Month: June 2021

ក្រុងតាខ្មៅ៖ បុរសម្នាក់បើករថយន្ត Lexus GS300 មួយគ្រឿងទំនងជាន់ហ្គាច្រឡំស្មានតែហ្វ្រាំងបណ្ដាលឲ្យរថយន្តរបស់គាត់បោះពួយទៅបុករះចូលផ្ទះប្រជាពលរដ្ឋនឹងស្លាកយីហោទូរស័ព្វរបស់ឈ្មោះ នូសារ៉ាត់ បណ្ថាលឲ្យរថយន្តផ្ទុះពោងទាំងសងខាង រងការខូចខាតយ៉ាងដំណំ តែសំណាងល្អមិនបង្កឲ្យមាននរណាម្នាក់ការគ្រោះថ្នាក់នៅក្នុងហេតុការណ៍នេះទេ ។ ហេតុការណ៍នេះបានកើតឡើងកាលពីវេលាម៉ោង១០នឹង១០នាទីយប់ ត្រូវនឹងថ្ងៃ១៨ ខែមិថុនា ឆ្នាំ២០២១ តាមបណ្ដោយផ្លូវលេខ១១៥ ត្រង់ចំណុចនឹងស្តុបព្រែកហូរ ក្នុងភូមិតាក្ដុលខាងត្បូង សង្កាត់តាក្ដុល ក្រុងតាខ្មៅ ខេត្តកណ្ដាល យោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថានៅមុនពេលកើតហេតុភាពបានឃើញរថយន្តLexus GS300 ពណ៍ប្រផេះមួយគ្រឿងពាក់ស្លាកលេខតាកែវ 2C-4428 បើកបរដោយបុរសម្នាក់ក្នុងល្បឿនយ៉ាងលឿនហើយក៏បានរ៉េចង្កូតជ្រុលទៅបុកចូលផ្ទះល្វែងរបស់ប្រជាពលរដ្ឋ ចំណែករថយន្តនៅមិនទាន់អស់ល្បឿនក៏បានទៅមុខបុកស្លាកយីហោរបស់ឈ្មោះសារ៉ាត់បន្ថែមទៀតទើបអស់ល្បឿនបណ្ដាលឲ្យរថយន្តផ្ទុះពោង រងការខូចខាតផ្នែកខាងមុខអស់ស្ទើតែទាំងស្រុងនឹងរងការខូចខាតយ៉ាងធ្ងន់ធ្ងរ តែសំណាងល្អមិនមាននរណាម្នាក់រងការគ្រោះថ្នាក់នៅក្នុងហេតុការណ៍ ចរាចរណ៍នេះឡើយ។ ក្រោយកើតហេតុសមត្ថកិច្ចមូលដ្ឋានក៏បានចុះទៅដល់រួចទាក់ទងទៅផ្នែកជំនាញចរាចរណ៍ផ្លូវគោកខេត្តកណ្ដាលឱ្យចុះមកធ្វើការវាស់វែងនិងយករថយន្តបង្កទៅរក្សាទុករង់ចាំធ្វើការដោះស្រាយគ្នាជាមួយនឹងជនរងគ្រោះនៅពេលក្រោយ៕ដោយ% ទូច រ៉ាវុធ

ភ្នំពេញ៖ បុរសម្នាក់បើករថយន្តហាយឡិនឌ័រទៅបុកគូទរថយន្តកាមបាឡែនពេញទំហឹងនៅហ្នឹងរង្វង់មូលនាងមច្ឆាក្នុងសង្កាត់ជ្រោយចង្វារ ខណ្ឌជ្រោយចង្វាហើយបានព្យាយាមបើករត់រហូតមកដល់សាកលវិទ្យាល័យភូមិន្ទស្ថិតតាមបណ្ដោយផ្លូវសហព័ន្ធរុស្ស៊ីក្នុងសង្កាត់ទឹកល្អក់ទី០១ ទើបកម្លាំងសមត្ថកិច្ចដេញតាមឃាត់បានទាំងនាក់បើកបររួមជាមួយនឹងរថយន្តតែម្ដង ។ ហេតុការណ៍នេះបានកើតឡើងកាលពីវេលាម៉ោង០៩នឹង១០នាទីយប់ ថ្ងៃទី១៨ ខែមិថុនា