ឈ្មោះ ខឿន បើកសង្វៀនរជល់មាន់និង បៀរ អាប៉ោង យូគីខុសច្បាប់បើកលេងយ៉ាងអនាធិបតេយ្យ 13/02/2022! ប្រភពពីប្រជាពលរដ្ឋមូលដ្ឋានបានអោយដឹងថានៅខេត្តកំពង់ធំ នៅខាងត្បូងវត្តចំបក់បញ្ញា ភូមិចំបក់បញ្ញា ឃុំបន្ទាយស្ទោងលើ ស្រុកស្ទោងខេត្តកំពង់ធំមានល្បែងសុីសង គ្រប់ប្រភេទដូចជាសង្វៀនប្រជល់មាន់និងអាប៉ោង លេងនៅកណ្ដាលទីរួម ខេត្តកំពង់ធំ លេងបានដោយរលូនដោយសេរី គេមិនឃើញមាន សមត្ថកិច្ចជំនាញឬកងកម្លាំងណាមួយចុះទៅធ្វើការបង្ក្រាបសង្វៀនជល់មាន់នោះឡេីយ។ ប្រភពប្រជាពលរដ្ឋដែលរស់នៅជិតនោះនិយាយថាសង្វៀនប្រជល់មាន់ អាប៉ោង បៀមួយកន្លែងនេះគឺគឺលេងជារៀងរាល់ថ្ងៃលេងឡើងដុះស្លែ។ប្រភពដដែលបានបន្ដទៀតថា ជារៀងរាល់ថ្ងៃគឺ មានក្រុមអ្នកញៀនល្បែងជាច្រើននាក់ បានទៅលេងល្បែងនៅទីនោះ ហើយក៏មានការកើតជម្លោះ ក្នុងគ្រួសារជាញឹកញាប់ផងដែរ ព្រោះតែល្បែងស៊ីសងនេះហើយ ។ប្រភពពីមន្ត្រីម្នាក់ដែលសុំមិនបញ្ចេញឈ្មោះ បានបង្ហើបឱ្យដឹងដែរថាសង្វៀនបញ្ជល់មាន់នេះ របស់លោកខឿន ហើយមានទាំងមេប៉ូលីស ធំៗ នៅក្រោយទៀតផង ពលរដ្ឋជាច្រើនគ្រួសារបានធ្វើការប្ដឹង ទៅមន្ត្រីមូលដ្ឋានដែរ តែមន្ត្រីមូលដ្ឋាន ធ្វើមិនដឹងមិនលឺ អ្វីសោះឡើយ ហើយបណ្ដោយអោយក្រុមញៀនល្បែងទាំងនោះ លេងតាមតែអំពើចិត្ត។តើឯណាទៅ ពាក្យថាភូមិឃុំសុវត្ថិភាព ដែលរាជរដ្ឋាភិបាល លោក កំពុងតែ យកចិត្តទុកដាក់ ឱ្យការពារបម្រើ ពលរដ្ឋយ៉ាងកក់ក្តៅនោះ តើនៅឯណា។ដូច្នេះហើយទេីបប្រជាពលរដ្ឋ ដែលរស់នៅភូមិខាងលើ សូមអំពាវនាវនិងសូមស្នើសុំដល់ លោកឧត្តមសេនីយ៍ទោស្នងការនគរបាលខេត្តក៏ដូចជាលោកនេតសាវឿនអគ្គស្នងការ នគរបាលជាតិ មេត្តាចាត់វិធានការ ស៊ើបអង្កេត ឲ្យមានសភាពស៊ីជម្រៅខណៈពេលដែលមន្ត្រីមូលដ្ឋាន មួយចំនួនកំពុង តែមានភាពស្ងប់ស្ងាត់ ពុំមានចំណាត់ការ អ្វីទាល់សោះ។
Related Articles
ឯកឧត្តម ម៉េង សុភ័ណ្ឌ បានដឹកនាំក្រុមការងារចុះចែកអំណោយជូនប្រជាពលរដ្ឋ និងលើកស្លាកគណបក្សប្រជាជន កម្ពុជា ក្នុងភូមិបឹងអារក្ស…
