ព័ត៌មានជាតិ

ឃាត់ខ្លួនមន្ត្រីក្រសួងសេដ្ឋកិច្ច និងហិរញ្ញវត្ថុម្នាក់បើករថយន្តបុកមនុស្សស្លាប់ ៤នាក់ និងរបួសធ្ងន់ ២នាក់

January 21, 2024January 21, 2024 adm Comment(0)

(ភ្នំពេញ) ករណីគ្រោះថ្នាក់ចរាចរណ៍ដ៏រន្ធត់មួយបង្កឡើងដោយរថយន្តម៉ាក Ford Ranger ពណ៌ស ពាក់ផ្លាកលេខ ភ្នំពេញ ២AZ-៥៨៥៤ បុករះម៉ូតូ និងរថយន្ត បណ្តាលឱ្យមាន មនុស្ស ស្លាប់ នៅកន្លែងកើតហេតុ ៤នាក់ (ស្រី៣នាក់ ប្រុស ១នាក់) និងរងរបួសធ្ងន់ ២នាក់ (ស្រី) បញ្ចូនទៅសង្គ្រោះនៅមន្ទីរពេទ្យកាល់មែត្រ។ ហេតុការណ៍ដ៏រន្ធត់នេះ កើតឡើងកាលពីថ្ងៃទី២០ ខែមករា ឆ្នាំ២០២៤ វេលាម៉ោង ១៨:៤០នាទី នៅចំណុចស្តុបស្ពានឫស្សីកែវ ផ្លូវជាតិលេខ៥ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ។

អ្នកនាំពាក្យស្នងការដ្ឋាននគរបានរាជធានីភ្នំពេញបានឲ្យដឹងថា រថយន្តបង្កបើកបរដោយឈ្មោះ នាង សំអូន ភេទប្រុស មុខរបរមន្ត្រីនៅក្រសួងសេដ្ឋកិច្ច និងហិរញ្ញវត្ថុ មានទីលំនៅផ្ទះលេខ៤០A ផ្លូវលេខ២១០ ភូមិ៤ សង្កាត់ច្រាំងចំរេះ១ ខណ្ឌឫស្សីកែវ។

បើកបរល្បឿនលឿនក្នុងស្ថានភាពស្រវឹង (កម្រិតជាតិអាកុល ០.៥៤) ទៅបុករះរថយន្តចំនួន០២គ្រឿង (រថយន្តម៉ាក Lexus NX២០០T, រថយន្តម៉ាក Toyota Vitz) និងម៉ូតូចំនួន០៤គ្រឿង(ម៉ូតូម៉ាក Honda Click, ម៉ូតូម៉ាក Honda Beat, ម៉ូតូម៉ាក Honda Dream, ម៉ូតូម៉ាក Honda Scoopy) សរុបចំនួន០៦គ្រឿង។

adm

ព័ត៌មានជាតិ

ផ្អាកការដឹកជញ្ជូនទំនិញឆ្លងកាត់ច្រកទ្វារព្រំដែនអន្តរជាតិប៉ោយប៉ែត-ខ្លងលឹក ដោយសារអគ្គិភ័យឆេះកាស៊ីណូកាត់ច្រក…

