ព័ត៌មានជាតិ

អង្គភាពប្រឆាំងអំពើពុករលួយអាស៊ាន នឹងបើកកិច្ចប្រជុំថ្នាក់ដឹកនាំលើកទី១៦ តាមរយៈសន្និសិទវីដេអូ ដើម្បី ចែករំលែកបទពិសោធន៍ថ្មីៗ ក្នុងការពង្រឹងសមត្ថភាពលើការងារប្រឆាំងអំពើពុករលួយ

November 26, 2020November 26, 2020 adm Comment(0)

ភ្នំពេញ៖ ឯកឧត្តម បណ្ឌិត ទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ (អ.ប.ព.) នឹងចូលរួមក្នុងកិច្ចប្រជុំថ្នាក់ដឹកនាំលើកទី១៦ នៃអង្គភាពប្រឆាំងអំពើពុករលួយអាស៊ាន ឬហៅកាត់ថាអាស៊ានផេក ASEAN-PAC (ASEAN Parties Against Corruption) ដែលលើកនេះ ភាគីវៀតណាមជាម្ចាស់ផ្ទះនិងដឹកនាំកិច្ចប្រជុំតាមរយៈសន្និសីទវីដេអូ នឹងប្រព្រឹត្តទៅនៅថ្ងៃទី៩ ខែធ្នូ ឆ្នាំ ២០២០ ។

កិច្ចប្រជុំថ្នាក់ដឹកនាំអាស៊ានផេកជាវេទិកាសម្រាប់សមាជិកប្រទេសនីមួយៗ ក្នុងអាស៊ាន បន្តពិភាក្សា និងចែករំលែកបទពិសោធន៍ថ្មីៗ ក្នុងការពង្រឹងសមត្ថភាពលើការងារប្រឆាំងអំពើពុករលួយនៃទីភ្នាក់ងារ ឬអង្គភាពប្រឆាំងអំពើពុករលួយ របស់បណ្តាប្រទេសអាស៊ានដើម្បីជួយពង្រឹងការងារទីភ្នាក់ងារ ឬអង្គភាពជាតិរបស់ខ្លួន ក៏ដូចជាកិច្ចសហប្រតិបត្តិការ តំបន់ក្នុងចំណោមបណ្តាប្រទេសសមាជិកទាំងអស់ ប្រកបដោយប្រសិទ្ធភាព ។

មូលបទនៃកិច្ចប្រជុំថ្នាក់ដឹកនាំអាស៊ានផេកលើកទី ១៦ នេះផ្តោតទៅលើ “អភិបាលកិច្ចកាន់តែល្អប្រសើរ អំពើពុករលួយកាន់តែថយចុះ” ។

ភាគី អ .ប.ព . កម្ពុជា អម ឯកឧត្តម បណ្ឌិត ទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ ចូលរួមក្នុងកិច្ចប្រជុំមានសមាជិក ៧ រូប រួមមាន ( ១ ) ឯកឧត្តម បណ្ឌិត អ៊ិន បញ្ហា ឧបការី (២ ) ឯកឧត្តម តុង ហេង ជំនួយការ ឯកឧត្តម បណ្ឌិត ទេសរដ្ឋមន្ត្រី ឱម យិនទៀង (៣) លោកស្រី អ៊ូ ស៊ីថា ប្រធាននាយកដ្ឋានអប់រំ បង្ការ និងទប់ស្កាត់ (៤) លោកស្រី ស៊ិន សុភាព ប្រធាននាយកដ្ឋានកិច្ចការគតិយុត្ត ពាក្យប្តឹង និងអន្តរជាតិ (៥) លោកស្រី នៅ វត្តី អនុប្រធាន ការិយាល័យអន្តរជាតិ (៦) លោក ឡុង វិជ្ជដា អនុប្រធានការិយាល័យអន្តរជាតិ និង (៧) កញ្ញា ច័ន្ទ រស្មីពេជ្រ អនុប្រធាន ការិយាល័យអន្តរាគមន៍ និងការពារសាក្សី ។

សូមរំលឹកដែរថា អាស៊ានផេក (ASEAN-PAC) ដែលពីមុនមានឈ្មោះថាស៊ីផេក (SEA-PAC) ត្រូវបានទទួលស្គាល់ជាអង្គភាពភ្ជាប់ខ្លួនជាមួយអាស៊ាន (Entity Associated with ASEAN) នៅក្នុងឆ្នាំ ២០១៧ នេះហើយបច្ចុប្បន្ន មានសមាជិកទាំងអស់ចំនួន ១០ គឺ អាស៊ាន ១០ ប្រទេស ៕

adm

ព័ត៌មានជាតិ

ចាប់បញ្ជួនបុរស៦នាក់ជួញដូរគ្រឿងញៀននិងថ្នាំម៉ាទឹកកក០៧ថង់ ជញ្ជីងថ្លឹងថ្នាំញៀនមួយគ្រឿងសម្ភារៈប្រើប្រាស់មួយចំនួន ទៅតុលាការ

