បាត់ដំបង ៖ កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់បញ្ជូនបុរស២នាក់ ជួញដូររក្សាទុកនិងថ្នាំម៉ាទឹកកក១១ថង់ ជាបន្តបន្ទាប់នៅកន្លែងផ្សេងគ្នា សម្ភារពាក់ព័ន្ធមួយចំនួន កសាងសំណុំរឿងបញ្ជូនទៅតុលាការ ដើម្បីចាត់ការទៅតាមផ្លូវច្បាប់។ ហេតុការណ៍ចាប់ឃាត់ខ្លួនជនសង្ស័យ២នាក់នេះ បានធ្វើឡើងកាលពីថ្ងៃទី២៥ ខែកក្កដា ឆ្នាំ២០២០ នៅចំណុចផ្សេងគ្នា ក្នុងស្រុកសង្កែ ខេត្តបាត់ដំបង។ លោកសុខ និមល នាយការិយាល័យប្រឆាំងបទល្មើសគ្រឿងញៀនខេត្តបាត់ដំបង បានឲ្យដឹងថា ជនសង្ស័យ២នាក់ ដែលចាប់ឃាត់ខ្លួនករណីទី១ ឈ្មោះទួន សម្បត្តិ ហៅខ្វេ ភេទប្រុស អាយុ៤១ឆ្នាំ រស់នៅភូមិអូរស្រឡៅ ឃុំអូរដំបង១ ស្រុកសង្កែ ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក០៨ថង់ សម្ភារប្រើប្រាស់ថ្នាំញៀនមួយចំនួនទៀត ហើយចាប់ឃាត់ខ្លួនកាលពីម៉ោង១៥និង៣០នាទី ថ្ងៃទី២៥ ខែកក្កដា ឆ្នាំ២០២០ នៅចំណុចក្រុមទី០៨ ភូមិអូរស្រឡៅ ឃុំអូរដំបង១ ស្រុកសង្កែ ខេត្តបាត់ដំបង។ ករណីទី២ ឈ្មោះស៊ាន ដាឡែន ភេទប្រុស អាយុ១៩ឆ្នាំ រស់នៅភូមិអូរស្រឡៅ ឃុំអូរដំបង១ ស្រុកសង្កែ ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក០៣ថង់ និងសម្ភារមួយចំនួនទៀត ហើយចាប់ឃាត់ខ្លួន […]
Month: July 2020
ឆ្លងចរន្តភ្លើង បណ្តាលឲ្យកាម៉ារីគូថស្វិត១គ្រឿង ឆាបឆេះយ៉ាងសន្ធោសន្ធៅ
កំពង់ធំ ៖ មានហេតុការណ៍ភ្ញាក់ផ្អើមួយបានកើតឡើងនៅថ្ងៃទី ២៦ ខែកក្កដា ឆ្នាំ ២០២០ វេលាម៉ោង ៨ និង ៣០ នាទី ដោយអគ្គិភ័យបានឆាបឆេះរថយន្តកាមរីស៊េរីចាស់ចំនួន ០១ គ្រឿង ស្ថិតនៅតាមបណ្តោយផ្លូវជាតិ ៦A ចន្លោះគីឡូម៉ែត្រលេខ៧០-៧១ ស្ថិតក្នុងភូមិ ក្រចាប់ សង្កាត់ អាចារ្យលាក់ ក្រុង ស្ទឹងសែន ខេត្តកំពង់ធំ ។ យោងប្រភពព័ត៌មាន ពីកម្លាំងជំនាញការិយាល័យបង្ការ ពន្លត់អគ្គិភ័យ និងសង្គោះ បានឲ្យដឹងថា រថយន្ត ដែលត្រូវអគ្គិភ័យ ឆាបឆេះបង្កឲ្យមានការភ្ញាក់ផ្អើល ដល់ប្រជាពលរដ្ឋ ប្រភេទរថយន្ត ម៉ាកកាមរី ពណ៌ ក្រហម ស៊េរីឆ្នាំ ១៩៨៩ ផ្លាកលេខ ភ្នំពេញ 2E.3423 ម្ចាស់ ឈ្មោះ រ៉ាន់ ចំរើន ភេទ ប្រុស អាយុ ៥៩ ឆ្នាំ មានទីលំនៅភូមិក្តីដូង ឃុំក្តីដូង ស្រុកកំពង់ស្វាយ […]
