បាត់ដំបង ៖ រដ្ឋបាលខេត្តបាត់ដំបង ចេញផ្សាយព័ត៌មាន ពីករណីឆ្លងចរន្តអគ្គិសនី ឬផ្ទុះសេខ្សែភ្លើង បណ្តាលឲ្យឆេះផ្នែកមួយចំនួន នៃអគារផ្សារណាត់ ផ្នែកអគារខាងលិច ហើយឯកឧត្តម ងួន រតនៈ បានថ្លែងអំណរគុណដល់កងកម្លាំងសមត្ថកិច្ចទាំងបីប្រភេទ ដែលចុះអន្តរាគមន៍ពន្លត់អគ្គីភ័យផ្សាធំបាត់ដំបង និងបានធ្វើការគ្រប់គ្រងសភាពការណ៍ពន្លត់បានទាំងស្រុង នៅវេលាម៉ោងប្រមាណជាង ៨ យប់ នៅក្នុងក្រុងបាត់ដំបង ខេត្តបាត់ដំបង។ នៅល្ងាចថ្ងៃអាទិត្យ ទី៣០ ខែសីហា ឆ្នាំ២០២០ ឯកឧត្តម ងួន រតនៈ អភិបាល នៃគណៈអភិបាលខេត្ត ដឹកនាំបញ្ជាផ្ទាល់ដល់កម្លាំងអន្តរាគមន៍ពន្លត់អគ្គិភ័យ ដែលកំពុងឆាបឆេះនៅផ្នែកមួយនៃអគារខាងលិច ផ្សារធំបាត់ដំបង(ហៅផ្សារណាត់) ក្រុងបាត់ដំបង ខេត្តបាត់ដំបង ដែលមានចូលរួមពី លោកអភិបាលរង នៃគណៈអភិបាលខេត្ត ចំនួន ៣រូប កម្លាំងបញ្ជាការដ្ឋានយោធភូមិភាគទី៥ កម្លាំងស្នងការដ្ឋាននគរបាលខេត្ត កម្លាំងកងរាជអាវុធហត្ថខេត្ត តំបន់ប្រតិបត្តិការសឹងរងបាត់ដំបង និងលោកអភិបាល អភិបាលរងក្រុងផងដែរ។ឯកឧត្តម អភិបាលខេត្ត ក៏បានថ្លែងអំណរគុណដល់កងកម្លាំងទាំងបីប្រភេទ ជាពិសេសកងកម្លាំងពន្លត់អគ្គិភ័យ នៃស្នងការដ្ឋាននគរបាលខេត្តបាត់ដំបង ដែលបានជួយអន្តរាគមន៍ បានទាន់ពេលវេលា ដែលធ្វើឱ្យការខូចខាតមានតិចតូច និងនៅតែបន្តជួយអន្តរាគមន៍ដល់បងប្អូនប្រជាពលរដ្ឋ អាជីវករ នៅផ្សារណាត់ ក្រុងបាត់ដំបង […]
Month: August 2020
សម្តេចព្រះសង្ឃនាយក នន្ទ ង៉ែត ណែនាំឲ្យគ្រប់វត្តអារាមពង្រឹងវិធានការ ការពារសុវត្ថិភាពសង្គម ដើម្បីកាត់បន្ថយហានិភ័យនៃការរីករាលដាលជំងឺកូវីដ-១៩ ពិធីបុណ្យកាន់បិណ្ឌ និងភ្ជុំបិណ្ឌ
ភ្នំពេញ៖ សម្តេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែតសម្តេចព្រះសង្ឃនាយក នៃព្រះរាជាណាចក្រកម្ពុជា បានចេញព្រះរាជសារការរៀបចំពិធីបុណ្យកាន់បិណ្ឌ និងភ្ជុំបិណ្ឌ និងការទប់ស្កាត់ការរីករាលដាលមេរោគកូវីដ-១៩។ បើតាមគណៈសង្ឃនាយកនៃព្រះរាជាណាចក្រកម្ពុជា យោងសេចក្តីណែនាំលេខ ១៤/២០ ក.ស.ជ សណន ចុះថ្ងៃអង្គារ ៧កើត ខែភទ្របទ ឆ្នាំជូត ទោស័ក .