Month: November 2021

ភ្នំពេញ÷បុរសម្នាក់បានស្លាប់បាត់បង់ជីវិតនៅនឹងកន្លែងយ៉ាងអាណោចអាធ័មបន្ទាប់ពីជិះម៉ូតូមួយគ្រឿងត្រូវរថយន្តបើកមកបុកពីក្រោយកៀរដួលបោកក្បាលស្លាប់កាលពីវេលាម៉ោង ៧ និង ៤៥ នាទីថ្ងៃទី ២១ ខែមវិច្ឆិកា ឆ្នាំ២០២១ នៅតាមបណ្ដោយផ្លូវ៥០ម៉ែតក្នុងសង្កាត់ព្រៃស ខណ្ឌដង្កោ រាជធានីភ្នំពេញ។ សពជនរងគ្រោះ មានឈ្មោះទា វុទ្ធី ភេទប្រុសអាយុ ៣៥ ឆ្នាំមុខរបរជាងផ្សារដែក ស្នាក់នៅខណ្ឌដង្កោ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញជនរងគ្រោះជិះម៉ូតូម៉ាកឌ្រីមសង់ពណ៌ខ្មៅមួយគ្រឿងពាក់ស្លាកលេខភ្នំពេញ1HH-8414ធ្វើដំណើរក្នុងទិសដៅពីកើតទៅលិច លុះមកដល់ចំណុចកើតហេតុខាងលើក៏មានរថយន្តម៉ាកmasdaពណ៌ស មួយគ្រឿងពាក់ស្លាកលេខភ្នំពេញ2AA-8366បើកមកពីក្រោយស្របគ្នាកៀរម៉ូតូជនរងគ្រោះបណ្ដាលឲ្យដួលបោកនឹងថ្នល់ ស្លាប់ភ្លាមៗយ៉ាងអាណោចអាធ័មតែម្តង។ ក្រោយហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំដោះស្រាយគ្នាតាមផ្លូវច្បាប់ ដោយឡែកសពជនរងគ្រោះត្រូវបានសមត្ថកិច្ចធ្វើកំណត់ហេតុរួចរាល់ក៏ប្រគល់ជូនសាច់ញាតិយកទៅធ្វើបុណ្យតាមប្រពៃណី៕ដោយ% ទូច រ៉ាវុធ

ភ្នំពេញ÷រថយន្ត​ឡង់គ្រីស័រមួយគ្រឿងបេីកលឿនបត់ឆ្វេងខ្វះ ការប្រុងប្រយ័ត្នក្រឡាប់ផ្ងារជើងទ្រមេឃ រងការខូចខាតយ៉ាងដំណំ នឹងបណ្ដាលឱ្យមនុស្សប្រុសស្រីចំនួន០២នាក់ រងរបួសធ្ងន់ ត្រូវបានរថយន្តសាមុយដឹកយកទៅសង្គ្រោះបន្ទាន់នៅឯមន្ទីរពេទ្យ ។ ហេតុការណ៍​នេះ​បាន​កើត​ឡើង​កាល​ពី​វេលា​ម៉ោង​៩និង​៣០នាទី​ព្រឹក​ ថ្ងៃ​ទី​១៨ខែ​វិច្ឆិកា​ ឆ្នាំ​២០២១ ស្ថិតត្រង់ចំណុចផ្លូវ១១៣ កែងនិងផ្លូវ ៦១៦ ក្នុងសង្កាត់ស្រះចក ខណ្ឌដូនពេញនរាជធានីភ្នំពេញ។ តាមប្រភពព័ត៌មានពី​កន្លែង​កើត​ហេតុ​បានឲ្យដឹងថា​ នៅនៅមុនពេហេតុ​ការណ៍នេះបានកើតឡើង គេឃើញរថយន្ត​មួយគ្រឿងម៉ាក ឡង់គ្រីស័រ ពណ៌សំបកឪឡឹក ពាក់ស្លាកលេខភ្នំពេញ 2H 5679 បេីកដោយបុរសម្នាក់ រួមដំណើជាមួយស្ត្រីម្នាក់តាម​បណ្ដោយ​ផ្លូវ ៦១៦ ក្នុងទិសដៅពី​លិច​ទៅ កេីត