ឆ្នាំ២០២១ ត្រង់នឹងចំណុចរង្វង់មូលនាងមច្ឆា ស្ថិតក្នុងសង្កាត់ជ្រោយចង្វារខណ្ឌជ្រោយចង្វារ រាជធានីភ្នំពេញ ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលហេតុការណ៍នេះបានកើតឡើងគេបានឃើញបុរសម្នាក់បើករថយន្តបាឡែនពណ៍ទឹកប្រាក់មួយគ្រឿងពាក់ស្លាកលេខភ្នំពេញ2AL-8844 បើកបរតាមបណ្ដោយផ្លូវរបស់ក្រុមហ៊ុនOCIC ខណៈពេលមកដល់ត្រង់នឹងចំណុចរង្វង់មូលនាងមច្ឆា ក្នុងសង្កាត់ជ្រោយចង្វារ ខណ្ឌជ្រោយចង្វារ ក៏ស្រាប់តែមានបុរសម្នាក់បើករថយន្តម៉ាកហាយឡិនឌ័រពណ៍ទឹកប្រាក់មួយគ្រឿងពាក់ស្លាកលេខភ្នំពេញ2AG-5385 បើកមកពីក្រោយបោះពួយយ៉ាងលឿនជាន់ហ្វ្រាំងមិនជាប់ក៍បានជ្រុលមកបុកពីក្រោយពេញទំហឹងបណ្ដាលឲ្យរថយន្តបាឡែនរងការខូចខាតផ្នែកខាងក្រោយយ៉ាងដំណំ តែសំណាងល្អអ្នកបើកបរមិនមានរងការគ្រោះថ្នាក់នោះទេ ហើយរថយន្តបង្កមិនបានឈប់ទទួលការខុសត្រូវនៅក្នុងករណីគ្រោះថ្នាក់ចរាចរណ៍នេះទេ បែកជាព្យាយាមបើករត់រហូតមកដល់ផ្លូវសហព័ន្ធរុស្ស៊ីទល់មុខនឹងសកលវិទ្យាល័យភូមិន្ទសិ្ថតក្នុងសង្កាត់ទឹកល្អក់ទី០១ ខណ្ឌទួលគោក ទើបកម្លាំងសមត្ថកិច្ចខណ្ឌជ្រោយចង្វារ បានសហការជាមួយនឹងកម្លាំងសមត្ថកិច្ចខណ្ឌទួលគោក ទើបស្ទាក់ឃាត់ខ្លួនបានភ្លាមៗទាំងអ្នកបើកបររួមជាមួយនឹងរថយន្តផងដែរ។ ក្រោយកើតហេតុសមត្ថកិច្ចខណ្ឌទួលគោកក៏បានប្រគល់រថយន្តបង្ករួមទាំងអ្នកបើកបរឲ្យទៅសមត្ថកិច្ចខណ្ឌជ្រោយចង្វារយកទៅធ្វើការដោះស្រាយគ្នាទៅតាមនិតិវិធីច្បាប់៕

  ភ្នំពេញ ៖​ ជនសង្ស័យ ៥នាក់ ក្លែងក្លែងឯកសណ្ឋានជាមន្ត្រីនគរបាលជាតិ ត្រូវបានកម្លាំងមន្ទីរប្រឆាំងគ្រឿងញៀនក្រសួងមហាផ្ទៃ​ សហការជាមួយកម្លាំងនគរបាលខណ្ឌដង្កោ​ ធ្វើការស្រាវជ្រាវនិងឃាត់ខ្លួនជាបន្តបន្ទាប់ខណៈដែលពួកគេបានក្លែងឯកសណ្ឋានជាមន្ត្រីនគរបាលជាតិជិះរថយន្តអត់ស្លាកលេខដើរអុកឡុកប្រជាពលរដ្ឋនៅមូលដ្ឋាន​ ។ នេះបេីយោងតាមប្រភពព័ត៌មានពីលោកវរសេនីយ៍ឯក ជឹម  ស៊ីថា អធិការនគរបាលខណ្ឌដង្កោបានឱ្យដឹងនៅរសៀលថ្ងៃទី១៨ ខែមិថុនា ឆ្នាំ២០២១​ ។ ​   លោកវរសេនីយ៍ឯក​ ជឹម​ សុីថា​ អធិការនគរបាលខណ្ឌដង្កោ​ បានឱ្យដឹងទៀតថា​ កាលពីយប់ថ្ងៃទី១៧ ខែមិថុនា​ ឆ្នាំ២០២១ កម្លាំងសមត្ថកិច្ចមូលដ្ឋានបានជិះល្បាតនៅភូមិកំរៀង សង្កាត់ព្រៃវែងខណ្ឌដង្កោ​ ហេីយឃេីញក្រុមជនសង្ស័យខាងលេីមានសកម្មភាពមិនប្រក្រតី ក៏បានចុះទៅធ្វើការសាកសួរ តែខាងជនសង្ស័យដែលគ្រងឯកសណ្ឋានជាមន្ត្រីនគរបាលជាតិនិងមានសញ្ញាសម្គាល់របស់នគរបាលប្រឆាំងគ្រឿងញៀនក្រសួងមហាផ្ទៃនិងមានពាក់ឋានន្តរស័ក្តិសុទ្ធតែវរសេនីយ៍ទោនិងវរសេនីយ៍ត្រី បានធ្វេីឫកពាព្រងេីយមិនញញើតសមត្ថកិច្ចមូលដ្ឋាននោះឡើយថែមទាំងអង្គុយចុចទូរស័ព្ទហើយខ្ជិលនិយាយជាមួយមន្ត្រីមូលដ្ឋានសូម្បីតែមួយម៉ាត់។    បន្ទាប់ពីទទួលបានព័ត៌មាននេះភ្លាម​ លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោបានរាយការណ៍ជូនថ្នាក់លើដើម្បីសុំគោលការណ៍ដោយសារតែជនសង្ស័យស្លៀកពាក់ឯកសណ្ឋាននិងមានកាតសម្គាល់ខ្លួនជា មន្ត្រីនគរបាលជាតិ​ ទើបធ្វើឲ្យកម្លាំងជំនាញខណ្ឌដង្កោពិបាកនិងធ្វើការបន្តិច។ បន្ទាប់ពីទទួលបានបទបញ្ជាពីនាយឧត្តមសេនីយ៍ ម៉ក់ជីតូ អគ្គស្នងការរងនគរបាលជាតិទទួលបន្ទុកការងារបង្ក្រាបគ្រឿងញៀននៃក្រសួងមហាផ្ទៃ ទើបកម្លាំងជំនាញខណ្ឌដង្កោបើកការស្រាវជ្រាវនិងឃាត់ខ្លួនបានជនសង្ស័យ៣នាក់នៅយប់ថ្ងៃទី១៧​ ខែមិថុនា ឆ្នាំ២០២១។    លុះព្រឹកឡើងថ្ងៃទី១៨ ខែមិថុនា ឆ្នាំ២០២១ កម្លាំងសមត្ថកិច្ចបានធ្វេីការស្រាវជ្រាវរហូតដល់ភូមិកំរៀង​ សង្កាត់ព្រៃវែង ខណ្ឌដង្កោ​ ទើបឃាត់ខ្លួនជនសង្ស័យបាន២នាក់ទៀត​។ ​     ក្រោយមក​ កម្លាំងនគរបាលខណ្ឌដង្កោបានប្រគល់ជនសង្ស័យទាំង៤នាក់និងវត្ថុតាងខាងលើទៅឲ្យមន្ទីរប្រឆាំងគ្រឿងញៀនក្រសួងមហាផ្ទៃបន្តនីតិវិធីនិងកសាងសំណុំរឿងបញ្ជូនទៅកាន់តុលាការចាត់ការតាមច្បាប់​ ៕​

ព្រះសីហនុ៖រថយន្តកុងតីន័រពីគ្រឿងបុកគ្នាពេញទំហឹងបណ្ដាលឲ្យតៃកុងរថយន្តម្នាក់បានស្លាប់បាត់បងជីវិតនៅនឹងកន្លែងកើតហេតុណ៍ ភ្លាប់ៗ។ ហេតុការណ៍នេះបានកើតឡើងនៅថ្ងៃទី ១៨ ខែ មិថុនា ឆ្នាំ ២០២១ តាមបណ្ដោយផ្លូវជាតិលេខ ០៤ ស្ថិតក្នុងភូមិបឹងត្រាច ឃុំចំការល្ហុង ស្រុកកំពង់សីលា ខេត្តព្រះសីហនុ ។ចំណែកសាកសពដែលបានស្លាប់បាត់បង់ជីវិតនៅក្នុងហេតុការណ៍ដ៍រន្ធត់មួយនេះមិនទាន់មាននរណាម្នាក់អាចស្គាល់អត្ដសញ្ញាណរបស់គាត់នៅឡើយទេយោងតាមប្រភពព័ត៌មានពីកម្លាំងកងរាជអាវុធហត្ថបានបញ្ជាក់ប្រាប់ឲ្យដឹងថានីមុនពេលកើតហេតុ គេបានឃើញរថយន្តកុងតីន័រក្បាលពណ៍ស លាយបៃតងមួយគ្រឿងបើកបរតាមបណ្ដោយផ្លូវជាតិលេខ០៤ ក្នុងទិសដៅពីលិចមកកើត ខណៈពេលមកដល់ត្រង់ចំណុចកើតហេតុខាងលើក៍ស្រាប់តៃមានរថយន្តមួយគ្រឿងទៀតក្បាលពណ៍សសន្ដោសកន្ទុយពណ៍ក្រហមបើកបរក្នុងទិសដៅពីកើតទៅលិចចំណុចកើតហេតុខាងលើក៍ជ្រុលទៅបុកជាមួយនឹងរថយន្តក្បាលពណ៌សលាយបីតងពេញទំហឹង បណ្ដាលឱ្យអ្នកបើកបរម្នាក់ស្លាប់បាត់បង់ជីវិតនៅក្នុងរថយន្ត ចំណែករថយន្តទាំងពីរបានរងការខូចខាតយ៉ាងដំណំក្រោយកើតហេតុកម្លាំងកងរាជអាវុធហត្ថស្នាក់ការសន្តិសុខលេខ៤០២ដែលបានឈរជើងនៅគោលដៅនោះបានសហការគ្នាជាមួយកម្លាំងអធិការនគបាលស្រុកកំពង់សីលា បានការពារនៅទីតាំងកន្លែងកើតហេតុនោះដោយយកចិត្តទុកដាក់បំផុតនិងជួយសម្រួលចរាចរណ៍ដើម្បីកុំឲ្យមានការកកស្ទះ ហើយក៏បានទាក់ទងទៅភ្នែកជំនាញចេះតែថាចរាចរណ៍ផ្លូវគោកខេត្តព្រះសីហនុឲ្យចុះមកធ្វើការវាស់វែងនិងស្ទូចរថយន្តកុងតឺន័រទាំងពីរគ្រឿងយកទៅរក្សាទុករងចាំដោះស្រាយគ្នានៅពេលក្រោយ។ចំណែកសាកសពបានសមត្ថកិច្ចពិនិត្យមើលអត្តសញ្ញាណប័ណ្ណរួចរាល់ក៏បានទាក់ទងទៅទៅប្រាប់សាច់ញាតិនិងក្រុមគ្រួសារឲ្យមកទទួលយកទៅធ្វើបុណ្យតាមប្រពៃណី៕

បន្ទាយមានជ័យ៖ កំលាំងអធិការដ្ឋាននគរបាលក្រុងប៉ោយប៉ែត បានសហការគ្នាជាមួយនឹងកំលាំងការិយាល័យចរាចរផ្លូវគោគ នៃស្នងការដ្ឋាននគរបាលខេត្តបាត់ដំបង ដឹកនាំបញ្ជាផ្ទាល់ដោយលោកឧត្តមសេនីយ៍ទោ សិទ្ធិ ឡោះ ស្នងការនគរបាល ខេត្តបន្ទាយមានជ័យ ដោយមានការដឹកនាំនឹងសម្របសម្រួលពីលោក សំរិទ្ធ សុខុន ព្រះរាជអាជ្ញារង នៃអយ្យកាអមសាលាដំបូងខេត្តបន្ទាយមានជ័យ  បានសហការគ្នាចុះអនុវត្តដីកាទើបមានការឃាត់ខ្លួនជនសង្ស័យបានចំនួន0៤នាក់ នៅត្រង់ចំណុចផ្ទះល្វែង០១កន្លែង នៅថ្ងៃទី១៦ ខែមិថុនា ឆ្នាំ២០២១ ស្ថិតក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។  សមត្ថកិច្ចបានបន្តឲ្យដឹងទៀតថា៖ ជនសង្ស័យទាំង០៤នាក់ដែលបានឃាត់ខ្លួននោះគឺមាន៖០១.