២៥៦៤ ត្រូវនឹងថ្ងៃទី២៥ ខែសីហា ឆ្នាំ២០២០ ស្តីពីការរៀបចំពិធីបុណ្យកាន់បិណ្ឌ និងភ្ជុំបិណ្ឌ និងពង្រឹងវិធានការ ការពារសុវត្ថិភាពសង្គម ដើម្បីកាត់បន្ថយហានិភ័យនៃការរីករាលដាលជំងឺកូវីដ-១៩ របស់ក្រសួងធម្មការ និងសាសនា គណៈសង្ឃនាយក នៃព្រះរាជាណាចក្រកម្ពុជា សូមប្រគេនព្រះមេគណ ព្រះអនុគណ ព្រះចៅអធិការគ្រប់វត្ត និងជូន ចំពោះពុទ្ធបរិស័ទគ្រប់មជ្ឈដ្ឋាន ព្រះមេត្តា មេត្តាជ្រាបថា៖ ក្នុងអំឡុងពេលនៃការប្រារព្ធពិធីបុណ្យកាន់បិណ្ឌ និងភ្ជុំបិណ្ឌ ដែលនឹងប្រព្រឹត្តទៅនៅថ្ងៃ១រោច រហូតដល់ថ្ងៃ ១៥រោច ខែភទ្របទ ឆ្នាំជូត ទោស័ក ព .២៥៦៤ ត្រូវនឹងថ្ងៃទី៣ ដល់ថ្ងៃទី ១៧ ខែកញ្ញា ឆ្នាំ២០២០ ខាងមុខនេះ […]
រន្ធត់ណាស់រថយន្តមិនចាំម៉ាក បើកកៀរម៉ូតូមួយគ្រឿងឌុបគ្នា២នាក់ បណ្ដាលឲ្យទាក់ដៃចង្កូតដួលចូលក្រោមរថយន្តកិនបែកក្បាលស្លាប់ទាំងពីរនាក់
ភ្នំពេញ៖ បុរសពីរនាក់ ជិះម៉ូតូមួយគ្រឿងត្រូវរថយន្តមិនស្គាល់ម៉ាកបើកមកកៀរ បណ្ដាលឲ្យទាក់ដៃចង្កូតដួលចូលក្រោមកង់រថយន្ត កិនបែកក្បាលស្លាប់ទាំងពីរនាក់យ៉ាងអណោចអាធ័ម រួចបើករត់បាត់ស្រមោល កាលពីវេលាម៉ោង៩យប់ថ្ងៃទី៣០ ខែសីហាឆ្នាំ ២០២០ នៅចំណុចជាប់របងដីឡូត៍មួយកន្លែង តាមបណ្តោយផ្លូវបេតុង ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ សពជនរងគ្រោះទី១ មានឈ្មោះ កាន អាយុ ២៨ ឆ្នាំ មុខរបរធ្វើសំណង់ ស្នាក់នៅម្ដុំវត្តសន្សំកុសល្យ ខណ្ឌមានជ័យ មានស្រុកកំណើត ភូមិចក ឃុំសំរោង ស្រុកស្វាយអន្ទរ ខេត្តព្រៃវែង។ សពជនរងគ្រោះទី២ មានឈ្មោះ ផន សុវណ្ណៈ ភេទប្រុស អាយុ២២ឆ្នាំ មុខរបរ ធ្វើសំណង់ មានស្រុកកំណើត ភូមិជ្រោយដង ឃុំសំរោងទង ស្រុកកៀនស្វាយ ខេត្តកណ្តាល។ តាមប្រភពព័ត៌មានពីកន្លែងកើតហេតុ បានឲ្យដឹងថា មុនកើតហេតុគេឃើញបុរសពីរនាក់ ជិះម៉ូតូមួយគ្រឿងម៉ាកហុងដាវ៉េវពណ៌ខ្មៅ ពាក់ផ្លាកលេខព្រៃវែង1M-8712 ធ្វើដំណើរទិសដៅពីកើតទៅលិច លុះមកដល់ចំណុចកើតហេតុខាងលើ ក៏មានរថយន្តមួយគ្រឿងមិនចាំម៉ាក បានធ្វើដំណើរបញ្ច្រាសទិសដៅគ្នា ពីលិចទៅកើត ក្នុងល្បឿនលឿនបានបើកទៅកៀរម៉ូតូជនរងគ្រោះពីរនាក់ បណ្តាលឲ្យទាក់ដៃចង្កូត ដួលចូលក្រោមកង់រថយន្ត កិនបែកក្បាលស្លាប់ភ្លាមៗនៅនឹងកន្លែងយ៉ាងអណោចអាធ័ម […]
