(ភ្នំពេញ): ឯកឧត្តមបណ្ឌិត សុខ ចាន់ភក្តី រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម នេត្រ ភក្ត្រា រដ្ឋមន្ត្រីក្រសួងព័ត៌មាន អញ្ជើញជាអធិបតី បើកវគ្គបណ្ដុះបណ្ដាលពិសេសលើកទី៤ ជូនសិក្ខាកាម ចំនួន ៦៨៤នាក់, ដែលមានការចូលរួមពី ឯកឧត្ដមបណ្ឌិត ជា ដែន អនុរដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្ដម លឹម សុគន្ថា អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ភ្នំពេញ ,អ្នកឧកញ៉ា សំអាង វឌ្ឍនៈ អគ្គនាយក ក្រុមហ៊ុនវឌ្ឍន:ប្រូវើរី លោកបណ្ឌិត ហោ គន្ធា ប្រធានសមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា នាព្រឹកថ្ងៃសៅរ៍ ១២កើត ខែភទ្របទ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៤ ខែកញ្ញា ឆ្នាំ២០២៤។ថ្លែងនៅក្នុងពិធីបើកវគ្កបណ្តុះបណ្តាលនាព្រឹកនេះ ឯកឧត្តមបណ្ឌិត សុខ ចាន់ភក្តី រដ្ឋលេខាធិការក្រសួងព័ត៌មាន បានមានមតិសំណេះសំណាល និងផ្តាំផ្ញើរទៅសិក្ខាកាមទាំង៦៨៤រូប ដែលបានចូលរួម ត្រូវតែព្យាយាមក្រេបយកនូវចំណេះដឹង ពីគ្រូឧទ្ទេសដែលមានបទពិសោធន៏យូរឆ្នាំ គ្រាន់ទុកជាស្ពាន និងជាយាន្ដ ផ្ដល់ជាចំណេះដឹង និងជំនាញ ឱ្យសិក្ខាកាមយកទៅប្រើប្រាស់ ប្រកបដោយភាពល្អប្រសើរក្នុងជីវភាពប្រចាំថ្ងៃ និងទៅអនាគត។ឯកឧត្ដមបណ្ឌិត ជា ដែន អនុរដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានកិត្ដិយស សមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា បានធ្វើការកោតសរសើរ ចំពោះសមាគមសារព័ត៌មាន ដែលបានរួមគ្នាបង្កើតឡើងនូវឱកាស សិក្សា និងការចែករំលែកចំណេះដឹង និងបទពិសោធន៍ជូនអ្នកសារព័ត៌មាន ក៏ដូចជា សិស្ស និស្សិត និងមន្ដ្រីរាជការ ហើយក៏ជាការចូលរួមក្នុងការអភិវឌ្ឍន៍ធនធានមនុស្សនៅកម្ពុជា លើវិស័យសារព័ត៌មាន។លោកបណ្ឌិត ហោ គន្ធា ប្រធានសមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា បានថ្លែងប្រាប់អោយដឹងថា វគ្គបណ្តុះបណ្តាលពិសេសលើកទី៤ ក្រោមប្រធានបទ «មូលដ្ឋានគ្រឹះគ្រប់គ្រងព័ត៌មានបែបឌីជីថល» គឺបានលើកយក នូវមេរៀនដែលជាការឆ្លើយតប យ៉ាងសំខាន់ លើវិស័យព័ត៌មាន និងព័ត៌មានវិទ្យា លើការគ្រប់គ្រងសណ្ដាប់ធ្នាប់ព័ត៌មាន និងបានបង្ហាញឱ្យឃើញពីទិដ្ឋភាព នៃសិទ្ធិបញ្ចេញមតិ សិទ្ធិក្នុងការទទួលយកព័ត៌មាន ក្របខ័ណ្ឌច្បាប់ និងការផ្សព្វផ្សាយព័ត៌មានលើបណ្ដាញឌីជីថល