Month: August 2021

ភ្នំពេញ÷ទីតាំងកត់ឆ្នោតវៀតណាមដុះស្លែនៅសង្កាត់ដេប៉ូ៣ល្មើសច្បាប់ត្រូវអាជ្ញាធរខណ្ឌទួលគោកចុះ បង្ក្រាប។ ប្រជាពលរដ្ឋក្នុងខណ្ឌទួលគោកបានលើកឡើងថាកន្លងមកមានទីតាំងកត់លក់ឆ្នោតវៀតណាមច្រើនកន្លែងណាស់ ពិសេសសង្កាត់ដេប៉ូ៣ សង្កាត់ដេប៉ូ២ ភាគច្រើនមិនបង្ក្រាប តែងមានទម្លាប់ទៅប្រាប់អោយផ្អាកសិនហើយបើកលេងវិញ។ ប៉ុន្តែដោយអនុវត្តតាមបញ្ជាដឹកនាំរបស់ លោក ជា ពិសី ប្រធានគណៈបញ្ជាការឯកភាពរដ្ឋបាលខណ្ឌទួលគោក និងជាអភិបាលខណ្ឌ វេលាម៉ោង ១៥ និង ៤៥នាទី ថ្ងៃទី៣១ ខែសីហា ឆ្នាំ២០២១ លោក ទៀវ សំអឿន អភិបាលរងខណ្ឌទួលគោក បានសហការណ៍ជាមួយ កម្លាំងនគបាលខណ្ឌ គណៈបញ្ជការឯកភាពសង្កាត់ផ្សារដេប៉ូទី៣ និង នគបាលប៉ុស្តិ៍ បានចុះបង្ក្រាបទីតាំងលួចកត់ឆ្នោតវៀតណាមមួយកន្លែង ស្ថិតនៅផ្ទះលេខ១០២ ផ្លូវ១២២ ភូមិ៦ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ។ ក្នុងនោះសមត្ថកិច្ចបានឃាត់ខ្លួនអ្នកកត់ឆ្នោត២នាក់ អ្នកចាក់ឆ្នោត៣នាក់ និងវត្ថុតាងជាឯកសារកត់ឆ្នោតវៀតណាមមួយចំនួនទៀត ហើយបានបញ្ជូនមនុស្សនិងវត្ថុតាង ទៅអធិការដ្ឋាននគបាលខណ្ឌ ដើម្បីចាត់ការបន្តតាមនិតិវិធី ជាចុងក្រោយ ទីតាំងខាងលើនេះ ត្រូវបាន កម្លាំងគណៈបញ្ជាការ ធ្វើកំណត់ហេតុបិទជាបណ្ដោះអាសន្នផងដែរ៕ដោយ% ទូចរ៉ាវុធ

ភ្នំពេញ ៖ លោក ស៊ុន ចាន់ថុល ទេសរដ្ឋមន្ដ្រី រដ្ឋមន្ដ្រីក្រសួងសាធារណការ និងដឹកជញ្ជូន បានផ្ដាំផ្ញើដល់អ្នកធ្វើដំណើរតាមផ្លូវពីរគន្លងថា ចំពោះអ្នកបើកបរយឺតៗ ត្រូវប្រកាន់ខាងស្ដាំ ទុកឲ្យអ្នកបើកតាមល្បឿនកំណត់ដោយច្បាប់ បើកខាងឆ្វេង ដើម្បីកុំឲ្យស្ទះចរាចរណ៍។ ក្នុងនោះដែរ ក្រសួងសាធារណការ កំពុងពិចារណា ដើម្បីផាកពិន័យរថយន្ដធ្ងន់ៗ ដែលបើកល្បឿនយឺតៗ នៅខាងឆ្វេង ចំពោះផ្លូវពីរគន្លងទៅ ពីរគន្លងមក។ ឆ្លើយតបសំណួររបស់ប្រជាពលរដ្ឋ ក្នុងកម្មវិធី MPWT LIVE SHOW ក្រោមប្រធានបទ «សមិទ្ធផលហេដ្ឋារចនាសម្ព័ន្ធផ្លូវថ្នល់ ចាប់ពីចុងឆ្នាំ២០១៨ ដល់ពេលបច្ចុប្បន្ន និងផែនការកំពុងបន្តរហូតដល់ឆ្នាំ២០២៣» នាថ្ងៃទី៣០ ខែសីហា ឆ្នាំ២០២១ តាមប្រព័ន្ធអនឡាញ លោក ស៊ុន ចាន់ថុល បានឲ្យដឹងថា ច្បាប់របស់កម្ពុជាបានចែងយ៉ាងច្បាស់ថា ប្រជាពលរដ្ឋធ្វើដំណើរត្រូវប្រកាន់ខាងស្ដាំ លើកលែងតែករណី វ៉ា ឬជែងតែប៉ុណ្ណោះ។ លោកបានបញ្ជាក់ថា «សព្វថ្ងៃប្រជាពលរដ្ឋ លោកឃើញរថយន្ដដឹកទំនិញធ្ងន់ៗនេះ ផ្លូវពីរគន្លងទៅ ពីរគន្លងមក គាត់មិនបើកខាងស្ដាំទេ គាត់នៅខាងឆ្វេង ដូច្នេះធ្វើឲ្យអ្នកចង់វ៉ាជែងនេះ មិនត្រឹមត្រូវ វ៉ា មិនកើត […]

តាកែវ៖ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ នៅព្រឹកថ្ងៃសុក្រ ទី២៧ ខែសីហា ឆ្នាំ២០២១នេះ បានអញ្ជើញជាឣធិបតីភាពភាពក្នុងពិធីអបអរសាទរសមិទ្ធផលរបស់សហគមន៍ និងបិទបញ្ចប់កម្មវិធីរបស់អង្គការទស្សនៈពិភពលោកអន្តរជាតិកម្ពុជា ប្រចាំស្រុកកោះអណ្ដែត តាមប្រព័ន្ធវិដីអូ Zoom Meeting ជាមួយ លោក ដានីញ៉ែល សេលវ៉ាណាយ៉ាហ្គាំ នាយកប្រចាំ ប្រទេសអង្គការទស្សនៈពិភពលោកអន្តរជាតិ ប្រចាំនៅកម្ពុជា ដើម្បីចូលរួមអបអរសាទរសមិទ្ធផលរបស់សហគមន៍ និងបិទបញ្ចប់កម្មវិធីរបស់ អង្គការទស្សនៈពិភពលោកអន្តរជាតិកម្ពុជា ប្រចាំស្រុកកោះអណ្ដែត។ មានប្រសាសន៍នៅក្នុងកិច្ចប្រជុំនាឱកាសនោះដែរ ឯកឧត្តម អ៊ូច ភា អភិបាលខេត្តតាកែវ ក៏បានថ្លែងអំណរគុណ លោក ដានីញ៉ែល សេលវ៉ាណាយ៉ាហ្គាំ នាយកប្រចាំប្រទេសអង្កការទស្សនៈពិភពលោកអន្តរជាតិប្រចាំនៅកម្ពុជា និងសហការីទាំងអស់ ដែលបានជ្រើសរើសយកស្រុកនានាក្នុងខេត្តតាកែវ ដើម្បីបំពេញបេសកម្ម ដោះស្រាយបាន នូវការលំបាករបស់សហគមន៍ទាំងផ្នែករូបវន្ត និងអរូបវន្តជាច្រើន ជាពិសេសលើសន្តិសុខស្បៀង ការអប់រំ ការការពារ កុមារ បញ្ហាទឹកស្អាត សុខភាពនិងអនាម័យ ជាពិសេសសលើអាហាររូបត្ថម្ភកុមារ និងការប្រើប្រាស់បង្គន់អនាម័យ ដែលជាបញ្ហាប្រឈម នៅក្នុងការរស់នៅប្រកបដោយសេចក្ដីថ្លែថ្នូរ របស់ក្រុមគ្រួសារប្រជាពលរដ្ឋយើង លើសពីនេះទៀត […]

ភ្នំពេញ៖ ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញបានជំរុញឲ្យអាជ្ញាធរខណ្ឌទាំង១៤ចាត់វិធានការឲ្យបានម៉ឺងម៉ាត់បំផុត ចំពោះការលួចបើកក្លឹបកំសាន្តខារ៉ាអូខេ ការជួបជុំផឹកស៊ី នៅក្នុងមូលដ្ឋានរបស់ខ្លួនដើម្បី ទប់ស្កាត់ឲ្យបាននូវការរីករាលដាលជំងឺកូវីដ-១៩ និងដើម្បីឈានទៅបើករាជធានីភ្នំពេញនិងប្រទេសជាតិជាធម្មតាឡើងវិញ។ ការជំរុញបែបនេះរបស់ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញបានធ្វើឡើង កាលពីព្រឹកថ្ងៃទី២៧ សីហា ឆ្នាំ២០២១ ក្នុងពិធីប្រកាសចូលកាន់តំណែងអភិបាលខណ្ឌចំនួន២រូប គឺខណ្ឌទួលគោកនិងខណ្ឌប្ញស្សីកែវដោយក្រោមអធិបតីភាពឯកឧត្ដម ប៉ា សុជាតិវង្ស ប្រធានក្រុមប្រឹក្សារាជធានីនិងឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ នៅសាលារាជធានីភ្នំពេញ ។ ក្នុងពីធីនោះ លោកឯក ឃុនដឿន អភិបាលនៃគណៈអភិបាលខណ្ឌទួលគោក ត្រូវបានផ្ទេរទៅកាន់តំណែងថ្មីជាអភិបាលនៃគណៈអភិបាលខណ្ឌឬស្សីកែវ។ ចំណែក លោក ជា ពិសី ដែលជាអភិបាលនៃគណៈអភិបាលខណ្ឌឫស្សីកែវ ត្រូវបានផ្ទេរមកកាន់តំណែងជាអភិបាលនៃគណៈអភិបាលខណ្ឌទួលគោកវិញ។ ឯកឧត្ដម ឃួង ស្រេង បានមានប្រសាសន៍លើកឡើងថា ៖មកដល់ពេលនេះ នៅមានខណ្ឌមួយចំនួនបាននិងកំពុងលួចបើក ក្លឹបកម្សាន្ត លួចបើកខារ៉ាអូខេ ជួបជុំផឹកស៊ី។ ដូច្នេះលោកស្នើឲ្យអាជ្ញាធរខណ្ឌទាំងអស់ត្រូវខិតខំប្រឹងប្រែង ដើម្បីលុបបំបាត់អោយបាននូវក្លឹបកម្សាន្តនិងខារ៉ាអូខេទាំងនេះ។ ឯកឧត្ដមបញ្ជាក់ថា ៖យើងមិនត្រូវធ្វើតាមការណែនាំទៀតទេ គឺត្រូវតែចុះទៅបង្ក្រាបតែម្ដង ដើម្បីឈានទៅដល់ការលុបបំបាត់ឲ្យបាននូវការរីករាលដាលជំងឺកូវីដ-១៩ […]