December 17, 2020December 17, 2020 adm

បាត់ដំបង ៖ កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់បញ្ជួនបុរស៦នាក់ជួញដូរគ្រឿងញៀននិងថ្នាំម៉ាទឹកកក០៧ថង់ ជញ្ជីងថ្លឹងថ្នាំញៀនមួយគ្រឿងសម្ភារៈប្រើប្រាស់មួយចំនួន កសាងសំណុំរឿង ទៅតុលាការនៅរសៀលថ្ងៃទី១៦ខែធ្នួឆ្នាំ២០២០។ ហេតុការណ៍ចាប់ឃាត់ខ្លួនជនសង្ស័យ៦នាក់នេះ បានធ្វើឡើងកាលពីម៉ោង១៤និង៣០នាទីថ្ងៃទី១៥ខែធ្នួឆ្នាំ២០២០នៅចំណុចក្រុមទី០៨ភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ លោកសុខ និមល នាយការិយាល័យប្រឆាំងបទល្មើសគ្រឿងញៀនខេត្តបាត់ដំបង បានឲ្យដឹងថាជនសង្ស័យ៦នាក់ដែលចាប់ឃាត់ខ្លួនទី១ឈ្មោះប៉ាន់ ភីរក្សភេទប្រុសអាយុ៤៨ឆ្នាំ មានទីលំភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ ទី២ឈ្មោះ ផល រតនៈភេទប្រុសអាយុ៣៣ឆ្នាំមានទីលំភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង (ជនសង្ស័យមានដីការបង្គាប់ឲ្យចាប់ខ្លួនរបស់លោកស្រីហុង ទិត្យមល្លិកាចៅក្រមស៊ើបសួរ)។ ទី៣ឈ្មោះឈឿន វិច្ឆ័យភេទប្រុសអាយុ៣០ឆ្នាំមានទីលំនៅភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក០២ថង់ ទួរស័ព្ទមួយគ្រឿងនិងសម្ភារៈប្រើប្រាស់ថ្នាំញៀនមួយចំនួនទៀត ហើយចាប់ឃាត់ខ្លួនកាលពីម៉ោង១៤និង៣០នាទីថ្ងៃទី១៥ខែធ្នូឆ្នាំ២០២០នៅចំណុចក្រុមទី០៨ភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ ក្រោយពីសាកសួរឈ្មោះប៉ាន់ ភីរក្សដោយមានការអនុញ្ញាតពីឯកឧត្តមគឺ ប៊ុណ្ណារ៉ាព្រះរាជអាជ្ញានៃអយ្យកាអមសាលាដំបូងខេត្តបាត់ដំបង កម្លាំងបានចុះបន្តប្រតិបត្តិការរហូតឈានទៅចាប់ជនសង្ស័យ០៣នាក់ទៀតនៅម៉ោង១៥និង៤០នាទីថ្ងៃទី១៥ខែធ្នូឆ្នាំ២០២០នៅចំណុចក្រុមទី១០ភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង មានទី១ ឈ្មោះមិត្ត សាម៉នភេទប្រុសអាយុ៣៤ឆ្នាំមានទីលំនៅភូមិច្រាបក្រសាំងសង្កាត់វត្តគរក្រុងបាតដំបង។ ទី២ ឈ្មោះណម ធារិទ្ធភេទប្រុសអាយុ៣២ឆ្នាំមានទីលំនៅភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ ទី៣ ឈ្មោះងួន សាំងភេទប្រុសអាយុ៣២ឆ្នាំមានទីលំនៅភូមិគោកអំពិលឃុំភ្នំសំពៅស្រុកបាណន់ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក០៥ថង់ ម៉ូតូ២គ្រឿង ជញ្ជីងថ្លឹងថ្នាំញៀនមួយគ្រឿងនិងសម្ភារៈប្រើប្រាស់ថ្នាំញៀនមួយចំនួនទៀត ហើយចាប់ឃាត់ខ្លួនកាលពីម៉ោង១៥និង៤០នាទីថ្ងៃទី១៥ខែធ្នូឆ្នាំ២០២០ នៅចំណុចក្រុមទី១០ភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ លោកសុខ និមល បានបញ្ជាក់ថា កម្លាំងបានសហការជាមួយកម្លាំងប៉ូលិសស្រុក ចុះបង្ក្រាបបានករណីនេះហើយចាប់ឃាត់ខ្លួនជនសង្ស័យ៦នាក់និងវត្ថុតាងបានភ្លាមៗជាក់ស្ដែងតែម្ដង។ បច្ចុប្បន្ននេះ កម្លាំងបានកសាងសំណុំរឿងបញ្ជូនជនសង្ស័យនិងវត្ថុតាងទៅតុលាការ ដើម្បីចាត់ការទៅតាមផ្លូវច្បាប់នៅរសៀលថ្ងៃទី១៦ខែធ្នូឆ្នាំ២០២០ហើយ៕

