យោងសេចក្តីជូនដំណឹងលេខ២៤៥ សជណ ព.ម ចុះថ្ងៃទី១១ ខែកក្កដា ឆ្នាំ ២០២៤ របស់ក្រសួង ព័ត៌មាន សមាគមសារព័ត៌មាន អេឡិចត្រូនិច អឹម អេស ជេ (AEMSJ) សូមអំពាវនាវដល់ សមាជិក សមាជិកា អង្គភាពសារព័ត៌មានដែលជាសមាជិកសមាគមទាំងអស់ ព្រមទាំងអង្គភាពសារព័ត៌នានា និងមហាជនទាំង អស់ សូមចូលរួមផ្សព្វផ្សាយឲ្យបានទូលំទូលាយស្តីពី “ការបើកការដ្ឋានសាងសង់គម្រោង ព្រែកជីកហ្វូណន តេជោ” ដែលជាគម្រោងជាប្រវត្តិសាស្ត្រ គម្រោងរបស់ខ្មែរ ធ្វើឡើងដោយខ្មែរ និងដើម្បីខ្មែរគ្រប់គ្នា ដែលនឹង ប្រព្រឹត្តទៅនៅ ថ្ងៃទី០៥ ខែសីហា ឆ្នាំ២០២៤ ខាងមុខនេះ។ នេះជាព្រឹត្តិការណ៍ប្រវិត្តិសាស្ត្រ និងជាមរតក សម្រាប់ប្រជាជនកម្ពុជាគ្រប់ៗ ជំនាន់ត្រូវចងចាំនូវ គុណតម្លៃ និងអត្ថប្រយោជន៍ ដ៏មហាសាលចំពោះសង្គម សេដ្ឋកិច្ច បរិស្ថាន និងជានយោបាយផ្លូវទឹករបស់កម្ពុជា ក្រោមគំនិតផ្តួចផ្តើមប្រកបដោយចក្ខុវិស័យវែងឆ្ងាយ របស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជា ប្រធានឧត្តមក្រុមប្រឹក្សា ផ្ទាល់ព្រះមហាក្សត្រ នៃព្រះរាជាណាចក្រកម្ពុជាដែលបាននឹងកំពុងអនុវត្តដោយរាជរដ្ឋាភិបាលនីតិកាលទី ៧នៃរដ្ឋសភា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ តាមន័យ និងខ្លឹមសារដូចបានជម្រាបជូនខាងលើ សមាគមសារព័ត៌មាន អេឡិចត្រូនិច អឹម អេស ជេ (AEMSJ) សូមអំពាវនាវដល់ សមាជិក សមាជិកាទាំងអស់ ព្រមទាំងអ្នកសារព័ត៌មាននានា មេត្តាចូលរួម ផ្សព្វផ្សាយ នូវគ្រប់សកម្មភាព នៃការអភិវឌ្ឍ ជាប្រវត្តិសាស្ត្រនេះឲ្យបានទូលំទូលាយ ទូទាំងប្រទេស និងនៅលើឆាកអន្តរជាតិផងដែរ ។សូមសមាជិក សមាជិកា អ្នកសារព័ត៌មាន និងមហាជនទាំងអស់ មេត្តាទទួលនូវការគោរពរាប់អានអំពីខ្ញុំ។
