(ខេត្តមណ្ឌលគិរី)÷ កម្លាំងនគរបាលនៃអធិការដ្ឋាននគរបាលស្រុកកែវសីមា នៅថ្ងៃទី១៦ ខែកុម្ភះ ឆ្នាំ២០២២ បានធ្វើការបង្ក្រាប ឃាត់ខ្លួនជនសង្ស័យករណីរក្សាទុក និងចែកចាយគ្រឿងញៀនចំនួន៨ នាក់ នៅចំណុចអង់តែនcellcard ( ទឹកខួប ) ស្ថិតក្នុងភូមិអូរអាម ឃុំស្រែខ្ទុម ស្រុកកែវសីមាខេត្តមណ្ឌលគិរី។ សមត្ថកិច្ចឱ្យដឹងថា កម្លាំងជំនាញការិយាល័យប្រឆាំងគ្រឿងញៀន សហការ ជាមួយកម្លាំងជំនាញនៃអធិការរដ្ឋាននគរបាលស្រុកកែវសីមា ដោយ មានការចង្អុលបង្ហាញពីលោកឧត្តមសេនីយ៍ស្នងការនគរបាលខេត្តមណ្ឌលគិរី ដឹកនាំបញ្ជាផ្ទាល់ ដោយលោកឧត្តមសេនីយ៍ត្រី ស៊ុម សោភ័ណ្ឌ ស្នងការរងទទួលផែនគ្រឿងញៀន និង មានការសម្របសម្រួល ពី ឯកឧត្តម ម៉ម វ៉ាន់ដា ព្រះរាជអាជ្ញា អមសាលាដំបូងខេត្តមណ្ឌលគិរី បានធ្វើការចុះបង្ក្រាបករណី ជួញដូរដោយខុសច្បាប់នូវសារធាតុញៀន បានធ្វើការឃាត់ខ្លួនមនុស្សចំនួន ៨នាក់ និង ដកហូតវត្ថុតាងមួយចំនួនរួមមាន៖១/សារធាតុសង្ស័យថាជាសារធាតុញៀនមានសណ្ឋានជាក្រាមពណ៌សថ្លាចំនួន ១៥កញ្ចប់ ក្នុងនោះ១២កញ្ចប់ធំល្មម ៣កញ្ចប់តូច ។២/ ថង់សម្រាប់វេចខ្ចប់មួយចំនួន៣/ ម៉ូតូចំនួន ០៤គ្រឿង(១.ម៉ាក ហុងដាឌ្រីម ពណ៌ខ្មៅបិតស្គត់ស ពាក់ស្លាកលេខ មណ្ឌលគិរី1A 3056 ២.ម៉ាកហុងដាវេវឆ្លាម ពណ៌ខ្មៅ ពាក់ស្លាក កំពង់ចាម 1Y 0583 ៣.ម៉ាកហុងដាBLADE ពណ៌ក្រហមខ្មៅគ្មានស្លាកលេខ ៤.ម៉ាកហុងដាវេវឆ្លាមគ្មានស្លាកលេខ)។៤/ ប្រាក់រៀលមួយចំនួន ( មិនទាន់រាប់ )៥/ លោហៈពណ៌លឿងចំនួន ០២ខ្សែរ បន្តោងចំនួន ២ ៦/ លោហៈធាតុពណ៌លឿងចំនួន០១ខ្សែ៧/ លោហៈធាតុពណ៌លឿង ជញ្ជានចំនួន០១ វង់៨/ ទូរស័ព្ទដៃចំនួន ១១គ្រឿង៩/ រថយន្តចំនួន ០២គ្រឿង (១.ម៉ាកcamry ឆ្លាមពាក់ស្លាកលេខ ភ្នំពេញ2K 1350 ២.ម៉ាកហ្វតរេនជ័រពណ៌សគ្មានស្លាកលេខ)។ ១០/ កាំភ្លើងកែច្នៃចំនួន ០១ ដើម១១/ កាំបិតស្នៀត ចំនួន០១ ដើម ។១២/ ជញ្ជីងសម្រាប់ថ្លឹងថ្នាំញៀនចំនួន ០២គ្រឿង១៣/ អត្តសញ្ញាណប័ណ្ណសញ្ជាតិខ្មែរចំនួន០១សន្លឹក។ ឃាត់ខ្លួនជនសង្ស័យចំនួន៨នាក់រួមមានឈ្មោះ៖១/ ឈ្មោះ ធាត់ តូរីស ភេទប្រុស អាយុ២៤ឆ្នាំភេទប្រុស។- ស្រុកកំណើតភូមិជម្រៅ ឃុំកំពុងសឹង ស្រុកព្រះស្ដេចខេត្តព្រៃវែង ។- ទីលំនៅបច្ចុប្បន្នភូមិអូរអាមឃុំស្រែខ្ទុម ស្រុកកែវសីមាខេត្តមណ្ឌលគិរី ជាលទ្ធផលវិជ្ជមាន ( + ) ។២/ ឈ្មោះ កង ទូច ( ហៅអាចារ្យទូច ) ភេទប្រុស អាយុ៣៦ឆ្នាំ ជនជាតិខ្មែរ មុខរបរមិនពិតប្រាកដ ។- ស្រុកកំណើតភូមិអូរអាម ឃុំស្រែខ្ទុម ស្រុកកែវសីមាខេត្តមណ្ឌលគិរី – ទីលំនៅបច្ចុប្បន្នភូមិអូរអាមឃុំស្រែខ្ទុម ស្រុកកែវសីមាខេត្តមណ្ឌលគិរី