Author: adm

ភ្នំពេញ ៖ គេសង្កេតឃើញថា មានផេកជាច្រើននៅក្នុងបណ្តាញសង្គមនាពេលបច្ចុប្បន្ន កំពុងឡាយផ្ទាល់លក់វត្ថុអនុស្សាវរីយ៍ និងវត្ថុជាច្រេីនទៀត ដែលពួកគេអះអាងថា ជាវត្ថុស័ក្ដិសិទ្ធិ បានមកពីភ្លុក ឬក៏ចង្កូមខ្នាយសត្វព្រៃជាច្រេីនប្រភេទ ដែលប្រជាពលរដ្ឋខ្មែរយេីងជឿថា ជាវត្ថុដែលជួយការពារឱ្យពួកគេចផុតពីគ្រោះចង្រៃផ្សេងៗ។ ពាក់ព័ន្ធករណីខាងលើនេះ កាលថ្ងៃទី៣០ ខែសីហា ឆ្នាំ២០១៩កន្លងទៅ ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន បានថ្លែងគូសបញ្ជាក់ថា «ក្រសួងបរិស្ថានបានចេញលិខិតជូនដំណឹងទៅម្ចាស់អាជីវកម្មដ្ឋានលក់វត្ថុអនុស្សាវរីយ៍ ដែលសង្ស័យថា អាចមានការលក់ដូរគ្រឿងចម្លាក់ធ្វើពីភ្លុកដំរី និងកុយរមាស ឬធ្វើពាណិជ្ជកម្មក្នុងរូបភាពផ្សេងទៀត ពាក់ព័ន្ធនឹងសត្វព្រៃ ត្រូវបញ្ឈប់ជាបន្ទាន់ ព្រោះខុសនឹងច្បាប់ព្រៃឈើត្រង់មាត្រា៩៧ (ចំណុចទី១០) និងច្បាប់ស្តីពីតំបន់ការពារធម្មជាតិ ត្រង់មាត្រា៥៩ (ចំណុចទី៥)។ ប្រសិនបើម្ចាស់អាជីវកម្មដ្ឋាន មានលាក់ទុកឬលក់វត្ថុអនុស្សាវរីយ៍ធ្វើពីភ្លុកដំរី និងកុយរមាសនេះសូមប្រគល់ជូនដល់សមត្ថកិច្ច ហើយ បើប្រសិនបើសមត្ថកិច្ចរកឃើញនិងចាប់បាននឹងចាត់វិធានការចំពោះជនល្មើសតាមច្បាប់ជាចាំបាច់»។ ឯកឧត្តមបានបន្តថា ចំពោះវិធានការអនុវត្តច្បាប់ប្រឆាំងនឹងការជួញដូរវត្ថុអនុស្សាវរីយ៍ជាគ្រឿងចម្លាក់ពីភ្លុកដំរី និងកុយរមាស ឬធ្វើពាណិជ្ជកម្មក្នុងរូបភាពផ្សេងទៀតពាក់ព័ន្ធនឹងសត្វព្រៃដែលកំពុងកើតមាននៅលើទឹកដីកម្ពុជា។ ជាជំហានដំបូង ក្រសួងបរិស្ថានបានជូនដំណឹងរួចហើយដល់ម្ចាស់អាជីវកម្មដ្ឋានលក់វត្ថុអនុស្សាវរីយ៍ចំនួន ៣២កន្លែងនៅក្នុងខេត្តសៀមរាប និងខេត្តព្រះសីហនុថា ការធ្វើពាណិជ្ជកម្មគ្រប់រូបភាពលើភ្លុកដំរី និងកុយរមាសគឺជាអំពើខុសច្បាប់។ ជំហានបន្ទាប់ ក្រសួងបរិស្ថាននឹងជូនដំណឹងដល់ម្ចាស់អាជីវកម្មដ្ឋានពាក់ព័ន្ធនឹងការលក់វត្ថុអនុស្សាវរីយ៍ជាគ្រឿងចម្លាក់ពីភ្លុកដំរី និងកុយរមាសឬធ្វើពាណិជ្ជកម្មក្នុងរូបភាពផ្សេងទៀតពាក់ព័ន្ធសត្វព្រៃនៅក្នុងរាជធានីភ្នំពេញ និងនៅខេត្តមួយចំនួនទៀត។ ប្រភពដដែលបានបន្តថា ឯកឧត្តមរដ្ឋលេខាធិការ នេត្រ ភក្ត្រា […]

