ព័ត៌មានជាតិ

ផ្អើលទាំងយប់! មុខសញ្ញាទាក់សត្វឆ្កែ២នាក់ ត្រូវសមត្ថកិច្ចខណ្ឌចំការមន ដេញចាប់បាន រួមទាំងសត្វឆ្កែ១ក្បាល

ភ្នំពេញ ៖ កម្លាំងសមត្ថកិច្ចខណ្ឌចំការមន បានធ្វើការដេញចាប់ជនសង្ស័យ២នាក់ តាំងពីរង្វង់មូលផ្សារដើមថ្កូវ រហូតឃាត់ខ្លួនបាននៅជាប់របងមន្ទីរពេទ្យរុស្ស៊ី និងដកហូតវត្ថុតាងសត្វឆ្កែ១ក្បាល បង្កការភ្ញាក់ផ្អើលកាលពីវេលាម៉ោង១និង៥០នាទីរំលងអធ្រាត្រ ឈានចូលថ្ងៃទី១៦ ខែកក្កដា ឆ្នាំ២០២១ ស្ថិតក្នុងសង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។ សមត្ថកិច្ចបានឲ្យដឹងថា ជនសង្ស័យទាំង២នាក់ ទី១.ឈ្មោះ វិត ភេទប្រុស អាយុ៤៣ឆ្នាំ, ទី២.ឈ្មោះ ស្នា ភេទប្រុស អាយុ៣០ឆ្នាំ។ អ្នកទាំងពីរមានមុខរបបមិនពិតប្រាកដ ស្នាក់នៅក្បែរស្ពានអាកាសស្ទឹងមានជ័យ ក្នុងសង្កាត់ស្ទឹងមានជ័យ២ ខណ្ឌមានជ័យ។ តាមប្រភពពីសមត្ថកិច្ចដែលដេញឃាត់ជនសង្ស័យខាងលើ បានប្រាប់ឲ្យដឹងថា មុនកើតហេតុ កម្លាំងលោកបានជិះល្បាតក្នុងភូមិសាស្ត្ររបស់ខ្លួន ក៏ប្រទះឃើញជនសង្ស័យ២នាក់ ជិះម៉ូតូមួយគ្រឿង ម៉ាក SUZUKI ពណ៌ក្រហម ពាក់ស្លាកលេខ ភ្នំពេញ 1AA-6849 និងបីសត្វឆ្កែ ពណ៌ខ្មៅ១ក្បាល មានទាំងខ្សែលួសជាប់នឹងខ្លួនសត្វ ទើបមានការសង្ស័យក៏ហៅឲ្យឈប់ តែជនសង្ស័យទាំង២នាក់នោះមិនឈប់ ធ្វើឲ្យសមត្ថកិច្ចដេញតាមតាំងពីរង្វង់មូលផ្សារដើមថ្កូវ ខណ្ឌចំការមន រហូតឃាត់ខ្លួនជនសង្ស័យទាំង២នាក់នេះ បាននៅជាប់របងមន្ទីរពេទ្យរុស្ស៊ី តាមបណ្ដោយផ្លូវ១៨៧ ក្នុងសង្កាត់ទំនប់ទឹក ខណ្ឌបឹងកេងកង រួមទាំងចាប់យកវត្ថុតាងសត្វឆ្កែ១ក្បាលផងដែរ។ ក្រោយពេលឃាត់ខ្លួនជនសង្ស័យខាងលើបានភ្លាម សមត្ថកិច្ចបាននាំខ្លួនជនសង្ស័យទាំង២នាក់ និងវត្ថុតាងទៅកាន់អធិការដ្ឋាននគរបាលខណ្ឌចំការមន […]

ព័ត៌មានជាតិ

ក្រសួងវប្បធម៌ ចេញសេចក្តីប្រកាសព័ត៌មានជាផ្លូវការ ពាក់ព័ន្ធការសាងសង់ប្រាសាទថ្ម នៅខេត្តបុរីរម្យ ប្រទេសថៃ ដែលស្រដៀងប្រាសាទអង្គរវត្ត របស់កម្ពុជា

