Month: March 2023

(មណ្ឌលគីរី)៖ យោងតាមប្រភពពីលោកវរសេនីយ៍ឯកយ៉ម ហ៊ុនអេង អធិការនគរបាលស្រុកកោះញែក បានឱ្យដឹងថា៖ នៅវេលាម៉ោង៨ និង ១៥នាទីព្រឹក ថ្ងៃទី៣១ ខែមីនា ឆ្នាំ២០២៣នេះ មានករណីដំរីព្រៃបុកជនជាតិបរទេសម្នាក់ នៅចំណុចត្រពាំងមេតយ ស្ថិតក្នុងទឹកដីឃុំពូជ្រៃ ស្រុកពេជ្រដា ជនរងគ្រោះមានឈ្មោះ រ៉ូ ផាន់ ភេទប្រុស អាយុ ប្រហែល ៣០ ឆ្នាំជាង ជនជាតិម៉ាឡេស៊ី បម្រើការងារ អោយ អង្កការWWF (សត្វដំរី) បានទៅបាញ់ថ្នាំសណ្ដំ ដើម្បីដាក់កាមេរ៉ានៅប្រឡៅក ប៉ុន្តែមិនទាន់បានបាញ់ផង ត្រូវបានដំរីបោលបុកពីក្រោយដោយប្រើភ្លុកធ្លុះពីខ្នងធ្លាយមកខាងមុខក្រោមដោះ។ បច្ចុប្បន្នជនរងគ្រោះត្រូវបានក្រុមការងាររបស់អង្គការ WWF ដឹកទៅសង្គ្រោះមន្ទីពេទ្យបង្អែក ខេត្តមណ្ឌលគិរី និងបន្តដឹកតាមកន្ទុំរុយសង្គ្រោះនៅរាជធានីភ្នំពេញ៕

សម្តេចក្រឡាហោម ស ខេង អញ្ជើញជាអធីបតីដឹកនាំកិច្ចប្រជុំឣន្តរក្រសួង ដើម្បីពិនិត្យ ឆ្លងសេចក្តីព្រាងច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម   ភ្នំពេញ៖ នាព្រឹកថ្ងៃចន្ទ ទី២៧ ខែមីនា ឆ្នាំ២០២៣នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិដឹកនាំតម្រង់ទិសការងារអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម បានអញ្ជើញដឹកនាំកិច្ចប្រជុំឆ្លងសេចក្ដីព្រាងច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ដោយមានការអញ្ជើញចូលរួមពី ឯកឧត្តម អង្គ វង្សវឌ្ឍនា ទេសរដ្ឋមន្ត្រី ទទួលបន្ទុកបេសកកម្មពិសេស ឯកឧត្តម ជា វណ្ណដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងឯកឧត្តម លោកជំទាវ រដ្ឋលេខាធិការប្រចាំការ រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង នៃក្រសួងស្ថាប័នពាក់ព័ន្ធ ព្រមទាំងក្រុមការងារតាក់តែងសេចក្តីព្រាងច្បាប់ជាច្រើនរូបទៀត។ មានប្រសាសន៍បើកកិច្ចប្រជុំនាឱកាសនោះ សម្ដេចក្រឡាហោម ស ខេង បានគូសបញ្ជាក់ថា សេចក្ដីព្រាងច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្មនេះ មានទំនាក់ទំនងយ៉ាងជិតស្និតទៅនឹងការរស់នៅប្រចាំថ្ងៃរបស់ប្រជាពលរដ្ឋ ដូចជា លិខិតស្នាមនានាត្រូវធ្វើឡើងដើម្បីបង្រួម […]

