ដោយសារតែភ្លើងប្រចណ្ឌបុរសម្នាក់យកដំបងឫស្សីវាយប្រពន្ធរហូតដល់ស្លាប់នៅស្រុករំដួលខេត្តស្វាយរៀង

(ស្វាយរៀង)៖ បុរសម្នាក់ផឹកស្រាស្រវឹងកើតភ្លើងប្រច័ណ្ឌបានយកដំបងឫស្សីវាយប្រពន្ធ រហូតស្លាប់នៅពេលបញ្ជូនដល់មន្ទីរពេទ្យ។ ករណីនេះបានកើតឡើងកាលពីវេលាម៉ោង១៨ និង៣០នាទីថ្ងៃទី០៩ ខែសីហា ឆ្នាំ២០២០ ស្ថិតក្នុងចំណុចភូមិលក្ខរាជា ឃុំកំពង់ចក ស្រុករំដួល ខេត្តស្វាយរៀង។

សមត្ថកិច្ចនគរបាលស្រុករំដួលបានឲ្យដឹងថា មានករណីហិង្សាដោយចេតនាមានស្ថានទម្ងន់ទោសបណ្ដាលឲ្យជនរងគ្រោះស្លាប់បាត់ជីវិត ដែលបង្កឡើងដោយជនសង្ស័យឈ្មោះ ប៉ា រ៉េត អាយុ៣៨ឆ្នាំ ត្រូវជា(ប្ដី)រស់នៅភូមិឃុំកើតហេតុខាងលើបានយកដំបងឬស្សីប្រវែង០,៥០m វាយទៅលើឈ្មោះ ម៉ៅ ណេន អាយុ ៣១ឆ្នាំ(ប្រពន្ធ) ចំកញ្ចឹងកពីក្រោយបណ្តាលឲ្យស្លាប់ ខណៈបញ្ជូនទៅដល់មន្ទីរពេទ្យក្រោយពីធ្វើសកម្មភាពរួចប្ដីចិត្តភ្លើងនេះបានរត់គេចខ្លួនបាត់។

សមត្ថកិច្ចនគរបាលបានបញ្ជាក់ថា មូលហេតុមូលហេតុដែលបណ្ដាលឱ្យបុរសជាប្ដីវាយប្រពន្ធ រហូតស្លាប់បែបនេះ ដោយសារផឹកស្រាស្រវឹងកើតភ្លើងប្រចណ្ឌប្រពន្ធក៏យកបងឬស្សីវាយប្រពន្ធតែម្ដងទៅ។

បច្ចុប្បន្ន ជនសង្ស័យបានរត់គេចខ្លួនសមត្ថកិច្ចកំពុងធ្វើការស្រាវជ្រាវតាមចាប់ខ្លួនយកមកផ្តន្ទាទោសតាមច្បាប់៕