ភ្នំពេញ ៖ បើយោងតាមសេចក្ដីប្រកាសព័ត៌មាន របស់ក្រសួងវប្បធម៌ និងវិចិត្រសិល្បៈ ដែលចេញនៅថ្ងៃទី៧ ខែកក្កដា ឆ្នាំ២០២១នេះ បានបញ្ជាក់ស្ដីពីករណីពាក់ព័ន្ធនឹងការសាងសង់ប្រាសាទថ្ម នៅខេត្តបុរីរម្យ នៃប្រទេសថៃ ដែលស្រដៀងប្រាសាទអង្គរវត្ត របស់ប្រទេសកម្ពុជា។ ជាក់ស្ដែង នៅក្នុងសេចក្តីប្រកាសព័ត៌មានរបស់ក្រសួងវប្បធម៌ និងវិចិត្រសិល្បៈ បានបញ្ជាក់ថា ពាក់ព័ន្ធនឹងការសាងសង់ប្រាសាទថ្មមួយ នៅខេត្តបុរីរម្យ ក្នុងប្រទេសថៃ នារយៈពេលប៉ុន្មានថ្ងៃកន្លងមកនេះ ក្រសួងវប្បធម៌ និងវិចិត្រសិល្បៈ បានទំនាក់ទំនង និងសហការយ៉ាងជិតស្និទ្ធជាមួយស្ថានឯកអគ្គរាជទូតព្រះរាជាណាចក្រកម្ពុជា ប្រចាំនៅព្រះរាជាណាចក្រថៃ ដើម្បីស្រាវជ្រាវប្រមូលព័ត៌មានបន្ថែម។ ស្ថានឯកអគ្គរាជទូតព្រះរាជាណាចក្រកម្ពុជា បានចុះធ្វើការស្រាវជ្រាវយ៉ាងយកចិត្តទុកដាក់ និងប្រមូលបានព័ត៌មានជាបឋមមួយចំនួន ដូចខាងក្រោម៖ ១៖ សំណង់ប្រាសាទនេះ ជាសំណង់មួយក្នុងចំណោមសំណង់ប្រាសាទថ្មដទៃៗទៀតមានភាពចម្រុះគ្នា ជាទីប្រតិស្ឋាននៃព្រះពុទ្ធរូបសម្រាប់បូជា ស្ថិតក្នុងវត្តពុទ្ធបាទសិលាភូម៉ានហ្វា នៃភូមិណងបួឡាយ ឃុំបានស៊ុង ស្រុកណាងរឹង ខេត្តបុរីរម្យ នៃព្រះរាជាណាចក្រថៃ។ សំណង់នេះធ្វើពីថ្មភក់នៅផ្នែកក្រៅ និងចាក់បេតុងបង្កប់ដែកពីខាងក្នុង។ ២៖ តាមរយៈការបំភ្លឺ និងបង្ហាញឯកសារ ប្លង់ សំណង់នានា ព្រះចៅអធិការវត្តបានបញ្ជាក់ថា ការសាងសង់ប្រាសាទនេះមិនបានលួចចម្លងប្លង់ ឬសាងសង់តាមរចនាបថស្ថាបត្យកម្មដូចគ្នាទៅនឹងប្រាសាទអង្គរវត្ត ឬប្រាសាទបុរាណណាមួយនៅក្នុងប្រទេសកម្ពុជាឡើយ ពោលគឺសាងសង់តាមគំនូសប្លង់ដោយខ្លួនឯង និងរចនាទៅតាមស្ថាបត្យកម្មប្រាសាទមួយចំនួនដែលមានក្នុងតំបន់នោះ។ ៣៖ តំណាងអ្នកសម្របសម្រួល […]

ព័ត៌មានជាតិ

គួរឲ្យរន្ធត់ណាស់!!!បុរសម្នាក់ជិះម៉ូតូក្នុងល្បឿនលឿនទៅបុករថយន្តពីក្រោយបណ្ដាលឱ្យបាក់កស្លាប់បាត់បង់ជីវិតភ្លាមៗនៅកន្លែងកើតហេតុ…

