ព័ត៌មានជាតិ

សម្តេច​តេ​ជោ នឹង​អញ្ជើញ​ចូលរួម​ប្រជុំ​ពិសេស ថ្នាក់​ប្រមុខ​រាជ​/​រដ្ឋាភិបាល​លើក​ទី​៣១ របស់​មហាសន្និបាត​អង្គការសហប្រជាជាតិ ស្តីពី​ការប្រយុទ្ធ​ប្រឆាំងនឹង​ជំងឺ​កូ​វីដ​-១៩​ដែល​នឹង​ប្រព្រឹត្តទៅ​នៅ​ថ្ងៃទី​៣-៤ ខែធ្នូ​

​ភ្នំពេញ​៖​ក្រសួងការបរទេស​ប​រទេស​និង​សហប្រតិបត្តិការ​អន្តរជាតិ​បាន​ឲ្យ​ដឹង​នៅ​ថ្ងៃទី​៣០​ខែវិច្ឆិកា​២០២០​ថាស​ម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា នឹង​អញ្ជើញ​ចូលរួម​ក្នុងសម័យ​ប្រជុំ​ពិសេស​ថ្នាក់​ប្រមុខ​រាជ​/​រដ្ឋាភិបាល​លើក​ទី​៣១ របស់​មហាសន្និបាត​អង្គការ សហប្រជាជាតិ​ស្តីពី​ការប្រយុទ្ធ​ប្រឆាំងនឹង​ជំងឺ​កូ​វីដ​-១៩ ដែល​នឹង​ប្រព្រឹត្តទៅ​នៅ​ថ្ងៃទី​៣-៤ ខែធ្នូ ឆ្នាំ​២០២០ តាមរយៈ​ប្រព័ន្ធ​វីដេអូ​ថត​ទុកជាមុន​។​​ដោយសារ​ជំងឺ​រាតត្បាត​សកល​បានសម្លាប់​ជីវិត​មនុស្ស​អស់​ជាច្រើន​នាក់ រាំងខ្ទប់​ដង្ហើម​សេដ្ឋកិច្ច ពិភពលោក បង្អាក់​ការធ្វើ​ពាណិជ្ជកម្ម​រវាង​ប្រទេស​និង​ប្រទេស ធ្វើឱ្យ​ខូចខាត​ដល់​វិស័យ​ទេសចរណ៍​អន្តរជាតិ និង​បង្ក​ផលប៉ះពាល់​ដល់​វិស័យ​សុខាភិបាល​ពិភពលោក សម័យប្រជុំ​ពិសេស​ថ្នាក់​ប្រមុខ​រាជ​/​រដ្ឋាភិបាល​លើក​ទី​៣១ របស់​មហាសន្និបាត​អង្គការសហប្រជាជាតិ​នេះ មាន​គោលបំណង​ជំរុញ​ការអនុវត្ត​វិធានការ​ឆ្លើយតប​ជារួម​ក្នុង​សហគមន៍​អន្តរជាតិ ដើម្បី​ប្រយុទ្ធ​ប្រឆាំងនឹង​ជំងឺ​រាតត្បាត​សកល​កូ​វីដ​-១៩ និង​កាត់បន្ថយ​ផលប៉ះពាល់​នៃ​ជំងឺ​នេះ​។​​យោងតាម​ក្រសួងការបរទេស​បាន​បញ្ជាក់ថា​នៅក្នុង​សុន្ទរកថា​គន្លឹះ សម្តេច​តេ​ជោ​នាយករដ្ឋមន្ត្រី នឹង​សង្កត់ធ្ងន់​លើ​ភាពចាំបាច់​ក្នុងការ​ប្តេជ្ញា ចិត្ត​កាន់តែ​ខ្លាំងក្លា​ជាង​មុន ដើម្បី​ទទួលបាន​សាមគ្គីភាព និង​ឯកភាព​តំបន់ និង​ពិភពលោក ខណៈដែល​ពហុភាគី​និយម​ដ៏​មាន​ប្រសិទ្ធភាព​ក្នុង​ក្របខណ្ឌ​អង្គការសហប្រជាជាតិ និង​អង្គការ​សុខភាព​ពិភពលោក ជា​ប្រការ​មិនអាច​ខ្វះ​បាន ដើម្បី​ឆ្លើយតប​នឹង​ជំងឺ​រាតត្បាត​សកល​មួយ​នេះ​៕​

ព័ត៌មានជាតិ

ផ្អាក​ជា​បណ្តោះអាសន្ន​នូវ​ការបំពេញ​ការងារ​នៅ​អគ្គនាយកដ្ឋាន​ពន្ធនាគា​រ ក្រសួងមហាផ្ទៃ រហូតដល់ មានការ​ជូនដំណឹង​ជាថ្មី​

​ភ្នំពេញ​៖ សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ​បានចេញ​បទបញ្ជា​ដល់​ថ្នាក់ដឹកនាំ មន្ត្រីរាជការ​ស៊ីវិល មន្ត្រី​នគរបាលជាតិ និង​មន្ត្រី​ពន្ធនាគារ​ចំណុះ​ក្រសួងមហាផ្ទៃ ដើម្បី​ប្រយុទ្ធ​ប្រឆាំងនឹង​ការរីក​រាលដាល​ជំងឺ​កូ​វីដ​១៩ ក្នុង​ព្រឹត្តិការណ៍ សហគមន៍ ២៨​វិច្ឆិកា​។​ ​ក្រសួងមហាផ្ទៃ នៅ​ថ្ងៃទី​៣០ ខែវិច្ឆិកា ឆ្នាំ​២០២០​នេះ បានសម្រេច​ផ្អាក​ជា​បណ្តោះអាសន្ន​នូវ​ការបំពេញ​ការងារ នៅក្នុង​អគ្គនាយកដ្ឋាន​ពន្ធនាគា​រ រហូត​មានការ​ជូនដំណឹង​ជាថ្មី​។ នេះ​បើតាម​បទបញ្ជា​របស់​ក្រសួងមហាផ្ទៃ ។​ ​បទបញ្ជា​នេះ​បានបញ្ជាក់​យ៉ាង​ដូច្នេះ​ថា​៖ «​ផ្អាក​ជា​បណ្តោះអាសន្ន នូវ​ការបំពេញ​ការងារ​នៅ​អគ្គនាយកដ្ឋាន​ពន្ធនាគា​រ ក្រសួងមហាផ្ទៃ រហូតដល់​មានការ​ជូនដំណឹង​ជាថ្មី​។ ថ្នាក់ដឹកនាំ និង​មន្ត្រីរាជការ​ពន្ធនាគារ នៃ​អគ្គនាយកដ្ឋាន​ពន្ធនាគា​រ ក្រសួងមហាផ្ទៃ ត្រូវ​បន្ត​បំពេញការងារ ពី​ចម្ងាយ​តាមរយៈ​អន​ឡាញ​»​។​ ​ចំណែក​ថ្នាក់ដឹកនាំ មន្ត្រី និង​អនុរក្ស​ពន្ធនាគារ នៅតាម​ពន្ធនាគារ និង​មណ្ឌល​អប់រំ​កែប្រែ​ទូទាំងប្រទេស លើកលែងតែ​អ្នក​ដែល​កំពុង​ធ្វើ​ច​ត្តា​ឡី​ស័ក ត្រូវ​បន្ត​បំពេញការងារ​ជាធម្មតា ដោយ​ត្រូវ​លើកកម្ពស់​ការពង្រឹង ថែរក្សា​ការពារ​សន្តិសុខ សណ្តាប់ធ្នាប់​របៀបរៀបរយ និង​សុវត្ថិភាព​ឲ្យ​ហ្មត់ចត់ ជាមួយនឹង​ការបន្ត​ការអនុវត្ត​វិធានការ​នានា របស់​ក្រសួងសុខាភិបាល ក្នុងការ​បង្ការ ទប់ស្កាត់​ការចម្លង ជំងឺ​កូ​វីដ​១៩​។​ ​ជាមួយគ្នានេះ ថ្នាក់ដឹកនាំ និង​មន្ត្រី នៃ​អគ្គនាយកដ្ឋាន និង​អង្គភាព​នានា ចំណុះ​ទីស្តីការ​ក្រសួងមហាផ្ទៃ […]

ព័ត៌មានជាតិ

រន្ធត់​ណាស់ បុរស​ម្នាក់​ត្រូវ​កុងតឺន័រ កិន​បែកក្បាល​ស្លាប់​នៅ​កន្លែងកើតហេតុ​

​ភ្នំពេញ ៖ បុរស​ម្នាក់​បាន​បាត់​បង់ជីវិត បន្ទាប់ពី​ជិះ​ម៉ូតូ​ទាក់​ដៃចង្កូត​ចូល​ក្រោម​រថយន្ត​កុងតឺន័រ កិន​បែកក្បាល​ស្លាប់​នៅ​កន្លែងកើតហេតុ​ភ្លាម រួច​ព្យាយាម​បើក​រត់គេច តែ​ត្រូវបាន​កម្លាំង​សមត្ថកិច្ច​ឃាត់​បាន​ភ្លាមៗ​ទាំង​តៃកុង​និង​រថយន្ត​។​ ​ហេតុការណ៍​នេះដែរ​កើតឡើង​នៅវេលា​ម៉ោង ១០ និង ០០ នាទី​យប់​ថ្ងៃ​សៅរ៍​ទី ២៨ ខែវិច្ឆិកា​ឆ្នាំ ២០២០ ស្ថិតនៅតាម​បណ្ដោយ​ផ្លូវ ២៧១ ក្នុង​សង្កាត់​ចាក់អង្រែលើ ខណ្ឌមានជ័យ រាជធានី​ភ្នំពេញ​។​ ​ប្រភពព័ត៌មាន​ពី​កន្លែងកើតហេតុ បាន​ឲ្យ​ដឹងថា មុនពេល​កើតហេតុ គេ​ឃើញ​បុរស​ម្នាក់ បើករថយន្ត​កុងតឺន័រ​មួយគ្រឿង​ដែល​ពាក់​ផ្លាកលេខ 3C 6621 ធ្វើដំណើរ​ក្នុងទិសដៅ​ពី​លិច​មក​កើត​ក្នុង​ល្បឿន​លឿន ពេលមកដល់​កន្លែងកើតហេតុ គេ​បានឃើញ​យុវជន​ម្នាក់​ជិះ​ម៉ូតូ​ម៉ាក​ស្គុ​ប​ពីមួយ​គ្រឿង ដែល​ពាក់​ផ្លាកលេខ 1CT 7312 ធ្វើដំណើរ​ពីក្រោយ​រថយន្ត​កុងតឺន័រ ក្នុងទិសដៅ​ពី​លិច​មក​កើត​ដូចគ្នា ស្រាប់តែ​មក​ទាក់​ដៃចង្កូត​រួច​ខ្ទាតចូល​ក្រោម​រថយន្ត​កិន​បែកក្បាល​ស្លាប់​ភ្លាមៗ ។​ ​សព​ជនរងគ្រោះ​មានឈ្មោះ ម៉ន ភា​រ៉ា មានស្រុក​កំ​ណី​ត​នៅ​ឃុំ​ត្រឡាច ស្រុក​ទ្រាំង ខេត្តតាកែវ​។​ ​ក្រោយពេល​កើតហេតុ សមត្ថកិច្ច​មូលដ្ឋាន​ស​ហ​ការ ជាមួយនឹង​ជំនាញ​ទំនាក់ទំនង ទៅខាង​ចរាចរណ៍​ក្រុង ឲ្យ​ចុះមក​វាស់វែង យក​រថយន្ត​និង​ម៉ូតូ ទៅ​រក្សាទុក​នៅ​ចរាចរណ៍​ផ្លូវគោក រង់ចាំ​ដោះស្រាយ​នៅពេល​ក្រោយ​៕​