លុះមកដល់ចំណុចផ្លូវបំបែកជាបួន ជាមួយផ្លូវ១១៣ រថយន្តបានបត់ឆ្វេងមិនប្រយ័ត្ន ក៏បណ្តាលឱ្យក្រឡាប់ផ្ងារជើងរងការខូចខាតយ៉ាងដំណំ ចំណែកតៃកុងនឹងអ្នករួមដំណេីរ រងរបួសត្រូវបានរថយន្តសាមុយបញ្ជូនទៅសង្គ្រោះបន្ទាន់នៅឯមន្ទីរពេទ្យ ។ក្រោយពេលកើតហេតុ បន្ទាប់មកឃើញមានរថយន្តស្ទូច បានមកស្ទូចរថយន្តបង្កយកចេញពីកន្លែងកើតហេតុ ដើម្បីយកទៅជួសជុលដោយខ្លួនឯង នឹងចេញសងរាល់ថ្លៃការខូចខាតទៅលើក្រុមហ៊ុនឯកជនក្នុងទឹកដីបឹងកក់ ៕រាយការណ៍ដោយ% ទូច រ៉ាវុធ

ព្រះសីហនុ÷គួរឲ្យអាសូរណាស់បុរសម្នាក់កំពុងជិះម៉ូតូនៅលើចិញ្ចើមផ្លូវសុខៗ ស្រាប់តែមានរថយន្តដឹកសុីទែនប្រេងឥន្ធនៈសូរគីមុិច បើកមកបុកពីក្រោយហើយអូសជាច្រើនម៉ែត្រ បណ្ដាលឱ្យជនរងគ្រោះស្លាប់បាត់បង់ជីវិតនៅនឹងកន្លែងកើតហេតុ។ហេតុការណ៍គ្រោះថ្នាក់ចរាចរណ៍ដ៏គួរឱ្យរន្ធត់មួយនេះបានកើតឡើងកាលពីវេលាម៉ោង០៦ៈនឹង៣០នាទីព្រឹក ថ្ងៃទី១៧ៈខែវិច្ឆិកា ឆ្នាំ២០២១ ស្ថិតតាមបណ្ដោយមហាវិថីផែ ត្រង់នឹងចំណោទរ៉ា ក្នុងភូមិ០៣ៈសង្កាត់០៣ៈ ក្រុងព្រះសីហនុ ខេត្តព្រះសីហនុ ។រីឯសាកសពជនរងគ្រោះខាងលើមកដល់ពេលនេះមិនទាន់មាននរណាម្នាក់ស្គាល់អត្ដសញ្ញាណរបស់គាត់នៅឡើយទេ!!យោងតាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលហេតុការណ៍នេះបានកើតឡើងគេបានឃើញបុរសម្នាក់ជិះម៉ូតូម៉ាកវ៉េវពណ៌ក្រហមមួយគ្រឿងជិះធ្វើដំណើរនៅលើដងមហាវិថីផែត្រង់នឹងចំណតរ៉ារថភ្លើង ខណៈពេលមកដល់ត្រង់ចំណុចកើតហេតុខាងលើ ស្រាប់តែមានបុរសម្នាក់បើករថយន្តក្បាលពណ៌សក្រហមលឿងមួយគ្រឿងពាក់ស្លាកលេខភ្នំពេញ3D-6195 សុីទែនដឹកប្រេងឥន្ធនៈរបស់ក្រមហ៊ុនសូគីមុិចបើកក្នុងល្បឿនលឿនជ្រុលទៅបុកពីក្រោយពេញទំហឹងអូសជាច្រើនម៉ែត្របណ្ដាលឱ្យម៉ូតូរងការខូចខាតយ៉ាងដំណំ រីឯជនរង់គ្រោះបានខ្ទាតចូលទៅក្រោមកង់រថយន្តកិនស្លា ប់យ៉ាងអាណោចអាធ័ម អ្នកបើកបរបង្កជាយាន្តចុះពីលើរថយន្តគេចខ្លួនបាត់ស្រមោល។ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ដើម្បីធ្វើការវាស់វែងយករថយន្តបង្ករួមជាមួយនិងម៉ូតូជនរងគ្រោះទៅរក្សាទុកនៅឯណាស្នងការដ្ឋាននគរបាលខេត្តព្រះសីហនុ រង់ចាំម្ចាស់រថយន្តឬថៅកែចូលខ្លួនមកដោះស្រាយគ្នាទៅតាមផ្លូវច្បាប់។ចំណែកសា កស ពត្រូវបានសមត្ថកិច្ចជំនាញធ្វើកំណត់ហេតុនិងកុសល្យវិច្ច័យរួចរាល់ទើបប្រគល់ទៅឱ្យសាច់ញាតិនិងក្រុមគ្រួសារយកទៅធ្វើបុណ្យតាមប្រពៃណី៕ដោយ% ទូច រ៉ាវុធ

ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មានបានលើកឡើងថា នៅក្នុងសង្គមប្រជាធិបតេយ្យ សារព័ត៌មានដើរតួនាទីសំខាន់ណាស់ បើគ្មានសារព័ត៌មានមួយសេរី ឯករាជ្យ គឺមិនអាចមានសង្គមប្រជាធិបតេយ្យបានទេ។ ការលើកឡើងរបស់ឯកឧត្ដមរដ្ឋមន្រ្ដីនេះ ក្នុងឱកាសអញ្ជើញចូលរួមបើឥកសិក្ខាសាលាស្ដីពី “ការអនុវត្តវិជ្ជាជីវៈ និងសេរីភាពសារព័ត៌មានក្នុងក្របខ័ណ្ឌច្បាប់នៃព្រះរាជាណាចក្រកម្ពុជា” នាព្រឹកថ្ងៃអង្គារ ១២កើត ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១៦ ខែវិច្ឆិកា ឆ្នាំ២០២១ នៅសណ្ឋាគាររ៉េស៊ីដង់ សុខាភ្នំពេញ។ ឯកឧត្តម ខៀវ កាញារីទ្ធ បានមានប្រសាសន៍ថា សិទ្ធិសារព័ត៌មានត្រូវបានប្រគល់ជូនប្រជាជនកម្ពុជាគ្រប់រូប ព្រោះនាពេលកន្លងមក មានការច្រឡំថា ច្បាប់ស្តីពីរបបសារព័ត៌មានគឺជាច្បាប់សម្រាប់អ្នកកាសែត ប៉ុន្តែមិនមែននោះទេ ច្បាប់នោះគឺសម្រាប់គ្រប់គ្នា។ ឯកឧត្ដមបានគូសបញ្ជាក់ថា អ្នកណាក៏អាចធ្វើកាសែតបានដែរ ព្រោះវិជ្ជាជីវៈសារព័ត៌មានគឺជាវិជ្ជាជីវ:សេរី ឥតកំណត់លក្ខខណ្ឌ សញ្ញាបត្រឡើយ ប៉ុន្តែត្រូវតែមានក្រឹត្យក្រមដែលត្រូវអនុវត្តន៍។ ជាមួយគ្នានេះដែរ ឯកឧត្តមរដ្ឋមន្រ្តីបានចាត់ទុកសិក្ខាសាលានាថ្ងៃនេះជាថ្ងៃប្រវត្តិសាស្ត្រដែលអ្នកកាសែត អាជ្ញាធរ និងក្រសួងយុត្តិធម៌ ឈ្វេងយល់ពីគ្នា និងដឹងអំពីផ្លូវដែលត្រូវដើរ។ ទន្ទឹមនេះ ឯកឧត្តមរដ្ឋមន្រ្តីបានលើកឡើងអំពីការយកចិត្តទុកដាក់របស់ប្រមុខរាជរដ្ឋាភិបាល សម្ដេចនាយករដ្ឋមន្ត្រីតេជោ ហ៊ុន សែន ក្នុងការធានាឱ្យសារព័ត៌មានកម្ពុជាមានសេរីភាព មានវិជ្ជាជីវៈ និងបម្រើការងារ […]

