(ភ្នំពេញ)៖ ជនសង្ស័យម្នាក់ ក្នុងចំណោមគ្នាច្រើននាក់ត្រូវបានបា.ញ់សម្លា.ប់ ខណៈពេលធ្វើសកម្មភាពដេញតាមធាក់ប្លន់យកម៉ូតូ១គ្រឿងពីមន្ត្រីយោធាម្នាក់ បណ្ដាលឲ្យបុរសជាម្ចាស់ម៉ូតូ នោះដួលពីរបីរត្រលប់ បន្ទាប់មកជនសង្ស័យរូបនេះ បានលើកយកម៉ូតូជិះគេចខ្លួន ហើយម្ចាស់ម៉ូតូខាងលើក៏ដកកាំភ្លើងខ្លីពីចង្កេះបា.ញ់ប្រហារជាច្រើនគ្រាប់ បណ្ដាលឲ្យស្លា.ប់ភ្លាមៗនៅនឹងកន្លែងលើម៉ូតូដែលប្លន់បាននោះតែម្ដង ។ដោយឡែកបក្សពួកផ្សេងទៀត បាននាំគ្នាគេចខ្លួនបាត់អស់ ហើយមន្ត្រីយោធាជាម្ចាស់ម៉ូតូក៏ត្រូវបានកម្លាំងនគរបាលខណ្ឌដង្កោនាំទៅសួរនាំនៅអធិការដ្ឋាននគរបាលខណ្ឌផងដែរ ។ហេតុការណ៍នេះបានកើតឡើងបង្កឲ្យមានការភ្ញាក់ផ្អើលកាលពីវេលាម៉ោង៥និង៥០នាទីព្រឹកថ្ងៃទី២៤ ខែមីនានេះ នៅតាមផ្លូវ៥០ម៉ែត្រ ស្ថិតនៅក្នុងភូមិពាម សង្កាត់ព្រៃស ខណ្ឌដង្កោ រាជធានីភ្នំពេញ ។ជនសង្ស័យដែលត្រូវបា.ញ់សម្លា.ប់នោះពុំទាន់ត្រូវបានស្គាល់អត្តសញ្ញាណនៅឡើយទេ បានធ្វើសកម្មភាពធាក់ប្លន់យកម៉ូតូ១គ្រឿង ម៉ាកហុងដាឌ្រីមសេ១២៥ ពាក់ស្លាកលេខភ្នំពេញ1JC-4840 ។ម្ចាស់ម៉ូតូជាមន្ត្រីយោធាហើយនៅពុំទាន់ស្គាល់ឈ្មោះនៅឡើយទេ ចំណែកនគរបាលខណ្ឌដង្កោបានចុះទៅកាន់ទីនោះភ្លាមៗ ហើយប្រទះឃើញបានសំបកគ្រាប់កាំភ្លើ.ងខ្លីចំនួន៩គ្រាប់ផងដែរ ។រីឯលោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានប្រាប់ឲ្យដឹងយ៉ាងខ្លីថា អ្នកស្លា.ប់ គឺជាជនសង្ស័យ ។តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលមានរឿងនេះកើតឡើង បុរសជាមន្ត្រីយោធារូបនោះបានជិះម៉ូតូម្នាក់ឯង តាមផ្លូវ៥០ម៉ែត្រ ក្នុងទិសដៅពីលិចទៅកើត ។ ខណៈនោះជនសង្ស័យខាងលើ រួមជាមួយបក្សពួក៤ទៅ៥នាក់ទៀត ជិះម៉ូតូចំនួន៣គ្រឿងដេញតាមធាក់ផ្ដួលបណ្ដាលឲ្យមន្ត្រីយោធាខាងលើដួលម៉ូតូច្រងាប់ច្រងិល បន្ទាប់មកជនសង្ស័យខាងលើបានលើកយកម៉ូតូជិះគេចខ្លួន ។ប្រភពដដែលបានបន្តទៀតថា ភ្លាមៗនោះមន្ត្រីយោធាបានក្រោកឡើងរត់ដេញតាម ព្រមទាំងដកកាំភ្លើ.ងខ្លីបា.ញ់ប្រហារបណ្ដាលឲ្យត្រូវដួលស្លា.ប់ម្នាក់ទាំងដៃនៅកាន់ចង្កូត និងជើងនៅគងលើម៉ូតូដែលប្ល.ន់បាននោះតែម្ដង ។ដោយឡែកបក្សពួកផ្សេងទៀតបានជិះម៉ូតូគេចខ្លួនទាំងព្រលឹងចុងសក់បាត់ស្រមោលអស់ ហើយក្រោយពេលកើតហេតុ មន្ត្រីយោធាជាម្ចាស់ម៉ូតូក៏ត្រូវបានកម្លាំងនគរបាលខណ្ឌដង្កោនាំទៅសួរនាំនៅអធិការដ្ឋាននគរបាលខណ្ឌដង្កោ ។ក្រោយកើតហេតុកម្លាំងនគរបាលខណ្ឌដង្កោបាននាំខ្លួនម្ចាស់ម៉ូតូ ដែលមានអាវុធហើយបាញ់ទៅលើជនសង្ស័យស្លាប់នោះយកទៅសួរនាំ ចំណែកសាកសពជនសង្ស័យយកទៅតម្កល់ទុកនៅវត្តឬស្សីសាញ់ដើម្បីធ្វើកោសល្យវិច័យ៕