December 29, 2022December 29, 2022 adm

ផ្អាកការដឹកជញ្ជូនទំនិញឆ្លងកាត់ច្រកទ្វារព្រំដែនអន្តរជាតិប៉ោយប៉ែត-ខ្លងលឹកនៃខេត្តបន្ទាយមានជ័យប្រទេសកម្ពុជា និងខេត្តស្រះកែវប្រទេសថៃ ដោយសារអគ្គិភ័យឆេះកាស៊ីណូកាត់ច្រក និងស្ពានថ្មើជើង២កាត់ពីលើផ្លូវរបស់កាស៊ីណូចំនួន២ កាត់ច្រកនេះតាំងពីយប់ថ្ងៃទី២៨មកទល់ជិតរសៀលថ្ងៃទី២៩ ខែធ្នូ ឆ្នាំ២០២២នេះ ។ក្រុមមន្ត្រីអាជ្ញាធរដែនដី និងសមត្ថកិច្ចកម្ពុជា និងថៃនៅច្រកទ្វារព្រំដែនខាងលើបានប្រាប់ដឹងនារសៀលថ្ងៃទី២៩ ខែធ្នូថា ការផ្អាកបណ្តោះអាសន្ននេះ យោងលើប្រតិបត្តិការសង្គ្រោះ និងគ្រប់គ្រងស្ថានភាពជាក់ស្តែងថា តើអាចបញ្ចប់នៅពេលណា? ព្រោះថា មកទល់ពេលនេះ ក្រុមមន្ត្រី កងកម្លាំងប្រតិបត្តិការរាប់រយនាក់ មធ្យោបាយ ឧបករណ៍បច្ចេកទេសរបស់កម្ពុជា និងថៃបានស្ថិតនៅលើផ្លូវ និងទីធ្លាតំបន់ច្រកទ្វារព្រំដែនទាំងពីរ ។ រីឯការសង្គ្រោះជនរងគ្រោះ និងគ្រប់គ្រងអគ្គិភ័យមិនទាន់ធ្វើបានទេ។សូមបញ្ជាក់ថា អគ្គិភ័យនេះ បានកើតមានតាំងពីវេលាម៉ោង ១១៖៣០នាទីយប់ថ្ងៃទី២៨ ខែធ្នូ ឆ្នាំ២០២២ ខណៈមូលហេតុ ត្រូវបានគេរាយការណ៍ជំហ៊ានដំបូងថា ឆ្លងចរន្ដអគ្គិសនីនៅទីតាំងហ្គេមជាន់ក្រោម ហើយបានរីករាលដាលតែម្ដង។ អគ្គិភ័យបានលេបត្របាក់អគារ និងស្ពានថ្មើរជើង២ឆ្លងផ្លូវជាតិលេខ៥ត្រង់កណ្តាលច្រកទ្វារព្រំដែនអន្តរជាតិប៉ោយប៉ែតតែម្តង៕

ព័ត៌មានជាតិ

ឧត្តមសេនីយ៍ឯក ហ៊ុន ម៉ាណែត តំណាងសម្ដេចតេជោ ហ៊ុន សែន នាំយកពូជស្រូវចែកជូនពលរដ្ឋជិត២ម៉ឺនគ្រួសារ នៅខេត្តពោធិ៍សាត់ ដែលរងផលប៉ះពាល់ដោយទឹកជំនន់

November 7, 2020November 7, 2020 adm

ពោធិ៍សាត់៖ នៅព្រឹកថ្ងៃទី០៧ ខែវិច្ឆិកា ឆ្នាំ២០២០ នេះ លោកឧត្តមសេនីយ៍ឯកហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក តំណាងសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នាំយកពូជស្រូវទៅចែកជូនប្រជាពលរដ្ឋជិត២ម៉ឺនគ្រួសារ នៅខេត្តពោធិ៍សាត់។ អំណោយដែលលោកឧត្តមសេនីយ៍ឯក ហ៊ុន ម៉ាណែត ត្រូវនាំយកទៅចែកជូនប្រជាពលរដ្ឋនោះ នឹងធ្វើឡើងនៅពីរទីតាំង ពោលទី១៖ នៅបរិវេណពហុកីឡដ្ឋានខេត្តពោធិ៍សាត់ ចំនួន១៣,០៤៧គ្រួសារ និងទី២៖ នៅបរិវេណវិទ្យាល័យអូរតាប៉ោង ចំនួន៤,២៥៩គ្រួសារ។ ក្នុងមួយគ្រួសារទទួលបាន អង្ករ ចំនួន២៥គីឡូក្រាម, មី ចំនួន០១កេស, ត្រីខ ចំនួន០១យួរ, ទឹកត្រី ចំនួន០១យួរ, ទឹកស៉ីអ៉ីវ ចំនួន០១យួរ, ទឹកសុទ្ធ ចំនួន០១កេស, ឃីត ចំនួន០១កញ្ចប់, ស្រូវពូជ ចំនួន១០០គីឡូក្រាម និងថវិកា ចំនួន៥០,០០០រៀល។ គួរបញ្ជាក់ថា បន្ទាប់ពីទទួលរងឥទិ្ធពលព្យុះ និងភ្លៀងធ្លាក់ខ្លាំងរយៈពេលប៉ុន្មានថ្ងៃជាប់ៗគ្នាកន្លងទៅ ក្នុងភូមិសាស្ត្រខេត្តពោធិ៍សាត់ បានទទួលរងគ្រោះនូវជំនន់ទឹកភ្លៀង ដែលហូរធ្លាក់ពីស្រុកវាលវែង និងស្រុកភ្នំក្រវាញ បានធ្វើឱ្យប៉ះពាល់ប្រជាពលរដ្ឋចំនួន៦ក្រុង-ស្រុក ក្នុងនោះមានស្រុកវាលវែង […]

ព័ត៌មានជាតិ

អស្ចារ្មមែន!ខ្មែរមិនជួយខ្មែរបែបទៅកាន់ជើងចិនទៅវិញ នារីខ្មែរម្នាក់ជិះរថយន្តស៊េរីទំនើបជាមួយបុរសជនជាតិចិនពីរនាក់បើកទៅបុកម៉ូតូកង់បីពីក្រោយព្យាយាមបើករត់ ដល់គេចាប់បាន ស្រែក ថាចិនគ្នានសង១៥០ដុល្លារយកអត់?

October 18, 2020October 18, 2020 adm

ចេញផ្សាយ ថ្ងៃទី October 18, 2020 ភ្នំពេញ: បុរសជនជាតិចិនពីរនាក់រួមដំណើរនឹងនារីខ្មែរម្នាក់ទៀតបើករថយន្តស៊េរីទំនើបមួយគ្រឿងបុកម៉ូតូកង់បីឥណ្ឌាពីក្រោយព្យាយាមបើករត់ត្រូវបានបងប្អូនប្រជាពលរដ្ឋឃើញហេតុការណ៍នេះនាំគ្នាដេញចាប់បាន ស្រាប់តែជនជាតិចិនម្នាក់ដោះអាវស្រវឹងស្រាចុះលើរថយន្តដេញវាយប្រជាពលរដ្ឋមកជួតរត់ចែកជើងគ្នា បង្កឲ្យមានការភ្ញាក់ផ្អើលដល់សមត្ថកិច្ចចុះអន្តរាគមន៍កាលពីវេលាម៉ោង២និង៤០ ទៀបភ្លឺឈានចូលថ្ងៃទី១៨ ខែតុលាឆ្នាំ ២០២០ នៅចំណុចចុងស្ពានអាកាសផ្សារដីហុយខាងលិច តាមបណ្តោយផ្លូវសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ ការប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើកម៉ូតូកង់បីឥណ្ឌាពណ៌ស មួយគ្រឿងពាក់ស្លាកលេខកណ្តាល1AG-3238ធ្វើដំណើរចុះពីលើស្ពានអាកាសសាដីហុយទិសដៅពីកើតទៅលិច លុះមកដល់ចុងស្ពានផ្នែកខាងលិច ចំណុចកើតហេតុខាងលើ ក៍មានរថយន្តមួយគ្រឿងម៉ាកLAND ROVERពណ៌ស្កពាក់ស្លាកលេខភ្នំពេញ2A K-9866បើកបរដោយបុរសជនជាតិចិនម្នាក់រួមដំណើរនឹងបុរសជនជាតិចិន-នារីខ្មែរពីរនាក់ទៀតធ្វើទៅមិនដើមមកក្រោយលឿនដូចហោះជ្រុលទៅបុកគូទម៉ូតូកុងបីថ្ងៃខែឆ្នាំភ្លេងពេញទំហឹង បណ្ដាលឱ្យម៉ូតូកុងបីគៀបជាប់ទៅមុខលែងរួច។ភ្លាមនោះរថយន្តបង្កព្យាយាមបើករត់ទាំងបែកកង់ត្រូវបានបងប្អូនប្រជាពលរដ្ឋឃើញហេតុការណ៍នេះនាំគ្នាដេញចាប់រថយន្តបានភ្លាមៗនិងយកដុំថ្នកល់កង់ថយន្តជាប់មិនឲ្យទៅមុខបានទេ។ស្រាប់បុរសជនជាតិចិនម្នាក់ស្រវឹងស្រានិងដោះអាវបានចុះពីលើរថយន្តដេញវាយអ្នកជួយរត់ចែកជើងគ្នាហើយបង្កឱ្យមានការភ្ញាក់ផ្អើលដល់សមត្ថកិច្ចចុះអន្តរាគមន៍ភ្លាម។អ្វីគួរឲ្យហួសចិត្តនោះគឺនារីជនជាតិខ្មែរ ដែលរួមដំណើរក្នុងរថយន្តជាមួយបុរសជនជាតិចិន បានស្រែកខ្លាំងៗថាចិនគ្មានលុយសងទេ១៥០យកអត់ បើមិនយកទេឲ្យសមត្ថកិច្ចធ្វើការវាស់វែងទៅ។ដោយភាគីរងគ្រោះទារ ១០០០ដុល្លារ។ ក្រោយកើតហេតុសមត្ថកិច្ចបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តនិងម៉ូតូកង់បីទៅរក្សាទុកនៅអធិការថានគរបាលខណ្ឌសែនកសុខរងចាំធ្វើការដោះស្រាយគ្នានៅពេលក្រោយ៕

Related Articles

Leave a Reply Cancel reply