ក្មេងៗរើសយកគ្រាប់បេ៤០ ធ្វើក្បាលមេក្រូច្រៀងលេង ហើយយកមកដំលេង ផ្ទុះស្លាប់ក្មេងអាយុ៤ឆ្នាំម្នាក់ ក្មេង២នាក់រងរបួស និងឪពុកក្មេងស្លាប់នោះក៏រងរបួស
ព្រះវិហារ ៖ នៅថ្ងៃទី២៦ ខែកក្កដា ឆ្នាំ២០២០ នៅភូមិស្រអែមខាងត្បូង ឃុំកន្ទួត ស្រុកជាំក្សាន្ត ខេត្តព្រះវិហារ មានករណីផ្ទុះគ្រាប់បេ៤០ ស្លាប់ក្មេងអាយុ៤ឆ្នាំម្នាក់ ក្មេង២នាក់រងរបួសនិងឪពុកក្មេងស្លាប់នោះក៏រងរបួសផងដែរ។ ករណីផ្ទុះគ្រាប់មិនទាន់ផ្ទុះនៅផ្ទះឈ្មោះ សំ សាម៉ន នៅភូមិស្រអែមខាងត្បូង ឃុំស្រអែម ស្រុកជាំក្សាន្ត ខេត្តព្រះវិហារ ដោយសារយកគ្រាប់មកដំលេងបណ្តាលអោយស្លាប់០១នាក់ និងរងរបួសធ្ងន់ស្រាលចំនួន៣នាក់ រួមមាន៖ ១.កុមារា ម៉ាន ម៉ា អាយុ ៥ឆ្នាំ ស្លាប់ ២.កុមារី បូ ឃីម របួសធ្ងន់ ៣.កុមារី ហេង ស្រីពៅ របួសធ្ងន់ ៤.លោក សំ សាម៉ាន របួសស្រាល។ គ្រាប់បេ៤០នេះ ត្រូវបានឪពុកនោះកាលពី៣-៤ខែមុនបានរើសយកមកដុតចោលតែមិនផ្ទុះ ហើយក្រោយមកក្មេងក៏រើសធ្វើក្បាលមេក្រូច្រៀងលេង ហើយយកមកដំលេងក៏ផ្ទុះតែម្តង។ ចាស់ៗបានដឹងហើយ បានលឺហើយ គប្បីយកចិត្តទុកដាក់ហាមក្មេងៗកុំឱ្យលេងគ្រាប់យុទ្ធភណ្ឌមិនទាន់ផ្ទុះជាសំណល់ពីសង្គ្រាម ជាពិសេសពេលឃើញគ្រាប់មីន និងសំណល់ជាតិផ្ទុះពីសង្គ្រាម សុំរាយការណ៍ជាបន្ទាន់ដល់ប៉ូលីសមូលដ្ឋាន ឬអង្គភាពស៊ីម៉ាក់។ សូមចូលរួមរំលែកមរណទុក្ខនិងសោកស្តាយចំពោះគ្រោះថ្នាក់នេះ។ អាជ្ញាធរមីន សូមអំពាវនាវដល់បងប្អូនប្រជាពលរដ្ឋទាំងអស់ នៅពេលឃើញគ្រាប់មិនទាន់ផ្ទុះ សូមកុំ […]
សង្ស័យរឿងប្រចណ្ឌ! ករណីកាប់សម្លាប់យុវជនម្នាក់ ក្នុងចម្ការចេកក្រុមហ៊ុនហ័ងអាញ់ នៅស្រុកកូនមុំ ពេលនេះសមត្ថកិច្ចកំណត់មុខសញ្ញាឃាតករបានហើយ