បុរសម្នាក់ ខឹងនឹងឪពុកម្តាយនៅស្រុកកំណើត រត់មកដល់ភ្នំពេញ ចងកសម្លាប់ខ្លួនក្នុបន្ទប់ជួល(វីដេអូ)
ភ្នំពេញ ៖ បុរសម្នាក់ ដែលបានខឹងនឹងឪពុកម្តាយនៅស្រុកកំណើតឯស្រុកកំពង់ត្រាច ខេត្តកំពត បានធ្វើដំណើរមកភ្នំពេញ ហើយបានមកសុំសាច់ញាតិដើម្បីស្នាក់នៅក្នុងបន្ទប់ជួល ២ថ្ងៃ ក៏បានសម្រេចចិត្តធ្វើអត្តឃាតដោយចងកស្លាប់តែម្តង នាយប់ថ្ងៃទី២៩ខែសីហាឆ្នាំ២០២០ នៅខាងលិចសាលារៀនសន្ធម៉ុក តាមផ្លូវ១៣២ សង្កាត់ទឹកល្អក់២ ខណ្ឌទួលគោក រាជធានីភ្នំពេញ។ បើតាមសេចក្តីរាយការណ៍ពីភ្នាក់ងារ បានបញ្ជាក់ថា អត្តឃាតជន ឈ្មោះ ម៉ៅ បានខឹងនឹងឪពុកម្តាយ ហើយមកសុំសាច់ញាតិស្នាក់បណ្តោះអាសន្នចំនួន២ថ្ងៃ ដើម្បីស្វែងរកការងារ ហើយក្នុងពេលសាច់ញាតិដែលជាម្ចាស់បន្ទប់បានទៅរកស៊ីរត់ម៉ូតូកង់បីបាត់ទៅ បែរជាគាត់សម្រេចធ្វើអត្តឃាតតែម្តងទៅ។ ប្រភពបានបន្តថា នៅពេលម្ចាស់បន្ទប់បានវិលត្រឡប់មករត់ម៉ូតូកង់បីនៅវេលាម៉ោងប្រមាណ៤រសៀល ស្រាប់តែឃើញបុរសនោះយកខ្សែអង្រឹងចងកទៅនឹងដែកពិតានស្លាប់បាត់ទៅហើយ។ ទោះយ៉ាងណា នៅពេលនេះសមត្ថកិច្ចជំនាញកំពុងធ្វើកោសល្យវិច័យ ដើម្បីបញ្ជាក់ថា តើជាករណីធ្វើអត្តឃាតរចងកឬក៏ករណីឃាតកម្ម៕
ខ្លោចផ្សាណាស់! មកមើលទិដ្ឋភាព ម្តាយដង្ហែរស ពកូនៗ និងប្តី ទាំងទឹកភ្នែក ដៃបានត្រឹមអោបរូបថត ហើយនិយាយថា កូនៗកើតជាតិណាសូមអោយ…
កាលពីយប់ថ្ងៃទី២៦ ខែសីហា ឆ្នាំ២០២០ មានករណីដ៏សាហាវមួយបានកើតឡើង ដោយប្រពន្ធបានមកដល់ផ្ទះ ក៏ឃើញកូនស្រីរបស់ខ្លួនទាំង ៣ នាក់ បានស្លា ប់ ហើយប្តីខ្លួនក៏ច ងក រ សម្លា ប់ខ្លួនឯង ទៀត បង្កការភ្ញាក់ផ្អើលទាំងយប់ស្ថិតនៅតាមបណ្ដោយផ្លូវ១៩៥២ ភូមិឧកញ៉ាវាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ហើយខណៈពេលនេះ ម្ដាយរបស់កូនស្រីទាំង ៣ ខាងលើ យំហើយស្ទើរតែខ្លាចជាមនុស្សបាត់សតិហើយ ឃេីញតែអង្រួនជេីងកូនរហូត ហេីយស្រែកយំបោកខ្លួន អស់រលីងពីក្នុងខ្លួនហេីយ គ្រាន់តែមេីលក៍ហូរទឹកភ្នែកដែរ។ នេះដោយសារតែគាត់ប៉ះពាល់នៅអារម្មណ៍បាត់បង់មនុស្សដែលខ្លួនឯងស្រលាញ់ច្រើនពេក