អបអរសាទរខួបលើកទី៣៣ នៃកិច្ចព្រមព្រៀងសន្តិភាពទីក្រុងប៉ារីស(២៣ តុលា ១៩៩១ – ២៣ តុលា ២០២៤)

នាយឧត្តមសេនីយ៍ នេត សាវឿន អគ្គស្នងការនៃអគ្គស្នងការដ្ឋាននគរបាលជាតិ បានបញ្ជាឱ្យឃាត់ខ្លួន និងចាត់វិធានការទៅតាមច្បាប់ចំពោះ មន្ត្រីនគរបាលខណ្ឌ៧មករា ដែលបានប្រើហិង្សាលើអ្នកជិះម៉ូតូមិនគោរពច្បាប់កាលពីយប់មិញ…

ភ្នំពេញ ៖ នាយឧត្តមសេនីយ៍ នេត សាវឿន អគ្គស្នងការនៃអគ្គស្នងការដ្ឋាននគរបាលជាតិ បានបញ្ជាឱ្យឃាត់ខ្លួន និងចាត់វិធានការទៅតាមច្បាប់ចំពោះ មន្ត្រីនគរបាលខណ្ឌ៧មករា ដែលបានប្រើហិង្សាលើអ្នកជិះម៉ូតូមិនគោរពច្បាប់កាលពីយប់មិញ។ លោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ បានឱ្យដឹងថា ដោយអនុវត្តតាមបទបញ្ជារបស់នាយឧត្តមសេនីយ៍ សន្តិបណ្ឌិត នេត សាវឿន និងលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញនោះ មន្ត្រីនគរបាលដែលប្រើហិង្សានោះ ត្រូវបានឃាត់ខ្លួននៅអធិការដ្ឋាននគរបាលខណ្ឌ៧មករា បន្ទាប់ពីពេលកើតហេតុរួច។ បន្ថែមពីលើនោះ កម្លាំងសមត្ថកិច្ចនឹងឱ្យមន្ត្រីបង្ក ជួបជាមួយក្រុមគ្រួសារជនរងគ្រោះចរចាគ្នារឿងសំណងថ្លៃព្យាបាល។ បើជនរងគ្រោះមិនសុខចិត្តសមត្ថកិច្ចនឹងអនុវត្តបន្ត ដោយកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តបន្តតាមនីតិវិធីច្បាប់។ លោក សាន សុខសីហា បានបញ្ជាក់ថា ទោះបីជនរងគ្រោះត្រូវគ្នាបញ្ចប់រឿងត្រឹមសំណងក្តី ក៏មន្ត្រីនោះនៅតែត្រូវអនុវត្តវិន័យកងកម្លាំងផងដែរ។ សូមបញ្ជាក់ថា នៅវេលាម៉ោងប្រមាណ៨៖២០នាទីយប់ថ្ងៃទី០៨ ខែកញ្ញា ឆ្នាំ២០២១ កើតមានករណីហិង្សាមួយរវាងមន្ត្រនគរបាលខណ្ឌ៧មករា ជាមួយនឹងអ្នកជិះម៉ូតូមិនពាក់មួកសុវត្ថិភាព ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ។ សេចក្តីរាយការណ៍បានបញ្ជាក់ថា មុនពេលកើតហេតុជនរងគ្រោះពីរនាក់បងប្អូន បានជិះម៉ូតូដោយមិនពាក់មួកសុវត្ថិភាព ពេលជិះដល់គោលដៅត្រួតពិនិត្យ ក៏ព្យាយាមជិះបកក្រោយវិញ ហើយក៏ត្រូវមន្ត្រីនគរបាលយកអាយកូមវាយ បណ្តាលឱ្យត្រូវស្ត្រីជិះខាងក្រោយបែកក្បាល […]

បុរស​ជនជាតិ​ចិន​ម្នាក់ បើករថយន្ត​ក្នុង​ល្បឿន​វ៉ា​ជែង​អក​ហ្សឺ នឹង​ម៉ូតូ​កង់​បី ជ្រុល​ចង្កូត​ទៅបុក​នឹង​នាគ​ពុះ​ចែកផ្លូវ បណ្ដាលឱ្យ​ក្រឡាប់​ផ្ងារជើងAsk

