ភ្នំពេញ៖ សមត្ថកិច្ចជំនាញនៃការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ នារសៀលថ្ងៃទី១២ ខែកញ្ញា ឆ្នាំ២០២០ បានបញ្ជូនជនសង្ស័យម្នាក់ទៅតុលាការ ដើម្បីចាត់ការតាមនីតិវិធីច្បាប់ ពាក់ព័ន្ធករណី ឆបោក គំរាមសម្លាប់ និងលាក់ទុក ប្រើប្រាស់អាវុធដោយខុសច្បាប់ចំនួន២ដើម។ ជនសង្ស័យឈ្មោះ យន្ត ដារ៉ា ហៅ នូ រស្មី ភេទប្រុស អាយុ៤៤ឆ្នាំ ជនជាតិខ្មែរ មុខរបរ គ្រូឱសថបុរាណ តែដើរតាំងខ្លួនជាឧត្តមសេនីយ៍យោធា ស្រុកកំណើត ភូមិតាលួស ឃុំតាលួស ស្រុកស្វាយជ្រុំ ខេត្តស្វាយរៀង ទីលំនៅបច្ចុប្បន្ន បន្ទប់ជួល ភូមិបឹងទំពុន សង្កាត់បឹងទំពុន ខណ្ឌមានជ័យ។ក្រោមវិធានការជំនាញរបស់សមត្ថកិច្ចអាវុធហត្ថរាជធានីភ្នំពេញជនសង្ស័យ យន្ត ដារ៉ា បានសារភាពថា កាលពីអំឡុងខែកក្កដា ឆ្នាំ២០២០ រូបគេពិតជាបានឆបោកប្រាក់ពីជនរងគ្រោះជាបន្តបន្ទាប់សរុប ៣២១០០ដុល្លារអាមេរិក ពិតប្រាកដមែន ពាក់ព័ន្ធករណីទិញលក់សំរឹទ្ធ នៅពេលដែលជនរងគ្រោះដឹងខ្លួនថាត្រូវបានជនសង្ស័យបោកប្រាស់ ជនសង្ស័យក៏បានផ្ញើសារទៅកាន់ជនរងគ្រោះ គំរាមកំហែងម្តងហើយ ម្តងទៀត តាមរយៈបណ្តាញទំនាក់ទំនង Messenger ដោយប្រើពាក្យសម្តីថា នឹងសម្លាប់ចោលទាំងពូជ សូម្បីតែកូនង៉ែតក្នុងអង្រឹងក៏មិនទុកដែរ។ដោយមានការភ័យខ្លាច ជនរងគ្រោះ ក៏មកដាក់ពាក្យបណ្តឹងនៅ អាវុធហត្ថរាជធានីភ្នំពេញ។ […]
Month: September 2020
នារីស្រស់សោភាលោត ទឹកសម្លាប់ខ្លួនពីលើស្ពានជ្រោយចង្វាម្សិលមិញ ប្រទះឃើញសាកសពអណ្តែត នៅមុខវាំង
ភ្នំពេញ ៖ សពនារីស្រស់សោភា លោតទឹកសម្លាប់ខ្លួន ពីលើស្ពានជ្រោយចង្វា បន្សល់ទុកតែបាច់ផ្កា និងស្បែកជើង កាលពីទាបភ្លឺថ្ងៃទី១១ ខែកញ្ញា ឆ្នាំ២០២០នោះ ត្រូវបានគេប្រទះឃើញអណ្តែត នៅមុខព្រះបរមរាជវាំង។ សូមរំលឹកថា នៅទាបភ្លឺថ្ងៃទី១១ ខែកញ្ញា ឆ្នាំ២០២០ នារីរូបនេះ បានលោតទឹកសម្លាប់ខ្លួនពីលើស្ពានជ្រោយចង្វា ដោយបន្សល់ទុកបាច់ផ្កា និងស្បែកជើងលើស្ពាន។ ស្ត្រីរងគ្រោះត្រូវបានគេស្គាល់ថា មានឈ្មោះ ចាន់ ស្រីមាន អាយុ ២២ឆ្នាំ ស្នាក់នៅខុនដូរមួយកន្លែង នៅរាជធានីភ្នំពេញ។ នៅមុនពេលលោតទឹកសម្លាប់ខ្លួន អ្នកឃើញហេតុការណ៍ បានអះអាងថា គេឃើញនារីរូបស្រស់សោភាម្នាក់ បានចុះពីលើរថយន្តមួយគ្រឿង ដោយកាន់បាច់ផ្កា រួមទាំងស្ពាយកាបូប និងពាក់អាវខោប៊យពីក្រៅផង។ បន្ទាប់មករថយន្តនោះក៏បើកទៅបាត់បន្សល់ទុកតែនារីរូបស្រស់សោភា នៅលើស្ពានតែម្នាក់ឯង។ បន្តិចក្រោយមកនារីខាងលើបានដោះស្បែកជើង និងទុកផ្កាមួយបាច់ដាក់ជាប់ស្បែកជើង ហើយលោតចូលទៅក្នុងទន្លេបាត់ស្រមោលតែម្ដង។ ភ្លាមៗគេក៏បានរាយការណ៍ ទៅសមត្ថកិច្ចដើម្បីជួយជនរងគ្រោះ តែអកុសលនារីរងគ្រោះត្រូវបានលិចចូលទៅក្នុងទន្លេបាត់ទៅហើយ។ តាមគណនី Facebook របស់នារីរងគ្រោះឈ្មោះ «Gech Gech» បានឱ្យដឹងថា នៅយប់កើតហេតុនោះ នារីរងគ្រោះបានចូលរួមរៀបចំកម្មវិធីខួបកំណើតឱ្យបងស្រីរបស់ខ្លួន។ បន្ទាប់មកក៏បានទៅស្រស់ស្រូបអាហារ នៅភោជនីយដ្ឋាន ក្នុង Eden […]
កាបូបវេទមន្ដ អន្ទោងចោរជើងល្អ ឲ្យមកជាប់ខ្នោះសមត្ថកិច្ចនៅស្រុក
កំពង់ស្ពឺ ៖ នៅចំណុចតូបលក់សំលៀកបំពាក់មួយ ស្ថិតនៅភូមិអូរក្រាំងអំបិល ឃុំត្រពាំងគង ស្រុកសំរោងទង ខេត្តកំពង់ស្ពឺ កាលពីវេលាម៉ោង៧ និង២៤នាទីព្រឹកថ្ងៃសុក្រ ទី១១ ខែកញ្ញា ឆ្នាំ២០២០ មានជនសង្ស័យម្នាក់បានជិះម៉ូតូ ១គ្រឿង ម៉ាកហុងដា សេ១២៥ សេរីឆ្នាំ២០១៥ ពណ៌ខ្មៅ ពាក់ផ្លាកលេខកណ្ដាល 1G-8389 បានមកឈប់នៅមុខតូបលក់សំលៀកបំពាក់ ហើយបានទិញអាវចំនួន ១រួចជិះម៉ូតូចេញទៅបានមួយសន្ទុះ ជនសង្ស័យខាងលើបានជិះម៉ូតូត្រឡប់មកវិញប្រើល្បិចសុំដូរអាវ បន្ទាប់មកជនសង្ស័យខាងលើបានចាប់ច្របាច់ក ខ្ទប់មាត់ជនរងគ្រោះឈ្មោះ ស៊ុ នាភេទស្រី អាយុ២៧ឆ្នាំ ខណ:ពេលនោះជនរងគ្រោះរើបានខាំដៃនិងស្រែកឲ្យគេជួយ ជនសង្ស័យឃើញស្ថានភាពមិនស្រួល បានរត់គេចខ្លួនចោលម៉ូតូ តែម្ដង។ នៅកន្លែងកើតហេតុបន្សស់ទុកម៉ូតូ ១គ្រឿង មួកសុវត្ថិភាពពណ៌ខ្មៅ ១ ស្បែកជើង ១គូរ ពណ៌ក្រហម ទូរស័ព្ទ ម៉ាកណូគា ១គ្រឿង គ្មានស៊ីម ជារបស់ជនសង្ស័យ។ រហូតដល់វេលាម៉ោង១២ និង ១០នាទី កម្លាំងព្រហ្មទណ្ឌស្រុក បានឃាត់ខ្លួនជនសង្ស័យខាងលើយកមកសាកសួរទើបដឹងថាឈ្មោះ គង់ ប៊ុនថី ហៅម៉ៅ ភេទប្រុស អាយុ ៣២ឆ្នាំ […]