ទើបធ្វើចិត្តមិនបាន។ហើយនៅពេលនេះផងដែរ ម្តាយរបស់កូនស្រីទាំង ៣ និងប្តី រួមទាំងអ្នកចូលរួមក្នុងពិធីបុណ្យស ព បានដង្ហែទៅកាន់កន្លែងបូជាហើយ ក្នុងទិដ្ឋភាពដ៏សែនខ្លោចផ្សារបំផុត ដោយអ្នកម្តាយដើរបណ្តើរ កាន់រូបថតកូន និងប្តី ហើយទន្ទេញតែពាក្យថា កូនអើយកើតជាតិណាៗ អោយស្អាតចឹងទៀត ពិតជាសែនរំជួលចិត្តណាស់។ ចង់ជ្រាបច្បាស់សូមទស្សនាវីដេអូខាងក្រោមនេះ:ប្រភព៖ https://khmernews.co/
ឃាតករជាកូនបង្កេីតសម្លាប់ម្តាយនៅខណ្ឌពោធិ៍សែនជ័យ ត្រូវបានចាប់ខ្លួនហេីយ នៅខណ្ឌសែនសុខ
ភ្នំពេញ៖កូនប្រុសបង្កើតចិត្តតិរច្ឆានកាត់ក្បាលម្តាយរបស់ខ្លួន ក្នុងបុរីសឡា៣ នៅចំណុចខាងកើតពេទ្យមូលមិត្ត ភូមិចោមចៅ៣ សង្កាត់ចោមចៅ២ ខណ្ឌពោធិ៍សែនជ័យ នាព្រឹកថ្ងៃទី២៩ ខែសីហា ឆ្នាំ២០២០ ត្រូវបានសមត្ថកិច្ចចាប់ខ្លួន បានហេីយ នៅក្រោយសាកលវិទ្យាល័យ IU នៃខណ្ឌសែនសុខ ។ នេះបេីតាមលោកវរសេនីយ៍ឯក ហួរ ម៉េងវ៉ាង អធិការដ្ឋាននគរបាលខណ្ឌសែនសុខ ថ្លែងប្រាប់ជាបឋម មុននេះបន្តិច ។ ជនសង្ស័យ ឈ្មោះ អ៊ាម សំណាង ជាបុគ្គលិកក្រុមហ៊ុន ម៉ូតូ Honda បម្រុងចងកសម្លាប់ខ្លួន តែត្រូវសមត្ថកិច្ចទៅដល់ទាន់ ។ បច្ចុប្បន្ននេះ ជនសង្ស័យត្រូវបានបញ្ជូនទៅអធិការដ្ឋាននគរបាលខណ្ឌពោធិ៍សែនជ័យ ជាម្ចាស់ករណី ដេីម្បីបន្តនីតិវិធី ៕ដោយ%ទូច រ៉ាវុធ
រន្ធត់ព្រៃផ្សៃកូនប្រុសបង្កើតចិត្តសាហាវម្នាក់កាត់ក្បាលម្តាយសម្លាប់
ភ្នំពេញ- (មានសេចក្តីរាយការណ៏ជាបឋមថា ) នាព្រឹកព្រលឹមថ្ងៃទី២៩ ខែសីហា ឆ្នាំ២០២០ មានអំពើឃាតកម្មដ៏ព្រៃផ្សៃមួយ ដោយកូនប្រុសបង្កើតចិត្តតិរច្ឆានម្នាក់ បានកាត់ក្បាលម្តាយរបស់ខ្លួនសម្លាប់ ក្នុងបុរីសឡា៣ នៅចំណុចខាងកើតពេទ្យមូលមិត្ត ភូមិចោមចៅ៣ សង្កាត់ចោមចៅ២ ខណ្ឌពោធិ៍សែនជ័យ ។សមត្ថកិច្ច អះអាងជាបឋមថា ភ្លាមៗគេនៅមិនទាន់ដឹងពីដើមហេតុយ៉ាងណា ដែលនាំទៅដល់ការសម្លាប់ម្តាយខ្លួនឯងបង្កើតយ៉ាងព្រៃផ្សៃបែបនេះនៅឡើយ ដែលពេលនេះសមត្ថកិច្ចចម្រុះកំពុងនៅកន្លែងកើតហេតុធ្វើការស្រាវជ្រាវ និងស្វែងរកឃាតករជាកូនបង្កើត ដែលកំពុងរត់គេចខ្លួន។ដោយ% ទូច រ៉ាវុធ (ព័ត៌មានលំអិតផ្សាយជូនពេលក្រោយ)