(ភ្នំពេញ)÷បុរសម្នាក់បានជិះម៉ូតូមួយគ្រឿងក្នុងល្បឿនលឿនហើយខ្វះការប្រុងប្រយ័ត្នទៀតនោះក៍បានជ្រុលទៅបុកជាមួយនឹងរថយន្តដឹងខ្សាច់ពីក្រោយពេញទំហឹងបណ្ដាលឲ្យដួលបោកក្បាលបាក់ក ស្លាប់ភ្លាមៗនៅនឹងកន្លែងកើតហេតុតែម្ដង ។ ហេតុការណ៍នេះបានកើតឡើងកាលពីវេលាម៉ោង០៩នឹង៣០នាទីយប់ ថ្ងៃទី០១ ខែកក្កដា ឆ្នាំ២០២១ ស្ថិតតាមបណ្ដោយផ្លូវ ៥០ម៉ែត្រ ត្រង់ចំណុចនឹងច្រកចូលទៅប៉ុស្ត៍វិទ្យុ-ABC ក្នុងសង្កាត់ដង្កោ ខណ្ឌដង្កោរាជធានីភ្នំពេញ ។ សពជនរងគ្រោះ មាន ឈ្មោះ កៅ ចំរើន ភេទប្រុស អាយុ៣១ ឆ្នាំ មានតួនាទីជាមន្ត្រី ផ្នែកបញ្ជាការដ្ឋានកងអង្គរក្ស បច្ចុប្បុន្នជួលបន្ទប់គេស្នាក់នៅ ក្នុងសង្កាត់ដង្កោ ខណ្ឌដង្កោ រាជធានីភ្នំពេញ  យោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានរៀបរាប់ឲ្យដឹងថានៅមុនពេលគ្រោះថ្នាក់ចរាចរណ៍នេះបានកើតឡើងគេបានឃើញ បុរសម្នាក់ជិះម៉ូតូម៉ាកហុងដា សេ១២៥ ស៊េរីឆ្នាំ២០២១ ពណ៍ខ្មៅមួយគ្រឿងពាក់ស្លាកលេខភ្នំពេញ1IQ-8770 ជិះធ្វើដំណើរតាមបណ្ដោយផ្លូវ ៥០ ម៉ែត្រ ក្នុងទិសដៅពីកើតទៅលិច ក្នុងល្បឿនលឿន ខណៈពេលមកដល់ត្រង់ចំណុច ផ្លូវច្រកចូលទៅប៉ុស្តិ៍វិទ្យុ ABC ក៍បានជ្រុលចង្កូតទៅបុកពីក្រោយរថយន្តដឹកខ្សាច់ពេញទំហឹងបណ្ដាលឱ្យដួលបោកក្បាលបាក់កស្លា ប់នៅលើម៉ូតូរបស់ខ្លួនយ៉ាងអាណោចអាធ័ម រីឯរថយន្តដឹកខ្សាច់នោះ ក៏បានព្យាយាមបើករត់គេចខ្លួនបាត់ស្រមោលតែម្ដង ។ បន្ទាប់ពីជនរងគ្រោះបានជួបគ្រោះថ្នាក់នេះហើយស្រាប់តែមានជនឆ្លៀតឱកាសមកបន្លំធ្វើជាសាច់ញាតិហើយលូកយកលុយពីក្នុងហោប៉ៅអស់ចំនួន 250$ ហើយគិចខ្លួនបាត់តែម្ដង ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ទីតាំងកើតហេតុនោះភ្លាមរួចទាក់ទងទៅផ្នែកជំនាញចរាចរណ៍ខណ្ឌដង្កោឱ្យចុះមកធ្វើការវាស់វែង រួចរាល់ក៏បានយកម៉ូតូជនរងគ្រោះមកដាក់អែបនៅខាង ដើម្បីធ្វើកំណត់ហេតុនិងកុសល្យវិច្ច័យទៅលើសាកសពហើយក៏បានប្រគល់សពជនរងគ្រោះរួមជាមួយនឹងម៉ូតូទៅឲ្យសាច់ញាតិនិងក្រុមគ្រួសារយកទៅធ្វើបុណ្យតាមប្រពៃណី៕ដោយ% ទូច រ៉ាវុធ