ឈ្មោះ រ៉ុង យ៉ីងហាក់ ភេទប្រុស អាយុ36ឆ្នាំ ជនជាតិខ្មែរ មុខរបរមិនពិតប្រាកដ០២ ឈ្មោះ រ៉ុង គីមហ៊ាង ភេទប្រុស អាយុ៣៩ឆ្នាំ ជនជាតិខ្មែរ មុខរបរលក់ដូរ ០៣.ឈ្មោះ សុខ សេថា ភេទប្រុស អាយុ23ឆ្នាំ ជនជាតិខ្មែរ នឹងទី០៤.ឈ្មោះ វ៉ាន់ ឈីដា ភេទស្រី អាយុ28ឆ្នាំ គឺជាជនជាតិថៃ ទាំងបួននាក់នេះ រស់នៅ ក្នុងសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។  […]

ភ្នំពេញ÷រថយន្តមិនចាំម៉ាកនឹងស្លាកលេខមួយគ្រឿងបានបើកមកគៀរម៉ូតូជនរងគ្រោះបណ្ដាលឲ្យដួលហើយរអឹលទៅបោកខ្ទប់ជាមួយនឹងរថយន្តស្ទូចដែលចតនៅចិញ្ចើមផ្លូវបាក់កស្លាប់ភ្លាមៗនៅនឹងកន្លែងកើតហេតុណ៍ហើយបើករត់គេចខ្លួនបាត់ស្រមោលតែម្ដង ។ ហេតុការណ៍នេះបានកើតឡើងកាលពីវេលាម៉ោង០៥នឹង៣៥នាទីព្រលប់ ថ្ងៃទី១៧ ខែមិថុនា ឆ្នាំ២០២១ ស្ថិតតាមបណ្ដោយផ្លូវ៥០ម៉ែត្រ ត្រង់ចំណុចនឹងភូមិបាគូរ ក្នុងសង្កាត់ដង្កោរ ខណ្ឌដង្កោរ រាជធានីភ្នំពេញ សពដែលបានស្លាប់ មានឈ្មោះ វី វាសនាភេទប្រុស អាយុ៣២ឆ្នាំ មានមុខរបរធ្វើជាងភ្លើង ស្រុកកំណើត ឃុំស្ពានថ្ម ស្រុកកណ្ដាលស្ទឹង ខេត្តកណ្ដាល បច្ចុប្បន្នៈរស់នៅភូមិស្ពានថ្ម សង្កាត់ស្ពានថ្ម ខណ្ឌដង្កោរ រាជធានីភ្នំពេញ ។ យោងតាមប្រភពព័ត៏មានពីប្រជាពលរដ្ធនៅកន្លែងកើតហេតុណ៍បានឲ្យដឹងថា នៅមុនពេលហេតុការនេះបានកើតឡើងគេបានឃើញជនរងគ្រោះជិះម៉ូតូម៉ាកឌូកពណ៍ខ្មៅប្រភេទម៉ូតូធំមួយគ្រឿងពាក់ស្លាកលេខភ្នំពេញ1CZ-0003 ជិះធ្វើដំណើរតាមបណ្ដោយផ្លូវ៥០ម៉ែត្រក្នុងទិសដៅពីលិចមកកើត ខណៈពេលមកដល់ត្រង់ចំណុចភូមិបាគូ ក៏ស្រាប់តែមានរថយន្តដឹកដីមួយគ្រឿងមិនចាំស្លាកលេខបើកបរស្របទិសដៅគ្នាមកពីក្រោយហើយក៏បានគៀរម៉ូតូជនរងគ្រោះបណ្ដាលឲ្យដួលហើយខ្ទាតទៅខ្ទប់ជាមួយនឹងរថយស្ទូចដែលគេចតទុកនៅចិញ្ចឹមផ្លូវទៅបោកពេញទំហឹងបណ្ដាលឱ្យជនរងគ្រោះបែកក្បាលបាក់កស្លា-ប់ យ៉ាងអាណោចអាធ័ម រីឯរថយន្តបង្កបានបើកគេចខ្លួនបាត់ស្រម៉ោល បន្សល់នៅតែម៉ូតូជនគ្រោះរងការខូចខាតយ៉ាងដំណំ។ ក្រោយកើតហេតុសមត្ថកិច្ចមូលដ្ឋានក៏បានចុះទៅដល់រួចទាក់ទងទៅផ្នែកជំនាញចរាចរណ៍ខណ្ឌដង្កោឲ្យចុះមកធ្វើការវាស់វែងរួចរាល់ក៏បានយកម៉ូតូជនរងគ្រោះទៅរក្សាទុករង់ចាំក្រុមគ្រួសារយកលិខិតមកបញ្ជាក់គ្រប់គ្រាន់សមត្ថកិច្ចនិងប្រគល់ទៅឲ្យវិញចំណែកសពជនរងគ្រោះសមត្ថកិច្ចបានធ្វើកំណត់ហេតុរួចក៏បានទាក់ទងទៅសាច់ញាតិនឹងក្រុមគ្រួសារឲ្យមកទទួលយកទៅធ្វើបុណ្យតាមប្រពៃណី៕ដោយ% ទូច រ៉ាវុធ

ភ្នំពេញ​ ៖​ នារីនាក់១បានស្លាប់ក្រោយបញ្ជូនទៅមន្ទីរពេទ្យនឹងរងរបួសបែកមុខបែកមាត់​មនុស្សចំនួន៤នាក់ត្រូវបានបញ្ចូនទៅកាន់មន្ទីរពេទ្យភ្លាមៗ​ បន្ទាប់ពីមានរថយន្តបែនមួយគ្រឿងបេីកបរក្នុងល្បឿនលឿន​ បានជ្រុលទៅបុករថយន្តកាមរីបាឡែនពេញទំហឹង​បណ្ដាលឲ្យគៀបជាប់គ្នារងការខូចខាតយ៉ាងដំណំ ហេតុការណ៍នេះបានកើតឡើង កាលពីវេលាម៉ោង ១២ និង ៣០ នាទីយប់​ ថ្ងៃទី១៧​ ខែមីនា​ ឆ្នាំ​២០២១​ នៅតាមបណ្ដោយផ្លូវ ២០០៤ កែងនឹងផ្លូវ ណតប្រីដស្ថិតក្នុងភូមិទ្រុងមាន់ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ​ ។  ​ តាមប្រភពព័ត៌មានពីកន្លែងកេីតហេតុបានឲ្យដឹងថា​មុនពេលកេីតហេតុមានរថយន្តបែនមួយគ្រឿងពណ៌ស​ ពាក់ស្លាកលេខព្រះសីហនុ 3A -2426 បានធ្វេីដំណេីរតាមបណ្ដោយផ្លូវណតប្រ៊ីត ទិសដៅពីត្បូងទៅជើង ខណៈមកដល់កន្លែងកេីតហេតុក៏បានបុករថយន្ត camry បបាឡែនពណ៌ស​ ពាក់ស្លាកលេខ​ ភ្នំពេញ- 2AA-8975 ធធ្វេីដំណេីរតាមបណ្ដោយផ្លូវ២០០៤ ទិសដៅពីលិចទៅកើតក្នុងល្បឿនលឿន​ បុកចំពីចហៀងពេញទំហឹង​ បណ្ដាលឲ្យរថយន្តបាឡែនរងការខូចខាតយ៉ាងដំណំទាំងនិងធ្វេីឲ្យមនុស្សប្រុសស្រីចំនួន៥នាក់កៀបជាប់នៅក្នុងរថយន្តបណ្ដាឲ្យនារីម្នាក់ស្លាប់នឹងរងរបួសបែកមុខមាត់ត្រូវបានបញ្ចូនទៅកាន់មន្ទីរពេទ្យចំនួន ៤ នាក់ដេីម្បីព្យាបាលរបួស។ក្រោយកេីតហេតុ​ សមត្ថកិច្ចមូលដ្ឋានបានចុះមកដល់​ក៍ទំនាក់ទំនងទៅមន្ត្រីជំនាញចរាចរណ៍ក្រុងចុះមកធ្វេីការវាស់វែងយករថយន្តទាំង២គ្រឿងទៅរក្សាទុក​រង់ចាំដោះស្រាយនិតិវិធីច្បាប់៕ដោយ% ទូច រ៉ាវុធ