(ភ្នំពេញ) ៖ ក្មេងប្រុសអាយុ១២ឆ្នាំម្នាក់ស្នាក់នៅក្នុងបន្ទប់ផ្ទះជួលជាមួយម្តាយនិងបងស្រីខណ:ម្តាយនិងបងស្រីចេញទៅធ្វើការបាត់ត្រូវបានជនសង្ស័យជាឃាតករសម្លាប់ ប្លន់យកទ្រព្យសម្បត្តិលុយកាក់និងគ្រឿងអលង្ការមួយចំនួន ហើយយកសពច្រកចូលក្នុងការ៉ុងយកទៅដាក់ក្នុងបន្ទប់ផ្សេង រួចជនសង្ស័យរត់គេចខ្លួនបាត់។ ហេតុការណ៍ នេះបង្កការភ្ញាក់ផ្អេីលកើតឡើងនៅប្រលប់ ថ្ងៃទី២៦ ខែសីហា ឆ្នាំ២០២១ នៅបន្ទប់ជួលលេខ៧ ជាន់ទី១ ភូមិត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។ ជនរងគ្រោះឈ្មោះគៀន ដារ៉ា ភេទប្រុសអាយុ១២ឆ្នាំ ស្នាក់នៅជាមួយម្តាយកេីតហេតុខាងលេី មានស្រុកកំណេីតនៅស្រុកកោះក្រឡ ខេត្តបាត់ដំបង។តាមការរៀបរាប់ពីស្ត្រីជាម្តាយជនរងគ្រោះបានប្រាប់ថារូបគាត់បានមកស្នាក់នៅកន្លែងកេីតហេតុអស់រយះពេល២ឆ្នាំមកហេីយ ហេីយគាត់ជាស្ត្រីមេម៉ាយ រាល់ថ្ងៃមានកូនចំនួន២នាក់ ស្រីម្នាក់ប្រុសម្នាក់ កូនច្បងអាយុ១៥ឆ្នាំ ចំណែកកូនប្រុសដែលស្លាប់អាយុ១២ឆ្នាំ។នៅថ្ងៃកេីតហេតុក្មេងប្រុសរងគ្រោះបាននៅបន្ទប់ជួលតែម្នាក់ឯងដោយម្តាយនិងបងស្រីទៅធ្វេីការអស់។ម្តាយក្មេងរងគ្រោះបានបន្តថា មុនពេលកេីតហេតុរូបគាត់កំពុងធ្វេីការស្រាប់តែមានគេបានខលប្រាប់ថាកូនប្រុសរបស់គាត់ត្រូវជនសង្ស័យជាឃាតករសម្លាប់ចោលក្នុងបន្ទប់បាត់ទៅហើយដោយយកសពច្រកចូល ការ៉ុងយកទៅដាក់បន្ទប់ទឹកបន្ទប់អ្នកផ្សេងភ្លាមនោះរូបគាត់ក៏ប្រញាប់ ប្រញាពីនាក់កូនស្រីបងសូមគេចេញមុនម៉ោងដោយរោងចក្រតំរូវឲ្យថែមដល់ម៉ោង៨យប់ទើបឲ្យចេញ ហើយសំដៅមកបន្ទប់ជួលក៏មានការភ្ញាក់ផ្អេីលតែម្តង។ ជុំវិញករណីខាងលេីនេះផងដែរ ម្តាយជនរងគ្រោះប្រាប់ថាបានបាត់លុយញាត់ក្មុងកូនជ្រូកប្រមាណជា៣០០ដុល្លា និងគ្រឿងអលង្ការផ្លាកទីនចំនួន២ជី រួមនិងទូរស័ព្ទដៃ១ គ្រឿងផងដែរ។ ដោយស្ត្រីម្ដាយថាករណីនេះជាករណីសម្លាប់ប្លន់យកទ្រព្យសម្បត្តិ។ ក្រោយហេតុសមត្ថកិច្ចមូលដ្ឋាននិងសមត្ថកិច្ចជំនាញចុះមកធ្វើការស្រាវជ្រាវនៅកន្លែងកើតហេតុភ្លាមៗ។ក្រោយមកសមត្ថកិច្ចសង្ស័យបានធ្វើការឃាត់ខ្លួនបុរសម្នាក់ដែរជាម្ចាស់បន្ទប់យកទៅសួរនាំនៅប៉ុស្តិ៍ប៉ូលិសភ្លាមៗ។បន្ទាប់មកសមត្ថកិច្ចជំនាញធ្វើកោសល្យវិច័យនិងលោកគ្រូពេទ្យបានយកសំណាកជនរងគ្រោះដើម្បីពិនិត្យរកជំងឺកូវីដ១៩ ងាយស្រួលប្រគល់សពទៅឲ្យសាច់ញាតិយកទៅធ្វើបុណ្យតាមប្រពៃណី៕

ភ្នំពេញ ៖ តាមការបញ្ជាក់ឲ្យដឹងពីមន្ដ្រីជំនាញ នៅរាជធានីភ្នំពេញ ថ្ងៃទី២៥ សីហានេះថា ដោយមានការណែនាំ និងចង្អុលបង្ហាញពីលោក ឃួង ស្រេង  អភិបាលរាជធានីភ្នំពេញ ឱ្យមន្ទីរសាធារណការ និងដឹកជញ្ជូន រាជធានីភ្នំពេញ សហការជាមួយមន្ទីរធនធានទឹក និងអាជ្ញាធរដែនដី បានធ្វើសកម្មភាពស្តារប្រឡាយមេជាច្រើនខ្សែនៅក្នុងរាជធានីភ្នំពេញ។ សកម្មភាពស្តារប្រឡាយមេទាំងនេះនឹងបញ្ចប់ឲ្យអស់នៅបំណាច់ខែសីហានេះ ដើម្បីរំដោះការលិចលង់ភូមិដ្ឋានប្រជាពលរដ្ឋ។ ប្រឡាយទឹកដែលក្រុមការងារបានអនុវត្តរួចរាល់ និងកំពុងអនុវត្តការងារស្តារនៅពេលនេះរួមមាន៖ ប្រឡាយមេទួលពង្រទី១ សង្កាត់ ចោមចៅទី១ ខណ្ឌពោធិ៍សែនជ័យ ទំហំ៨ម៉ែត្រ និងជម្រៅ២ម៉ែត្រ ធ្វើស្ពានចំនួន៧កន្លែង និងបុកស៊ីផាយតាមមាត់ប្រឡាយមេ ការពារដីបាក់ ដោយគិតមកដល់ពេលនេះ ការដ្ឋានទាំងមូលសម្រេចបានជិត១០០ ភាគរយហើយ។ ប្រឡាយនេះមានតួនាទីយ៉ាងសំខាន់ ក្នុងការបង្ហូរទឹក រំដោះទឹកជន់ពីផ្លូវជាតិលេខ៣ ក្នុងភូមិសាស្ត្រខណ្ឌមានជ័យ ទៅកាន់បឹងជើងឯក និងបន្តហូរទៅកាន់ស្ទឹងជ្រៅ។ ប្រឡាយមេទួលពង្រទី២ ស្ថិតនៅភូមិសាស្រ្តសង្កាត់ចោមចៅ២ និងចោមចៅទី១ ខណ្ឌពោធិ៍សែនជ័យ ដើម្បីបង្ហូរទឹកភ្លៀង និងទឹកកខ្វក់ពីផ្លូវជាតិលេខ៣ ទៅកាន់ប្រឡាយព្រែកហា។ ប្រឡាយមេលូ៥ ជាប្រឡាយដែលគេទទួលស្គាល់ថា ជាប្រឡាយដ៏សំខាន់ ក្នុងការរំដោះទឹកក្នុងមូលដ្ឋានខណ្ឌពោធិ៍សែនជ័យ, ខណ្ឌសែនសុខ និងខណ្ឌមានជ័យ ទម្លាក់ទៅប្រឡាយម័ល និងបន្តចុះទៅជើងឯក គិតមកដល់ពេលនេះ ការស្តារប្រឡាយនេះ […]