​ភ្នំពេញ​៖​បុរស​ជនជាតិ​ចិន​ម្នាក់​បើករថយន្ត​ក្នុង​ល្បឿន​លឿន បម្រុង​នឹង​វ៉ា​ជែង​រថយន្តក្រុង​ក៏​អក​ហ្សឺ​ជាមួយនឹង​កង់​បី​ឥណ្ឌា បួង​ចង្កូត​គេច​ជ្រុល​ទៅបុក​នឹង​នាគ​ពុះ​ចែកផ្លូវ បណ្ដាលឱ្យ​ក្រឡាប់​ផ្ងារជើង​ឡើងលើ រីឯ​តៃកុង​វិញ​រងរបួស​ធ្ងន់​បញ្ជូន​ទៅកាន់​មន្ទីរពេទ្យ​។​ ​ហេតុការណ៍​នេះ​បាន​កើតឡើង​នៅវេលា​ម៉ោង 00​និង 30 នាទី​យប់​ឈានចូល​ថ្ងៃអាទិត្យ​ទី 6 ខែកញ្ញា​ឆ្នាំ 2020 នៅតាម​បណ្ដោយ​ផ្លូវ​សហព័ន្ធរុស្ស៊ី សង្កាត់​កា​កាប​ទី 1 ខណ្ឌ​ពោធិ៍​សែន​ជ័យ រាជធានី​ភ្នំពេញ ។​ ​ប្រភពព័ត៌មាន​ពី​ប្រជាពលរដ្ឋ​នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​គេ​បានឃើញ​រថយន្តក្រុង​មួយគ្រឿង ដឹក​អ្នកដំណើរ​ដែល​ពាក់​ផ្លាកលេខ ភ្នំពេញ​( 3-B 60 27) ធ្វើដំណើ​ក្នុងទិសដៅ​ពី​លិច​មក​កើត ក្នុង​ល្បឿន​ធម្មតា ។​ ​ស្រាប់តែ​ភ្លាម​នោះដែរ គេ​បានឃើញ​រថយន្ត​ម៉ាក​តា​កូ​ម៉ា​មួយគ្រឿង​ទៀត​ពណ៌​ទឹកប្រាក់ ដែល​ពាក់​ផ្លាកលេខ ភ្នំពេញ​( 2-AN 75 74 )​បើកបរ​ដោយ​ជនជាតិ​ចិន ធ្វើដំណើរ​ទិសដៅ​ពី​លិច​មក​កើត ស្រប​ទិស​គ្នា​ក្នុង​ល្បឿន​លឿន ស្រាប់តែ​មកដល់​ចំណុចកើតហេតុ បម្រុង​នឹង​វ៉ា​ជែង​ខាងឆ្វេង​ដៃ ស្រាប់តែ​អក​ហ្សឺ​ម៉ូតូ​កង់​បី​ពី​ខាងមុខ រួច​បួង​ចង្កូត​គេច​មិន​ផុត​ទៅ​ប៉ះ​រថយន្តក្រុង និង​ជ្រុល​ទៅបុក​នាគ​ពុះ​ចែកផ្លូវ បណ្តាល​ឲ្យ​ក្រឡាប់​ផ្ងារជើង ចំណែកឯ​ម្ចាស់​រថយន្ត​យកទៅ​សង្គ្រោះបន្ទាន់​ភ្លាមៗ ។​ ​ក្រោយពេល​កើតហេតុ សមត្ថកិច្ច​មូលដ្ឋាន​ស​ហ​ការ​ជាមួយ​ជំនាញ ទាក់ទង​ទៅ​ចរាចរណ៍​ក្រុង ឱ្យ​ចុះមក​វាស់វែង និង​ធ្វើ​កំណត់ហេតុ​រួច​យក​រថយន្ត 2 គ្រឿង ទៅ​រក្សាទុក​នៅ​ខាង​ចរាចរណ៍​ផ្លូវគោក រង់ចាំ​ដោះស្រាយ​នៅពេល​ក្រោយ​៕​

អាជ្ញាធររាជធានីភ្នំពេញ សម្រេចបិទចរាចរណ៍ផ្លូវជាតិលេខ៤ តាំងពីចំណុចផ្សារបែកចាន រហូតដល់ចំណុចអូឌឹម ដោយសារទឹកហូរកាត់ផ្លូវខ្លាំងពេក (ភ្នំពេញ)៖ លោក ឃឹម ស៊ុនសូដា អភិបាលខណ្ឌកំបូល បានថ្លែងប្រាប់ឲ្យដឹងនៅមុននេះបន្ដិចថា៖ នាល្ងាចថ្ងៃទី១៥ ខែតុលានេះ ដោយសារស្ថានភាពទឹក នៅបន្ដហូរកាត់ផ្លូវជាតិលេខ៤កាន់តែខ្លាំង លោកអភិបាលរាជធានីភ្នំពេញ បានសម្រេចឲ្យបិទចរាចរណ៍ជាបណ្ដោះអាសន្ន តំាំងពីផ្សារបែកចាន ដល់ចំណុចអូឌឹម។បើតាមសេចក្ដីរាយការណ៍ ប្រមាណជាង១សប្ដាហ៍ហើយ ស្ថានភាពទឹកដែលជន់លិចផ្លូវនៅតំបន់អូឌឹម មិនទាន់ស្រកចុះនៅឡើយទេ ពោលនៅមានសភាពជន់លិចខ្លាំងដដែល ដោយរថយន្ដទាបៗ ឬម៉ូតូពេលខ្លះធ្វើដំណើរឆ្លងកាត់មិនបានឡើយ។ ការជន់លិចផ្លូវនេះ គឺបណ្ដាលមកពីភ្លៀងធ្លាក់ខ្លាំងជាប់ៗគ្នាប៉ុន្មានថ្ងៃ។ជាមួយគ្នានេះ លោក ឃឹម ស៊ុនសូដា បានបញ្ជាក់ថា រហូតមកដល់ពេលនេះ ទឹកបន្ដជន់លិចខ្លាំងនៅផ្លូវជាតិលេខ៤ ចំណុចអូឌឹម រហូតជិតដល់មុខតំបន់សេដ្ឋកិច្ចពិសេស ហើយសម្រាប់បងប្អូនដែលគ្រោងធ្វើដំណើរតាមផ្លូវជាតិលេខ៤ ចេញ ឬចូលភ្នំពេញ សូមវៀងតាមផ្លូវផ្សេងដែលធ្វើដំណើរបាន៕ដោយ% ទូច រ៉ាវុធ