(ភ្នំពេញ): ឯកឧត្តម ហ៊ុន ម៉ានី បានអំពាវនាវសូមគោរពអញ្ជើញ អ៊ុំ ពូមីង បងប្អូន ដែលជាអង្គបោះឆ្នោតទាំងអស់មេត្តាអញ្ជើញទៅបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ដែលនឹងប្រព្រឹត្តទៅនៅថ្ងៃទី២៥ ខែកុម្ភៈ ឆ្នាំ២០២៤ ខាងមុខនេះកុំបីខាន និងសូមបោះឆ្នោតជូនគណបក្សប្រជាជនកម្ពុជា ដែលមាន លេខរៀងទី១នៅលើសន្លឹកឆ្នោត។ ការអំពាវនាវនេះ នៅថ្ងៃទី១០ ខែកុម្ភៈ ឆ្នាំ២០២៤ ដែលជាថ្ងៃទី១ នៃយុទ្ធនាការឃោសនារកសំលេងឆ្នោត សម្រាប់ការបោះឆ្នោតជ្រើសតាំងព្រឹទ្ធសភា នីតិកាលទី៥។ឯកឧត្តម ហ៊ុន ម៉ានី បានបញ្ជាក់ថា សន្លឹកឆ្នោតរបស់បងប្អូនទាំងអស់ ពិតជាមានសារៈសំខាន់សម្រាប់ការធានាប្រៀបឈ្នះជូនគណបក្ស ព្រោះថានេះជាការបោះឆ្នោតអសកល ដែលសំលេងឆ្នោតមួយសន្លឹកតំណាងឱ្យសមាជិក សមាជិកា គណបក្សទាំងអស់នៅក្នុងមូលដ្ឋានរបស់ខ្លួន។