រតនៈគីរី÷បុរសជាជនសង្ស័យម្នាក់ ដោយមានការសម្របសម្រួលពី លោក មុត សម្បត្តិ ព្រះរាជអាជ្ញារងអមសាលាដំបូង ខេត្តរតនៈគីរី នឹងកងកម្លាំងរាជអាវុធហត្ថក្រុងចំនួន០៦ៈនាក់ ដឹកនាំដោយលោកវរសេនីយ៍ត្រី ហៃ វណ្ណារ៉ា ដែលត្រូវជា មេបញ្ជាការកងរាជអាវុធហត្ថក្រុងបានធ្វើការឃាត់ខ្លួនជនសង្ស័យម្នាក់មាន ឈ្មោះ ធីម ធី ភេទប្រុស អាយុ ២៤ឆ្នាំ ជនជាតិខ្មែរ មុខរបរជាអ្នកធ្វើចម្ការ រស់នៅក្នុងភូមិចងរ៉ា ឃុំបាតាង ស្រុកលំផាត់ ខេត្តរតនៈគិរី !! ឃាត់ខ្លួននៅ ថ្ងៃទី១៤ៈខែវិច្ឆិកា ឆ្នាំ២០២១ ជាប់ពាក់ព័ន្ធលើករណីរំលោភសេពសន្ថវៈ(ទៅលើជនរងគ្រោះមិនបានសម្រេច) នៅត្រង់ចំណុចភូមិអូររមៀត ក្នុងសង្កាត់ឡាបានសៀក ក្រុងបានលុង ខេត្តរតនគីរី។ នៅថ្ងៃកើតហេតុខាងលើ ជនសង្ស័យបានធ្វើសម្មភាពដោយលួចចូលបើកគន្លឹះទ្វារផ្ទះរបស់នារីរងគ្រោះ ក្នុងគោលបំណងចូលទៅលេង ខណៈពេលចូលមកដល់ក្នុងផ្ទះរបស់នាងហើយមើលឃើញមានសភាពស្ងាត់ ព្រោះអីជនរងគ្រោះបានដេកនៅក្នុងបន្ទប់តែម្នាក់ឯង រីឯប្អូនស្រីនាងម្នាក់ទៀតគាត់បានគេងនៅក្នុងបន្ទប់ផ្សេងគ្នារៀងៗខ្លួន ភ្លាមនោះជនសង្ស័យ ក៍បានលូកដៃបើកទ្វារបន្ទប់ជនរងគ្រោះ ហើយឃើញនាងដេកម្នាក់ឯងរូបខ្លួនក៍បានដោះសម្លៀកបំពាក់ចេញ ហើយឡើងទៅដេកលើគ្រែជាមួយនាង ស្រាប់តែពេលនោះជនរងគ្រោះបានភ្ញាក់ដឹងខ្លួន ក៍ស្រែកឆោឡោឲ្យបងប្អូនរត់មកជួយ បន្ទាប់មករូបនាងបានស្រវ៉ារកទូរស័ព្វយកមកខលទៅប្រាប់សមត្ថកិច្ច ដើម្បីឱ្យចុះមកជួយធ្វើអន្តរាគមន៍ទាំងយប់តែម្ដង។ រីឯជនរងគ្រោះមាន ឈ្មោះ ស-ឆ-អ ភេទស្រី អាយុ ២០ៈឆ្នាំ បច្ចុប្បន្ន […]

ភ្នំពេញ÷ជនសង្ស័យម្នាក់គេចខ្លួនបានតែចំនួន០៧ថ្ងៃ ឥឡូវត្រូវបានកម្លាំងប្រជាការពារនឹងកម្លាំងនគរបាលប៉ុស្ត៍ចោមចៅទី០៣ៈចាប់បានវាយខ្នោះប្រគល់ទៅឲ្យនគរបាលស្ទឹងមានជ័យទី១ៈយកទៅចាត់ការបន្ត បន្ទាប់ពីជនសង្ស័យម្នាក់នេះបានយកម៉ូតូរបស់មន្រី្តយោធាម្នាក់ជិះទៅរកទិញគ្រឿងក្លែម ហើយគេចខ្លួនទៅបាត់អស់ចំនួន០៧ថ្ងៃ ។ ករណីឃាត់ខ្លួនខាងលើនេះនៅវេលាម៉ោង០៩នឹង១៥នាទីព្រឹក ថ្ងៃទី១៣ៈខែវ៨ច្ឆិកា ឆ្នាំ២០២១ ត្រង់ចំណុចនិងផ្ទះសំណាក់ភ្នំមាសនេះ ស្ថិតតាមបណ្ដោយផ្លូវជាតិលេខ៣ៈ ក្នុងសង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។ សមត្ថកិច្ចបានបន្តឲ្យដឹងទៀតថាជនរងគ្រោះមាន ឈ្មោះ ទូច ផល្លី ភេទប្រុស អាយុ ៤០ឆ្នាំ មុខរបរសព្វថ្ងៃជាយោធា បច្ចុប្បន្ន រស់នៅភូមិក្រាំងស្លឹក សង្កាត់កន្ទោប ខណ្ឌកុំបូល!! ជនសង្ស័យមាន ឈ្មោះ ហាំង ជីវ ភេទប្រុស អាយុ ៣៦ឆ្នាំ មុខរបរមិនពិតប្រាកដ ស្នាក់នៅបន្ទប់ជួលក្នុងភូមិមានជ័យ សង្កាត់ស្ទឹងមានជ័យទី១ៈ ខណ្ឌមានជ័យ រាជធានីភ្នំពេញ !! យោងតាមប្រភពនិងការអះអាងពីជនរងគ្រោះបានប្រាប់ឲ្យដឹងថា កាលពីវេលាម៉ោង១២ៈនឹង១៥នាទីថ្ងៃត្រង់ ត្រូវជាថ្ងៃទី០៧ ខែវិច្ឆិកា ឆ្នាំ២០២១នេះ រូបគាត់រួមជាមួយនឹងមិត្តភ័ក្រម្នាក់ ឈ្មោួះ សំណាង ហៅរតនា ភេទប្រុស អាយុ ៤៣ឆ្នាំ ជាមន្រ្តីនគរបាលខេត្តស្ទឹងត្រែងបានបបួលគ្នាមកផឹកសុីនៅក្នុងបន្ទប់ជួលរបស់ជនសង្ស័យ នៅខាងក្រោយវត្តស្ទឹងមានជ័យ តែរូបគាត់ហើយនឹងជនសង្ស័យពីមុនមកគឺមិនដែលបានស្គាល់គ្នានោះទេ ក៏ប៉ុន្តែមិត្តភ័ក្ររបស់គាត់ហើយនឹងជនសង្ស័យគេជាមនុស្សធ្លាប់រាប់អានគ្នាកាលពីមុនមក ក្រោយពេលដែលមកដល់ក្នុងបន្ទប់ជនសង្ស័យហើយមិត្តភ័ក្តរបស់ខ្លួនដែលជាសមត្ថកិច្ចនោះបាននាំគ្នាអង្គុយលេងជាធម្មតា […]

ភ្នំពេញ÷រថយន្តដឹកក្ដាកុងផ្លាកកេមួយគ្រឿងបើកគេចពីរថយន្តមួយគ្រឿងទៀតដែលបើកបរបញ្ចាស់ទិសគ្នាក៍បានរេចង្កូតរអិលធ្លាក់ចូលទៅក្នុងស្រះក្រឡាប់ផ្ងាជើងចាក់ក្ដាកុងផ្លាកកេចោលអណ្ដែតពេញទឹករងការខូចខាតយ៉ាងដំណំ សំណាងល្អអ្នកបើកបររួចផុតពីគ្រោះថ្នាក់ ។ ហេតុការណ៍នេះបានកើតឡើងកាលពីវេលាម៉ោង១១ៈនឹង១៥នាទីព្រឹក ថ្ងៃទី១០ ខែវិច្ឆិកា ឆ្នាំ២០២១ ស្ថិតតាមបណ្ដោយផ្លូវបេតុងត្រង់ចំណុចនិងភូមិក្រពើទ្រោម ក្នុងសង្កាត់រលួស ខណ្ឌដង្កោ រាជធានីភ្នំពេញ! យោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានប្រាប់ឲ្យដឹងថានៅមុនពេលហេតុការណ៍នេះបានកើតឡើងគេបានឃើញបុរសម្នាក់បើករថយន្តកូរ៉េ ពណ៌សមួយគ្រឿងពាក់ស្លាកលេខភ្នំពេញ3F-2319 