ព័ត៌មានជាតិ

ភ្លៀងលាយឡំនឹងខ្យល់កន្រ្តាក់បណ្តាលអោយរលំដើមឈើសង្កត់Passapp

(ភ្នំពេញ)នៅថ្ងៃទី 30/06/2021 រសៀលតាមបណ្តោយផ្លូវសហព័ន្ធរុស្សី សង្កាត់បឹងកក់១ ខណ្ឌ ទួលគោក រាជ្យធានីភ្នំពេញ មានភ្លៀងធ្លាក់លាយឡំជាមួយខ្យល់កន្ទ្រាក់បានបោកបក់យ៉ាងគំហុកបង្ករអោយបាក់រលំដើមឈើធំមួយដើមនៅទល់មុខក្រសួងការងា ចំពីពីលើ passapp មួយគ្រឿងពាក់ស្លាកលេខ (ព្រៃវែង 1N-1761)រងការខូចខាតកំពឹតដំបូលតែមិនបណ្តាលអោយរងរបួសដល់មនុស្សទេ ហេតុការនេះបង្ករអោយមានការកកស្ទះព្រោះតែដើមឈើបាក់រលំកាត់ទទឹងផ្លូវតែម្តង។ក្រោយហេត្តការណ៍កើតឡើងក៏ឃើញមានកងកម្លាំងសម្ថកិច្ចខ័ណ្ឌទួលគោកចុះជួយអន្តរាគមន៍ដើម្បីជួយកាត់ដើមឈើដើម្បីយកកង់បីឥណ្ឌាចេញពីក្រោមដើមឈើផងដែរ៕ដោយ% ទូច រ៉ាវុធ

ព័ត៌មានជាតិ

មនុស្ស៤នាក់ស្លាប់ និងឆេះរថយន្ត-ម៉ូតូ៩គ្រឿង ក្នុងគ្រោះអគ្គិភ័យមួយកន្លែង ក្នុងសង្កាត់បឹងរាំង

ភ្នំពេញ ៖ អគ្គិភ័យបានឆាប់ឆេះផ្ទះលេខ៤៤ និង៤៦ ផ្លូវលេខ២០០ ក្រុម២ ភូមិ១ សង្កាត់បឹងរាំង ខណ្ឌដូនពេញ រាជធានីភ្នំពេញ នាម៉ោង៤៖៣០នាទីព្រឹក ថ្ងៃទី២៩ ខែមិថុនា ឆ្នាំ២០២១នេះ បានធ្វើឲ្យមនុស្សប្រុស៤នាក់ស្លាប់ និងរងរបួសម្នាក់ ព្រមទាំងឆេះរថយន្ត និងម៉ូតូទាំងអស់៩គ្រឿងផងដែរ។ នេះបើតាមការចុះផ្សាយ របស់នាយកដ្ឋាននគរបាលបង្ការពន្លត់អគ្គិភ័យ និងសង្រ្គោះ។ អ្នកស្លាប់ទាំង៤នាក់នោះ មិនទាន់ស្គាល់អត្តសញ្ញាណនៅឡើយទេ ចំណែកអ្នករបួសស្រាលមានឈ្មោះ ម៉ូច សីហា ភេទប្រុស អាយុ ២៤ឆ្នាំ មុខរបរ មន្រ្តីកិច្ចសន្យាអគ្គិភ័យ។ ផ្ទះដែលឆាប់ឆេះនោះធ្វើពីថ្មបេតុង ទំហំ៩ម៉ែត្រ គុណ៣០ម៉ែត្រ ចំនួន៣ជាន់។ ខូចខាតសម្ភារដូចជា៖ ផ្ទះត្រូវខូចខាតទាំងស្រុង ឆេះរថយន្ត Ford Willdrak ពណ៌ខ្មៅ ពាក់ស្លាកលេខ ភ្នំពេញ 2BB-8233 ចំនួន១គ្រឿង ឆេះរថយន្ត Luxus 330 ពណ៌ស ពាក់ស្លាក់លេខ ភ្នំពេញ 2AL-1158 ចំនួន១គ្រឿង និងឆេះម៉ូតូសរុបចំនួន ៧គ្រឿង ដោយអគ្គិភ័យពុំបានឆេះរាលដាលដល់ផ្ទះអ្នកជិតខាងឡើយ។ […]

