កំពង់ធំ ៖ មានហេតុការណ៍ភ្ញាក់ផ្អើមួយបានកើតឡើងនៅថ្ងៃទី ២៦ ខែកក្កដា ឆ្នាំ ២០២០ វេលាម៉ោង ៨ និង ៣០ នាទី ដោយអគ្គិភ័យបានឆាបឆេះរថយន្តកាមរីស៊េរីចាស់ចំនួន ០១ គ្រឿង ស្ថិតនៅតាមបណ្តោយផ្លូវជាតិ ៦A ចន្លោះគីឡូម៉ែត្រលេខ៧០-៧១ ស្ថិតក្នុងភូមិ ក្រចាប់ សង្កាត់ អាចារ្យលាក់ ក្រុង ស្ទឹងសែន ខេត្តកំពង់ធំ ។
យោងប្រភពព័ត៌មាន ពីកម្លាំងជំនាញការិយាល័យបង្ការ ពន្លត់អគ្គិភ័យ និងសង្គោះ បានឲ្យដឹងថា រថយន្ត ដែលត្រូវអគ្គិភ័យ ឆាបឆេះបង្កឲ្យមានការភ្ញាក់ផ្អើល ដល់ប្រជាពលរដ្ឋ ប្រភេទរថយន្ត ម៉ាកកាមរី ពណ៌ ក្រហម ស៊េរីឆ្នាំ ១៩៨៩ ផ្លាកលេខ ភ្នំពេញ 2E.3423 ម្ចាស់ ឈ្មោះ រ៉ាន់ ចំរើន ភេទ ប្រុស អាយុ ៥៩ ឆ្នាំ មានទីលំនៅភូមិក្តីដូង ឃុំក្តីដូង ស្រុកកំពង់ស្វាយ ខេត្តកំពង់ធំ ។
ករណីខាងលើនេះ មិនបណ្តាលឱ្យគ្រោះថ្នាក់ ដល់ អាយុជីវិតមនុស្សឡើយ គឺដោយសារបានកម្លាំងជំនាញ និងដោយមានការចូលរួមសហការ ពីបងប្អូនប្រជាពលរដ្ឋ បានប្រើប្រាស់បំពង់ពន្លត់អគ្គិភ័យ បាញ់ពន្លត់ទាន់ពេលវេលា ។
ប្រភពព័ត៌មានដដែលបានបញ្ជាក់ ឲ្យដឹងថា មូលហេតុ ដែលបង្កឲ្យមានអគ្គិភ័យ កើតមានឡើង គឺបណ្តាលមកពី ឆ្លងចរន្តភ្លើង។
នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ បានបញ្ជាក់ថា មូលហេតុ បណ្តាលមកពីឆ្លងចរន្តភ្លើង ។ រថយន្តអគ្គិភ័យរបស់ស្នងការដ្ឋាននគរបាលខេត្ត បានចេញអន្តរាគមន៍ចំនួន ០១ គ្រឿង តែមិនបានប្រើប្រាស់ទឹកនោះទេ ដោយប្រជាពលរដ្ឋបានប្រើប្រាស់បំពង់ពន្លត់អគ្គិភ័យបាញ់ពន្លត់ទាន់ពេល ៕