ឯកអគ្គរាជទូតអូស្រ្តាលីប្រចាំកម្ពុជា និងឯកឧត្តមអភិបាលខេត្តតាកែវ ចុះពិនិត្យមើលស្ថានភាព ការអនុវត្តកិច្ចការងារ និងសមិទ្ធផលនានា របស់សហគមន៍កសិករប្រើប្រាស់ទឹកព្រែកគ្រួសចារ ដែលគាំទ្រការអនុវត្តគម្រោងដោយអង្គការកាវ៉ាក់ …
ចេញផ្សាយ ថ្ងៃទី 28/08/2020 (ខេត្តតាកែវ)៖ នៅព្រឹកថ្ងៃសុក្រ ១០កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៨ ខែសីហា ឆ្នាំ២០២០ ឯកឧត្តម Pablo Chiho Kang ឯកអគ្គរដ្ឋទូតអូស្ត្រាលីប្រចាំនៅកម្ពុជា ឯកឧត្តម ឯកឧត្តម ថោង ចេស្ដា រដ្ឋលេខាធិការក្រសួងធនធានទឹក និងឧតុនិយម ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ លោក ខាន់ សុខា អភិបាលរងខេត្ត លោកញ៉ែម ស្រស់អភិបាលស្រុកព្រៃកប្បាសនិងអាជ្ញាធរមូលដ្ឋាន បានចុះពិនិត្យមើលស្ថានភាព ការអនុវត្តកិច្ចការងារ និងសមិទ្ធផលនាន របស់សហគមន៍កសិករប្រើប្រាស់ទឹកព្រែកគ្រួសចារ ដែលគាំទ្រការអនុវត្តគម្រោងដោយអង្គការកាវ៉ាក់ ស្ថិតនៅក្នុងឃុំចារ ស្រុកព្រៃកប្បាស។ បើតាមការបញ្ជាក់ពីលោក ប៊ុន ហូរ ប្រធានមន្ទីរធនធានទឹក និងឧតុនិយមខេត្ត បានឲ្យដឹងថា ប្រពន្ធធារាស្រ្តព្រែកគ្រួសចារ បានកសាងក្នុងឆ្នាំ២០១៧ ក្រោមជំនួយឧបត្ថម្ភរបស់ រដ្ឋាភិបាលអូស្រ្តាលី តាមរយះកម្មវិធីខ្សែសង្វាក់តម្លៃកសិកម្ម កម្ពុជា […]
លោក សុខ ទូច៖ វៀតណាម សាងសង់សំណង់រឹងមាំ លើតំបន់មិនទាន់ឯកភាពគ្នា កម្ពុជាក៏អាចសាងសង់អ្វីមួយវិញបានភ្លាមៗដែរ
ភ្នំពេញ ៖ លោក សុខ ទូច ប្រធានរាជបណ្ឌិត្យសភាកម្ពុជា បានលើកឡើងថា វៀតណាមសាងសង់សំណង់រឹងមាំ លើតំបន់មិនទាន់ឯកភាពគ្នា កម្ពុជាក៏អាចសាងសង់អ្វីមួយវិញបានភ្លាមៗ នៅទល់មុខសំណង់ដែលវៀតណាម បានសាងសង់នោះដែរ។ កាលលើកឡើងរបស់លោក សុខ ទូច បែបនេះ បន្ទាប់ពីកាលពីពេលថ្មីៗនេះ វៀតណាមបានរុះរើតង់ ហើយងាកមកសង់សំណង់រឹងវិញ នៅតំបន់មិនទាន់ឯកភាពគ្នា ជាប់ព្រំដែនខេត្តកណ្ដាល ប្រទេសកម្ពុជា។ ក្នុងវេទិកាលតុមូលស្ដីពី “តើកម្ពុជាត្រៀមខ្លួនយ៉ាងដូចម្ដេចសម្រាប់ថ្ងៃនេះ និងថ្ងៃស្អែក” នៅថ្ងៃទី២៨ ខែសីហា ឆ្នាំ២០២០ លោក សុខ ទូច បានលើកឡើង ការសាង់សង់សំណង់រឹងណាមួយ នៅជិតព្រំដែនកម្ពុជា-វៀតណាម