ព័ត៌មានជាតិ

សង្ស័យស្រវឹងស្រាបើករថយន្តតូចទៅបុករថយន្តធុនធំដឹកសត្វគោនិងក្របីខ្ទាតទៅប៉ះកង់មួយគ្រឿងទៀតរងការខូចខាតយ៉ាងដំណំ

ភ្នំពេញ: បុរសម្នាក់សង្ស័យសង្ស័យស្រវឹងស្រាធ្លាក់ភ្នែកបើករថយន្តធុនតូចមួយគ្រឿងរេចង្កូតបុករថយន្តធុនធំដឹកសត្វគោនិងក្របីពីចំហៀងពេញកំហឹង បណ្តាលឲ្យខ្ទាតទៅប៉ះកង់មួយគ្រឿងទៀតដែរម្ចាស់ទុកនៅមុខផ្ទះរងការខូចខាតយ៉ាងដំណំសំណាងល្អមិនបង្កឲ្យមានអ្នករងរបួស។ ហេតុការណ៍នេះកើតឡើងកាលពីវេលាម៉ោង 10 និង 30 នាទីយប់ថ្ងៃទី ២៨ ខែមិថុនាឆ្នាំ ២០២១ នៅតាមបណ្តោយផ្លូវ ៥៩៨ ជិតនឹងរង្វង់មូលកាំកូសុីធីក្នុងសង្កាត់ទួលសង្កែបឹងកក់ទី១ ខ័ណ្ឌទួលគក រាជ្យធានីភ្នំពេញ។ តាមការរៀបរាប់ពីតៃកុងរថយន្តធន់ធំបានប្រាប់ឲ្យដឹងថាមុនកើតហេតុហេតុរូបគាត់បើករថយន្តម៉ាកHINOមួយគ្រឿងពណ៌ក្រហមពាក់ស្លាកលេខពោធិ៍សាត់3A-1446ដឹកសត្វគោនិងក្របីចេញពីខេត្តបាត់ដំបង ដោយយកទៅលក់នៅប្រទេសវៀតណាម ដោយធ្វើដំណើរទិសដៅពីជើងទៅត្បូង ក្នុងល្បឿនមធ្យម លុះមកដល់ចំណុចកើតហេតុខាងលើស្រាប់តែមានបុរសម្នាក់សង្ស័យស្រវឹងស្រាធ្លាក់ភ្នែកបើករថយន្តមួយគ្រឿងម៉ាកSUBARU FORESTER ពណ៌ទឹកប្រាក់ពាក់ស្លាកលេខភ្នំពេញ2AO-7756 ធ្វើដំណើរបញ្ច្រាសទិសដៅគ្នាពីត្បូងទៅជើង បានរេចង្កូតមកខាងឆ្វេងដៃជ្រុលទៅបុកពីចំហៀងរថយន្តធុនធំពេញទំហឹង បណ្ដាលឲ្យរថយន្តធន់តូចខ្ទាតមកខាងស្ដាំដៃទៅប៉ះកង់មួយគ្រឿងទៀតដែលម្ចាស់ដាក់នៅមុខផ្ទះរងការខូចខាតយ៉ាងដំណំ ចំណែករថយន្តធន់ធំរងការខូចខាតបន្តិចបន្តួច ឯរថយន្តធន់តូចខូចខាតផ្នែកខាងមុខយ៉ាងដំណំ។ ក្រោយកើតហេតុសមត្ថកិច្ចមូលដ្ឋានបានចុះមកដលនឹងមានតំណាងភាគីទាំងសងខាងចុះមកដល់កន្លែងកើតហេតុ ដោយខាងភាគីរថយន្តធន់តូចបានចេញសំណងថ្លៃខូចខាតទៅឲ្យរថយន្តធន់ធំនិងកង់មួយគ្រឿងដើម្បីបញ្ចប់រឿងនៅនឹងកន្លែងកើតហេតុ៕ដោយ% ទូច រ៉ាវុធ

ព័ត៌មានជាតិ

ទីបំផុត! ឃាត.ក វ័យ៦៧ឆ្នាំ ដែលកាប់សម្លាប់លោកយាយ អាយុ៧៤ឆ្នាំ រួចរត់គេចខ្លួនបាន២ថ្ងៃ ដើរមករកគុកដោយខ្លួនឯង

បន្ទាយមានជ័យ ៖ ទីបំផុត! ជនដៃដល់ដែលធ្វើសកម្មភាពយកពូថៅកាប់សម្លាប់លោកយាយវ័យ៧៤ឆ្នាំ យ៉ាងសាហាវនោះ ក្រោយពីរត់គេចខ្លួនបាន២ថ្ងៃ ដាច់បាយក្រហាយទឹក បានដើរមកស៊ីបាយនៅនឹងផ្ទះ ក៏ត្រូវជាប់អន្ទាក់នគរបាល និងចាប់ខ្លួនភ្លាមៗ នៅវេលាម៉ោង០៥ល្ងាច ថ្ងៃទី២៧ ខែមិថុនា ឆ្នាំ២០២១ នៅនឹងផ្ទះជនដៃដល់តែម្តង ស្ថិតនៅភូមិឃូស្វាយ ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ។ លោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះ បានឲ្យដឹងថា ក្រោយពីកើតមានអំពើឃាតកម្មយ៉ាងព្រៃផ្សៃ បានកើតឡើងនៅវេលាម៉ោង១២និង០៥នាទីថ្ងៃត្រង់ ថ្ងៃទី២៦ ខែមិថុនា ឆ្នាំ២០២១ ទៅលើជនរងគ្រោះឈ្មោះ សួ សួង ភេទស្រី អាយុ៧៤ឆ្នាំ នៅភូមិឃូស្វាយ ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ រួចមក ជនសង្ស័យជាឃាត.ក បានរត់គេចខ្លួនបាត់។ ដោយអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ កម្លាំងនគរបាលស្រុកព្រះនេត្រព្រះ និងកម្លាំងនគរបាលការិយាល័យព្រហ្មទណ្ឌកម្រិតធ្ងន់ ចុះធ្វើការស៊ើបអង្កេតស្រាវជ្រាវ និងលួចពួនចាំឃ្លាំមើលនៅជិតផ្ទះជនល្មើស រហូតដល់វេលាម៉ោង០៥ល្ងាច ថ្ងៃទី២៧ ខែមិថុនា ឆ្នាំ២០២១ ជនដៃដល់ឈ្មោះ ចយ សឺន […]

