ភ្នំពេញ ៖ នារីម្នាក់ បើករថយន្ត Merzades ក្នុងលឿនមិនប្រយ័ត្ន ជ្រុលចង្កូតទៅបុករបងហ៊ុព័ទ្ធការដ្ឋានកំពុងជួសជុលផ្លូវពេញទំហឹង បណ្តាលឲ្យរថយន្តខូចខាត ផ្នែកខាងមុខទាំងស្រុង នៅវេលាម៉ោង១១៖២០នាទីយប់ ថ្ងៃទី៤ ខែមិថុនា ឆ្នាំ២០២១ ស្ថិតនៅតាមបណ្ដោយផ្លូវលេខ៥៩២ កែងនឹងផ្លូវលេខ៣៣៧ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។
ប្រភពព័ត៌មានពីប្រជាពលរដ្ឋនៅកន្លែងកើតហេតុ បានឱ្យដឹងថា នៅមុនពេលកើតហេតុ គេបានឃើញរថយន្តម៉ាក Merzades មួយគ្រឿង ពណ៌ស ពាក់ស្លាកលេខ កម្ពុជា M.SAM99 បើកបរដោយនារីម្នាក់ និងមាននារីម្នាក់ទៀតរួមដំណើរ បើកតាមបណ្ដោយផ្លូវលេខ៣៣៧ ក្នុងទិសដៅពីត្បូងមកជើង ក្នុងល្បឿនលឿន ខណៈមកដល់ចំណុចកើតហេតុ បានជ្រុលចង្កូតទៅបុករបងដាក់ព័ទ្ធជុំវិញការដ្ឋានជួសជុលផ្លូវបាក់អស់ចំនួន២ផ្ទាំង បណ្តាលឲ្យរថយន្តរងការខូចខាតផ្នែកខាងមុខទាំងស្រុង ក្រោយកើតហេតុអ្នកបើក៤ថយន្ត និងអ្នករួមដំណើរ បានឡើងលើជិះរថយន្តមួយគ្រឿងទៀតគេចខ្លួនបាត់។
បន្ទាប់ពីកើតហេតុ សមត្ថកិច្ចមូលដ្ឋាន សហការជាមួយនឹងសមត្ថកិច្ចជំនាញចរាចរណ៍ ចុះមកធ្វើកំណត់ហេតុរួចស្ទូចយករថយន្ត ទៅរក្សាទុកនៅអធិការដ្ឋាននគរបាលខណ្ឌទួលគោក រង់ចាំដោះស្រាយនៅពេលក្រោយ៕
