ភ្នំពេញ៖ បន្ទាប់ពីមានគណនីហ្វេសប៊ុកមួយឈ្មោះ ស្ពៃក្តោប បានផ្សព្វផ្សាយនូវព័ត៌មានបំភ្លើសហួសពីការពិត ទាក់ទងនឹងករណីមានថ្នាំសម្រាប់ព្យាបាលជំងឺគ្រុនឈីក ដោយគ្រាន់តែប្រើចេកណាំវ៉ាខ្ចី ជីត្រចៀកជ្រូក ទឹកដូងខ្ចី តែប៉ុណ្ណោះក៏អាចព្យាបាលជំងឺគ្រុនឈីកបានជាសះស្បើយ ។ ករណីនេះ នៅព្រឹកថ្ងៃទី៧ខែតុលា ឆ្នាំ២០២០ ក្រសួងសុខាភិបាល ច្រានចោលទាំងស្រុងនូវការចុះផ្សាយបែបនេះ និងស្នើសុំបញ្ឈប់ការផ្សាយ ឬចែកចាយព័ត៌មានបែបនេះ។ សុំអាជ្ញាធរមានសមត្ថកិច្ចចាត់វិធានការតាមផ្លូវច្បាប់ជាធរមាន។ លោកជំទាវឱ វណ្ណឌីន អ្នកនាំពាក្យក្រសួងសុខាភិបាល បានថ្លែងប្រាប់អ្នកសារព័ត៌មានតាមបណ្តាញសង្គមតេឡេក្រាមថា “ក្រសួងសុខាភិបាល សូមច្រានចោលទាំងស្រុងនូវការចុះផ្សាយបែបនេះ។ សុំបញ្ឈប់ការផ្សាយ ឫចែកចាយព័ត៌មានបែបនេះ”។លោកជំទាវ បានបញ្ជាក់ថា “សុំអាជ្ញាធរមានសមត្ថកិច្ចចាត់វិធានការតាមផ្លូវច្បាប់ជាធរមាន។ សុំបងប្អូនមានការប្រុងប្រយ័ត្ន បើមានបញ្ហាសុខភាព ចាំបាច់ត្រូវស្វែងរកការព្យាបាលនៅមន្ទីរពេទ្យរដ្ឋ ដែលនៅជិតលោកអ្នក”៕
ព័ត៌មានជាតិ
ពិតជាខ្លាំងមែន! លោកចោរចូលគាស់ផ្ទះទាំងកណ្ដាលថ្ងៃត្រង់យកទ្រព្យសម្បត្តិបើគិតជាទឹកប្រាក់អស់ប្រហែល១៥០០០ដុល្លាខណ្ឌចំការមន
ភ្នំពេញ៖ ប្រជាពលរដ្ឋរស់នៅសង្កាត់ ទួលទំពូង២ ខណ្ឌចំការមន រាជធានីភ្នំពេញ បានលើកឡើងថា លោកចោរអស់នេះពិតជាហ៊ានមែននាំគ្នាចូលគាស់ផ្ទះពលរដ្ឋទាំងកណ្ដាលថ្ងៃត្រង់យកទ្រព្យសម្បត្តិនិងគ្រឿងអលង្ការបើគិតជាទឹកប្រាក់អស់ប្រហែល១៥០០០ដុល្លាហើយគេចខ្លួនដោយសុវត្តិភាពខណៈម្ចាស់ផ្ទះរវល់ទៅលក់ដូរ។ករណីនេះបានកើតឡើង កាលវេលាម៉ោង១២និង៣០នាទីថ្ងៃទី០៦ ខែ តុលា ឆ្នាំ ២០២០ នៅចំណុចផ្លូវ៤១៨ ស្ថិតនៅភូមិ៣ សង្កាត់ ទួលទំពូង២ ខណ្ឌចំការមន រាជធានីភ្នំពេញ។ម្ចាស់ផ្ទះមានឈ្មោះ លៀង ភេទស្រី អាយុ ៤៥ឆ្នាំ មុខរបរលក់ដូរ ស្នាក់នៅផ្ទះកើតហេតុខាងលើ។ សម្ភារ:បាត់បង់មានតុឈើចំនួន១ក្នុងនោះមានគ្រឿងអលង្ការមួយចំនួនសរុបជាទឹកប្រាក់ប្រហែល១៥០០០ដុល្លា លុយខ្មែរចំនួន៦០លានរៀល។បច្ចុប្បន្នសមត្ថកិច្ចកំពុងតែធ្វើការស្រាវជ្រាវរកជនល្មើសតែមិនដឹងថារកឃើញឬអត់ទេ៕