បន្ទាយមានជ័យ​ ៖ ពន្ធនាគារខេត្តបន្ទាយមានជ័យ រងការវាយប្រហារដោយទឹកជំនន់ ត្រូវបង្ខំចិត្តជម្លៀសអ្នកជាប់ឃុំទាំងអស់ ទៅពន្ធនាគារខេត្តផ្សេងៗ ដែលនៅក្បែរ។ របាយការណ៍បានឲ្យដឹងថា ចំនួនជនជាប់ឃុំក្នុងពន្ធនាគារនេះ មាន១,៦០០នាក់ ក្នុងនោះស្រី១០០នាក់។ ស្ថានភាពជន់លិចក្នុងមូលដ្ឋាននៅព្រឹកថ្ងៃទី១៣ ខែតុលា ឆ្នាំ២០២០នេះ លោក អ៊ុ រាត្រី អភិបាលខេត្តបន្ទាយមានជ័យ បានបញ្ជាក់ថា ដោយសារតែស្ថានភាពលិចលង់ខ្លាំង គណៈគ្រប់គ្រងពន្ធនាគារខេត្ត បានសម្រេចជម្លៀសអ្នកជាប់ឃុំចេញទៅពន្ធនាគារខេត្តផ្សេងដែលនៅក្បែរ ដើម្បីកុំឲ្យមានហានិភ័យអ្វីកើតឡើង។ បើតាមអភិបាលខេត្ត ក្រុមហ៊ុន ឡេង ណាវ៉ាត្រា បានជួយរថយន្តក្រុងចំនួន១០គ្រឿង ដើម្បីដឹកអ្នកទោសទៅកាន់កន្លែងមានសុវត្ថិភាពផងដែរ។ ជាមួយគ្នានេះ លោក អ៊ុង ស៊ីផាន ប្រធានពន្ធនាគារខេត្តបន្ទាយមានជ័យ ក៏បានឲ្យដឹងដែរថា ជនជាប់ឃុំក្នុងពន្ធនាគារនេះមានចំនួន១,៦០០នាក់ ក្នុងនោះស្រី១០០នាក់។ ទឹកបានហូរចូលមកក្នុងពន្ធនាគារខេត្តបន្ទាយមានជ័យ យ៉ាងគំហុកធ្វើឲ្យមានការលិចអាគាររដ្ឋបាល និងបន្តហូរចូលទៅក្នុងអាគារស្នាក់នៅរបស់ជនជាប់ឃុំ។ បើតាមសេចក្ដីរាយការណ៍ ដើម្បីបញ្ជៀសផលប៉ះពាល់ផ្សេងៗ ថ្នាក់ដឹកនាំពន្ធនាគារបានសម្រេចជម្លៀសចេញបន្ទាន់ ជនជាប់ឃុំទៅកាន់ពន្ធនាគារ នៃខេត្តមួយចំនួនជាបណ្តោះអាសន្ន។ ជំហានដំបូងនៅព្រឹកថ្ងៃទី១៣ ខែតុលា ឆ្នាំ២០២០នេះ ជនជាប់ឃុំចំនួន៨១១នាក់ ស្រី៨៥នាក់ ត្រូវបញ្ជូនចេញទៅកាន់ពន្ធនាគារខេត្តសៀមរាម តាមរថយន្តក្រុង។ គួរជម្រាបថា រហូតមកដល់ពេលនេះ ទឹកជំនន់បានវាយប្រហារយ៉ាងខ្លាំងដល់ខេត្តបន្ទាយមានជ័យ។ របាយការណ៍បញ្ជាក់ថា […]

ភ្នំពេញ ៖ នៅព្រឹកថ្ងៃទី១៣ ខែតុលា ឆ្នាំ២០២០ នៅអធិការរដ្ឋាន នគរបាលខណ្ឌសែនសុខ បានបើកកិច្ចប្រជុំ ដោយទទួលបានផែនការពីឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ក្រោមអធិបតីភាព លោកឧត្តមសេនីយ៍ទោ មិន សុផេត លោកឧត្តមសេនីយ៍ទោ ចាន់ គតិខុម ស្នងការរងចុះបញ្ជាដឹកនាំទទួលខុសត្រូវ នៅអធិការដ្ឋាន នគរបាលខណ្ឌសែនសុខ បានបើកកិច្ចប្រជុំប្រចាំខែតុលា និងផ្សព្វផ្សាយផែនការការពារសន្តិសុខ សុវត្ថិភាព សារធារណៈជូនប្រជាពលរដ្ឋ ជូនដល់លោកអធិការ-អធិការរង នាយប៉ុស្តិ៍ និងលោកនាយផ្នែកទាំងអស់ ឱ្យយកចិត្តទុកដាក់ពង្រឹងលើការបង្កាទប់ស្កាត់នូវបញ្ហាបទល្មើស លួច ឆក់ ប្លន់ ដែលកើតមានឡើងនៅក្នុងមូលដ្ឋាន៕

