ជនសង្ស័យម្នាក់ជិះម៉ូតូឌ្រីមសង់ធ្វើសកម្មភាព ឆក់ខ្សែកពីស្ត្រីម្នាក់កំពុងដើរបានសម្រេចជនរងគ្រោះស្រែកចោៗ ត្រូវបានម៉ូតូកង់បីបើកគៀរឲ្យដួលចាប់វាយម្នាក់មួយដៃមួយជើងរួចប្រគល់ឲ្យសមត្ថកិច្ច

ភ្នំពេញ ៖ នៅថ្ងៃទី១៥ ខែវិច្ឆិកា ឆ្នាំ២០២០ ស្ថិតតាមបណ្ដោយផ្លូវបុរីភ្នំពេញថ្មីចំណុចផ្ទះលក់ថ្នាំពេទ្យក្នុងសង្កាត់អូរបែកក្អម ខណ្ឌសែនសុខ។

ជនរងគ្រោះមានឈ្មោះ ង៉ែត ហ៊ុន ភេទស្រី អាយុ៤៩ឆ្នាំ មុខរបរចុងភៅធ្វើម្ហូបឲ្យជនជាតិចិនស្នាក់នៅក្នុងបុរីពិភពថ្មី មានស្រុកកំណើតស្រុកកំពង់ត្រាច ខេត្តកំពត។

មុនពេលកើតហេតុ រូបគាត់បានដើរចេញពីទិញមីផ្ទះលក់ចាប់ហួយមួយកន្លែង ពីកើតទៅលិចទៅបុរីវិញ ខណៈមកដល់ចំណុចកើតហេតុខាងលើ ស្រាប់តែលេចមុខជនសង្ស័យម្នាក់ជិះម៉ូតូឌ្រីមសង់២០២០ ពណ៌ខ្មៅពាក់ផ្លាកលេខកំពង់ចាម 1Y 5188 ជិះមកពីកើតទៅលិចមកពីក្រោយបានធ្វើសកម្មភាពឆក់ខ្សែកទំម្ងន់៥ជី បានសម្រេចហើយព្យាយាមជិៈរត់គេចខ្លួន ត្រូវជនរងគ្រោះស្រែកចោៗ ប្រជាពរដ្ឋកំពុងបើកកង់បីឥណ្ឌាឃើញហេតុការណ៍បានគៀរឲ្យដួលព័ទ្ធចាប់បានស្វាគមន៍ឡើងចាស់ដៃរួចប្រគល់ឲ្យសមត្ថកិច្ចចាត់ការតាមនីតិវិធីច្បាប់ ៕( ដោយ% ទូច រ៉ាវុធ )ដូចពាក្យចាស់ថា លួចគេវាគ្រាន់គេទាន់វាក្រែលអញ្ចឹង…!