រតនគិរី ៖ យុវជនម្នាក់ ត្រូវបានគេប្រទះឃើញស្លាប់ ក្នុងចំការចេករបស់ក្រុមហ៊ុនហ័ងអាញ់ ភូមិស្រែពកធំ ឃុំសេរីមង្គល ស្រុកកូនមុំ ខេត្តរតនគិរី កាលពីថ្ងៃត្រង់ទី២៤ ខែកក្កដា ឆ្នាំ២០២០។ របាយការណ៍របស់អធិការដ្ឋាននគរបាលស្រុកកូនមុំ បានឱ្យដឹងនៅព្រឹកថ្ងៃទី២៥ ខែកក្កដា ឆ្នាំ២០២០នេះថា ក្រោយពីទទួលបានព័ត៌មានភ្លាម កម្លាំងនគរបាលព្រហ្មទណ្ឌកម្រិតធ្ងន់ សហការជាមួយកម្លាំងប៉ុស្តិ៍រដ្ឋបាលសេរីមង្គល ចុះដល់កន្លែងកើតហេតុ ដើម្បីត្រួតពិនិត្យសាកសព។ ជាលទ្ធផលឃើញថា ជាករណីឃាតកម្ម (ចាក់នឹងកាំបិត និងវាយដំបង) មានស្លាកស្នាមអារ.ក និងវះមុខជាច្រើនកាំបិត។ តាមស្រាវជ្រាវសាកសួរបំភ្លឺជុំវិញរឿងហេតុ បានបញ្ជាក់ថា កាលពីវេលាម៉ោង០៨៖១០នាទី ថ្ងៃទី២៣ ខែកក្កដា ឆ្នាំ២០២០កន្លងទៅ ជនរងគ្រោះឈ្មោះ គឹម សារឿន ហៅតុង អាយុ២៦ឆ្នាំ មានស្រុកកំណើតនៅភូមិទ្រន់ ឃុំបឹងណាយ ស្រុកព្រៃឈរ ខេត្តកំពង់ចាម បានផឹកស៊ីជាមួយជនសង្ស័យឈ្មោះ បាក់ ណាន អាយុ២៤ឆ្នាំ មានស្រុកកំណើតភូមិបឹងកំពត ឃុំបន្ទាយចក្រី ស្រុកព្រះស្តេច ខេត្តព្រៃវែង។ ក្រោយពីផឹកស៊ីរួច នៅម៉ោងប្រមាណ៨យប់ថ្ងៃកើតហេតុ ក៏បានបបួលគ្នាទៅឆ្លុះកង្កែប ហើយក៏បានបាត់តាំងពីពេលនោះមក។ រហូតដល់ម៉ោង៣និង០០នាទី ថ្ងៃទី២៤ […]
៦ខែ ដើមឆ្នាំនេះ រកឃើញអ្នកបើកបររថយន្ត ប្រហែលជិត៧០០នាក់ ប្រើប្រាស់សារធាតុញៀន
ភ្នំពេញ៖ ឯកឧត្ដម នាយឧត្តមសេនីយ៍ កែ គឹមយ៉ាន បានជំរុញដល់ក្រសួងសាធារណការ និងដឹកជញ្ជូន ត្រូវពិនិត្យ និងរឹតបន្តឹងបន្ថែមទៀត ដល់ក្រុមអ្នកបើកបររថយន្តដឹកជញ្ជូនធំៗ បន្ទាប់ពីពិនិត្យឃើញថា អ្នកបើកបរទាំងនោះមានសារធាតុញៀនគ្រឿងញៀន រហូតដល់២៥ ទៅ៣០ភាគរយក្នុងរយៈពេល០៦ខែ ដើមឆ្នាំនេះ គឺមានអ្នកបើកបររថយន្ត រហូតដល់ជាង ២.០០០នាក់ ហើយក្នុងនោះប្រហែលជិត៧០០នាក់ ពិនិត្យឃើញនូវសារធាតុញៀន ។ ឯកឧត្ដម នាយឧត្តមសេនីយ៍ កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនអំពាវនាវបែបនេះខណដែលឯកឧត្តមជាអធិបតីដឹកនាំកិច្ចប្រជុំពេញអង្គអាជ្ញាធរជាតិប្រយុទ្ធប្រឆាំងគ្រឿងញៀននៅថ្ងៃទី២៤ ខែកក្កដា ឆ្នាំ២០២០ ដែលមានការអញ្ជេីញចូលរួមពីឯកឧត្តម