អាសូរណាស់!បុរសម្នាក់ជិះម៉ូតូធ្លាក់ចូលការដ្ឋានសាងសង់ស្ពានបណ្ដាលឲ្យស្លាប់ភ្លាមៗនៅស្រុករំដួល ខេត្តស្វាយរៀង
ខេត្ដស្វាយរៀង៖បុរសម្នាក់ជិះម៉ូតូលឿនពេកធ្លាក់ចូលក្នុងការដ្ឋានសាងសង់ស្ពានបណ្ដាលឲ្យស្លាប់ភ្លាមៗនៅនឹងកន្លែងកើតហេតុ។ ករណីនេះបានកើតឡើងម៉ោង៦និង២០នាទី ថ្ងៃទី០៥ខែតុលាឆ្នាំ២០២០ នៅលើផ្លូវ ប្រឡាយមេ ១ខ្សែ ត្រង់ចំណុចភូមិ ត្រពាំងថ្កូវ ឃុំ ពងទឹក ស្រុករំដួល ខេត្ដស្វាយរៀង។ សមត្ថកិច្ចនគរបាលស្រុករំដួលបានឲ្យដឹងថា ជនរងគ្រោះមានឈ្មោះ សូ វ៉េត ភេទប្រុស អាយុ២៩ឆ្នាំ រស់នៅ ភូមិ អណ្ដូងក្រសាំង ឃុំ ពងទឹក ស្រុក រំដួល ខេត្ត ស្វាយរៀង (ស្លាប់) ម៉ូតូម៉ាកហុងដា១២៥ ពណ៌ក្រហម ស៊េរីឆ្នាំ ២០០៧ ស្លាកលេខ កំពង់ឆ្នាំង 1A. 4026 បាន ជិះម៉ូតូធ្លាក់ចូលក្នុងការដ្ឋានសាងសង់ស្ពាន។ សមត្ថកិច្ចបានបញ្ជាក់ថាបុរសដែលជួបគ្រោះថ្នាក់ចរាចរណ៍នេះគឺបណ្ដាលមកពី បើកបរលឿន ពេកចាប់ហ្វ្រាំងមិនជាប់ក៏ធ្លាក់ចូលក្នុងការដ្ឋានបណ្ដាលឱ្យស្លាប់តែម្ដង។ បច្ចុប្បន្នសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី ចំណែក ម៉ូតូក្រុមគ្រួសារ សំណូមពរ យកទៅជួសជុលដើម្បីប្រើប្រាស់វិញ៕
គ.ជ.ប ៖ប្រការដែលត្រូវអនុវត្ត និងប្រការដែលត្រូវហាមឃាត់ ក្នុងការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២០
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី៣ ខែតុលា ឆ្នាំ២០២០នេះ បានចេញសេចក្តីជូនដំណឹង ដល់ភាគីពាក់ព័ន្ធទាំងអស់ ក្នុងការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២០។ បើតាមសេចក្តីជូនដំណឹងបានឱ្យដឹងថា ក្នុងដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២០ ប្រព្រឹត្តទៅពីថ្ងៃទី១ ដល់ថ្ងៃទី១៩ ខែតុលា ឆ្នាំ២០២០។ សកម្មភាពនេះបាននិងកំពុងដំណើរការនៅតាមឃុំ សង្កាត់ទាំង ១.៦៤៦ ទូទាំងប្រទេស ស្របតាមប្រតិទិនការងាររបស់ គ.ជ.ប។ ដើម្បីធានាឱ្យការពិនិត្យបញ្ជីឈ្មោះ និងការចុះឈ្មោះបោះឆ្នោតប្រព្រឹត្តទៅដោយរលូនគណៈកម្មាធិការជាតិរៀបចំការបោះឆ្នោត (គ.