និងដើម្បីជាការផ្ដល់នូវចំណេះដឹង ជំនាញ និងបទពិសោធន៍ល្អៗជាច្រើនទុកជាទុនសម្រាប់សិក្ខាកាម ក៏ដូចជាអ្នកសារព័ត៌មានអាចរក្សាទុក ដើម្បីធ្វើការអនុវត្តលើវិស័យសារព័ត៌មាន ប្រកបដោយក្រមសីលធម៌ និងវិជ្ជាជីវៈ។លោកបណ្ឌិតបានបន្ដទៀតថា វគ្គបណ្ដុះបណ្ដាលនាឱកាសនេះ គឺទទួលបានការគាំទ្រ និងការលើកទឹកចិត្តដ៏ខ្ពង់ខ្ពស់ពីសំណាក់ ឯកឧត្ដម នេត្រ ភក្ដ្រា រដ្ឋមន្ដ្រី ក្រសួងព័ត៌មាន និងបានផ្ដល់នូវកិត្ដិយសធ្វើបទបង្ហាញផ្ទាល់ជូន សិក្ខាកាម ចំនួន៦៨៤នាក់ផងដែរ។ គួររំលឹកផងដែរថា វគ្គបណ្ដុះបណ្ដាលពិសេសលើកទី៤ នេះ ត្រូវបានរៀបចំឡើងដោយ សមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា និងសមាគម សារព័ត៌មាន អេឡិចត្រូនិច អឹម អេស ជេ និងរួមសហការរៀបចំពី សមាគមសារព័ត៌មានគេហទំព័រកម្ពុជា សមាគមអ្នកសារព័ត៌មានយុវជន និងសមាគមអ្នកសារព័ត៌មានមាគ៌ាសន្ដិភាព និងទទួលបានការគាំទ្រពីក្រសួងបរិស្ថាន ព្រមទាំងមានការចូលរួមឧបត្ថម្ភធំលើការសម្រួលកម្មវិធីពីសំណាក់ អ្នកឧកញ៉ា សំអាង វឌ្ឍនៈ អគ្គនាយក ក្រុមហ៊ុន VATTANAC BREWERY ផងដែរ។
Related Articles
ឯកឧត្តមអភិសន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ បានសម្រេចដកហូតមុខតំណែងលោក ហេង ហាប់ ពីស្នងការរងនៃស្នងការដ្ឋាននគរបាលខេត្តកំពតឱ្យមកជាមន្ត្រី។ មូលហេតុ ល្មើសវិន័យរបស់កងកម្លាំងនគរបាលជាតិ។ នេះបេីយោងតាមប្រកាសចុះថ្ងៃទី១២ ខែកញ្ញា ឆ្នាំ២០២៣…
ឯកឧត្តមអភិសន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ បានសម្រេចដកហូតមុខតំណែងលោក ហេង ហាប់ ពីស្នងការរងនៃស្នងការដ្ឋាននគរបាលខេត្តកំពតឱ្យមកជាមន្ត្រី។ មូលហេតុ ល្មើសវិន័យរបស់កងកម្លាំងនគរបាលជាតិ។ នេះបេីយោងតាមប្រកាសចុះថ្ងៃទី១២ ខែកញ្ញា ឆ្នាំ២០២៣៕
កិច្ចសំណេះសំណាលរវាងរដ្ឋមន្ត្រីក្រសួងព័ត៌មានជាមួយសមាជិកសមាជិកានៃសមាគមអ្នកសារព័ត៌មានក្នុងទិសដៅចូលរួមអភិវឌ្ឍវិស័យព័ត៌មាននៅកម្ពុជា…
ថ្ងៃចេញផ្សាយៈ December 1, 2023 រដ្ឋមន្ត្រីក្រសួងព័ត៌មាន ឯកឧត្តម នេត្រ ភក្រ្តា បានអញ្ជើញជួបសំណេះសំណាលជាមួយសមាគមអ្នកសារព័ត៌មាន នៅព្រះរាជាណាចក្រកម្ពុជា នារសៀលថ្ងៃទី០១ ខែធ្នូ ឆ្នាំ២០២៣ នៅសាលចតុមុខមង្គល ទីស្តីការក្រសួងព័ត៌មាន។ កម្មវិធីជួបជុំនេះក្នុងគោលបំណងស្វែងយល់ពីគ្នាទៅវិញទៅមក តម្រូវការ ឬសំណូមពររបស់សមាគមសារព័ត៌មាន