ទិន្នន័យនៃក្រសួងសុខាភិបាលរបស់ប្រទេសឥណ្ឌូណេស៊ីបានបង្ហាញថា ចំនួនអ្នកស្លាប់នៅប្រទេសឥណ្ឌូនេស៊ីដោយសារតែវីរុសកូវីដ១៩ បានកើនឡើងប្រចាំថ្ងៃ ដោយមានអ្នកស្លាប់មានចំនួន ២៥៨ នាក់ដែលមានចំនួនសរុបដល់ទៅ ២០.៨៤៧ នាក់គិតត្រឹមថ្ងៃសុក្រ (២៥ ធ្នូ)។
ទិន្នន័យបានបង្ហាញថា ការឆ្លងវីរុសវីរុសបានកើនឡើង ៧.២៥៩ ករណីដែលនាំឱ្យមានករណីឆ្លងដល់ ៧០០.០៩៧ ករណី។ ប្រទេសឥណ្ឌូនេស៊ីមានចំនួនអ្នកស្លាប់ដោយសារវីរុសកូវីដ១៩ខ្ពស់ជាងគេនៅអាស៊ីអាគ្នេយ៍។
ការប្រារព្ធពិធីបុណ្យណូអែលនៅប្រទេសឥណ្ឌូនេស៊ីគឺជាបញ្ហាមិនសូវសំខាន់បន្ទាប់ពីរដ្ឋាភិបាលឥណ្ឌូនេស៊ី បានដាក់បម្រាមលើការប្រមូលផ្តុំគ្នាធំៗ ក្នុងឱកាសបុណ្យណូអែលនិងចូលឆ្នាំថ្មីនៅចុងខែនេះ។ ព្រះវិហារត្រូវបានកំណត់ត្រឹមតែអ្នកគោរពបូជាប្រមាណ ៥០ នាក់ប៉ុណ្ណោះ។
ព្រះវិហារធំ ៗ នៅទូទាំងប្រទេសម៉ូស្លីមដែលមានចំនួន ២៧០ លាននាក់បានគោរពតាមការរឹតត្បិតកាលពីថ្ងៃព្រហស្បតិ៍។ ប្រហែលជា ១០ ភាគរយនៃចំនួនប្រជាជនសរុបគឺជាគ្រីស្ទបរិស័ទ។ អគ្គលេខាធិការនៃមេដឹកនាំសាសនាបង្រួបបង្រួមនៃព្រះវិហារ លោក ចេបជេលវីន ហ្វ្រេមម៉ាណូពូធី (Jacklevyn Frits Manuputy) បាននិយាយថាព្រះវិហារជាច្រើននៅរដ្ឋធានីហ្សាកាតានិងនៅក្នុងទីក្រុងដទៃទៀតបានបង្កើតសេវាកម្មតាមអ៊ីនធើណេត។
លោកបានមានប្រសាសន៍ថា៖«យើងបានធ្វើអ្វីៗដែលយើងអាចធ្វើបានដើម្បីរក្សាមនុស្ស ឲ្យ មានទំនាក់ទំនងជាមួយព្រះនៅមុនថ្ងៃបុណ្យណូអែលនេះ” ។
បន្ទាប់ពីការរកឃើញវីរុសទម្រង់ថ្មីដែលរីករាលដាលនៅចក្រភពអង់គ្លេសថ្មីៗនេះប្រទេសឥណ្ឌូនេស៊ីបានហាមឃាត់អ្នកធ្វើដំណើរពីចក្រភពអង់គ្លេស។ ច្បាប់សម្រាប់អ្នកដែលទៅដល់អឺរ៉ុបនិងអូស្ត្រាលីក៏ត្រូវបានរឹតបន្តឹងផងដែរ បន្ទាប់ពីមានការបង្ហាញថាវីរុសរីករាលដាលនៅទីនោះ។
ប្រធានាធិបតីឥណ្ឌូនេស៊ី ចូកូវីដូដូ ក្នុងសប្តាហ៍នេះបានតែងតាំងរដ្ឋមន្ត្រីថ្មី ៦ រូប ក្នុងការរុះរើគណៈរដ្ឋមន្ត្រីរួមទាំងការផ្លាស់ប្តូររដ្ឋមន្ត្រី Terawan Agus Putranto ដែលរងការរិះគន់យ៉ាងខ្លាំងចំពោះការចាត់ចែងនៃជំងឺរាតត្បាតនេះ។
រដ្ឋមន្ត្រីក្រសួងសុខាភិបាលថ្មីលោក Budi Gunadi Sadikin ដែលបានផ្លាស់ប្តូរពីតួនាទីជាអនុរដ្ឋមន្ត្រីសហគ្រាសរដ្ឋនិងជាប្រធានក្រុមការងារនៃការស្តារសេដ្ឋកិច្ចរបស់លោក Jokowi បាននិយាយថា“ ប្រធានាធិបតីបានប្រគល់ភារកិច្ចឱ្យខ្ញុំផ្តោតលើវិធីដែលយើងអាចដោះស្រាយបញ្ហាកូវីដ១៩ ឲ្យបានឆាប់រហ័សនិងល្អបំផុតតាមដែលអាចធ្វើទៅបាន”៕
ប្រភព៖ Reuters