ក្រសួងព័ត៌មានកាលពីថ្ងៃម្សិលមិញនេះ បានចេញសេចក្តីសម្រេចចំនួន៣ផ្សេងៗគ្នា ដោយធ្វើការលុបចោល​នូវអាជ្ញាប័ណ្ណសារព័ត៌មាន, អាជ្ញាប័ណ្ណគេហទំព័រ និងសមាគមអ្នកសារ​ព័ត៌មាន ដោយ​សារ​តែប្រព្រឹត្ត​ខុស​ក្រមសីលធម៌វិជ្ជាជីវៈសារព័ត៌មាន។កាសែត គេហទំព័រ និងសមាគម ដែលក្រសួងព័ត៌មានសម្រេចលុបអាជ្ញាប័ណ្ណនោះ រួមមាន៖​១.កាសែត «ដំណឹងក្នុងស្រុក» ដែលមានលោក ជា សារ៉េន ជាម្ចាស់ ដែលធ្វើអាជីវកម្មផ្សព្វផ្សាយតាមកាសែត មានអាសយដ្ឋានទីស្នាក់ការស្ថិតនៅផ្ទះលេខ EA ៧០២៩ ផ្លូវលំ ក្រុម៣ ភូមិភ្នាត សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។២.គេហទំព័រ «រស្មីកំពង់ចាម (www.rkc-news.com)» ដែលមានលោកស្រី ស៊ី មុយឡេង ជាម្ចាស់មានអាសយដ្ឋានស្ថិតនៅក្នុងភូមិមេមត់កណ្តាល ឃុំមេមត់ ស្រុកមេមត់ ខេត្តត្បូងឃ្មុំ។និង ៣.សមាគម «អ្នកសារព័ត៌មានកម្ពុជា-អាស៊ាន (ស.អ.ក.អ)» ដែលមានអាសយដ្ឋាននៅផ្ទះលេខ៦៦១A ផ្លូវលេខ៧១K ក្រុមទី៩ ភូមិតាងួន២ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ផងដែរ។ក្រសួងព័ត៌មានបានបញ្ជាក់ហេតុផលថា ស្ថាប័នទាំងនោះបានប្រព្រឹត្តិកំហុសខាងក្រុមសីលធម៌វិជ្ជាជីវៈសារព័ត៌មានយ៉ាងធ្ងន់ធ្ងរ និងមិនព្រមអនុវត្តតាមការអប់រំណែនាំរបស់ក្រសួងព័ត៌មាន ដែលផ្ទុយនឹងកិច្ចសន្យាអាជីវកម្មរបស់សាមីខ្លួនបានតម្កល់ទុកនៅក្រសួងព័ត៌មាន៕

ភ្នំពេញ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានទទួលជួបសំណេះសំណាល និងពិភាក្សាការងារជាមួយលោកស្រី Stefanie Lang នាយិកាមូលនិធិកេរដំណែលទេសភាព (Legacy Landscapes Fund) លោក Uwe Klug តំណាងធនាគារអភិវឌ្ឍន៍ KfW និងតំណាងអង្គការ CI ប្រចាំកម្ពុជា លើកិច្ចសហប្រតិបត្តិការក្រោមក្របខណ្ឌនៃមូលនិធិកេរដំណែលទេសភាព ក្នុងឧទ្យានជាតិជួរភ្នំក្រវាញកណ្ដាល។កាលពីរសៀលថ្ងៃទី១៤ ខែមីនា ឆ្នាំ២០២៣ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានទទួលជួបសំណេះសំណាល និងពិភាក្សាការងារជាមួយលោកស្រី Stefanie Lang នាយិកាមូលនិធិកេរដំណែលទេសភាព (Legacy Landscapes Fund) លោក Uwe Klug តំណាងធនាគារអភិវឌ្ឍន៍ KfW និងតំណាងអង្គការ CI ប្រចាំកម្ពុជា លើកិច្ចសហប្រតិបត្តិការក្រោមក្របខណ្ឌនៃមូលនិធិកេរដំណែលទេសភាព ក្នុងឧទ្យានជាតិជួរភ្នំក្រវាញកណ្ដាល។ឯកឧត្តមរដ្ឋមន្ត្រី លើកទឹកចិត្តដល់ដៃគូអភិវឌ្ឍន៍បន្ថែមការចូលរួមជំរុញសេដ្ឋកិច្ចមូលដ្ឋាន និងលើកកម្ពស់ជីវភាពសហគមន៍ តាមរយៈការជំរុញទេសចរណ៍ផ្សារភ្ជាប់ទឹកដី ការចិញ្ចឹមសត្វនិងការដាំដុះជាសហគមន៍ និងហិរញ្ញប្បទានការប្រាក់ទាប ជាចំណែកមួយនៅក្នុងគម្រោងអភិរក្ស ព្រោះថា ការអភិរក្សបានជោគជ័យក៏អាស្រ័យដោយជីវភាពប្រជាជនល្អប្រសើរផងដែរ៕ […]

