ភ្នំពេញ៖ ក្មេងទំនើង២ក្រុមត្រូវកម្លាំងនគរបាលខណ្ឌដូនពេញឃាត់ខ្លួនក្រោយពីពួកគេប្រើអំពើហិង្សាវាយគ្នាទៅវិញទៅមកបណ្តាលឲ្យរងរបួស។
ករណីនេះបានកើតឡើងកាលពីវេលាម៉ោង០៤នឹង៤០នាទីទាបភ្លឺ
ថ្ងៃទី០៩ ខែសីហា ឆ្នាំ២០២០ នៅចំណុចតំបន់បឹងកកថ្មី ក្បែរហាងកាហ្វេអាម៉ាហ្សូន ផ្លូវ១៦៩ ភូមិ៤ សង្កាត់ស្រះចក ខណ្ឌដូនពេញ រាជធានី ភ្នំពេញ។
សមត្ថកិច្ចខណ្ឌដូនពេញបានឲ្យដឹងថា៖ នៅវេលាម៉ោងកើតហេតុខាងលើមានក្រុមក្មេងទំនើង២ក្រុម មួយក្រុមមានគ្នា៤នាក់ និងមួយក្រុមទៀតមានគ្នា៦នាក់ បានចេញពីផឹកស៊ីនៅម្តុំត្រើយម្ខាងជិតសណ្ឋារគារសុខា ខណ្ឌជ្រោយចង្វារ លុះជិះមកដល់ចំណុចកើតហេតុខាងលើ ក្មេងទំនើងទាំងពីរក្រុមបានប្រព្រិត្តអំពើហិង្សា វាយគ្នាទៅវិញទៅមកបណ្តាលអោយមានរបួសស្នាម។ ក្រោយពីទទួលបានព័ត៌មាននេះភ្លាមកម្លាំងប៉ុស្តិ៍នគរបាលនគរបាលស្រះចកបានចុះទៅដល់នឹងឃាត់ខ្លួនបាន០៥នាក់តែម្តង។
បច្ចុប្បន្នសមត្ថកិច្ចកំពុងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធីបន្ត៕