ជ.ប) សូមធ្វើការជូនដំណឹងដល់ភាគីពាក់ព័ន្ធទាំងអស់ នូវកត្តាចាំបាច់មួយចំនួនដូចខាងក្រោម៖ ១) ប្រការដែលត្រូវអនុវត្តៈ– ជនគ្រប់រូបដែលមានវត្តមាននៅក្នុងការិយាល័យចុះឈ្មោះបោះឆ្នោត និងនៅបរិវេណ ខាងក្នុងនៃការិយាល័យទាំងនោះ ត្រូវស្ថិតនៅក្រោមអំណាចគ្រប់គ្រង និងការណែនាំរបស់ គ.ជ.ប ឬ លធ.ខប ឬ កបឃ.ស ឬ/និង ក.ច.ប ស្របតាមលក្ខខណ្ឌនៃច្បាប់ស្តីពីការបោះឆ្នោត ជ្រើសតាំងតំណាងរាស្ត្រ និងច្បាប់ស្តីពីវិសោធនកម្មនៃច្បាប់នេះ និងបទបញ្ជា និងនីតិវិធីសម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតប្រចាំឆ្នាំ ។ ២៖ ប្រការដែលត្រូវហាមឃាត់ៈ-ការរារាំងប្រជាពលរដ្ឋដែលមានសិទ្ធិបោះឆ្នោត មិនឱ្យទៅចុះឈ្មោះបោះឆ្នោត ឬការរារាំងមិនឱ្យចុះឈ្មោះប្រជាពលរដ្ឋដែលមានសិទ្ធិបោះឆ្នោតក្នុងបញ្ជីបោះឆ្នោត និងសៀវភៅបញ្ជីបោះឆ្នោត ។-ធ្វើឱ្យមានការភាន់ច្រឡំនាំឱ្យបាត់ទំនុកចិត្តលើការបោះឆ្នោត ។-ផ្តល់ការណែនាំ […]
រថយន្តម៉ែកសឺដេសមួយគ្រឿង បើកជ្រុលទៅបុករថយន្តជាឡិចស៊ីស GS300 បណ្ដាលឲ្យខ្ទេចទាំងស្រុង
ភ្នំពេញ៖រថយន្តម៉ែកសឺដេសមួយគ្រឿង បើកក្នុងល្បឿនលឿន បានគេចពីរថយន្តមួយគ្រឿងទៀត ជ្រុលចង្កូតទៅបុករថយន្តឡិចស៊ីស GS 300 ពាក់កណ្តាលពេញទំហឹងបណ្តាលឲ្យដាច់កង់ចេញពីរថយន្ត។ ហេតុការណ៍នេះដែរកើតឡើងនៅវេលាម៉ោង ១២ និង ៥០នាទី យប់ ឈានចូលថ្ងៃទី៤ ខែតុលា ឆ្នាំ ២០២០ នៅតាមបណ្តោយផ្លូវ ៧៨ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ ប្រភពព័ត៌មានពីប្រជាពលរដ្ឋនៅកន្លែងកើតហេតុ បានឲ្យដឹងថា មុនពេលកើតហេតុគេបានឃើញរថយន្តម៉ាកឡិចស៊ីស GS 300 ដែលពាក់ផ្លាកលេខ បន្ទាយមានជ័យ 2-E 9903 ធ្វើដំណើក្នុងទិសដៅពីកើតមកលិចក្នុងល្បឿនធម្មតា ខណៈពេលមកដល់ចណុចកើតហេតុ គេឃើញរថយន្តម៉ាក ម៉ែកសឺដេសមួយគ្រឿងទៀត ដែលពាក់ផ្លាកលេខ ភ្នំពេញ 2-AD 2997 ធ្វើដំណើរក្នុងទិសដៅពីលិចមកកើតក្នុងល្បឿនលឿន ជិតដល់កន្លែងកើតហេតុ ក៏បានគេចពីរថយន្តមួយគ្រឿងទៀត ដែលមិនចាំម៉ាក ក៏ជ្រុលចង្កូតទៅបុកនឹងរថយន្តឡិចស៊ីស GS 300 ពេញទំហឹងបណ្តាលឲ្យដាច់កង់ចេញពីរថយន្ត ។ បញ្ជាក់ក្នុងករណីគ្រោះថ្នាក់ចរាចរណ៍នេះ មិនបង្ករបួសស្នាមទេ រងការខូចខាតតែរថយន្ត ។ ក្រោយពេលកើតហេតុ សមត្ថកិច្ចមូលដ្ឋានសហការគ្នា ជាមួយនឹងជំនាញទាក់ទងទៅចរាចរណ៍ក្រុង […]