(ខេត្តកណ្តាល)៖ កាលពីថ្ងៃទី១៧ ខែមីនា ឆ្នាំ ២០២២ កន្លងទៅនេះ សម្ដេចតេជោ ហ៊ុន សែន បានចេញបទបញ្ជា ដាច់ខាតមួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទ ទាំងអស់ឲ្យខានតែបាន។សម្តេចតេជោហ៊ុនសែន បានបញ្ជាក់យ៉ាងច្បាស់ដាច់ខាតទៀតថា អាជ្ញាធរនិងសមត្ថកិច្ចស្រុក ក្រុង ខេត្តណា ដែលមិននាំគ្នាទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។ ឥលូវនេះទីតាំងល្បែងស៊ីសងកត់ឆ្នោតវៀតណាមចំនួន២កន្លែងដែលមានសញ្ញាសម្គាល់ (P51)កំពុងបើកលេងយ៉ាងរលូនដែល ស្ថិតនៅចំណុចភូមិពុកឫស្សី ឃុំពុកឫស្សី ស្រុកខ្សាច់កណ្តាលខេត្តកណ្តាល មិនទាន់ឃើញមានអាជ្ញាធរស្រុកនិងសមត្ថកិច្ច ពាក់ព័ន្ធចុះបង្ក្រាបនៅឡេីយ​ទេ ដែលកំពុងផ្កើនប្រសាសន៍សម្តេច នាយករដ្ឋមន្ត្រីនៃព្រះរាជាណាចក្រកម្ពុជា ដែលដាក់បទបញ្ជាឲ្យបិទល្បែងស៊ីសងគ្រប់ប្រភេទក្នុងមូលដ្ឋាន។ប្រជាពលរដ្ឋនៅជិតទីតាំងកត់ឆ្នោតវៀតណាមខាងលើបានឲ្យ ដឹងថាទីតាំងនេះបាននាំគ្នាទៅចាក់ដោយមេកន្ទុយលេខបានចេញជាកន្ទុយសន្លឹកឆ្នោតអោយអ្នកចាក់ អ្នកខ្លះទៀតបានចាក់តាមប្រព័ន្ធទូរស័ព្ទ តេលេក្រាមនឹងតាមឆាត ទៅវិញទៅមកដោយប្រើប្រាស់ទូរស័ព្ទនឹងប្រព័ន្ធកុំព្យូទ័រ។ពលរដ្ឋបានបង្ហើបឲ្យដឹងទៀតថាម្ចាស់ទីតាំងទាំង២ដែលបើកកត់ឆ្នោតវៀតណាមដោយចំហរមិនខ្លាចអាជ្ញាធរនិងសមត្ថកិច្ចនោះទេគឺពួកគេហ៊ានទទួលអ្នកទៅចាក់ម្តងៗរាប់សិបមុឺនរៀល មានអ្នកចាញ់អស់ប្រាក់ជាច្រើនមានទាំងក្មេងមានទាំងចាស់ធ្វើឲ្យក្រុមគ្រួសារមានការកង្វល់ជាខ្លាំងដោយសារល្បែងខាងលើ។ដូច្នេះហើយប្រជាពលរដ្ឋសំណូមពរលោកចេង ឌីណា អភិបាលស្រុកខ្សាច់កណ្តាលនិងលោកអធិការស្រុកខ្សាច់ខេត្តកណ្តាល មានចំណាត់ការចុះបង្ក្រាបល្បែងស៊ីសងខុសច្បាប់ខាងលើនេះផងខណៈម្ចាស់ទីតាំង កំពុងបើកលេងគគ្រឹកគគ្រេងយ៉ាងរលូនកំពុងតែផ្គើននិងបទបញ្ជាររបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ប្រជាពលរដ្ឋសង្ឃឹមថាអាជ្ញាធរនិងសមត្ថកិច្ចស្រុកខ្សាច់កណ្តាលនិងមានវិធានការចុះបង្ក្រាបល្បែងស៊ីសងឆ្នោតវៀតណាមទាំង២ទីតាំងខាងលើនេះជាក់ជាមិនខាន។ ពាក់ព័ន្ធករណីបើកល្បែងស៊ីសងខុសច្បាប់(កត់ឆ្នោតវៀតណាម)នេះ នារសៀលថ្ងៃទី ១៣ ខែមីនា ឆ្នាំ […]