ព័ត៌មានជាតិ

ករណីអគ្គីភ័យឆេះម៉ូតូអស់ចំនួន ៣០ គ្រឿង និងឡដុតចំហាយចំនួន០១ឡ ដែលស្ថិតនៅភូមិតាលី សង្កាត់ដង្កោ ខណ្ឌដង្កោ រាជធានីភ្នំពេញ…

January 2, 2024January 2, 2024 adm

(ព័ត៌មានលម្អិត) នៅវេលាម៉ោង ១១:៥០ នាទីព្រឹក ថ្ងៃទី០២ ខែមករា ឆ្នាំ២០២៤ មានករណីអគ្គីភ័យមួយកន្លែងបានកើតឡើងនៅចំណុចរោងចក្រកាត់ដេរ តាមបណ្តោយផ្លូវបេតុង ភូមិតាលី សង្កាត់ដង្កោ ខណ្ឌដង្កោ រាជធានីភ្នំពេញ ម្ចាស់ទីតាំង ឈិន ផាន់ ភេទ ប្រុស អាយុ ៤៧ ឆ្នាំ ជនជាតិ ខ្មែរ មុខរបរ ម្ចាស់រោងចក្រ ។ មូលហេតុ: បណ្តាលមកពីឆ្លងកំដៅចេញពីឡដុតចំហាយបង្កជាអគ្គិភ័យ។+ ប្រភេទសំណង់: ថ្មីប្រក់ស័ង្កសី ទំហំ ៥០x១០០ម៉ែត្រ។+ ខូចខាតសម្ភារៈ ឆេះសំយាបដំបូលដែកប្រក់ស័ង្កសីទំហំ ០៥ម៉ែត្រx២០ម៉ែត្រ អស់មួយចំហៀងរួមទាំងម៉ូតូចំនួន ៣០ គ្រឿង និងឡដុតចំហាយចំនួន០១ឡ ហើយពុំបានឆេះរាលដាលដល់អ្នកក្បែរខាងឡើយ ។ - ស្លាប់មនុស្ស : គ្មាន ។- របួសមនុស្ស: គ្មាន ។ + កងកម្លាំងបង្ការពន្លត់អគ្គិភ័យនិងសង្គ្រោះរថយន្តការិយាល័យអគ្គិភ័យចំនួន ០៦ គ្រឿង ប្រេីប្រាស់ទឹកអស់ចំនួន ០៧ […]

ព័ត៌មានជាតិ

ថ្ងៃស៊យ! ទម្លាក់យោងបានសម្រេច២លើក តែប៉ះអ្នកចុងក្រោយអស់លក្ខណ៍ ជាប់អន្ទាក់ជនរងគ្រោះ ចាប់បានម្នាក់ ឯ៣នាក់ទៀត រត់រួច

August 25, 2020August 25, 2020 adm

ភ្នំពេញ ៖ ជនសង្ស័យចំនួន៤នាក់ ធ្វើសកម្មភាពប្រើល្បិចចាស់ទម្លាក់យោង បញ្ឆោតល្បួងយកគ្រឿងអលង្ការ បានចំនួន២លើកផ្សេងគ្នា គាប់ជួនជនរងគ្រោះចុងក្រោយដឹងខ្លួនទាន់ ក៏ស្រែកឆោឡោផ្អើលដេញចាប់បានម្នាក់ កាលពីវេលាម៉ោង៧និង៣០នាទីព្រឹក ថ្ងៃទី២៥ ខែសីហា ឆ្នាំ២០២០ នៅដីវាលក្នុងភូមិទួលពង្រ សង្កាត់ចោមចៅ១ ខណ្ឌពោធិ៍សែនជ័យ។ ជនសង្ស័យ ដែលជនរងគ្រោះចាប់ខ្លួនបានម្នាក់នោះ មានឈ្មោះ ឌឿន ផល្លីន ភេទស្រី អាយុ៣៨ឆ្នាំ មុខរបរ ជំនាញខាងទម្លាក់យោង ស្នាក់នៅផ្ទះជួលក្នុងភូមិឈូកវ៉ា សង្កាត់កោករកា ខណ្ឌព្រែកព្នៅ មានស្រុកកំណើតនៅភូមិទន្លេបាទី ឃុំក្រាំងធ្នង់ ស្រុកបាទី ខេត្តតាកែវ។ ចំណែករងគ្រោះ២នាក់ ទី១-ឈ្មោះ សេក ចាន់ថន ភេទស្រី អាយុ៣៣ឆ្នាំ មុខរបរ កម្មការិនីរោងចក្រ មានប្តីឈ្មោះ គៀត ភឿន អាយុ២៨ឆ្នាំ មុខរបរ កម្មករសំណង់ ស្នាក់នៅផ្ទះជួលក្នុងភូមថ្មី សង្កាត់ដង្កោ ខណ្ឌដង្កោ មានស្រុកកំណើតនៅភូមិសុីការ ឃុំស្វាយយា ស្រុកស្វាយជ្រំ ខេត្តស្វាយរៀង។ សម្ភារបាត់បង់៖ អស់កងដៃ១ឈុត (៣០០ដុល្លារ) ខ្សែមាស៣ជី។ […]

Related Articles

Leave a Reply Cancel reply