក់ បានសម្រេច ខណៈនាងកំពុងលង់លក់ក្នុងបន្ទប់ជួលដោយមិនបានបិទទ្វារ ហើយព្យាយាមគេចខ្លួន តែត្រូវជនរងគ្រោះស្រែកឆោឡោឡើង ត្រូវប្រជាពលរដ្ឋឃាត់ប្រគល់ឲ្យសមត្ថកិច្ច កាលពីវេលាម៉ោង១១ព្រឹក ថ្ងៃទី២២ ខែមិថុនា ឆ្នាំ២០២១ នៅបន្ទប់ជួលលេខ១១ ជាន់ទី៣ ភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។ សមត្ថកិច្ចបានឲ្យដឹងថា ជនសង្ស័យឈ្មោះ អ៉ឹម ហេង ភេទប្រុស អាយុ៣០ឆ្នាំ មុខរបរ​មិនពិតប្រាកដ ស្នាក់នៅបន្ទប់ជួល ភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។ ចំណែកជនរងគ្រោះឈ្មោះ អេង ស៉ីនន់ ភេទស្រី អាយុ៣៦ឆ្នាំ ស្នាក់នៅបន្ទប់ជួលលេខ១១ ជាន់ទី៣ ក្នុងភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។ ទូរស័ព្ទដែលជនសង្ស័យលួចនោះ ម៉ាក Oppo។ តាមសម្តីជនរងគ្រោះ បានឱ្យដឹងថា មុនពេលកើតហេតុ រូបគាត់បានសម្រាកនៅក្នុងបន្ទប់ ដោយមិនបានចាក់កន្លឹះទេ ហើយទុកទូរស័ព្ទក្បែរខ្លួន ខណៈដែលលង់លក់ ស្រាប់តែលឺសម្លេងមនុស្សដើរ ពេលនោះគាត់ខំបើកភ្នែកមើល ក៏ឃើញជនសង្ស័យម្នាក់ ចូលមកធ្វើសកម្មភាពលួចយកទូរស័ព្ទគាត់ ហើយដើរចេញទៅ ភ្លាមនោះគាត់ក៏ងើបហើយស្រែឆោឡោឡើង បង្កការភ្ញាក់ផ្អើលដល់អ្នកជិតខាងឃាត់ខ្លួនតែម្តង […]

(ភ្នំពេញ) នៅថ្ងៃទី 21/06/2021វេលាម៉ោង 2 នឹង 20នាទីរសៀល មានករណីរថយន្ត Ford Ranger សេរីទំនើបមួយគ្រឿងពណ៌ស ពាក់ស្លាកលេខ2BA-3691បើកបរក្នុងល្បឿនយ៉ាងលឿនមិនប្រយ័ត្ន មកដល់ចំណុច ភូមិ ព្រៃវែង សង្កាត់ ព្រៃវែង ខ័ណ្ឌ ដង្កោ រាជធានី ភ្នំពេញ ដោយស្ថានភាពផ្លូវកោងក៏បួងចង្កូតជ្រុលទៅបុកដើមក៏ខុបបាក់មួយដើមហើយបន្តទៅបុករបងផ្ទះប្រជាពលរដ្ឋក្រឡាប់រថយន្តជាច្រើនត្រឡប់បង្ករអោយតៃកុងរថយន្ត រងរបួសស្រាល ក្រោយមកអ្នកបើកបររថយន្តក៏ចេញទៅបាត់ ហើយអោយតំណាងម្នាក់មកដោះស្រាយជំនួស ចំណែករថយន្តរងការខូចខាតស្ទើទាំងស្រុង តែសំណាងល្អមិនបង្ករគ្រោះថ្នាក់ដល់អ្នកដ៏ទៃឡើយ ដោយសារតែមិនមានបង្ករគ្រោះថ្នាក់ដល់អ្នកដ៏ទៃទើបតំណាងម្ចាស់រថយន្តបង្ករសម្របសម្រួលសងថ្លៃខូចខាតរបងផ្ទះប្រជាពលរដ្ឋដើម្បីបញ្ចប់រឿងតែម្តងទៅ៕ដោយ% ទូច រ៉ាវុធ