ដោយសារតែអំណាចភ្លើងប្រច័ណ្ឌ ទើបបុរសម្នាក់មុខងារជាអនុប្រធានការិយាល័យនាយកដ្ឋានអង្គរក្ស បាញ់សម្លាប់ប្រពន្ធ រួចបាញ់សម្លាប់ខ្លួនឯងតាមក្រោយ(វីដេអូ)
ភ្នំពេញ៖ ករណីប្តីបានបាញ់សម្លាប់ប្រពន្ធ រួចក៏យកកាំភ្លើងបាញ់សម្លាប់ខ្លួនឯងតាមក្រោយ បណ្តាលឲ្យស្លាប់ទាំង២នាក់ក្នុងថ្លុកឈាម នោះដោយសារតែភ្លើងប្រច័ណ្ឌ ។ ហេតុការណ៍ភ្ញាក់ផ្អើលមួយនេះ កើតឡើងនៅវេលាម៉ោង ៧ និង១៥ នាទីយប់ ថ្ងៃទី៣ ខែតុលា ឆ្នាំ២០២០ នៅត្រង់ចំណុះផ្ទះជួលមួយកន្លែងស្ថិតនៅតាមបណ្តោយ ផ្លូវ៥៣BT ភូមិក្បាលទំនប់ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ ។ ប្រភពព័ត៌មានពីប្រជាពលរដ្ឋរស់នៅជាប់ផ្ទះជនរងគ្រោះ បានបញ្ជាក់ថា មុនពេលកើតហេតុ ប្តីនិងប្រពន្ធទាំងពីរតែងតែឈ្លោះទាស់ទាញគ្នាជាច្រើនលើករួចមកហើយ ដោយសារតែភ្លើងប្រច័ណ្ឌ ស្រាប់តែមកដល់និងយប់ប្រហែលជាម៉ោង៧ ពួកគាត់ក៏ឮស្នូផ្ទុះគ្រាប់កាំភ្លើង ៤គ្រាប់ ហើយបាននាំគ្នាចូលទៅមើលក៏ឃើញប្តីប្រពន្ធទាំងពីរនាក់ស្លាប់ក្នុងថ្លុកឈាម ដោយសារតែភ្លើងប្រច័ណ្ឌ ប្តីបាញ់ទៅលើប្រពន្ធ ៣គ្រាប់បណ្តាលឲ្យស្លាប់ រួចបាញ់សម្លាប់ខ្លួនឯងតាមក្រោយ ។ ប្រភពពីសមត្ថកិច្ចបានឲ្យដឹងថា អំពើហិង្សារហូតឈានដល់ការបាញ់សម្លាប់គ្នានេះ គឺផ្តើមឡើងដោយភ្លើងប្រច័ណ្ឌ ជនបង្កជាប្តីមានឈ្មោះ អ៊ុក ម៉ារ៉ាឌី អាយុ៣៩ឆ្នាំ មានតួនាទីអនុប្រធានការិយាល័យនាយកដ្ឋានអង្គរក្ស រីឯប្រពន្ធឈ្មោះ កែវ ស្រីដា អាយុ៥៣ឆ្នាំ ស្នាក់នៅផ្ទះជួល ផ្លូវ៥៣BT ភូមិក្បាលទំនប់ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញជាមួយគ្នា ហេតុការណ៍នេះបានផ្ទុះអាវុធចំនួន៣គ្រាប់ កាំភ្លើងខ្លីមួយដើមពណ៌ខ្មៅម៉ាក K59 […]
កម្លាំងប៉េអឹមចាប់ ជនសង្ស័យប្តីប្រពន្ធ ២នាក់ ជួញដូរថ្នាំញៀនយ៉ាងសកម្ម នៅស្រុកពាមរក៌
