សៀមរាប៖ មានក្រុមក្មេងទំនើង២ក្រុមកំពុងបង្កហិង្សា កាក់ម៉ូតូនិងដកសោម៉ូតូនារីៗ ដើម្បីញ៉ែសុំលេខទូរស័ព្ទ ក្រោយទទួលបានព័ត៌មាននេះ លោកវរសេនីយ៍ទោ មឿន បូរី ជាប្រធានគោលដៅការពារតំបន់បារាយណ៍ទឹកថ្លា បានដឹកនាំកម្លាំងចេញទៅសហការអន្តរាគមន៍ ចាប់បានក្រុមក្មេងទំនើងចំនួន៧នាក់ យកមកធ្វើការសាកសួរនៅប៉ុស្ដិ៍នគរបាលរដ្ឋបាលទឹកវិលភ្លាមៗ។
អធិការដ្ឋាននគរបាលក្រុងសៀមរាប បានឲ្យដឹងថា ប៉ុស្ដិ៍នគរបាលរដ្ឋបាលទឹកវិល បានសហការធ្វើការអប់រំក្រុមក្មេងទំនើងចំនួនមួយក្រុមមានគ្នា៧នាក់ តាមបទបញ្ជារបស់លោកអធិការនគរបាលក្រុងសៀមរាប ដែលដកសោរម៉ូតូរបស់នារីៗមិនឲ្យទៅណា និងបង្កហិង្សាបណ្ដាលឲ្យបាត់បង់សណ្ដាប់ធ្នាប់សាធារណៈក្នុងថ្ងៃបុណ្យឈប់សម្រាក។
នៅថ្ងៃទី ១៧ ខែសីហា ឆ្នា ២០២០ វេលាម៉ោង ១៦ និង ៤០នាទី កម្លាំងយើងបានទទួលព័ត៌មានថា មានក្មេងទំនើង ២ក្រុម បានវាយគ្នា កម្លាំងសមត្ថកិច្ច យើងមានប៉ុស្ដិ៍ទឹកវិល ប៉ុស្ដិ៍ស្រង៉ែ ប៉ុស្ដិ៍ក្របីរៀល សហការជាមួយកងរាជអាវុធ បានចុះទៅដល់កន្លែងកើតហេតុភ្លាម បានឃាត់ខ្លួនមនុស្ស ចំនួន ៧នាក់ :
ទី១. ឈ្មោះ សាន ភ័ក្ត្រ ភេទ ប្រុស អាយុ ២០ឆ្នាំ មុខរបរ កម្មករសំណង់ រស់នៅភូមិ តាកម្ម ឃុំដួនកែវ ស្រុក ពួក ខេត្តសៀមរាប ,
ទី២. ឈ្មោះ យួន វិចិត្រ ភេទ ប្រុស អាយុ ១៨ឆ្នាំ មុខរបរ កម្មករ រស់នៅ ភូមិ ល្វា ឃុំ ដួនទ្រ ស្រុក ពួក ខេត្ត សៀមរាប ទី៣. ឈ្មោះ ថាម សុធឿង ភេទ ប្រុស អាយុ ១៦ឆ្នាំ មុខរបរ នៅផ្ទះ រស់នៅ ភូមិ តាកម្ម ឃុំ ដូនកែវ ស្រុក ពួក ខេត្ត សៀមរាប ,
ទី ៤. ឈ្មោះ លឿត លីម ភេទ ប្រុស អាយុ ១៨ឆ្នាំ មុខរបរ កម្មករ រស់នៅភូមិ ព្រលិត ឃុំ រើល ស្រុក ពួក ខេត្តសៀមរាប ,
ទី ៥. ឈ្មោះ ថុន សារុន ភេទ ប្រុស អាយុ ១៨ឆ្នាំ មុខរបរ នៅផ្ទះ រស់នៅ ភូមិ តាកម្ម ឃុំ ដូនកែវ ស្រុក ពួក ខេត្ត សៀមរាប ,
ទី ៦. ហាំង ឆ្លូញ ភេទ ប្រុស អាយុ ២០ឆ្នាំ មុខរបរ នៅផ្ទះ រស់នៅភូមិ តាកម្ម ឃុំ ដូនកែវ ស្រុក ពួក ខេត្តសៀមរាប , ទី ៧. ឈ្មោះ រោច រំ ភេទ ប្រុស អាយុ ១៦ឆ្នាំ មុខរបរ កម្មករ រស់នៅ ភូមិ តាកម្ម ឃុំដូនកែវ ស្រុក ពួក ខេត្តសៀមរាប។
ក្រោយទទួលបានពត៌មានថាមានក្រុមទំនើងបង្ករហឹង្សា ដាក់គ្នា លោកវរសេនីយ៍ទោមឿន បូរី ជាប្រធានគោលដៅការតំបន់បារាយណ៍ទឹកថ្លា បានដឹកនាំកម្លាំងចេញទៅសហការអន្តរាគមន៍ ចាប់បានក្រុមក្មេងទំនើងទាំងនោះ យកមកធ្វើការសាកសួរនៅប៉ុស្ដិ៍នគរបាលរដ្ឋបាលទឹកវិល។
ក្រុមក្មេងទំនើង បានរៀបរាប់សារភាពថា ក្រុមរូបខ្លួនមានគ្នា ៧នាក់បានផឹកស៊ីនៅបារាយណ៍ខាងលិច ម្ដុំជិតជណ្ដើរយក្ស តាំងពីវេលាម៉ោង ១២ថ្ងៃត្រង់ លុះរហូតដល់ ប្រហែល ម៉ោង ១៦ ពួកវាបានឃើញក្មេងស្រីៗ ចំនួន៤នាក់ដែលជិះមកលេងបារាយណ៍ដែរ ក៏ធ្វើសកម្មភាពកាក់ម៉ូតូ និង ដក់សោម៉ូតូ រូបគេក្នុងគោលបំណងសំលេខទូរស័ព្ទ និងញ៉ែ ខណៈពេលនោះ មានមនុស្សប្រុស ១ក្រុម ប្រហែល ១០នាក់ជាង សុទ្ធតែប្រុស អាយុ ប្រហែល ៣០ ជាង បានជិះពីទិសខាងត្បូង ហើយឈប់មុខពួកវា ហើយស្រែកថា ពួកអាហែងនឹងផឹកស៊ីស្រែកឡូឡា រករឿងគេ ពេលនោះជន ១ក្រុមនោះក៏ធ្វើសកម្មភាព យកមួកការពារ វាយពួករូបខ្លួន ហើយពួករូបខ្លួន ក៏ដកខ្សែក្រវ៉ាត់ វាយតបតទៅវិញ មួយសន្ទុះក្រុមម្ខាងទៀត បានរត់គេចខ្លួនអស់ ។ជនទំនើងខាងលើ យើងបានសហការជាមួយជំនាញគ្រឿងញៀនក្រុង ធ្វើតេស្ដរកសារធាតុញៀន លទ្ធផលអវិជ្ជមាន និងធ្វើការអប់រំ កិច្ចសន្យា និងឲ្យអាណាព្យាបាល ធានាយកទៅផ្ទះវិញបន្តការអប់រំ៕