ព័ត៌មានជាតិ

គួ​ឲ្យ​អាសូរ​ណាស់​បុរស​ម្នាក់ កំពុងតែ​ជិះ​ម៉ូតូ​តាម​បណ្ដោយ​ផ្លូវ​២៧១ ត្រូវ​រថយន្តបុក ហើយ​កិន​ស្លាប់​ភ្លាម នៅនឹងកន្លែង​

​ភ្នំពេញ​៖ បុរស​ម្នាក់​ត្រូវបាន​រថយន្តបុក​ហើយ​កិន​ស្លាប់បាត់​បង់ជីវិត​ភ្លាមៗ ក្រោយពេល​កំពុង​ជិះ​ម៉ូតូ​ធ្វើដំណើរ​ពី​លិចទៅ​កើត តាម​បណ្ដោយ​ផ្លូវ ២៧១ ។ ហេតុការណ៍​នេះ​បាន​កើតឡើង​កាលពី​វេលា​ម៉ោង​២​និង​២​នាទី​រសៀល ថ្ងៃទី ២៧ ខែវិច្ឆិកា​ឆ្នាំ ២០២០ នៅត្រង់ចំណុច​ស្ថានីយ​បូមទឹក​បឹងត្របែក ស្ថិតក្នុង​សង្កាត់​ចាក់អង្រែលើ ខណ្ឌមានជ័យ រាជធានី​ភ្នំពេញ ។​ ​តាម​ប្រភពព័ត៌មាន​ដែល​ក្រុមការងារ​យើង​ទទួលបាន​ពី​កន្លែងកើតហេតុ បាន​ឲ្យ​ដឹងថា បុរស​ដែល​បាន​ស្លាប់បាត់​បង់ជីវិត​នោះ គឺមាន​ឈ្មោះ ប៊ុត សុភ័ក្ដ្រ អាយុ ៣០ ឆ្នាំមាន​មុខរបរ​ជាជាង​កាត់សក់ សព្វថ្ងៃ​ស្នាក់នៅ​ក្នុង​សង្កាត់​ក្បាលកោះ ខណ្ឌ​ច្បារអំពៅ ជិះ​ម៉ូតូ​មួយគ្រឿង​ម៉ាក QBTX ពណ៌​ខ្មៅ ពាក់​ផ្លាកលេខ​ភ្នំពេញ​1GU 65-99 បើកបរ​ក្នុងទិសដៅ​ពី​លិចទៅ​កើត​តាម​បណ្ដោយ​ផ្លូវ ២៧១ រីឯ​រថយន្ត​បង្ក​វិញ​ម៉ាក​ហ៊ីយ៉ាន់ដាយ​ចង្កូត​ស្ដាំ ពណ៌​ស​ពាក់​ផ្លាកលេខ​Tk-19-85 អ្នកបើកបរ​មានឈ្មោះ ហឿន​រ៉ាត់ ភេទ​ប្រុស អាយុ​២៨​ឆ្នាំ រស់នៅ​ស្រុក​បរសេដ្ឋ ខេត្តកំពង់ស្ពឺ ។​ ​តាម​ប្រភពពី​ប្រជាពលរដ្ឋ​បាន​ឲ្យ​ដឹងថា នៅ​មុនពេល​កើតហេតុ គេ​បានឃើញ​ជនរងគ្រោះ​ជិះ​ម៉ូតូ​ម្នាក់ឯង តាម​បណ្ដោយ​ផ្លូវ​២៧១ ស្រប​ទិសដៅ​គ្នា​ជាមួយនឹង​រថយន្ត​បង្ក ខណៈពេល​មកដល់​និង​ត្រង់​ស្ថានីយ​បូមទឹក​បឹងត្របែក ក៏​ស្រាប់​តែមាន​ម៉ូតូ​មួយគ្រឿង​ទៀត​មិន​ចាំ​ម៉ា​កបាន​ទាក់​ដៃចង្កូត​គ្នា បណ្ដាលឱ្យ​ម៉ូតូ​របស់​ជនរងគ្រោះ​ដួល​ក៏​ស្រាប់​តែមាន​រថយន្ត​ដឹក​ខ្សាច់ មកពី​ក្រោយ​កិន​បែកក្បាល​ស្លាប់​ភ្លាម​នៅនឹងកន្លែង​កើតហេតុ​តែ​ម្ដង​។​ ​រួច​ក៏​ព្យាយាម​បើក​រត់​រហូត​ទៅដល់​ផ្លូវ ៦០ ម៉ែត្រ […]