ខេត្តព្រៃវែង៖ មូលដ្ឋានកងរាជអាវុធហត្ថស្រុកពាមរក៌ បានចុះបង្ក្រាបមុខសញ្ញាជួញដូរយ៉ាងសកម្ម នឹងប្រើប្រាស់គ្រឿងញៀន នៅចំណុចភូមិស្ទឹងស្លូត ឃុំអ្នកលឿងស្រុកពាមរក៌ ខេត្តព្រៃវែង វេលាម៉ោង៨ថ្ងៃទី២ខែតុលាឆ្នាំ២០២០នេះដោយ ឃាត់ខ្លួនជនសង្ស័យចំនួន២នាក់ប្តីប្រពន្ធ។ ដោយមានបទបញ្ជាពី លោកឧត្ដមសេនីយ៍ត្រី ឈួន គីមសានមេបញ្ជាការ កងរាជអាវុធហត្ថខេត្តនិងមានការសម្របសំរួលពីលោក ទុង រតនា ព្រះរាជអាជ្ញាអមសាលាដំបូងខេត្តព្រៃវែង ស្តីទី នៅវេលាម៉ោង៨ថ្ងៃទី២ខែតុលាឆ្នាំ២០២០នេះលោកវរសេនីយ៍ទោ ផាត់ សុជោត ប្រធានមន្ទីរយុត្តិធម៌ បានដឹកនាំកម្លាំងសហការជាមួយមូលដ្ឋានកងរាជអាវុធហត្ថស្រុកពាមរក៌ ចុះបង្ក្រាបមុខសញ្ញាជួញដូរយ៉ាងសកម្មនឹងប្រើប្រាស់គ្រឿងញៀន នៅចំណុចភូមិស្ទឹងស្លូត ឃុំអ្នកលឿងស្រុកពាមរក៌ខេត្តព្រៃវែង ឃាត់ខ្លួនជនសង្ស័យចំនួន២នាក់៖ ទី១-ឈ្មោះ ស៊ូ សាលី ភេទប្រុសអាយុ៣១ឆ្នាំ ជនជាតិ ខ្មែរឥស្លាម មុខរបរ មិនពិតប្រាកដជាប្តី ទឺ២-ឈ្មោះទូច ណាវី ភេទស្រី អាយុ ២៨ឆ្នាំ ខ្មែរឥស្លាម មុខរបរ មេផ្ទះ រស់នៅភូមិស្ទឹងស្លូតឃុំអ្នកលឿងស្រុកពាមរក៏ខេត្តព្រៃវែងជាប្រពន្ធ។ ក្នុងនោះវត្ថុតាងចាប់យកបានរួមមាន ៖ -ម្សៅក្រាមពណ៌ ចំនួន៣៨៧ កញ្ចប់ទម្ងន់១៦៦.៦៥ក្រាម -ម៉ូតូ ០១គ្រឿង -ទូរស័ព្ទដៃចំនួន៤គ្រឿង -ឧបករណ៍ជក់ថ្នាំញៀន ១សម្រាប់ -ថង់សម្រាប់ចែកថ្នាំមួយចំនួន។ […]
Update: អ្នកកើតជំងឺគ្រុនឈីកនៅស្រុកល្វាឯម បានជាសះស្បើយចំនួន១៧នាក់ នៅសល់តែ២នាក់ប៉ុណ្ណោះ
កណ្ដាល ៖ គិតចាប់ពីថ្ងៃចាប់ផ្ដើមផ្ទុះករណីជំងឺគ្រុនឈីកទៅលើពលរដ្ឋភូមិពាមស្ដី ឃុំព្រែកឬស្សី ស្រុកល្វាឯម ខេត្តកណ្តាល ដែលកើតការសង្ស័យលើពលរដ្ឋ១៥៦នាក់ ក្នុងចំណោម៣២០នាក់ មកពិនិត្យសេវា ក្នុងនោះមានតែ១៩នាក់ រកឃើញថា មានគ្រុនឈីក ពេលនេះត្រុវបានមន្រ្តីសុខាភិបាលបញ្ជាក់ថា បានជាសះស្បើយចំនួន១៧នាក់ នៅសល់តែ២នាក់ប៉ុណ្ណោះ កំពុងសំរាកព្យាបាលនៅមណ្ឌលសុខភាពស្រុកល្វាឯម ខេត្តកណ្ដាល។ លោក កន សុកកាយ អភិបាលស្រុកល្វាឯម បានប្រាប់ឱ្យដឹងនាថ្ងៃទី២ ខែតុលា ឆ្នាំ២០២០នេះថា «រហូតមកដល់ថ្ងៃនេះ អ្នកជំងឺចំនួន១៧ នាក់ជាសះស្បើយ ហើយនៅសល់តែ២នាក់ទៀតប៉ុណ្ណោះកំពុងសម្រាកព្យាបាល