លោកជំទាវតំណាងក្រសួង-ស្ថាប័នជាអនុប្រធាន សមាជិកអាជ្ញាធរជាតិប្រយុទ្ធប្រឆាំងគ្រឿងញៀន និងឯកឧត្តម លោកជំទាវ ជាតំណាងស្ថាប័ន អង្គភាពអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន និងគណ:កម្មការផ្សព្វផ្សាយអប់រំ នៃគណ:កម្មការចម្រុះនិងលេខាធិការដ្ឋានយុទ្ធនាការប្រយុទ្ធប្រឆាំងគ្រឿងញៀនខុសច្បាប់របស់រាជរដ្ឋាភិបាល។ក្នុងឱកាសនោះ ឯកឧត្តម នាយឧត្តមសេនីយ៍ កែ គឹមយ៉ាន បានមានប្រសាសន៍ថា ក្រសួងសុខាភិបាល ក្រសួងផែនការ ក្រសួងសង្គមកិច្ច ប៉ុស្តិ៍នគរបាលរដ្ឋបាល និងព្រះសង្ឃ ដែលជាសកម្មជនជួរមុខក្នុងការផ្សព្វផ្សាយបង្ការជំងឺកូវីដ-១៩ សូមបន្តយកចិត្តទុកដាក់បញ្ជ្រាបខ្លឹមសារប្រយុទ្ធប្រឆាំងគ្រឿងញៀន ឱ្យបានសកម្មថែមទៀត ដើម្បីបង្ការការរីករាលដាលជំងឺកូវីដ-១៩ និងបញ្ហាគ្រឿងញៀនចូលទៅក្នុងសហគមន៍។ ជាមួយនេះ ឯកឧត្ដម នាយឧត្តមសេនីយ៍ […]
សំណាងណាស់ បើធ្លាក់លើមនុស្ស បើមិនស្លាប់ ក៏របួសធ្ងន់ដែរ, ធ្លាក់ថ្មពីអគារចាស់ ត្រូវរថយន្តបែកកញ្ចក់ខ្ទេច
ភ្នំពេញ÷បុគ្គលិកក្រុមហ៊ុនម្នាក់បានចតឡាន នៅខាងមុខកន្លែងធ្វើការ ត្រូវបានផ្ទាំងបំណែកថ្ម ធ្លាក់ពីលើផ្ទះចំកញ្ចក់ខាងមុខ រថយន្ត សំណាងណាស់ដែលមិនប៉ះពាល់ដល់ប្រជាពលរដ្ឋកំពុងធ្វើដំណើរតាមដងផ្លូវកម្ពុជាក្រោម។ ហេតុការណ៍ភ្ញាក់ផ្អើលនេះដែរកើតឡើងនៅវេលាម៉ោង ៤ និង ៣០ នាទីល្ងាច ថ្ងៃសុក្រ ទី២៤ ខែកក្កដា ឆ្នាំ ២០២០ នៅតាមបណ្តោយផ្លូវកម្ពុជាក្រោម កែងនឹងផ្លូវព្រះមុនីវង្ស សង្កាត់សែនមនោរម្យ ខណ្ឌ៧មករា រាជធានីភ្នំពេញ។ បើយោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្តម៉ាកព្រូសមួយគ្រឿង ពណ៌ឈាមជ្រូក ដែលពាក់ផ្លាកលេខ ភ្នំពេញ 2-BD 8348 ចតនៅកន្លែងនឹងរាល់ថ្ងៃ ស្រាប់តែនៅវេលាប្រហែលម៉ោង ៤ ជាងល្ងាច គេបានឃើញបំណែកផ្ទាំងថ្មធ្លាក់ ពីលើផ្ទះប្រជាពលរដ្ឋចំនឹងកញ្ចក់ពីខាងមុខរថយន្ត រងការខូចខាតយ៉ាងដំណំ សំណាងណាស់ដែលមិនត្រូវមនុស្ស។ ក្រោយពេលកើតហេតុសមត្ថកិច្ចចុះមកដល់រួចទាក់ទងទៅខាងជំនាញ ចុះមកយករថយន្តខាងលើ ទៅរក្សាទុករង់ចាំដំណោះស្រាយនៅពេលក្រោយ៕
គណៈបញ្ជាការឯកភាពខណ្ឌដូនពេញ ឆ្មក់បង្រ្កាបទីតាំងកត់កន្ទុយលេខ ( ឆ្នោតកន្ទុយលេខវៀតណាម) ឃាត់ខ្លួនស្ត្រីម្នាក់ចាប់យកវត្ថុតាងមួយចំនួន
ភ្នំពេញ៖ គណៈបញ្ជាការឯកភាពខណ្ឌដូនពេញ ឆ្មក់បង្រ្កាបទីតាំងកត់កន្ទុយលេខ ( ឆ្នោតកន្ទុយលេខវៀតណាម) ឃាត់ខ្លួនស្ត្រីម្នាក់ចាប់យកវត្ថុតាងមួយចំនួន។ ការចុះបង្ក្រាបនេះវេលាម៉ោង១៦ និង១៥នាទីថ្ងៃទី២៤ ខែកក្កដាឆ្នាំ២០២០ នៅចំណុចតូបលេខ១៧ ក្នុងផ្សារចាស់ ផ្លូវ១០៨ ភូមិ២ សង្កាត់វត្តភ្នំ ខណ្ឌដូនពេញ។យោងតាមរបាយការណ៍របស់សមត្ថកិច្ចខណ្ឌដូនពេញបានឲ្យដឹងថា៖ ដោយអនុវត្តន៍ប្រសាសន៍ដឹកនាំដ៏ខ្ពង់ខ្ពស់របស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងលោក សុខ ពេញវុធ អភិបាល នៃគណៈអភិបាលខណ្ឌដូនពេញ អធិការដ្ឋាន ប៉ុស្តិ៍ បានបើកប្រតិបត្តិការបង្រ្កាបជាក់ស្តែងនូវទីតាំងខាងលើ។ជាលទ្ធផលសមត្ថកិច្ចបានធ្វើការឃាត់ខ្លួនជនសង្ស័យចំនួន០១នាក់ ឈ្មោះ មួយ សេង ភេទស្រី អាយុ២០ឆ្នាំ ជនជាតិខ្មែរ មុខរបរភ្នាក់ងារកត់ឆ្នោត ស្នាក់នៅផ្ទះជួល សង្កាត់ឬស្សីកែវ ខណ្ឌឬស្សីកែវ។វត្ថុតាងចាប់យករួមមាន៖ ១/ម៉ាស៊ីនគិតលេខចំនួន០២២/ម៉ាស៊ីនព្រីនលេខឆ្នោតវៀតណាមចំនួន០១,៣/ក្រដាសម៉ាស៊ីនព្រីន ចំនួន០២ដុំ,៤/បិចចំនួន០៤ដើម,៥/ក្រដាសរាមសំរាប់កត់ឆ្នោតចំនួន០១ដុំធំ,៦/ប្រាក់រៀលចំនួន១០២,០០០៛(ដប់មឺនពីរពានរៀល)។បច្ចុប្បន្នជនសង្ស័យ កំពុងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី៕ ដោយ៖ ទូច រ៉ាវុធ
អាវុធហត្ថរាជធានីភ្នំពេញ បញ្ជូនជនសង្ស័យ២នាក់ ទៅតុលាការ ពាក់ព័ន្ធករណីលួចម៉ូតូ
ភ្នំពេញ ៖ នៅរសៀលថ្ងៃទី២៣ ខែកក្កដា ឆ្នាំ២០២០ សមត្ថកិច្ចជំនាញ នៃការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ បានបញ្ជូនជនសង្ស័យ០២នាក់ ទៅតុលាការ បន្ទាប់ពួកគេធ្វើសកកម្មភាពលួចម៉ូតូ០១គ្រឿង ម៉ាកToday ពណ៌លឿង គ្មានស្លាកលេខ។ មុនឈានដល់ការឃាត់ខ្លួនជននេះ សមត្ថកិច្ចជំនាញមូលដ្ឋានអាវុធហត្ថខណ្ឌច្បារអំពៅ បន្ទាប់ពីទទួលពាក្យបណ្តឹងរបស់ជនរងគ្រោះ បានបើកការស្រាវជ្រាវយ៉ាងយកចិត្តទុកដាក់ រហូតនៅវេលាម៉ោង១០៖៣០នាទី ថ្ងៃទី២០ ខែកក្កដា ឆ្នាំ២០២០ នៅចំនុចភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ បានធ្វើការឃាត់ខ្លួនសង្ស័យជាមុខសញ្ញាលួចម៉ូតូទាំង០២នាក់ ដោយក្នុងនោះមាន៖ ១-ឈ្មោះ ចាន់ ថា (រដ្ឋា) ភេទប្រុស អាយុ២៣ឆ្នាំ មុខរបរ លក់សណ្តែកដី ស្រុកកំណើត ខេត្តព្រៃវែង មានទីលំនៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ, ២-ឈ្មោះ សឹង ហន ភេទប្រុស អាយុ៣១ឆ្នាំ មុខរបរ ជាងឈើ មានស្រុកកំណើត ភូមិទួលរកា សង្កាត់ចាក់អង្រែក្រោម ខណ្ឌមានជ័យ។ តាមចម្លើយសារភាព របស់ជនសង្ស័យទាំង២នាក់ខាងលើ បានឲ្យដឹងថា កាលពីវេលាម៉ោង៤៖៤៧នាទីល្ងាច ថ្ងៃទី១៩ […]
អាជ្ញាធរសង្កាត់ចោមចៅទី៣ ចុះពិនិត្យផ្លូវមួយខ្សែ ប្រវែងប្រហែល២០០ម៉ែត្រ រងនៅកាលិចទឹក ស្ថិតនៅក្នុងភូមិថ្នល់បំបែក
ភ្នំពេញ ៖ នៅព្រឹកថ្ងៃទី២៤ ខែកក្កដា ឆ្នាំ២០២០ លោក វ៉ា សាវឿន ចៅសង្កាត់ចោមចៅទី៣ ដឹកនាំក្រុមការងារសង្កាត់ ចុះពិនិត្យផ្លូវមួយខ្សែ មានប្រវែងប្រហែល២០០ម៉ែត្រ រងនៅកាលិចទឹក ស្ថិតនៅក្នុងភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ និងដាក់គ្រឿងចក្រកាយតាមបណ្តោផ្លូវខាងលើ ដើម្បីដាក់លូរំដោះទឹកកុំឲ្យមានការជន់លិច ជាហេតុធ្វើឲ្យប្រជាពលរដ្ឋដែលរស់នៅតាមបណ្តោយផ្លូវនោះ មានការលំបាកធ្វើដំណើរ និងប្រកបមុខរបរផ្សេងៗ។ លោក វ៉ា សាវឿន បានឲ្យដឹងថា កន្លងមកផ្លូវខាងលើមិនដែលមានការលិចនោះទេ ក្រោយពីប្រជាពលរដ្ឋចាក់ដីលប់បឹងរបស់គាត់ធ្វើឲ្យភ្លៀងមកម្តងៗលិចផ្លូវចូលផ្ទះបែបនេះ។ ដោយសារតែឃើញការលំបាករបស់ប្រជាពលរដ្ឋបែបនេះ ទើបលោកដឹកនាំកម្លាំងចុះពិនិត្យ និងដាក់គ្រឿងចាក់កាយជាប្រព័ន្ធលូ ដើម្បីរំដោះទឹកចេញងាយស្រួលក្នុងការធ្វើដំណើរ។ ក្នុងការកាយដាក់លូខាងលើ អាជ្ញាធរសង្កាត់ចោមចៅទី៣ សូមសំណូមពរដល់ប្រជាពលរដ្ឋដែលរស់នៅតាមបណ្តោយផ្លូវខាងលើមេត្តាសហការទាំងអស់គ្នា ដើម្បីឲ្យមានភាពងាយស្រួលក្នុងការស្ថាបនា និងរំដោះទឹកលែងមានការជនលិចទីនោះទៀត៕