(បាត់ដំបង): ថ្ងៃទី ២៧ ខែមិថុនា ឆ្នាំ២០២៣នេះ ឯកឧត្តម បណ្ឌិត ម៉េង សុភ័ណ្ឌ ប្រធានក្រុមការងារចុះជួយភូមិ បឹងអារក្ស និងជាអនុប្រធានក្រុមការងារចុះជួយឃុំអំពិលប្រាំដើម បានដឹកនាំអនុប្រធាន សមាជិក សមាជិកាជាច្រើនរូប ដើម្បីទៅសំណះសំណាល សួរសុខទុក្ខ និងចែកអំណោយជូនប្រជាពលរដ្ឋ ចំនួន ១៣៥គ្រូសារ ព្រមទាំងលើកស្លាកគណបក្សប្រជាជន កម្ពុជា ចំនួន០៣កន្លែង ក្នុងភូមិបឹងអារក្ស ឃុំអំពិលប្រាំដើម ស្រុកបវេល ខេត្តបាត់ដំបង។ឯកឧត្តម បណ្ឌិត បានមានប្រសាសន៍ ផ្តាំផ្ញើ ទៅកាន់បងប្អូន ប្រជាពលរដ្ឋយើង អោយនាំគ្នាចូលរួមបោះឆ្នោត ជូនគណបក្សប្រជាជន កម្ពុជា ដើម្បី រក្សាបាននូវ សុខសន្តិភាព និងការអភិវឌ្ឍ ក្នុងមូលដ្ឋាន និងប្រទេសកម្ពុជា ទាំងមូល មានតែ គណបក្សប្រជាជន កម្ពុជា តែមួយគត់ ដែលអាចរក្សា សុខសន្តិភាព នេះបាន។ក្រោមការដឹកនាំដោយផ្ទាល់ពី ឯកឧត្តម រាជ សុភទ្ទ អនុរដ្ឋលេខាក្រសួងមហាផ្ទៃ និងជាប្រធានក្រុមការងារចុះជួយឃុំអំពិលប្រាំដើម ស្រុកបវេល […]
រន្ធត់ខ្លាំងណាស់!! ម៉ូតូធុនធំបុកទ្រូងផ្លូវ២៧១ក្បែរពេទ្យរុស្សុី ស្លាប់២នាក់
ភ្នំពេញ ៖ បុរសម្នាក់បែកក្បាលធ្លាយខួរស្លាប់នៅនិងកន្លែង និងម្នាក់ទៀតស្លាប់ពេលបញ្ចូនទៅដល់មន្ទីពេទ្យ ខណៈជិះម៉ូតូធុនធំក្នុងល្បឿនលឿនជ្រុលទៅបុករបាំងថ្មពុះចែកទ្រូងផ្លូវពេញទំហឹង កាលពីវេលាម៉ោង១១ និង២៥នាទីយប់ ថ្ងៃទី២៧ ខែមករា ឆ្នាំ២០២១ នៅក្បែរមន្ទីពេទ្យរុស្សុីប្រហែល៣ម៉ែត្រ តាមបណ្ដោយផ្លូវ២៧១ ក្នុងសង្កាត់បឹងទំពុន១ ខណ្ឌមានជ័យ រាជធានីភ្នំពេញ ។ សពជនរងគ្រោះទាំងពីរនៅមិនទាន់ស្គាល់អត្តសញ្ញាណនោះទេ ។ យោងតាមប្រភពព័ត៌មានពីប្រជាពលរដ្ឋដែលនៅក្បែរកន្លែងកេីតហេតុបានប្រាប់ថា ដំបូងគេឃេីញម៉ូតូធុនធំ កម្លាំង1200CC ពណ៌ខ្មៅលាយស ពាក់ស្លាកលេខភ្នំពេញ 1FH- 6696 ដែលជិះឌុបគ្នា២នាក់ តាមបណ្ដោយផ្លូវ២៧១ ទិសដៅពីជេីងទៅត្បូងក្នុងល្បឿនយ៉ាងលឿន លុះមកដល់ចំណុចកេីតហេតុស្រាប់តែរេចង្កូតទៅបុករបាំងថ្មពុះចែកទ្រូងផ្លូវពេញទំហឹង ធ្វេីឲ្យម៉ូតូអូសជាង៥០ម៉ែត្រ និងបណ្ដាលឲ្យបុរសម្នាក់បោកក្បាលនិងបង្គោលភ្លេីងនៅកណ្ដាលផ្លូវធ្លាយខួរស្លាប់មួយរំពេច និងម្នាក់ទៀតបានស្លាប់ពេលបញ្ចូនទៅដល់មន្ទីពេទ្យ ។ ក្នុងហេតុការណ៍គ្រោះថ្នាក់ចរាចរណ៍ដ៏រន្ធត់នេះ មិនបង្កប៉ះពាល់ដល់អ្នកដ៏ទៃនោះទេ គ្រាន់តែធ្វេីឲ្យខូចខាតរបាំងថ្មពុះចែកទ្រូងផ្លូវតិចតួចតែប៉ុណ្ណោះ ។ ក្រោយកេីតហេតុភ្លាមៗ សមត្ថកិច្ចមូលដ្ឋានបានចុះមកដល់ ហេីយជួយសម្រួលចរាចរណ៍ដល់អ្នកដំណេីរ និងទាក់ទងទៅសមត្ថកិច្ចជំនាញមកធ្វេីការវាស់វែងយកម៉ូតូជនរងគ្រោះទៅរក្សាទុកបណ្ដោះអាសន្ននៅអធិការដ្ឋាននគរបាលខណ្ឌមានជ័យ រង់ចាំដោះស្រាយតាមក្រោយ ។ ចំណែកសពជនរងគ្រោះទាំងពីរ ត្រូវបានសមត្ថកិច្ចជំនាញធ្វេីកំណត់ហេតុនិងទាក់ទងទៅសាច់ញាតិឲ្យមកទទួលយកទៅធ្វេីបុណ្យតាមប្រពៃណី ៕ ដោយ៖ ទូច រ៉ាវុធ
មន្រ្តីយោធាចិត្តសឿងបាញ់សម្លាប់មនុស្សរួច ឲ្យពលរដ្ឋទូរស័ព្ទប្រាប់សមត្ថកិច្ចមកឃាត់ខ្លួន!
ខេត្តពោធិ៍សាត់ ៖ ផឹកសុីជុំគ្នាចាក់ធុងបាស់ច្រៀងរាំកម្សាន្តក្លាយជាករណីហិង្សា បាញ់សម្លាប់មនុស្ស ដែលបង្កឡើងដោយជនសង្ស័យជាមន្រ្តីយោធា នៅអង្កភាពកងពលតូចអន្ដរាគមលេខ១៤(បាយឃ្លះ) ជនសង្ស័យដៃដល់ជាមន្រ្តីយោធា ត្រូវសមត្ថកិច្ចឃាត់ខ្លួន ។ ករណីបាញ់សម្លាប់មនុស្សខាងលើ បានកើតឡើងនៅវេលាម៉ោង៥ និង១៥នាទី ល្ងាចថ្ងៃសុក្រ ១កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៨ ខែកញ្ញា ឆ្នាំ២០២០ ត្រង់ចំណុចមុខផ្ទះរបស់ឈ្មោះ ធី ស្ថិតនៅភូមិថ្មី ឃុំត្នោតជុំ ស្រុកក្រគរ ខេត្តពោធិ៍សាត់ ។ លោក ឧត្ដមសេនីយ៍ត្រី ម៉ូ លីដា ស្នងការរង នៃស្នងការដ្ឋាននគរបាលខេត្តពោធិ៍សាត់ទទួលផែនការងារព្រហ្មទណ្ឌបានឲ្យដឹងថា ៖ ជនរងគ្រោះ(ស្លាប់)ត្រូវបានគេស្គាល់ឈ្មោះ ងួន ទូច ភេទប្រុស អាយុ ៣៥ឆ្នាំ ជនជាតិខ្មែរ មានប្រពន្ធ និងកូនប្រុសស្រីចំនួន៤នាក់ ក្នុងបន្ទុកគ្រួសារ បច្ចុប្បន្ន រស់នៅភូមិថ្មី ឃុំត្នោតជុំ ស្រុកក្រគរ ខេត្តពោធិ៍សាត់ ។ ចំណែកជនសង្ស័យដៃដល់ជាមន្រ្តីយោធាកងពលតូចអន្ដរាគមលេខ១៤(បាយឃ្លះ) ឈ្មោះ ប្រាក់ […]