និងតាមដានបន្តទៀត»។ គួររម្លឹកថា ករណីគ្រុនឈីកផ្ទុះនៅឯស្រុកល្វាឯម បានកើតឡើងភ្លាមៗនៅល្ងាចថ្ងៃទី២៦ ខែកញ្ញា ហើយត្រូវបានក្រុមមន្ត្រីសុខាបាល អភិបាលស្រុកល្វាឯម ស្នងការនគរបាលខេត្ត បានចុះទៅដល់ទីតាំងកើតហេតុទាំងយប់ ដើម្បីជួយសង្រ្គោះប្រជាពលរដ្ឋ។ នៅថ្ងៃទី២៧ ខែកញ្ញា អភិបាលខេត្តកណ្ដាលលោក គង់ សោភ័ណ្ឌ, លោកឧត្តមសេនីយ៍ស្នងការ និងលោក កន សុកកាយ អភិបាលស្រុក បានចុះទៅម្ដងទៀត ដើម្បីសួរសុខទុក្ខ ក្រោមការណែនាំរបស់សម្ដេចតេជោហ៊ុន សែន នាយករដ្ឋមន្រ្តីនៃកម្ពុជា និងសម្ដេចកិត្តិព្រឹទ្ធ ប៊ុន រ៉ានី […]
បុរសម្នាក់ សង្ស័យបែកថ្នាំ បម្រុងលោតពីលើអគារសាលាអន្តរជាតិវើលដ៍កម្ពុជា តែត្រូវសមត្ថកិច្ចឃាត់បាន
ភ្នំពេញ ៖ បុរសម្នាក់ សង្ស័យបែកថ្នាំឡើងទៅលើអគារ របស់សាលាអន្តរជាតិវើលដ៍ កម្ពុជា (WISC) បម្រុងនឹងលោត តែត្រូវប្រជាពលរដ្ឋប្រទះឃើញ និងរាយការណ៍ជូនទៅសមត្ថកិច្ច ចុះមកឃាត់ខ្លួនភ្លាមៗ បង្កការភ្ញាក់ផ្អើលការពីវេលាម៉ោងប្រហែល៩និង៤០នាទីព្រឹក ថ្ងៃទី០២ ខែតុលា ឆ្នាំ២០២០ ស្ថិតនៅនិងសាលាអន្តរជាតិវើលដ៍កម្ពុជា ហៅកាត់ថា(WISC) តាមបណ្ដោយផ្លូវ២៣០ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។ តាមប្រភពព័ត៌មានពីកន្លែងកើតហេតុ បានឱ្យដឹងថា នៅមុនពេលកើតហេតុ មានប្រជាពលរដ្ឋបានប្រទះឃើញបុរសម្នាក់ នៅឈរលើបង្កាន់ដៃអគារ របស់សាលាអន្តរជាតិវើលដ៍កម្ពុជា កម្ពស់ជាន់ទី៣ ដោយដៃកាន់ទៅនឹងម៉ាស៊ីនត្រជាក់បំរុងលោតមកខាងក្រោម ពេលនោះ ប្រជាពលរដ្ឋក៏បានរាយការណ៍ប្រាប់ទៅឲ្យសមត្ថកិច្ចនគរបាលទឹកល្អក់ទី៣ ឱ្យចុះមកដល់កន្លែងទីតាំងកើតហេតុ ក៏បានសហការជាមួយនឹងសន្តិសុខសុខរបស់សាលាអន្តរជាតិវើលដ៍កម្ពុជា ឃាត់ខ្លួនបុរសខាងលើនោះភ្លាមៗតែម្ដង បន្ទាប់ពីឃាត់ខ្លួន កម្លាំងសមត្ថកិច្ចបានវៃខ្នោះបុរសខាងលើនោះ មិនដឹងថា ពាក់ព័ន្ធទៅនឹងករណីអ្វីឲ្យពិតប្រាកដនោះទេ ប៉ុន្តែប្រជាពលរដ្ឋសង្ស័យថា ជាករណីគ្រឿងញៀនដែលបុរសខាងលើ ប្រើប្រាស់គ្រឿងញៀន ហើយសង្ស័យបែកថ្នាំបម្រុងលោតធ្វើអត្តឃាតខ្លួនឯង