ចំងាយពី១៥០ម៉ែត្រ ត្រូវមានការឯកភាពពីប្រទេសទាំងពីរ។ លោកបន្តថា ចំពោះករណីវៀតណាមសាងសង់សំណង់រឹងនៅឆ្ងាយពីព្រំដែនកម្ពុជា ចំនួន១២០ម៉ែត្រ ក៏ត្រូវស្នើសុំកម្ពុជា ព្រោះព្រំដែនកម្ពុជា-វៀតណាម ជាព្រំដែនសំខាន់បួន រួមមាន៖ ព្រំដែនឯកភាព, ព្រំដែនសហប្រតិបត្តិការ, ព្រំដែនសេដ្ឋកិច្ច និងព្រំដែនទប់ស្កាត់ នៃការជួញដូរគ្រឿងញៀន កុមារ និងស្រ្តីភេទ។ ប្រធានរាជបណ្ឌិត្យសភា ឲ្យដឹងទៀតថា “កម្ពុជា អាចសាងសង់អ្វីមួយ ១២០ម៉ែត្រ នៅទល់នឹងប៉ុស្តិ៍ហ្នឹងវិញ […]
ព័ត៍មានក្ដៅសែនក្ដៅ! បុរសដែលចាក់នារីម្នាក់ស្លាប់ទាំងកណ្ដាលផ្លូវ បានរត់ ទៅចង់កសម្លាប់ខ្លួនហេីយ មូលហេតុគឺដណ្ដឹងខាងស្រីអត់បាន ទេីបចាក់សម្លាប់បែបនេះ
ភ្នំពេញ! មុននេះបន្តិច នារីវ័យក្មេងរូបស្រស់ម្នាក់ត្រូវឃាតករចាប់សម្លាប់ បណ្តាលស្លាប់ភ្លាមៗនៅកន្លែងកើតហេតុ មិនដឹងថាប្លន់ រឺក៍រឿងអ្វីទេ បង្កការភ្ញាក់ផ្អើល កាលពីវេលាម៉ោង៧ និង៥០នាទីព្រឹកថ្ងៃទី២៨ ខែសីហា ឆ្នាំ២០២០ ទីតាំងនៅម្តុំតំបន់សេដ្ឋកិច្ចពិសេសកំបូលភ្នំពេញ។ នារីរងគ្រោះ មានឈ្មោះយឺន ស្រីនី ។ នាងជិះម៉ូតូម៉ាកហុងដាហ្ស៊ូមមើរ ពណ៌ខ្មៅលាយទឹកក្រូច ពាក់ផ្លាក់លេខ ភ្នំពេញ 1DP- 0547។ តែអ្វីដែលគួរឲភ្ញាក់ផ្អេីលនោះ គឺបុរសដែលបានចាក់នារីម្នាក់ ស្លាប់កណ្ដាលផ្លូវនោះ បានរត់ទៅចងក.សម្លាប់ខ្លួនភ្លាមៗ នៅក្នុងបរិវេណវត្តស្ងួនពេជ្យ សង្កាត់កំបូល ខណ្ឌកំបូល នាវេលាប្រមាណម៉ោង១០:៣០ នាទី ថ្ងៃទី២៨ ខែសីហា ឆ្នាំ២០២០។ នៅពេលនេះមិនទាន់អាចកំណត់ នៅអត្តសញ្ញាណឃាតករនៅទ្បេីយទេ ហេីយមូលហេតុឈានទៅដល់ការចាក់សម្លាប់ ហេីយរត់មកចង់កបែបនេះ តាមមិត្តភ័ក្កនារីរងគ្រោះ បានបង្ហេីបថា បុរសជាឃាតករ បានចូលស្ដីដណ្ដឹងជាច្រេីនដង តែខាងស្រីគេមិនព្រម ទេីបចាក់សម្លាប់បែបនេះទៅ។ តាមសម្តីរបស់ម្តាយជនរងគ្រោះបានឲដឹងថា ជមសង្ស័យអាចនិងជាអតីតសង្សាររបស់នាង ព្រោះកាលពីម្សិលម្ង៉ៃ ជនសង្ស័យនោះ បានទៅសុំគាត់ ចូលស្តីដណ្តឹងកូនស្រីគាត់តែគាត់មិនព្រមឲ ព្រោះកូនស្រីគាត់ បានប្រាប់ថាមិនយកជនសង្ស័យនោះទេ ទោះបីជាអ្នកទាំង ធ្លាប់ស្រលាញ់គ្នា កាលពីនៅ […]