ដើម្បីចូលរួមអភិវឌ្ឍន៍វិស័យសារព័ត៌មាននៅកម្ពុជាអោយមានការរីកចំរើនទៅមុខទៀត និងបានលើកឡើងនូវការវាយតំលៃថា នៅកម្ពុជាមានអ្នកសារព័ត៌មានក្នុងប្រពន្ធ័ផ្សព្វផ្សាយបុរាណ និងសម័យទាំងអស់ជាង ១ មុឺននាក់ មានសារព័ត៌មានអនឡាន ជិត ១ ០០០ ស្ថាប័ន បានចុះបញ្ជីត្រឹមត្រូវនៅក្រសួងព័ត៌មាន ហើយនៅជាង ១ ០០០ អនឡាញទៀតនៅមិនទាន់ចុះបញ្ជី ។ ជាងនេះទៅទៀតការជួបជុំជាមួយអ្នកសារព័ត៌មានដែលជាសមាជិកតំណាងឲ្យសមាគមនីមួយៗក៏បានយល់ដឹងស៊ីជម្រៅបន្ថែម។ពីរចក្ខុវិស័យនានាដែលរដ្ឋមន្ត្រីក្រសួងព័ត៌មានបានធ្វើបទបង្ហាញផ្សេងៗក្នុងគោលបំណងឲ្យបានស៊ីជម្រៅទាំងអស់គ្នា។ យ៉ាងណាមុិញសមាជិក សមាជិកា តំណាងសមាគមនីមួយៗមានអារម្មណ៍ និងសម្ដែងការពេញចិត្តចំពោះអ្វីដែលជាចក្ខុវិស័យរបស់ឯកឧត្តម នេត្រ ភាត្រា រដ្ឋមន្ត្រីក្រសួងព័ត៌មានបានលើកឡើងនៅចំណុចល្អៗសម្រាប់ដំណើរការក្នុងវិស័យព័ត៌មាននៅកម្ពុជា។
អាងទឹកវ៉ៃគោ រងសំពាធយ៉ាងខ្លាំង កម្ពស់ទឹក លើសពីកម្រិត ប្រកាសអាសន្ន នៅស្វាយរៀង
(ថ្ងៃទី 15 October 2020 ម៉ោង 8:10 am) ភ្នំពេញ៖ នៅថ្ងៃទី១៤ ខែតុលា ឆ្នាំ២០២០នេះ ភ្លៀងធ្លាក់ច្រើនជាបន្តបន្ទាប់ អស់រយៈពេល ជាង២សប្តាហ៍បានធ្វើឱ្យអាងទឹកមួយចំនួនក្នុងខេត្តស្វាយរៀង មានកម្ពស់ទឹកកម្រិតអតិបរមាខ្ពស់គួរឲ្យព្រួយបារម្ភ ប្រជាកសិករបានកំពុងធ្វើ ស្រូវវស្សាជុំវិញអាង ក៍ទទួលរងប៉ះពាល់លិចស្រូវ និងភូមិឋានរបស់ប្រជាពលរដ្ឋ ។ «បច្ចុប្បន្នអាងទឹកវ៉ៃគោ កំពុងរងសំពាធយ៉ាងខ្លាំង កម្ពស់ទឹកលើស ពីកម្រិតប្រកាសប្រុងប្រយ័ត្ន បានធ្វើអោយស្រូវវស្សា និងភូមិឋាន តាមបណ្តាយអាងទឹកនេះ មួយចំនួនបានលិច»។ ក្រសួងបន្តថា ទោះបីយ៉ាងណា តាមរយៈជំនួយបច្ចេកទេស និងសម្ភារៈមួយចំនួន នៃក្រសួងធនធានទឹកនិង ឧតុនិយម លោកអភិបាលខេត្តស្វាយរៀងបានដឹកនាំមន្ត្រីរាជការនៃមន្ទីរជំនាញនានា និងកងកម្លាំងប្រដាប់អាវុធគ្រប់ប្រភេទ ប្រមាណ៣០០នាក់ ចូលរួមធ្វើការទប់ ការពារជំនន់ទឹកភ្លៀង អាចហូរលើទំនប់រង បានប្រវែង២៥០ម៉ែត្រ និងកាយកំប្លោកដើម្បី សម្រួលផ្លូវទឹកហូរឲ្យលឿនជាងមុន នៅប៉ែកខាងក្រោមបង្ហៀរវ៉ៃគោ ទម្លាក់ចុះទៅព្រែកផ្នែកខាងក្រោម។ ជាមួយគ្នានេះដែរ ក៏បានចុះអន្តរាគមន៍ កាយកំប្លោក និងកញ្ឆែតដែលធ្វើឲ្យ ស្ទះទ្វារទឹកតាហោ អាងទឹកវ៉ៃគោ ដើម្បីបង្កើនល្បឿនទឹកហូរ និងដោះទឹកដែលលើសពីតម្រូវការក្នុងអាង ហើយត្រៀមអន្តរាគមន៍ជាប្រចាំ ៕