បន្ទាយមានជ័យ៖ កំលាំងអធិការដ្ឋាននគរបាលក្រុងប៉ោយប៉ែត បានសហការគ្នាជាមួយនឹងកំលាំងការិយាល័យចរាចរផ្លូវគោគ នៃស្នងការដ្ឋាននគរបាលខេត្តបាត់ដំបង ដឹកនាំបញ្ជាផ្ទាល់ដោយលោកឧត្តមសេនីយ៍ទោ សិទ្ធិ ឡោះ ស្នងការនគរបាល ខេត្តបន្ទាយមានជ័យ ដោយមានការដឹកនាំនឹងសម្របសម្រួលពីលោក សំរិទ្ធ សុខុន ព្រះរាជអាជ្ញារង នៃអយ្យកាអមសាលាដំបូងខេត្តបន្ទាយមានជ័យ បានសហការគ្នាចុះអនុវត្តដីកាទើបមានការឃាត់ខ្លួនជនសង្ស័យបានចំនួន0៤នាក់ នៅត្រង់ចំណុចផ្ទះល្វែង០១កន្លែង នៅថ្ងៃទី១៦ ខែមិថុនា ឆ្នាំ២០២១ ស្ថិតក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចបានបន្តឲ្យដឹងទៀតថា៖ ជនសង្ស័យទាំង០៤នាក់ដែលបានឃាត់ខ្លួននោះគឺមាន៖០១.ឈ្មោះ រ៉ុង យ៉ីងហាក់ ភេទប្រុស អាយុ36ឆ្នាំ ជនជាតិខ្មែរ មុខរបរមិនពិតប្រាកដ០២ ឈ្មោះ រ៉ុង គីមហ៊ាង ភេទប្រុស អាយុ៣៩ឆ្នាំ ជនជាតិខ្មែរ មុខរបរលក់ដូរ ០៣.ឈ្មោះ សុខ សេថា ភេទប្រុស អាយុ23ឆ្នាំ ជនជាតិខ្មែរ នឹងទី០៤.ឈ្មោះ វ៉ាន់ ឈីដា ភេទស្រី អាយុ28ឆ្នាំ គឺជាជនជាតិថៃ ទាំងបួននាក់នេះ រស់នៅ ក្នុងសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
ដកហូតបានវុត្ថុតាងរូមមាន៖ ម្ស៉ៅក្រាមសង្ស័យសារធាតុញៀនចំនួន៣៣សាមសិបបីកញ្ចប់ធំ, ម្សៅក្រាមសថ្លាសង្ស័យសារធាតុញៀនចំនួន០៥កូនថង់, ថ្នាំច្រកថង់ពណ៌ខៀវ០២កញ្ចប់, ថ្នាំគ្រាប់ពណ៌ផ្កាឈូករាងបេះដូង០២កូនថង់, ថ្នាំគ្រាប់ពណ៌ត្រួយចេក រាងចតុកោន០២កូនថង់, ថ្នាំគ្រាប់ពណ៌ក្រហម រាងមូល0១កូនថង់ មាន0២គ្រាប់រួមជាមួយនិងជញ្ជីងថ្លឹងថ្នាំញៀនចំនួន0២និងសម្ភារ:កែឆ្នៃសម្រាប់ប្រើប្រាស់គ្រឿងញៀនមួយចំនួនទៀត និងរថយន្ត០១គ្រឿងម៉ាកហាយឡិនឌឺរ ពណ៌ទឹកប្រាក់ ពាក់ស្លាកលេខបន្ទាយមានជ័យ 2C-3186។
សមត្ថកិច្ចបានឲ្យដឹងបន្តទៀតថា នៅថ្ងៃដដែលបានចុះទៅបង្រ្កាបករណីជួញដូរគ្រឿងញៀននៅត្រង់ចំណុចភូមិ អូរអំពិល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ៖ ដែលមានជនសង្ស័យឈ្មោះ ឡេង គឹមឡាយ ភេទប្រុស អាយុ៥៥ឆ្នាំ មុខរបរ មិនពិតប្រាកដគេចខ្លួនដោយមានការសម្របសម្រួលពីព្រះរាជអាជ្ញារង សំរិទ្ធ សុខុន នៅវេលាម៉ោង១០និង៤០នាទី យើងបានបង្កើតគណៈកម្មការឆែកឆេរផ្ទះរបស់ឈ្មោះ ឡេង គឹមឡាយ ដកហូតវត្ថុតាងដូចជា៖ ម្សៅក្រាមសថ្លាចំនួន0១កញ្ចប់និង0១កូនថង់តូច កាំភ្លើងម៉ាក់ឡុកចំនួន0១ដើម មានចំនួន១៦គ្រាប់នឹងថ្នាំប្រភេទគ្រាប់សង្ស័យសារធាតុញៀនចំនួន៦៣គ្រាប់ ពណ៌ក្រហម៥៥គ្រាប់ ពណ៌ខៀវចំនួន0៨គ្រាប់រួមនឹងថ្នាំប្រភេទទឹកសង្ស័យសារធាតុញៀនចំនួន0៥ប្រអប់មាន១២៥ដបនិងថង់សំរាប់ច្រកថ្នាំញៀនមួយចំនួនផ្សេងទៀត ព្រមទាំងរថយន្ត toyota prus0១គ្រឿងទៀតផងដែរដែលជនសង្ស័យឈ្មោះឡេង គឹមឡាយ ជិះយកទៅផ្ញើអ្នកភូមិរួចហើយបានគេចខ្លួន។
ក្រោយពីធ្វើការឆែកឆេរចប់សព្វគ្រប់សមត្ថកិច្ចបានឃាត់ខ្លួនជនសង្ស័យចំនួន0៣នាក់បន្ថែមទៀត គឺស្រីចំនួន0២នាក់ ទី០១.ឈ្មោះឡុង សារិទ្ធភេទប្រុស អាយុ៣0ឆ្នាំដែលទទួលវត្ថុតាងពីជនសង្ស័យផ្ញើឲ្យទុក ទី០២.ឈ្មោះ គួន ស្រីឡាន់ ភេទស្រីអាយុ ៣៣ឆ្នាំ នឹងទី០៣ ឈ្មោះ.សេង ស្រីនិអាយុ២៣ឆ្នាំ នឹងទី០៤នៅ16និង៣0នាទី សមត្ថកិច្ចបានបន្តរកឃើញរថយន្តនៅផ្ទះឈ្មោះ ហែម វ៉ាន់លី ភេទប្រុស អាយុ៥៥ឆ្នាំនៅភូមិថ្មី ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ៖ ជនសង្ស័យទាំង0៨នាក់ រួមនិងវត្ថុតាងខាងលើ ត្រូវបានបញ្ជូនទៅស្នងការនគរបាល ខេត្តបន្ទាយមានជ័យ ដែលត្រូវផ្តល់ព័ត៌មានលំអិតជូននៅថ្ងៃទី១៨ ខែមិថុនា ឆ្នាំ២០២១ នៅស្នងការដ្ឋាននគរបាលខេត្តបន្ទាយមានជ័យ៕ដោយ% ទូច រ៉ាវុធ