ភ្នំពេញ ៖ នៅថ្ងៃអង្គារ ទី១៣ ខែតុលា ឆ្នាំ២០២០ស្អែកនេះ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ នឹងសហការជាមួយក្រុមហ៊ុនធំៗ៥ ដោយបាននាំយកឱកាសការងារចំនួន ៤៦៨កន្លែង ក្នុងមុខតំណែងជាច្រើន មកផ្តល់ជូនសិស្ស\និស្សិត យុវជន អ្នកស្វែងរកការងារ នៅក្នុងកម្មវិធី «វេទិកាការងារប្រចាំខែតុលា»។ ក្រុមហ៊ុនធំៗទាំង៥ ដែលបានចូលរួមក្នុង វេទិកាការងារនេះ ដើម្បីជ្រើសរើសបុគ្គលិកនោះ រួមមាន៖ AEON SPECIALIZED Bank Cambodia PLC, ក្រុមហ៊ុន MWG Cambodia CO., Ltd, ក្រុមហ៊ុន GBCI Ventures Plc (Fincy), ក្រុមហ៊ុន ONE FRATERNITY CO., Ltd. ក្រុមហ៊ុន DYTELE Group CO.,Ltd។ ការរៀបចំកម្មវិធីនេះ ត្រូវបានអនុវត្តយ៉ាងម៉ត់ចត់នូវវិធានការណ៍បង្ការអនាម័យ ស្របតាមការណែនាំរបស់ក្រសួងសុខាភិបាល ដើម្បីទប់ស្កាត់ការរីករាល នៃជំងឺកូវីដ-១៩ ដើម្បីធានានូវសុវត្ថិភាព និងទំនុកចិត្តក្នុងការជ្រើសរើសកម្លាំងពលកម្ម […]

ចេញផ្សាយ ថ្ងៃទី October 12, 2020 ខេត្តព្រៃវែង÷ បុរសម្នាក់បានឆក់ខ្សែភ្លើងបណ្ដាលឲ្យស្លាប់ភ្លាមនៅនឹងកន្លែងកើតហេតុ ខណៈដែលរូបគាត់កំពុងតខ្សែភ្លើង ជុំវិញទ្រុងមាន់ កុំឱ្យសត្វផ្សេងៗមកស៊ីមាន់របស់គាត់ ក៏ត្រូវ ឆក់ខ្លួនឯងស្លាប់តែម្តង ។ ហេតុការណ៍នេះកើតឡើងនៅវេលាម៉ោង 22 :00នាទីថ្ងៃទី 11 ខែតុលាឆ្នាំ 2020 ដែលស្ថិតនៅ ភូមិទង់នាគ ឃុំស្ដៅកោង ស្រុកបាភ្នំ ខេត្តព្រៃវែង។ ប្រភពពីកន្លែងកើតហេតុបានឲ្យដឹងថា បុរសដែលឆក់ស្លាប់នោះមានឈ្មោះ មាស ទូច ភេទប្រុសអាយុ 56 ឆ្នាំ មានមុខរបរកសិករ មូលហេតុដែលនាំអោយគាត់ឆក់ស្លាប់នោះ គឺគាត់បានតខ្សែភ្លើង សម្រាប់ឆក់សត្វផ្សេងៗមកស៊ីមាន់ មិនប្រុងប្រយ័ត្នបណ្ដាលឲ្យឆក់ខ្លួនឯងស្លាប់តែម្ដង។ ក្រោយមកក៏បានផ្ដល់ដំណឹងនេះទៅដល់លោកអធិការស្រុក លោកនាយការិយាល័យនាយរងការិយាល័យនិងលោកវេជ្ជបណ្ឌិតនិងកម្លាំងជំនាញស្រុកទាំងមូលបានធ្វើការមកពិនិត្យ សាកសពឃើញថាមានស្នាកស្នាមដាច់ឆេះខ្លោចបាតដៃខាងឆ្វេងមួយកន្លែង ហើយកម្លាំងជំនាញខាងចាក់កុសល្យវិច្ច័យបានបញ្ជាក់ប្រាប់ថាសាកសពពិតជាស្លាប់ដោយសារឆក់ខ្សែភ្លើងពិតប្រាកដមែន។ ក្រោយពេលកើតហេតុ និង ពិនិត្យកោសល្យវិច្ច័យរួចកម្លាំងជំនាញនៃអធិការស្រុកបាភ្នំបានប្រគល់សាកសពទៅឲ្យក្រុមគ្រួសារយកទៅធ្វើបុណ្យតាមប្រពៃណី។ សូមបងប្អូនប្រជាពលរដ្ឋ ទូទាំងប្រទេស មានការប្រុងប្រយ័ត្នចំពោះគ្រឿងអគ្គិសនី ឲ្យខ្ពស់ក្នុងរដូវភ្លៀងធ្លាក់៕