ព័ត៌មានជាតិ

អាសូរណាស់!!ស្ត្រីម្នាក់ត្អូញត្អែប្រាប់ប្ដីថាមិនស្រួលខណ:ប្តីខំជូនមកពេទ្យមិនដល់ផងដាច់ខ្យល់កណ្ដាលផ្លូវ បង្កឲ្យមានភ្ញាក់ផ្អើលទាំងយប់ ភ្នំពេញ ស្ត្រីម្នាក់មានជំងឺប្រចាំកាយជាប់ខ្លួនជាយូរមកហើយដោយត្អូញត្អែប្រាប់ប្ដីថាមិនខ្លួនស្រួលខ្លួនខណៈប្ដីប្រញាប់ប្រញាល់បញ្ជូនទៅសង្គ្រោះនៅឯមន្ទីរពេទ្យឯកជនមួយកន្លែងមិនទាន់ដល់ផងបានដាច់ខ្យល់ស្លាប់ក្បែពេទ្យ យ៉ាងអាណោចអាធ័ម បង្កឱ្យមានការភ្ញាក់ផ្អើលកាលពីវេលាម៉ោង ១១យប់ថ្ងៃទី ២៥ខែមិថុនាឆ្នាំ ២០២១ នៅតាមបណ្ដោយផ្លូវ ២០០២ ក្បែរនិងមន្ទីរពេទ្យឯកជនមួយកន្លែង ក្នុងភូមិបុរីកម្មករ សង្កាត់ទឹកថ្លា ខណ្ឌសែនសុខរាជធានីភ្នំពេញ។ តាមការរៀបរាប់ពីប្ដីជនរងគ្រោះបានប្រាប់ឲ្យដឹងថាប្រពន្ធរបស់គាត់ធ្លាប់មានប្ដីនិងមានកូនម្នាក់ រូចម្តងហើយ ក្រោយមកក៏បានលែងលះគ្នាទៅវិញ បន្ទាប់មករូបគាត់និងប្រពន្ធក៍បាមជួបគ្មាហើយស្រលាញ់ដោយយកគ្មាយែម្តងមិនបាមរៀបការនិងនោះទេតែចាស់ទុំ និងភូមិសង្កាត់បានដឹងលឺ ហើយបានរួមរស់និងគ្នាបានមានកូន ២ នាក់ថែមទៀតសរុបទាំងកូនប្តីមុននឹងគាត់ចំនួន៣ នាក់នៅក្នុងបន្ទុកដោយរស់នៅជាមួយគ្នាថែមទាំងប្រធន្ធរបស់គាត់មានជម្ងឺប្រចាំកាយរោគស្ត្រី(ទាស់)និងឬដូងបាតផង។ប្រភពដដែរបានបន្តទៀតថាមុនកើតហេតុ ប្រពន្ធបានត្អូញត្អែប្រាប់ថាមិនស្រួលខ្លួនជួយកោសខ្យល់ ឲ្យផង ខណៈនោះរូបគាត់ឃើញសភាពមិនស្រួលដោយប្រពន្ធដូចជាមានសភាពធ្ងន់ធ្ងរពេកក៏បានបញ្ជូនទៅពេទ្យឯកជនមួយកន្លែងខណ:មកដល់ក្បែរផ្ទះពេទ្យមិនទាន់បាមហៅពេទ្យស្រាប់ប្រពន្ធរបស់គាត់បានស្លាប់បាត់បង់ជីវិតទៅហើយ យ៉ាងអាណោចអាធ័មតែម្តង។រួចក៏មានការភ្ញាក់ផ្អើលដល់បងប្អូនប្រជាពលរដ្ឋរាយការណ៍ជូនទៅសមត្ថកិច្ចភ្លាមៗ។ ក្រោយកើតហេតុសមត្ថកិច្ចមូលដ្ឋានបានចុះដល់បានពិនិត្យនៅកន្លែងកើតហេតុរួចបានទំនាក់ទំនងទៅខាងផ្នែកជំនាញឲ្យចុះមកធ្វើកោសល្យវិច័យងាយស្រួលប្រគល់សពជូនសាច់ញាតិយកទៅធ្វើបុណ្យតាមប្រពៃណី៕

ព័ត៌មានជាតិ

អាជ្ញាធរខេត្តព្រៃវែង បានបង្ហាញអត្តសញ្ញាណអ្នកជំងឺកូវីដ១៩ ចំនួន២២នាក់ ដែលទើបធ្វើតេស្តរកឃើញ

ព្រៃវែង ៖ រដ្ឋបាលខេត្តព្រៃវែង បានបង្ហាញអត្តសញ្ញាណអ្នកវិជ្ជមានចជំងឺកូវីដ១៩ ចំនួន២២នាក់ បន្ថែមទៀត តាមរយៈការធ្វើតេស្តរហ័ស (Rapid Test) នៅមូលដ្ឋានក្នុងក្រុង/ស្រុកចំនួន១០ នាថ្ងៃទី២៣ ខែមិថុនា ម្សិលមិញ។ បច្ចុប្បន្ន អ្នកវិជ្ជមានជំងឺកូវីដ១៩ ទាំង ២២នាក់ខាងលើ កំពុងសម្រាកព្យាបាលនៅមន្ទីរពេទ្យបង្អែកខេត្ត និងតាមមន្ទីរពេទ្យបង្អែកស្រុករបស់ពួកគេនីមួយៗ។ ជាថ្មីម្តងទៀត ចំពោះអ្នកដែលបានប្រាស្រ័យទាក់ទងប៉ះពាល់ដោយផ្ទាល់ ឬប្រយោលជាមួយបុគ្គលវិជ្ជមានកូវីដ១៩ ខាងលើ សូមដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍មកអាជ្ញាធរដើម្បីយកសំណាក និងធ្វើចត្តាឡីស័ក៕