ឃាត់ខ្លួនអ្នកសារព័ត៌មានមួយចំនួន និងគូកនជាច្រើននាក់ ពាក់ព័ន្ធបទល្មើសលួចទ្រព្យសម្បត្តិ ក្នុងឡានប្រជាពលរដ្ឋ រហូតដល់៥ករណី
ភ្នំពេញ ៖ សមត្ថកិច្ចការិយាល័យព្រហ្មទណ្ឌកម្រិតស្រាល នៃស្នងការដ្ឋាន នគរបាលរាជធានីភ្នំពេញ បានឃាត់ខ្លួនជាបន្តបន្ទាប់ អ្នកសារព័ត៌មាន២រូប គឺនៅអង្គភាពព័ត៌មាន K01 មួយរូប, អង្គភាពសារព័ត៌មាន VBN មួយរូប និងគូកន៥នាក់ទៀត និងបង្ហាញមុខជាសាធារណៈ នៅថ្ងៃទី១១ ខែកញ្ញា ឆ្នាំ២០២០នេះ។ ក្រុមជនសង្ស័យទាំងអស់ គឺពាក់ព័ន្ធបទល្មើសលួចទ្រព្យសម្បត្តិ ក្នុងឡានប្រជាពលរដ្ឋ រហូតដល់៥ករណី។ សមត្ថកិច្ចបានឱ្យដឹងថា ជនសង្ស័យទាំង៧នាក់ ទី១. ឈ្មោះ ងី កប អាយុ៣៧ឆ្នាំ មុខរបរ បើកបររថយន្ត, ទី២. ឈ្មោះ ហ៊ុន ណាត អាយុ៤៥ឆ្នាំ មុខរបរ អ្នកសារព័ត៌មាន VBN, ទី៣. ឈ្មោះ យិន ធី ហៅតឿ អាយុ៤២ឆ្នាំ មុខរបរ ទិញលក់ទូរស័ព្ទ, ទី៤. ឈ្មោះ ឆយ សុផល ហៅ យ៉ាម៉ាហា មុខរបរ រត់ម៉ូតូឌុប, ទី៥. […]
ជនសង្ស័យ ធា សូត្រា និងប្រពន្ធឈ្មោះ អ៊ូ ម៉ាលាភ ដែលមានជំនាញដើរបោកលុយគេសរុបទឹកប្រាក់ជិត១លានដុល្លារត្រូវអស់លក្ខធ្លាក់ក្នុងដៃតុលាការក្រុងភ្នំពេញ។
ខណ្ឌសែនសុខ៖ ជនសង្ស័យ២នាក់ប្តីប្រពន្ធដែលមានជំនាញឆបោកយកលុយគេគ្រប់រូបភាពត្រូវបានកម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃ សហការជាមួយនគរបាលខណ្ឌសែនសុខ ឃាត់ខ្លួនកាលពីថ្ងៃទី០៩ ខែកញ្ញា ឆ្នាំ២០២០ វេលាម៉ោង ១៤និង០០នាទី បញ្ជូនមកសាលាដំបូងរាជធានីភ្នំពេញ តាមបង្គាប់របស់លោក ធាម ចន្ទ័ពិសិដ្ឋ ចៅក្រមសើបសួរ។ យោងតាមប្រភពពីជនរងគ្រោះបានឱ្យដឹងថាជនសង្ស័យ២នាក់ប្តីប្រពន្ធនេះគឺមានជំនាញបោកប្រាស់គ្រប់រូបភាពដែលកន្លងមកមានអ្នកខ្លះចាញ់បោកលោក