ដឹកក្ដាកុងផ្លាកកេប្រហែលជាង២០០សន្លឹកបើកធ្វើដំណើរតាមបណ្ដោយផ្លូវបេតុងក្នុងទិសដៅពីជើងទៅត្បូង ខណៈពេលមកដល់ត្រង់ចំណុចកើតហេតុខាងលើ ក៍បានបើកគេចជាមួយរថយន្ដមិនចាំម៉ាកនិងស្លាកលេខមួយគ្រឿងបើកបរបញ្រ្ចាស់ទិសដៅគ្នា ទើបបណ្ដាលឲ្យរថយន្តកូរ៉េដឹកក្ដាកុងផ្លាកកេរេចង្កូតរអិលធ្លាក់ចូលទៅក្នុងស្រះក្រឡាប់ផ្ងាជើងឡើងលើរងការខូចខាតយ៉ាងដំណំ តែសំណាងល្អអ្នកបើកបររួចផុតពីគ្រោះថ្នាក់។ ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ត្រួតពិនិត្យមើលរួចរាល់ឃើញថារថយន្តដែលបានក្រឡាប់នេះគ្មានរងការប៉ះពាល់ទៅដល់សម្បត្តិសាធារណៈ និងមិនមានរងការគ្រោះថ្នាក់ទៅដល់មនុស្សទេនោះទើបសមត្ថកិច្ច អនុញ្ញាតឲ្យម្ចាស់ហៅរថយន្តមកស្ទូចយកទៅធ្វើការជួសជុលដោយខ្លួនឯង៕ដោយ%ទូច រ៉ាវុធ

ភ្នំពេញ៖ថ្ងៃអង្គារ ៥កើត ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី៩ ខែវិច្ឆិកា ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញចូលរួមក្នុងខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ ៩ វិច្ឆិកា(៩ វិច្ឆិកា ១៩៥៣-៩ វិច្ឆិកា ២០២១)ដែលកម្ពុជាទទួលបានឯករាជ្យ ពីអាណានិគមនិយមបារាំង ស្របជាមួយនឹងខួប៦៨ឆ្នាំ នៃការបង្កើតកងយោធពលខេមរភូមិន្ទផងដែរ។ ពិធីអបអរសាទរទិវាបុណ្យឯករាជ្យជាតិខួបលើកទី៦៨ នៅវិមានឯករាជ្យ គឺក្រោមព្រះរាជធិបតីដ៏ខ្ពង់ខ្ពស់បំផុតនៃព្រះករុណាព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា។ ព្រះរាជពិធីផ្លូវការនៃទិវាបុណ្យឯករាជ្យជាតិលើកទី៦៨នេះ គឺមានការយាង និងអញ្ជើញចូលរួមពីថ្នាក់ដឹកនាំមន្ត្រីព្រឹទ្ធសភា រដ្ឋសភា រាជរដ្ឋាភិបាល មន្រ្តីរាជការ យុវជន យុវតី សិស្សានុសិស្ស និងមហាជនជាច្រើនទៀត។ ទិវាបុណ្យឯករាជ្យជាតិ ៩ វិច្ឆិកា បានរំលឹកឲ្យឃើញពីព្រះរាជបេសកកម្មដើម្បីជាតិមាតុភូមិ និងប្រជារាស្ត្រខ្មែររបស់ព្រះករុណាព្រះបាទសម្តេចព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុតធ្វើការតស៊ូក្នុងក្របខ័ណ្ឌនៃព្រះរាជបូជនីកិច្ច ដើម្បីទាមទារឯករាជ្យដ៏ពិតប្រាកដនៅកម្ពុជា៕