ខេត្តស្វាយរៀង នាថ្ងៃទី០៥ ខែមីនា ឆ្នាំ២០២៣–ខេត្តស្វាយរៀង : ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងថ្នាក់ដឹកនាំជាន់ខ្ពស់រាជរដ្ឋាភិបាល ព្រមទាំងអាជ្ញាធរខេត្តស្វាយរៀង អញ្ជេីញចុះពិនិត្យទីតាំងដីសម្បទានសង្គមកិច្ច ដែលមានទំហំ ៣០០ហិកតា នៅជិតបណ្តោយខ្សែបន្ទាត់ព្រំដែន កម្ពុជា-វៀតណាម ស្ថិតនៅក្នុងឃុំចន្ទ្រា ស្រុកចន្ទ្រា និងឃុំត្នោត ស្រុកកំពង់រោទិ៍ ខេត្តស្វាយរៀង ដេីម្បីរៀបចំសាងសង់លំនៅឋានចំនួន ១០០ខ្នង សម្រាប់ផ្តល់ជូនដល់គ្រួសារយោធិន នគរបាល និវត្តន៍ជន គ្រួសារពលី និងគ្រួសារទីទ័លក្រ ។