ព័ត៌មានជាតិ

មានករណីមនុស្ស២នាក់បានស្លាប់ និង១៣នាក់ទៀតកំពុងសង្គ្រោះបន្ទាន់នៅមន្ទីរពេទ្យបង្អែកខេត្តកំពង់ឆ្នាំងដោយសារផឹកទឹកអណ្តូងដៃ នៅជិតចំការឪឡឹក

27/11/2020 (កំពង់ឆ្នាំង) ក្នុងចំណោមមនុស្ស១៥នាក់ ក្រោយផឹកទឹកអណ្តូងដៃយ៉ាងហោចណាស់មានមនុស្សរងគ្រោះរហូតដល់ស្លាប់ចំនួន២នាក់ និងកំពុងសង្គ្រោះបន្ទាន់នៅមន្ទីរពេទ្យបង្អែកខេត្តកំពង់ឆ្នាំងចំនួន១៣នាក់ ក្រោយពីពួកគាត់បានផឹកទឹកអណ្តូងដៃ ក្នុងពេលកំពុងច្រូតកាត់ ។ ករណីនេះបានកើតហេតុនៅថ្ងៃទី២៥ ខែវិច្ឆិកា ឆ្នាំ២០២០ នៅក្នុងភូមិជីប្រ៉ង ឃុំជៀប ស្រុកទឹកផុស ខេត្តកំពង់ឆ្នាំងដែលរហូតមកដល់ថ្ងៃទីនេះមានជនរងគ្រោះស្លាប់ចំនួន២នាក់ហើយ។ តាមការបញ្ជាក់ពីអ្នកភូមិបានអោយដឹងថា កាលពីថ្ងៃកើតហេតុ ប្រជាកសិករក្នុងភូមិចំនួន១៥នាក់ បាននាំគ្នាទៅច្រូតស្រូវនៅចំណុចអូរូង ស្ថិតក្នុងភូមិជីប្រ៉ង ឃុំជៀប ស្រុកទឹកផុស ពួកគាត់បានយកទឹកពីផ្ទះទៅផឹកចំនួន៣០លីត្រដែរ តែដោយការច្រូតស្រូវពេញមួយថ្ងៃ និងខ្វះទឹកផងនោះ ពួក គាត់បានទៅដងទឹកអណ្តូងដៃមួយនៅជិតចំការឪឡឹកយកមកផឹក។ ក្រោយពីផឹករួចប្រមាណជាង១ម៉ោងក៏មានការពុល និងបានស្លាប់បន្តគ្នាចំនួន២នាក់ និង១៣នាក់ទៀតកំពុងសង្គ្រោះនៅមន្ទីរពេទ្យខេត្តនៅឡើយ។ តាមការសន្និដ្ឋានជំហានដំបូងបានអោយដឹងថា អាចមកពី អ្នកចំការប្រើប្រាស់ថ្នាំពុលរួចយកទៅលាងនៅក្បែរអណ្តូងនោះ នាំអោយមានគ្រោះថ្នាក់បែបនេះតែម្តងទៅ ។ នៅព្រឹកនេះផងដែរ អភិបាលខេត្តកំពង់ឆ្នាំងកំពុងនាំយកអំណោយមនុស្សធម៌កាកបាទក្រហមទៅចែកជូនគ្រួសារ សពផងដែរ និងបន្តទៅជួបជនរងគ្រោះក្នុងមន្ទីរពេទ្យនៅរសៀលនេះ៕ដោយ% ទូច រ៉ាវុធ

ព័ត៌មានជាតិ

សម្តេច​ក្រឡាហោម ៖ ព្រៃឈើ ដីធ្លី ធនធានធម្មជាតិ និង​តំបន់​ការពារ​នានា​មួយចំនួន នៅតែ​បន្ត​ទទួលរង​ការកាប់បំផ្លាញ​និង​ការទន្ទ្រាន​កាន់កាប់​ពីមួយ​ឆ្នាំទៅ​មួយឆ្នាំ គួរឱ្យ​ព្រួយបារម្ភ​