បន្ទាប់មកសមត្ថកិច្ចក៏បានបញ្ជូនមកកាន់រថយន្តសាមុយចេញពីកន្លែងកើតហេតុភ្លាមៗតែម្ដង។ បុរសដែលបម្រុងនឹងលោតសម្លាប់ខ្លួនពីអគារ របស់សាលាអន្តរជាតិវើលដ៍កម្ពុជា មិនទាន់បានស្គាល់អត្តសញ្ញាណនោះទេ ត្រឹមតែដឹងថា បុរសខាងលើ មានអាយុប្រហែល៣០ឆ្នាំ ពាក់អាវយឺតដៃខ្លីពត៍បៃតង ស្លៀកខោជើងវែង សម្បុរសណ្ដែកបាយ។ ជុំវិញពាក់ព័ន្ធករណីបុរសលោកខាងលើនេះ យើងមិនអាចសុំការបំភ្លឺពីខាងសាលាអន្តរជាតិវើលដ៍កម្ពុជាបាននោះទេ ចំណែកឯសមត្ថកិច្ចនគរបាល ក៏មិនអាចសុំការបំភ្លឺបានដែរ […]
ករណីឃាតកម្ម ក្រុងតាខ្មៅ ប្តីចាក់សម្លាប់ប្រពន្ធមកពីភ្លើងប្រច័ណ្ឌ ដោយសារនាងប្រែចិត្តមានអ្នកថ្មី
ខេត្ដកណ្ដាល៖ ករណីឃាតកម្មនេះសមត្ថកិច្ចបានបញ្ជាក់ថា ភាគីជនសង្ស័យ មានការប្រច័ណ្ឌជនរងគ្រោះ ព្រោះមានការសង្ស័យមានប្រុសថ្មីទៀត ហើយជនសង្ស័យបានតាមដាននាងរហូត ដល់ឃើញជនរងគ្រោះចូលទៅក្នុងផ្ទះឈើមួយមានមនុស្សប្រុសពីរបីនាក់ កំពុងផឹកស៊ីនៅក្រោមសំយាបមុខផ្ទះ ពេលនោះជនរងគ្រោះ បានអង្គុយផឹកស៊ីជាមួយគេដែរ ឃើញដូចនេះ ជនសង្ស័យបានចូលទៅហៅជនរងគ្រោះ ឲ្យចេញទៅផ្ទះវិញ ដោយមិនព្រមចេញធ្វើឲ្យជនសង្ស័យកាន់តែខឹងខ្លាំង ឃើញកូនកាំបិតនៅលើតុបានយកដាក់ចូលហោប៉ៅខោ ហើយនាំជនរងគ្រោះចេញមកក្រៅឲ្យឡើងជិះម៉ូតូជាមួយ តែជនរងគ្រោះមិនព្រមជិះទេ សុខចិត្តដើរ ចំណែកឯជនសង្ស័យបានជិះតាមពីក្រោយ រហូតដល់កន្លែងកើតហេតុខាងលើ ក៏មានការប្រទាញប្រទង់គ្នា ទើបជនសង្ស័យយកកូនកាំបិតចុងស្រួចចាក់ទៅលើជនរងគ្រោះមួយកាំបិត ។ ថ្ងៃព្រហស្បតិ៍ ថ្ងៃទី១ ខែតុលា ឆ្នាំ២០២០ វេលាម៉ោង២២និង៣០នាទីមានករណីឃាតកម្មចាក់សម្លាប់នៅចំណុចផ្លូវលេខ២១៥ ភូមិព្រែកហូរកើតសង្កាត់ព្រែកហូរ ក្រុងតាខ្មៅ ខេត្តកណ្តាល។ បើតាមរបាយការណ៍របស់អធិការដ្ឋាននគរបាលក្រុងតាខ្មៅ បានឲ្យដឹងថា ជនរងគ្រោះឈ្មោះ កៅ ស្រីកែវ ភេទស្រី អាយុ២៧ឆ្នាំទីលំនៅភូមិកំពង់ពោធិ៍ ឃុំក្រាំងយ៉ូវ ស្រុកស្អាង ខេត្តកណ្តាល មុខរបរនៅផ្ទះ ។ ចំណែជនសង្ស័យឈ្មោះ សុខ សោភ័ណ្ឌ ភេទប្រុស អាយុ៣៨ឆ្នាំ ទីលំនៅភូមិជើងព្រៃ២ ឃុំអំពៅព្រៃ ស្រុកកណ្តាលស្ទឹង ខេត្តកណ្តាល មុខរបរកសិករ (ឃាត់ខ្លួន)។ វត្ថុតាងចាប់យក៖ […]