ស្ពានអាកាសថ្មើរជើងផ្សារដើមគរ ដាក់ឲ្យប្រើប្រាស់ជាផ្លូវការ
ភ្នំពេញ៖ រដ្ឋបាលរាជធានីភ្នំពេញ ដាក់ឲ្យប្រើប្រាស់ស្ពានអាកាសថ្មើរជើងផ្សារដើមគរ ដើម្បីឲ្យប្រជាពលរដ្ឋងាយស្រួលក្នុងការឆ្លងថ្នល់ មិនប្រឈមនឹងគ្រោះថ្នាក់។ ស្ពានអាកាសថ្មើរជើងផ្សារដើមគ គឺជាសមិទ្ធផលថ្មីដែលបម្រើឲ្យបងប្អូនប្រជាពលរដ្ឋ ជួយកាត់បន្ថយនូវហានិភ័យពេលឆ្លងថ្នល់ដែលមានលំហូរចរាចរណ៍មមាញឹក។ ថ្លែងក្នុងពិធីសម្ពោធដាក់ឲ្យប្រើប្រាស់ស្ពានអាកាសថ្មើរជើងផ្សារដើមគរ នៅព្រឹកថ្ងៃទី ២៤ ខែកក្កដា ឯកឧត្តម ឃួង ស្រេង អភិបាលរាជធានីភ្នំពេញ បានមានប្រសាសន៍ថា ការដាក់ឲ្យដំណើរការស្ពានអាកាសថ្មើរជើងថ្មីនេះគឺជាសមិទ្ធផលមួយក្នុងយុគ្គសម័យ កូវីដ១៩ ដែលជាអំណោយសម្តេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីជួយសម្រួលដល់ការធ្វើចរាចរណ៍ របស់បងប្អូនប្រជាពលរដ្ឋក្នុងរាជធានីភ្នំពេញ។ឯកឧត្តមបានបន្តថា ការសាងសង់ស្ពានអាកាសថ្មើរជើងនេះ និងជួយកាត់បន្ថយហានិភ័យនៃការដើរឆ្លងផ្លូវ កាត់បន្ថយការកស្ទះចរាចរណ៍ សម្រួលលំហូចរាចរណ៍ និងលើកកម្ពស់សោភ័ណភាពរាជធានីភ្នំពេញឲ្យកាន់តែស្រស់បំព្រង ។ ការដាក់ឲ្យប្រើប្រាស់ស្ពានអាកាសថ្មើរជើងនៅចំណុចផ្សារដើមគរនេះ គឺសម្រាប់បម្រើឲ្យប្រជាពលរដ្ឋទូទៅ និងមិនមែនសម្រាប់តែប្រើជាពលរដ្ឋនៅម្តុំតំបន់នោះទេ ។ ស្ពានអាកាសថ្មើរជើងផ្សារដើមគរ នៅលើមហាវិថីម៉ៅសេទុងបានបើកការដ្ឋាន កាលពីថ្ងៃទី២៨ ខែធ្នូ ឆ្នាំ២០១៩ ដែលម៉ៅការសាង់ដោយក្រុមហ៊ុន Space Media ប្រើប្រាស់រយៈពេលសាងសង់៧ខែ ដើម្បីផ្ដល់ភាពងាយស្រួលដល់ប្រជាពលរដ្ឋ និងសិស្សានុសិស្សឆ្លងកាត់ដោយថ្មើរជើងទៅមកសាលារៀន និងបញ្ចៀសគ្រោះថ្នាក់ជាយថាហេតុ ។ ស្ពានអាកាសផ្សារដើមគរនេះមានបណ្តោយ ២៨ ម៉ែត្រ ទទឹង ៣,៤ម៉ែត្រ ទទឹងផ្លូវដើរផ្នែកខាងក្នុង ២,៨ម៉ែត្រ កម្ពស់៥,៥ម៉ែត្រ ៕