​មណ្ឌលគិរី ៖ សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ បាន​ថ្លែង​ការព្រួយបារម្ភ​ពី​ការបាត់បង់​ធនធានធម្មជាតិ ហើយ ព្រៃឈើ​នៅ​តំបន់​ការពារ​មួយចំនួន​នៅតែ​បន្ត​ទទួលរង​ការកាប់បំផ្លាញ​និង​ការទន្ទ្រាន​ដី​យក​ធ្វើ​កម្មសិទ្ធិ​។​ ​នៅ​ព្រឹក​ថ្ងៃ​សុក្រ​ទី​២៧ ខែវិច្ឆិកា ឆ្នាំ​២០២០​នេះ សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ បាន​អញ្ជើញ​ជា​អធិបតី​ក្នុង​កិច្ចប្រជុំ​ស្ដីពី​ការពង្រឹង​ការអនុវត្ត​តួនាទី និង​ភារកិច្ច​របស់​រដ្ឋបាល​ខេត្តមណ្ឌលគិរី ប្រារព្ធ​នៅ​សាលាខេត្ត​មណ្ឌលគិរី​។ ​សម្តេច​ឧបនាយករដ្ឋមន្ត្រី បាន​សរសេរ​នៅលើ​ទំព័រ​ហ្វេ​ស​ប៊ុ​ក​នៅថ្ងៃនេះ​ថា ព្រៃឈើ ដីធ្លី ធនធានធម្មជាតិ និង​តំបន់​ការពារ​នានា​មួយចំនួន នៅតែ​បន្ត​ទទួលរង​ការកាប់បំផ្លាញ​និង​ការទន្ទ្រាន​កាន់កាប់​ពីមួយ​ឆ្នាំទៅ​មួយឆ្នាំ គួរឱ្យ​ព្រួយបារម្ភ​។ ជាក់ស្ដែង​នៅ​ខេត្តមណ្ឌលគិរី ដែលមាន​ធនធានធម្មជាតិ​ស្ដុកស្ដម្ភ​និង​ទេសភាព​ដ៏​ស្រស់ត្រកាល ក៏ត្រូវ​បាន​ក្រសួងបរិស្ថាន​រកឃើញ​ថា បាន​ទទួលរង​ការបំផ្លិចបំផ្លាញ​ក្រោមរូបភាព​នានា​ផងដែរ​។ ​សម្តេច ស ខេង បានបញ្ជាក់​តាមរយៈ​សំណេរ​លើ​ហ្វេ​ស​ប៊ុ​កថា​៖ «​ដើម្បី​ដោះស្រាយ​បញ្ហា​នេះ សម្ដេច​តេ​ជោ​នាយករដ្ឋមន្ត្រី ក៏បាន​សម្រេច​ប្រគល់ជូន​ក្រសួងមហាផ្ទៃ សម្របសម្រួល​ជាមួយ​ក្រសួង​ពាក់ព័ន្ធ ដើម្បី​ពិនិត្យ​ស្រាវជ្រាវ​ករណីនេះ រហូត​ឈានទៅ​ចាត់វិធានការ​លើ​មន្ត្រី​មួយចំនួន ស្របតាម​ច្បាប់ ខណៈ​ករណី​ពាក់ព័ន្ធ​មួយចំនួនទៀត​ក៏​កំពុង​ស្ថិតក្នុង​សមត្ថកិច្ច​តុលាការ​»​។ ​ឯកឧត្តម ស្វាយ សំ​អ៊ាង អភិបាល​នៃ​គណៈ​អភិបាលខេត្ត​មណ្ឌលគិរី បានធ្វើ​របាយការណ៍​ជូន​សម្ដេច​ក្រឡាហោម គណៈអធិបតី ព្រមទាំង​អង្គពិធី​អំពី​ស្ថានភាព​ភូមិសាស្ត្រ ប្រជាសាស្ត្រ សភាពការណ៍​សន្តិសុខ​សណ្ដាប់ធ្នាប់ សភាពការណ៍​សន្តិសុខ​តាម​បណ្ដោយ​ព្រំដែន ការងារ​គ្រប់គ្រង​ដីធ្លី […]

ព័ត៌មានជាតិ

អង្គភាព​ប្រឆាំង​អំពើពុករលួយ​អាស៊ាន នឹង​បើក​កិច្ចប្រជុំ​ថ្នាក់ដឹកនាំ​លើក​ទី​១៦ តាមរយៈ​ស​ន្និសិទ​វីដេអូ ដើម្បី ចែករំលែក​បទពិសោធ​ន៍​ថ្មីៗ ក្នុងការ​ពង្រឹងសមត្ថភាព​លើ​ការងារ​ប្រឆាំង​អំពើពុករលួយ