ធា សូត្រា ដោយទិញប្រេនឆាយដែលល្បីនៅក្រៅប្រទេសដូចជា 7eleven អ្នកខ្លះទៀតចាញ់បោកដោយការលួងលោមបបួលរកសុីទិញលក់ផ្កាស្រស់ ខ្លះទៀតចាញ់បោកដោយ ត្រូវរង្វាន់ជាមួយក្រុមហ៊ុនផ្សេង និង ទិញរបស់របរ ទិញដីធ្លីខ្យល់ ដោយលុយទាំងនោះ សរុបទឹកប្រាក់ជិត១លានដុល្លារ ដែលជនសង្ស័យបានយកទៅចាយវាយ ហ៊ឺហារ ទិញឡាន ទិញផ្ទះ ជាដើម…។ ជនសង្ស័យទី១ ឈ្មោះ ធា សូត្រា ភេទប្រុស អាយុ៣២ឆ្នាំ ជនជាតិខ្មែរ ស្នាក់នៅផ្ទះលេខ២៧ ផ្លូវបេតុង បុរីមហាសែនសុខ ភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។ និងទី២ ឈ្មោះ អ៊ូ ម៉ាលាភ ភេទស្រី អាយុ២៩ឆ្នាំ ស្នាក់នៅជាមួយគ្នា ។ បច្ចុប្បន្នជនសង្ស័យទាំង២នាក់ […]
គ្រោះថ្នាក់ចរាចរណ៍ រវាងរថយន្ត និងម៉ូតូ បណ្តាលឲ្យមនុស្សស្លាប់១ នាក់ របួសធ្ងន់១ នាក់, អ្នកបើកបរម៉ូតូបត់ឆ្វេង ខ្ជីខ្ជារខ្វះការប្រុងប្រយ័ត្នទើបបង្កគ្រោះថ្នាក់
កំពង់ធំ៖ គ្រោះថ្នាក់ចរាចរណ៍ រវាង រថយន្ត និង ម៉ូតូ បណ្តាលឲ្យមនុស្សស្លាប់ ១ នាក់ របួសធ្ងន់ ១ នាក់ ខូចរថយន្ត១គ្រឿង ម៉ូតូ ១ គ្រឿង នៅត្រង់ចំណុចមុខផ្លូវចូលស្តូក N. 6 ផ្លូវវាងក្រុង ស្ថិតក្នុងភូមិក្រចាប់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ នាថ្ងៃទី៩ ខែកញ្ញា ឆ្នាំ២០២០ វេលាម៉ោង ១១ និង ២៨ នាទី ។ យោងតាមរបាយការណ៍ ពីសមត្ថកិច្ចជំនាញ បានឲ្យដឹងថារថយន្តម៉ាកឡិចស៊ីស RX. 300 ពណ៌ ស ពាក់ផ្លាកលេខ ភ្នំពេញ 2AW-8849 បើកបរដោយឈ្មោះ ទ្បេង ហៀង ភេទប្រុស អាយុ ៣៦ ឆ្នាំភូមិមាន់ចែ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ មុខរបរ បើកបរថយន្ត មិនរបួស […]
រាជរដ្ឋាភិបាលបង្កើតគណៈកម្មការអន្តរក្រសួង ដើម្បីសិក្សានិងអនុវត្តគម្រោងស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែ នៅក្រុងសៀមរាប