ព័ត៌មានជាតិ

ឃាត់ខ្លួនតារាសម្ដែង អេន វីន បញ្ជូនទៅឲ្យតុលាការសម្រេចដាក់គុក ករណីវាយសង្សារជាស្ត្រីមេម៉ាយ

ភ្នំពេញ ៖ កម្លាំងកងរាជអាវុធហត្ថរាជធានីភ្នំពេញ នៅព្រឹកថ្ងៃទី២២ ខែមិថុនា ឆ្នាំ២០២១នេះ បានឃាត់ខ្លួនតារាសម្តែងម្នាក់ ឈ្មោះ អេនវីន បញ្ជូនទៅកាន់សាលាដំបូងរាជធានីភ្នំពេញ ដើម្បីសម្រេចតាមច្បាប់ ពាក់ព័ន្ធករណីវាយសង្សារជាស្ត្រីមេម៉ាយឲ្យរងរបួស។ សូមជម្រាបថា ការឃាត់ខ្លួនជនសង្ស័យឈ្មោះ អេន វីន បានធ្វើឡើងបន្ទាប់ពីមានគណនី Facebook ឈ្មោះ សុទ្ធ កញ្ចកា ជាជនរងគ្រោះ កាលពីថ្ងៃទី១៧ ខែមិថុនា ឆ្នាំ២០២១ បង្ហោះរូបភាពភ្ជាប់ជាមួយខ្លឹមសារថា៖ «ឈឺអត់ទេ អត់ឈឺទេប៉ុណ្ណឹង តែអ្វីដែលឈឺបំផុត គឺឈឺចិត្ត ឈឺបេះដូង ឈឺចាប់ស្ទើរស្លាប់ មនុស្សដែលខ្ញុំស្រឡាញ់បំផុតលើសជីវិត អ្វីក៏ហ៊ានលះបង់ដើម្បីនៅជិតគ្នា បែរជាហ៊ានលើកដៃវាយខ្ញុំដូចសត្វធាតុ។ ប៉ុន្មានថ្ងៃក្រោយកើតហេតុ ខ្ញុំពិតជាមិនចង់យករូបបែបនេះយកមកផុសទេ ព្រោះពេលចង់សរសេរហើយ សូមសរសេរទៅមុខអត់រួចទេព្រោះបេះដូងខ្ញុំឈឺខ្លាំងទឹកភ្នែកសុំហូរខ្លាំងទប់មិនជាប់ទេ។ សាកបិទភ្នែកស្រមៃមើល សាកស្រមៃមើល ពេលដែលគេបិទទ្វារ មិនឲ្យអ្នកណាចូលមកជួយហើយដកខ្សែក្រវាត់ទំហំប៉ុន៣ម្រាមដៃ វាយក្បាលខ្ញុំប្រហែល១០ដង វាយយកវាយយកមិនដកដៃ។ ពេលនោះ ខ្ញុំឈឺពេកក៏យកដៃរងហើយគេមិនឈប់ទេគេមកវាយខ្លួនខ្ញុំថែមគ្រប់កន្លែងរហូតខ្ញុំរត់ទៅ កន្លៀតពួនលើកដៃសំពះគេ បងអើយឈប់វាយទៅ អូនឈឺណាស់ អូនអត់ខុសជាមួយបងទេ ម៉េចបងមិនជឿអូន តែគេមិនឈប់ដដែលគេវាយយកវាយយកទៀតរហូតខ្ញុំគាំង សុំស្ទះ គេក៏ឈប់មួយភ្លែតហើយគេ មកបោចសក់ខ្ញុំទម្លាក់ពីលើជណ្តើរ […]