ជាលទ្ធផលវិជ្ជមាន ( + ) ។៣/ឈ្មោះ យន់ សុគីម ភេទប្រុសអាយុ៣០ឆ្នាំ ជនជាតិខ្មែរមុខរបរមិនពិតប្រាកដ- ស្រុកកំណើតភូមិផ្ទះខ្ពស់ តុងរ៉ុង ស្រុកព្រៃឈរ ខេត្តកំពង់ចាម- ស្នាក់នៅបណ្ដោះអាសន្នភូមិប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី៤/ ឈ្មោះ ណាន ស៊ីណា ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ- ស្រុកកំណើតភូមិថ្មពេជ្រ ឃុំថ្មពេជ្រ ស្រុកត្បូងឃ្មុំ ខេត្តកំពង់ចាម – ទីលំនៅបច្ចុប្បន្នភូមិអូរស្ពាន ឃុំស្ពានមានជ័យ ក្រុងសែនមនោរម្យខេត្តមណ្ឌលគិរី ជាលទ្ធផលវិជ្ជមាន ( + ) ។៥/ ឈ្មោះ ជុំ វ៉ាន់ថន ភេទប្រុស អាយុ៤០ឆ្នាំ ជនជាតិខ្មែរ មិនពិតប្រាកដ- ស្រុកកំណើតភូមិ ព្រៃម្លូ ឃុំក្រពុំឈូក ស្រុកកោះអណ្តែត ខេត្តតាកែវ ។- ទីលំនៅបច្ចុប្បន្នភូមិអូណាឃុំស្រែខ្ទុម ស្រុកកែវសីមាខេត្តមណ្ឌលគិរី ជាលទ្ធផលវិជ្ជមាន ( + ) ។៦/ឈ្មោះ គ្រី ភុន ភេទប្រុស អាយុ៤០ឆ្នាំ ជនជាតិខ្មែរ មុខរបរមិនពិតប្រាកដ- ស្រុកកំណើត ភូមិស្រែកក់ ស្រុកត្រពាំងព្រីង ខេត្តកំពង់ចាម។- ស្នាក់នៅបណ្ដោះអាសន្នភូមិ អូរអាមឃុំស្រែខ្ទុម ស្រុកកែវសីមា ខេត្តមណ្ឌលគិរី ជាលទ្ធផល វិជ្ជមាន ( + ) ។៧/ឈ្មោះ អ៊ុក វ៉ាន់នី ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាប់ប្រាកដ- ស្រុកកំណើតភូមិពី ឃុំវាលរិញ ស្រុកព្រៃនប់ ខេត្តព្រះសីហនុ ។- ស្នាក់នៅបណ្ដោះអាសន្យ ភូមិស្ពាន ឃុំស្ពានមានជ័យក្រុងសែនមនោរម្យ ខេត្តមណ្ឌលគិរី ជាលទ្ធផលវិជ្ជមាន ( + ) ។៨/ឈ្មោះ ក្រូច ហឺត ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ- ស្រុកកំណើតភូមិអូរអាម ឃុំស្រែខ្ទុម ស្រុកកែវសីមាខេត្តមណ្ឌលគិរី ។- ទីលំនៅបច្ចុប្បន្នភូមិអូរអាមឃុំស្រែខ្ទុម ស្រុកកែវសីមាខេត្តមណ្ឌលគិរី។ម្នាក់ទៀតទី ៩.ឈ្មោះ ប៉ិច ស៊ីណា ភេទស្រីអាយុ២៤ឆ្នាំ មុខរបរមិនពិតប្រាកដ មានទីលំនៅបច្ចុប្បន្នភូមិអូរអាម ឃុំស្រែខ្ទុមស្រុកកែវសីមា ខេត្តមណ្ឌលគិរី (បានរត់គេចខ្លួនពេលសមត្ថកិច្ចឃាត់ខ្លួនបាន)។បច្ចុប្បន្នជនសង្ស័យខាងលើចំនួន៨នាក់ កម្លាំងជំនាញបានធ្វើតេស្តរកមេរោគកូវីត១៩ ជាលទ្ធផលអវិជ្ជមានទាំង០៨ នាក់ បន្ទាប់ពីតេស្តរកកូវីដ កម្លាំងជំនាញប្រឆាំងគ្រឿងញៀន និង កម្លាំងជំនាញនៃអធិការដ្ឋាននគរបាលស្រុកកែវសីមាកំពុងកសាងសំណុំរឿងចាត់ការតាមនីតិវិធីច្បាប់។សូមបញ្ជាក់ផងដែរថា នៅក្នុង ស្រុក កែវសីមា ខេត្ត មណ្ឌលគិរី ប្រជាពលរដ្ឋគាំទ្រចំពោះចំណាត់ការ របស់សមត្ថកិច្ចនគរបាល ស្រុកជាពិសេស លោក អធិការតែម្ដង ដែលធ្វើឲ្យពលរដ្ឋមានភាពកក់ក្តៅ៕