ភ្នំពេញ៖ រាជរដ្ឋាភិបាលចេញសេចក្ដីសម្រេចបង្កើតគណៈកម្មការអន្ដរក្រសួង ដើម្បីសិក្សា និងអនុវត្តគម្រោងស្ថាបនាហេដ្ឋារចនាសម្ព័ន្ធផ្លូវថ្នល ចំនួន៣៨ខ្សែ នៅក្រុងសៀមរាប ខេត្តសៀមរាប។ យោងតាមសេចក្តីសម្រេចរបស់រាជរដ្ឋាភិបាល ដែលចុះហត្ថលេខាដោយ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជានៅថ្ងៃទី៨ ខែកញ្ញា គណៈកម្មការនេះមានតួនាទីដឹកនាំ គ្រប់គ្រង និងសម្របសម្រួលលើការងារស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែ នៅក្រុងសៀមរាប បូករួមទាំងការសិក្សា ការរៀបចំ អនុវត្ត ត្រួតពិនិត្យ តាមដាន និងវាយតម្លៃគម្រោង និងត្រូវរៀបចំរបាយការណ៍ស្តីពីវឌ្ឍនភាព នៃការអនុវត្តគម្រោងជូនរាជរដ្ឋាភិបាលផងដែរ។ សេចក្ដីសម្រេច សម្ដេចតេជោ ហ៊ុន សែន បានប្រគល់តួនាទីជូន សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារ ជាប្រធាន អមដោយអនុប្រធានម្នាក់ អនុប្រធានអចិន្ដ្រៃយ៍ម្នាក់ និងសមាជិក១៥រូប។ ក្នុងកិច្ចប្រជុំគណៈរដ្ឋមន្ត្រីនាព្រឹកថ្ងៃទី៤ ខែកញ្ញា ឆ្នាំ២០២០ សម្តេចតេជោ ហ៊ុន សែន បានប្រកាសទម្លាក់កញ្ចប់ថវិកាជាតិចន្លោះពី ១០០ ទៅ១៥០លានដុល្លារអាមេរិក ដើម្បីសាងសង់ និងកែលម្អផ្លូវចំនួន ៣៨ខ្សែ នៅទីរួមខេត្តសៀមរាប។ សម្តេចតេជោ ហ៊ុន សែន […]
លោក ឃួង ស្រេង និងមន្ដ្រីរាជការក្រោមឱវាទ ចូលរួមកាន់បិណ្ឌវេនទី៧ នៅវត្តទួលសន្តិវន្ត តាមទំនាមទម្លាបព្រះពុទ្ធសាសនា
ភ្នំពេញ ៖ លោក ឃួង ស្រេង អភិបាលរាជធានីភ្នំពេញ និងលោកស្រី និងមន្ដ្រីរាជការក្រោមឱវាទ បានចូលរួមកាន់បិណ្ឌវេនទី៧ នៅវត្តទួលសន្តិវន្ត ហៅវត្តទួលអស់លោក ក្នុងសង្កាត់គីឡូម៉ែតលេខ៦ ខណ្ឌឬស្សីកែវ រាជធានីភ្នំពេញ នៅល្ងាចថ្ងៃទី០៨ កញ្ញា ឆ្នាំ២០២០នេះ។ ពិធីកាន់បិណ្ឌវេនទី៧នេះ ដោយមានការជួបជុំពុទ្ធបរិស័ទភ្ញៀវកត្តិយស នមស្តារព្រះរតនត្រ័យ សមាទានសីលនិមន្តព្រះសង្ឃចម្រើនព្រះបរិត្ត និងសម្ដែងទេសនា។ លុះដល់ថ្ងៃទី០៩ កញ្ញា វេលាម៉ោង០៩ព្រឹក ប្រគេបយាគូដល់ព្រះសង្ឃរាប់បាត្រ បង្សុកូល វេរភត្តាហា ប្រគេនព្រះសង្ឃ និងពហូទេវា ដាឆ្លងជាកិច្ចបង្ហើយបុណ្យ។ ពិធីប្រារព្ធកាន់បិណ្ឌត្រូវធ្វើឡើងចាប់ពីថ្ងៃ១រោច រហូតដល់ថ្ងៃ១៥រោច ខែភទ្របទជា កាលបរិច្ឆេទដែលសន្មតទុកថា ជាថ្ងៃបុណ្យភ្ជុំបិណ្ឌ។ នៅថ្ងៃនោះមហាជនប្រុសស្រី ក្មេងចាស់ នៅទូទាំងប្រទេសកម្ពុជា នាំគ្នាទៅធ្វើបុណ្យនៅវត្តដោយមានទឹកមុខរីករាយ ស្រស់ស្រាយពោរពេញទៅដោយជំនឿជឿជាក់ ចំពោះព្រះពុទ្ធសាសនា ជឿបុណ្យ ជឿបាប ជឿកម្មផល។ ទាំងអស់គ្នាសសុទ្ធតែមានសម្លៀកបំពាក់ល្អៗថ្មីៗយ៉ាងប្រណីត។ សម្រាប់ពិធីបុណ្យនេះ នៅគ្រប់វត្តទូទាំងប្រទេស មានឧបាសក-ឧបាសិកា មហាជន មូលមីរគ្រឹកគគ្រេងធ្វើឱ្យបរិយាកាសនៅក្នុងវត្តមានភាពឱឡារិកអធិកអធមក្រៃលែង សំឡេងភ្លេងពិណពាទ្យ ឬភ្លេងប្រពៃណីបានបន្លឺរងំរណ្តំពីរោះត្រជាក់ដល់សោតិន្ទ្រិយារម្មណ៍និគួរឱ្យរំភើបរីករាយពន់ប្រមាណ។ ជាមួយគ្នានោះ លោក ឃួង […]
នគរបាលអនុវត្តដីកាចាប់ខ្លួនឈ្មោះ អេង សំអាត ហៅ ពឹម សំអាត ដែលពាក់ព័ន្ធនឹងករណីប្រទូសកេរភេទលើក្មេងស្រី អាយុ ៧ ឆ្នាំ
ភ្នំពេញ៖ ទីបំផុត នៅរសៀលថ្ងៃទី ៨ ខែ កញ្ញា ឆ្នាំ ២០២០ នេះសមត្ថកិច្ចនគរបាលខណ្ឌមានជ័យ បានស្រាវជ្រាវចាប់ខ្លួនឈ្មោះ អេង សំអាត ហៅ ពឹម សំអាត ដែលពាក់ព័ន្ធនឹងករណីប្រទូសកេរ ភេទលើក្មេងស្រី អាយុ ៧ ឆ្នាំ បានហើយ បន្ទាប់ពីរត់គេចខ្លួន ។ សមត្ថកិច្ចនគរបាលខណ្ឌ និង សមត្ថកិច្ច នគរបាល នៃ ស្នងការដ្ឋាននគរបាលរាជធានីភ្នំពេញ បានខិតខំស្រាវជ្រាវករណីនេះដើម្បីរកយុត្តិធម៌ឲ្យជនរងគ្រោះ បន្ទាប់ពីសារព័ត៌មាន ហ្វេសប៊ុក ដែលបានផ្សាយពី ករណីនេះរហូតទទួលបានលទ្ធផលលឿនរហ័ស ។ ស្នងការនគរបាលរាជធានីភ្នំពេញ បានឲ្យដឹងថា ក្រោយពីសមត្ថកិច្ចជំនាញនៃអធិការដ្ឋាននគរបាលខណ្ឌមានជ័យ បានធ្វើការតាមដាន និងស្រាវជ្រាវយ៉ាងយកចិត្តទុកដាក់លើករណីនេះរួចមក នៅរសៀលថ្ងៃ៨ ខែកញ្ញា ឆ្នាំ២០២០ នេះ សមត្ថកិច្ចនៃអធិការដ្ឋាននគរបាលខណ្ឌមានជ័យ បានអនុវត្តតាមដីការតុលាការដោយបានធ្វើការនាំខ្លួនឈ្មោះ អេង សំអាត ពីបទចោទប្រកាន់ “ប្រទូស្តកេរខ្មាស ” បញ្ជូនទៅតុលាការដើម្បីអនុវត្តតាមនីតិវិធីច្បាប់ ។ សូមបញ្ជាក់ថាក្នុងនាមជាមន្ត្រីអនុវត្តច្បាប់មិនដែលព្រងើយកន្តើយឬលាក់បាំងអ្វីឡើយ ជាក់ស្តែងសមត្ថកិច្ចមិនអាចអនុវត្តការងារណាដោយមិនមានភាពច្បាស់លាស់ឡើយ […]
បញ្ចប់មុខតំណែងលោក អ៊ុក កុសល ពីស្នងការនគរបាលខេត្តកំពង់ធំ និងទម្លាក់ឋានន្តរស័ក្តិពីឧត្តមសេនីយ៍ទោ មកនៅត្រឹមវរសេនីយ៍ឯក
ភ្នំពេញ៖ អ្នកនាំពាក្យក្រសួងមហាផ្ទៃ លោកនាយឧត្តមសេនីយ៍ ខៀវ សុភ័គ បានថ្លែងប្រាប់កាសែតក្នុងស្រុកនៅរសៀលថ្ងៃទី៨ខែកញ្ញានេះថា ក្រសួងមហាផ្ទៃបានសម្រេចបញ្ចប់មុខតំណែងលោក អ៊ុក កុសល ពីស្នងការនគរបាលខេត្តកំពង់ធំហើយ ក្រោយពីការស៊ើបអង្កេតរកឃើញថា លោកបានប្រព្រឹត្តដូចការប្តឹងមែន ហើយត្រូវបានទម្លាក់ឋានន្តរស័ក្តិពីឧត្តមសេនីយ៍ទោ មកនៅត្រឹមវរសេនីយ៍ឯក។ នាយឧត្តមសេនីយ៍ ខៀវ សុភ័គ បានបញ្ជាក់ថា ក្រសួងបានសម្រេចដកតំណែងលោក អ៊ុក កុសល ពីស្នងការនគរបាលខេត្តកំពង់ធំ ក្រោយពីបានរកឃើញថា ស្នងការរូបនេះពិតជាបានប្រព្រឹត្តអំពើបៀតបៀនកេរ្តិ៍ខ្មាសទៅលើមន្ត្រីនគរបាលជាស្ត្រី។ បើតាមលោក ខៀវ សុភ័គ ៖ “លោក អ៊ុក កុសល ត្រូវបានទម្លាក់ឋានន្តរស័ក្តិពីផ្កាយ២ (ឧត្តមសេនីយ៍ទោ) មកនៅត្រឹមស័ក្តិ៥ (វរសេនីយ៍ឯក) ហើយក្រសួងមហាផ្ទៃ បានស្នើឲ្យទម្លាក់ស័ក្តិ២ថ្នាក់ថែមទៀត (អាចនៅត្រឹមស័ក្តិ៣)”។ សូមបញ្ជាក់ថា កាលពីខែមុន មានការបែកធ្លាយនូវពាក្យបណ្តឹងមួយដែលបានរៀបរាប់ពីដំណើររឿង ដោយចោទស្នងការនគរបាលខេត្តកំពង់ធំ លោក អ៊ុក កុសល ថាបានបំពានកេរ្តិ៍ខ្មាសទៅលើមន្ត្រីនគរបាលជាស្ត្រីនៅខេត្តកំពង់ធំជាច្រើននាក់ និងប្រើអំណាចមិនឱ្យមន្ត្រីនគរបាលទាំងនោះរើបម្រាសទៀតផង។ បន្ទាប់មក នៅថ្ងៃទី១១ ខែសីហា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាទៅអគ្គស្នងការនគរបាល […]