​ភ្នំពេញ​៖ ឯកឧត្តម បណ្ឌិត ទេសរដ្ឋមន្ត្រី ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ (​អ​.​ប​.​ព​.) នឹងចូលរួម​ក្នុង​កិច្ចប្រជុំ​ថ្នាក់ដឹកនាំ​លើក​ទី​១៦ នៃ​អង្គភាព​ប្រឆាំង​អំពើពុករលួយ​អាស៊ាន ឬ​ហៅ​កាត់​ថា​អាស៊ាន​ផេ​ក ASEAN-PAC (ASEAN Parties Against Corruption) ដែល​លើក​នេះ ភាគី​វៀតណាម​ជា​ម្ចាស់ផ្ទះ​និង​ដឹកនាំ​កិច្ចប្រជុំ​តាមរយៈ​សន្និសីទ​វីដេអូ នឹង​ប្រព្រឹត្តទៅ​នៅ​ថ្ងៃទី​៩ ខែធ្នូ ឆ្នាំ ២០២០ ។​ ​កិច្ចប្រជុំ​ថ្នាក់ដឹកនាំ​អាស៊ាន​ផេ​ក​ជា​វេទិកា​សម្រាប់​សមាជិក​ប្រទេស​នីមួយៗ ក្នុង​អាស៊ាន បន្ត​ពិភាក្សា និង​ចែករំលែក​បទពិសោធន៍​ថ្មីៗ ក្នុងការ​ពង្រឹងសមត្ថភាព​លើ​ការងារ​ប្រឆាំង​អំពើពុករលួយ​នៃ​ទីភ្នាក់ងារ ឬ​អង្គភាព​ប្រឆាំង​អំពើពុករលួយ របស់​បណ្តា​ប្រទេស​អាស៊ាន​ដើម្បី​ជួយ​ពង្រឹង​ការងារ​ទីភ្នាក់ងារ ឬ​អង្គភាព​ជាតិ​របស់ខ្លួន ក៏ដូចជា​កិច្ចសហប្រតិបត្តិការ តំបន់​ក្នុងចំណោម​បណ្តា​ប្រទេស​សមាជិក​ទាំងអស់ ប្រកបដោយ​ប្រសិទ្ធភាព ។​ ​មូលបទ​នៃ​កិច្ចប្រជុំ​ថ្នាក់ដឹកនាំ​អាស៊ាន​ផេ​ក​លើក​ទី ១៦ នេះ​ផ្តោតទៅលើ “​អភិបាលកិច្ច​កាន់តែ​ល្អប្រសើរ អំពើពុករលួយ​កាន់តែ​ថយចុះ​” ។ ​ភាគី អ .​ប​.​ព . កម្ពុជា អម ឯកឧត្តម បណ្ឌិត ទេសរដ្ឋមន្ត្រី ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ ចូលរួម​ក្នុង​កិច្ចប្រជុំ​មាន​សមាជិក ៧ រូប […]

ព័ត៌មានជាតិ

អ្នកភូមិ​បាន​ប្រទះឃើញ​ហ្វូង​ដំរីព្រៃ នៅក្នុង​ដែនជម្រកសត្វព្រៃ​កែវ​សីមា​

​មណ្ឌលគិរី ៖ បើ​យោងតាម​ការ​ឱ្យដឹងពី​អង្គការ​អភិរក្ស​សត្វព្រៃ WCS នៅ​ព្រឹក​ថ្ងៃទី​២៤ ខែវិច្ឆិកា ឆ្នាំ​២០២០ បាន​ឲ្យ​ដឹងថា អ្នកភូមិ​ពូ​ចារ​នៅ​ខេត្តមណ្ឌលគិរី បាន​ប្រទះឃើញ​ដំរីព្រៃ​មួយ​ហ្វូង ខណៈពេលដែល​ពួកគាត់​កំពុង ប្រមូល​អនុផល​ព្រៃឈើ​នៅក្នុង​ភាគខាងត្បូង​នៃ​ដែនជម្រកសត្វព្រៃ​កែវ​សីមា កាលពី​ចុងខែ​តុលា កន្លងទៅ​។ ​នៅពេល​បានឃើញ​ហ្វូង​ដំរី​ទាំងនោះ​ភ្លាម ពួកគាត់​បាន​ប្រញាប់ប្រញាល់​រត់ឡើង​លើ ដើមឈើ​ដើម្បី​សុវត្ថិភាព​ផ្ទាល់ខ្លួន​។ ក្នុងខណៈ​នោះដែរ លោក ពឿ​ន កឿ​ន ជា​អ្នកភូមិ​ម្នាក់​ក្នុង ក្រុម​នោះដែរ បាន​យក​ទូរស័ព្ទ​ឆ្លាត​វៃ​របស់គាត់​ថត​សកម្មភាព​សត្វ​ដំរី​ទាំងនេះ កំពុងស៊ី​ឫស្សី និង​ដើរ​ឆ្លងកាត់​ក្រោម​ដើមឈើ​ដែល​ពួកគាត់​កំពុង​លាក់ខ្លួន​។​ ​ក្នុង​ហ្វូង​នោះ​មាន​ដំរី​តូចធំ​យ៉ាងតិច ១៤​ក្បាល និង​ទំនង​ជាមាន​សុខភាព​ល្អ​។ តាម​ធម្មតា ហ្វូង​ដំរី​នីមួយៗ​ដឹកនាំ​ដោយ​ដំរី​ញី​ដែល​ចាស់​ជាងគេ ហើយ​ក្នុង​ហ្វូង​នោះ​មាន​ញាតិសណ្តាន ព្រមទាំង​កូនចៅ​របស់​មេហ្វូង​។ ទោះបីជា​គេ​កម្រ​ឃើញ​សត្វ​ដំរី​ទាំងនេះ​ក្តី មានការ​ប៉ាន់ ប្រមាណ​ថា មាន​ដំរី​ប្រហែល ១០០​ក្បាល​កំពុង​រស់នៅក្នុង​ដែនជម្រកសត្វព្រៃ​កែវ​សីមា ហើយ ការ​បានឃើញ​ហ្វូង​ដំរី​ដ៏​ធំ មាន​សុខ​ភាពល្អ មានកូន​មាន​ចៅ​ច្រើន​ដូចនេះ គឺជា​ករណី​កម្រ ណាស់​។​ ​ដំរី​នៅ​ទូទាំងប្រទេស​កម្ពុជា​កំពុង​ទទួលរង​ការគំរាមកំហែង​ដោយសារ​ការបាត់បង់​ទីជម្រក​របស់ ពួកវា ដែល​បណ្តាលមកពី​មានការ​កាប់​រាន​ព្រៃ​ខុសច្បាប់​យក​ដី​ធ្វើ​កសិកម្ម​នៅក្នុង​តំបន់​ការពារ ធម្មជាតិ​។ ក៏ប៉ុន្តែ ប្រជា​សហគមន៍​ដែល​បាន​ដាំ​ដុះ​ដំណាំ​លើ​អតីត​តំបន់​ដែលជា​ទីជម្រក​របស់ ដំរី​ទាំងនេះ មិន​សប្បាយចិត្ត​និង​រអ៊ូរទាំ​ថា សត្វ​ដំរី​ទាំងនេះ​តែងតែ​មក​ស៊ី​បំផ្លាញ​ដំណាំ​របស់​ពួកគាត់​ជារឿយៗ​៕​

