កំពង់ធំ៖ គ្រោះថ្នាក់ចរាចរណ៍ រវាង រថយន្ត និង ម៉ូតូ បណ្តាលឲ្យមនុស្សស្លាប់ ១ នាក់ របួសធ្ងន់ ១ នាក់ ខូចរថយន្ត១គ្រឿង ម៉ូតូ ១ គ្រឿង នៅត្រង់ចំណុចមុខផ្លូវចូលស្តូក N. 6 ផ្លូវវាងក្រុង ស្ថិតក្នុងភូមិក្រចាប់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ នាថ្ងៃទី៩ ខែកញ្ញា ឆ្នាំ២០២០ វេលាម៉ោង ១១ និង ២៨ នាទី ។
យោងតាមរបាយការណ៍ ពីសមត្ថកិច្ចជំនាញ បានឲ្យដឹងថារថយន្តម៉ាកឡិចស៊ីស RX. 300 ពណ៌ ស ពាក់ផ្លាកលេខ ភ្នំពេញ 2AW-8849 បើកបរដោយឈ្មោះ ទ្បេង ហៀង ភេទប្រុស អាយុ ៣៦ ឆ្នាំភូមិមាន់ចែ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ មុខរបរ បើកបរថយន្ត មិនរបួស ធ្វើចរាចរណ៍ក្នុងទិសដៅពីត្បូងទៅជើងផ្លូវត្រង់ ។ ម៉ូតូម៉ាក អ៊ិចស៊ិនទ័រ ពណ៌ខ្មៅ គ្មានផ្លាកលេខ បើកបរដោយឈ្មោះ លាភ សុខទ្បេង ភេទ ប្រុស អាយុ ១៩ ឆ្នាំ នៅភូមិសាលាវិស័យ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ បើកបរ (របួសធ្ងន់)មិនពាក់មួក ។ អ្នករួមដំណើរ ឈ្មោះ ប្រុក ដាវ៉ាន់ ភេទស្រី អាយុ ២០ ឆ្នាំ នៅភូមិកំពង់រទេះ សង្កាត់កំពង់រទេះ ក្រុងស្ទឹងសែន ខេត្តកំពង់ធំ មុខរបរ បុគ្គលិកតារាងបាល់ មិនពាក់មួក ស្លាប់នៅកន្លែងកើតហេតុ ។ ម៉ូតូបានធ្វើដំណើរចរាចរណ៍ ពីត្បូងទៅជើង (បត់ឆ្វេង) ។ ក្រោយពីកើតហេតុ អ្នកបើកបររថយន្ត បញ្ជូនមកការិយាល័យនគរបាលចរាចរណ៍ផ្លូវគោក ។
សមត្ថកិច្ច បាននាំយកវត្ថុតាង រថយន្ត និងម៉ូតូ ទៅរក្សាទុកនៅស្នការដ្ឋាននរបាលខេត្តកំពង់ធំ។
សមត្ថកិច្ចជំនាញ បានបញ្ជាក់ថា មូលហេតុ ករណីគ្រោះថ្នាក់ចរាចរណ៍ បណ្ដាលមកពី អ្នកបើកបរម៉ូតូបត់ឆ្វេង ខ្ជីខ្ជារខ្វះការប្រុងប្រយ័ត្ន ,អ្នកបើកបរ បើកមានល្បឿនលឿនខ្វះការប្រុងប្រយ័ត្ន៕