ព័ត៌មានជាតិ

បុរស​ម្នាក់​បាន​ស្លាប់ ដោយ​ត្រូវ​គ្រាប់កាំភ្លើង​ខ្លី​មួយ​គ្រាប់​ចំ​សៀ​តផ្កា

​ភ្នំពេញ ៖ ប្រជាពលរដ្ឋ​មានការ​ភ្ញាក់ផ្អើល នៅ​ព្រឹក​ថ្ងៃទី​២២ ខែវិច្ឆិកា ឆ្នាំ​២០២០ នៅ​ចំណុច​ផ្ទះ​គ្មាន​លេខ ផ្លូវ​600R ភូមិ​បា​យ៉ាប សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ ដោយ​បុរស​ម្នា​ក់បាន​ស្លាប់​ត្រូវ​គ្រាប់កាំភ្លើង​ខ្លី​មួយ​គ្រាប់​ចំ​សៀក​ផ្កា ។​ ​តាម​សម្ដី​បងជីដូនមួយ​ជនរងគ្រោះ បាន​បាន​បញ្ជាក់ថា គាត់​បានឃើញ​ជនរងគ្រោះ​ដេកស្លាប់​នៅក្នុង​ផ្ទះ​ជាន់​ផ្ទាល់​ដី ដោយ​ត្រូវ​គ្រាប់កាំភ្លើង​ចំ​សៀត​ផ្កា​ខាងស្តាំ ។​ ​ជនរងគ្រោះ​ឈ្មោះ នី អៀង អាយុ​២៨​ឆ្នាំ ជនជាតិខ្មែរ ស្នាក់នៅ​កន្លែងកើតហេតុ​ខាងលើ ដោយ​គ្មាន​សម្ភារ​បាត់បង់​ទេ ។ នៅ​កន្លែងកើតហេតុ បន្សល់ទុក​នូវ​អាវុធខ្លី ពណ៌​ខ្មៅ មួយ​ដើម ម៉ាក Zoroki និង សម្រក​ក​ន្ទុះ​គ្រាប់​ចំនួន​មួយ ។​ ​ពេលនេះ កម្លាំង​ជំនាញ​នៃ​ការិយាល័យ​ព្រហ្មទណ្ឌ​កម្រិតធ្ងន់ នៃ​អធិកា​ដ្ឋា​នន​គ​បាល​ខណ្ឌ​សែន​សុខ និង​ការិយាល័យ​នគរបាល​បច្ចេកទេស និង​វិទ្យាសាស្ត្រ​កំពុង​អនុវត្ត​ជំនាញ ដោយ​ពុំទាន់​សន្និដ្ឋាន ថា ជា​ករណី​ឃាតកម្ម ឬ អត្តឃាត​នោះទេ​។​ ​តាម​ប្រភពព័ត៌មាន បាន​ប្រាប់​ឱ្យដឹងថា ជនរងគ្រោះ​ទើបតែ​មកពី​ប្រទេស​កូរ៉េ បាន​ចំនួន​ប្រហែល​២​ខែ ហើយក៏​មក​រស់នៅ​ផ្ទះមួយ​កន្លែង ដែលជា​កន្លែងកើតហេតុ តែ​នៅ​ព្រឹក​ថ្ងៃទី​២២ ខែវិច្ឆិកា ឆ្នាំ​២០២០ […]

ព័ត៌មានជាតិ

អ្នកនាំពាក្យ​ក្រសួងយុត្តិធម៌​៖ បទ​ញុះញង់​ក្នុង​ក្រមព្រហ្មទណ្ឌ មិនមែនជា​ការរំលោភ​សេរីភាព នៃ​ការបញ្ចេញមតិ​នោះទេ​ហើយ​ការលុបចោល​បទល្មើស​ញុះញង់​នេះ នឹង​នាំមក​នូវ​ភាពអនាធិបតេយ្យ​

​ភ្នំពេញ​៖ លោក ជិន ម៉ា​លីន រដ្ឋលេខាធិការ និង​ជា​អ្នកនាំពាក្យ​ក្រសួងយុត្តិធម៌​បាន​ថ្លែងថា បទ​ញុះញង់​ក្នុង​ក្រមព្រហ្មទណ្ឌ មិនមែនជា​ការរំលោភ​សេរីភាព នៃ​ការបញ្ចេញមតិ​នោះទេ ហើយ​ការលុបចោល​បទល្មើស​ញុះញង់​នេះ នឹង​នាំមក​នូវ​ភាពអនាធិបតេយ្យ និង​លើកទឹកចិត្ត​ឱ្យមាន​ការបញ្ចេញមតិ​ដោយ​បំពាន​និង​គ្មាន​ការទទួលខុសត្រូវ ប៉ះពាល់​ដល់​សន្តិសុខ​សង្គម​។​ ​លោក ជិន ម៉ា​លីន រដ្ឋលេខាធិការ និង​ជា​អ្នកនាំពាក្យ​ក្រសួងយុត្តិធម៌ នៅ​ថ្ងៃទី​២២ ខែវិច្ឆិកា ឆ្នាំ​២០២០ បានលើកឡើង​ក្នុង​ផេ​ក​ហ្វេ​ស​ប៊ុ​កថា ម្យ៉ាងដែរ​ស្រុក​ខ្ញុំ ដល់ពេល​ប្រព្រឹត្ត​បទល្មើស​ច្រើនពេក​ទៅ គេច​អត់​រួច​ពី​សំណាញ់​ច្បាប់ បែ​ជា​នាំគ្នា​រិះគន់​និង​ទាមទា​ឱ្យ​លុប​ច្បាប់​ចោល​។ Sick ! ​លោក​បាន​ថ្លែងបន្តថា​បទ​ញុះញង់​ក្នុង​ក្រមព្រហ្មទណ្ឌ មិនមែនជា​ការរំលោភ​សេរីភាព​នៃ​ការបញ្ចេញមតិ​នោះទេ ព្រោះ​សេរីភាព​នៃ​ការបញ្ចេញមតិ​មិនមែនជា​សេរីភាព​នៃ​ការផ្សព្វផ្សាយ​ព័ត៌មាន​មិន​ពិត បំផ្លើស បំភ្លៃ បំពាន​ដល់​សិទ្ធិសេរីភាព​អ្នក​ដ៏​ទៃ និង​ប៉ះពាល់​ដល់​សណ្តាប់​ឆ្នាប់​សាធារណៈ និង​សន្តិសុខ​សង្គម​នោះទេ​។ បទ​ញុះញង់​ដូចគ្នានេះ ក៏មាន​ប​ញ្ញ​តិ្ត​នៅក្នុង​ច្បាប់ព្រហ្មទណ្ឌ​នៃ​បណ្តា​ប្រទេស​ជឿនលឿន​និង​ប្រជាធិបតេយ្យ​ដ៏ទៃទៀត​ផងដែរ​។​ អ្នកនាំពាក្យ​ក្រសួងយុត្តិធម៌​បានបញ្ជាក់​ទៀតថា ការរៀបចំ​ឱ្យមាន​បញ្ញត្តិ​ប្រភេទ​បទល្មើស​ច្រើន​ក្នុង​ក្រមព្រហ្មទណ្ឌ គឺ​ដើម្បី​ការពារ​ថែរក្សា​សិទ្ធិសេរីភាព​បុគ្គល និង​សណ្តាប់​ឆ្នាប់​សាធារណៈ ឆ្លើយតប​ទៅនឹង​ការវិវឌ្ឍ​លើ​គ្រប់​វិស័យ​និង​ទិដ្ឋភាព​សង្គម​។ ការលុបចោល​បទល្មើស​ញុះញង់​នេះ នឹង​នាំមក​នូវ​ភាពអនាធិបតេយ្យ និង​លើកទឹកចិត្ត​ឱ្យមាន​ការបញ្ចេញមតិ​ដោយ​បំពាន​និង​គ្មាន​ការទទួលខុសត្រូវ ប៉ះពាល់​ដល់​សន្តិសុខ​សង្គម សណ្តាប់ធ្នាប់​សាធារណៈ និង​សិទ្ធិសេរីភាព​បុគ្គល​។​ ​លោក​ថា ក្នុងនាម​ជា​ពលរដ្ឋ​ដែលមាន​ការទទួលខុសត្រូវ និង​បើ​មិន​ចង់​ប្រឈមមុខ​តាមផ្លូវ​ច្បាប់​ទៀត ពួកគេ​គួរតែ​ឈប់​ធ្វើ​សកម្មភាព​ដែលជា​អំពើ​ល្មើសច្បាប់​ក្រោមរូបភាព​និង​លេស​នៃ​សេរីភាព​ម​ញ្ចេ​ញ​មតិ ជាជាង​ការនាំគ្នា​រិះគន់​និង​ទាមទា​ឱ្យមាន​ការកែប្រែ​ឬ​លុបចោល​បញ្ញត្តិ​នៃ​ច្បាប់​នេះ​៕​