បាត់ដំបង ៖ នៅព្រឹកថ្ងៃទី១៦ ខែមិថុនា ឆ្នាំ២០២១នេះ ឯកឧត្តម ងួន រតនៈ អភិបាលខេត្តបាត់ដំបង បានអញ្ជើញចុះដាក់បទបញ្ជាបិទខ្ទប់ (ផ្សារណាត់) កំណាត់ខាងកើតទាំងស្រុង ក្រោយរកឃើញស្ត្រីជាអ្នកកាត់ដេរម្នាក់ មានជំងឺកូវីដ១៩ និងបានណែនាំបងប្អូនអាជីវករផ្សារណាត់ (កំណាត់ខាងលិច) ឲ្យគោរពវិធានការណ៍សុខាភិបាល ៣កុំ-៣ការពារ ដើម្បីការពារប្រយុទ្ធប្រឆាំងជម្ងឺកូវីដ-១៩ ទាំងអស់គ្នាដើម្បីបានបន្តអាជីវកម្ម។ ជាមួយគ្នានេះដែរ លោក ផេង សិទ្ធី អភិបាលក្រុងបាត់ដំបង បានលើកឡើងថា ការបិទនេះគឺលក្ខណ:បិទជាបណ្តោះអាសន្ន ដោយរងចាំមើលលទ្ធផល ពិសោធន៍ពីខាងមន្ទីរសុខាភិបាល ខណៈដែលខាងក្រុមគ្រូពេទ្យកំពុងចុះទៅផ្ទះដើម្បីយកសំណាកអ្នកដែលប៉ះពាល់ផ្ទាល់នៅក្នុងផ្ទះស្ត្រីដែលមានជំងឺកូវីដ១៩ខាងលើ  ហើយបើសិនកាលណាទំហំនៃការឆ្លងនោះមានសន្ទុះធំ ទើបអាស្រ័យលើក្រុមគ្រូពេទ្យ និងមន្ទីរសុខាភិបាលធ្វើការពិភាក្សាគ្នាថាបិទនេះវាដល់កំរិតណា  តែជាបឋមនេះយើងបិទតែតួផ្សារផ្នែកខាងក្នុងមួយកំណាត់ប៉ែកខាងកើតទាំងស្រុងសិន រីឯអ្នកលក់នៅជុំវិញខាងក្រៅមិនមានផលប៉ះពាល់គឺយើងបន្តអោយគាត់លក់សិនដើម្បីសុំគោលការណ៍ពីអភិបាលខេត្តបន្តទៀត។ ហើយពេលនេះខាងក្រុមគ្រូពេទ្យមួយក្រុមបានចុះទៅផ្ទះបងស្រីម៉ារីយ៉ាផ្ទាល់ដើម្បីធ្វើកិច្ចការនេះ ដូច្នេះសុំសំណូមពរសូមអោយបងប្អូនជាអាជីវករទាំងអស់ និងប្រជាពលរដ្ឋទាំងអស់នៅក្នុងក្រុងបាត់ដំបង ខេត្តបាត់ដំបងយើងមេត្តាបន្ត ៣កុំ ៣ការពារ សំខាន់ជាងគេនោះសូមបន្តពាក់ម៉ាស់មិនថាអ្នកលក់នៅក្នុងផ្សារណាត់ អ្នកផ្សារទាំងអស់នៅក្នុងក្រុងបាត់ដំបងយើងនេះ អ្នកលក់ក៏ពាក់ម៉ាស់ អ្នកទិញក៏ពាក់ម៉ាស់ ហើយសូមអោយគណៈកម្មការផ្សារ បើឃើញបងប្អូនណាមិនពាក់ម៉ាស់សូមកុំអោយចូលផ្សារ។ ជាចុងក្រោយលោកអភិបាលក្រុងសូមសំណូមពរទៅដល់បងប្អូនកុំអោយមានការតក់ស្លុត ប៉ុន្តែយើងត្រូវពង្រឹងនូវការការពារ ដោយពាក់ម៉ាស់ លាងដៃ បានន័យថា ៣កុំ ៣ការពារ ហើយក៏សូមសំណូមពរសំខាន់អ្នកដែលស្គាល់គាត់ អ្នកដែលស្គាល់បងស្រីម៉ារីយ៉ា […]

ភ្នំពេញ ៖ កម្លាំងសមត្ថកិច្ចប៉ុស្តិ៍នគរបាលរដ្ឋបាលព្រៃវែង នៃអធិការដ្ឋាននគរបាលខណ្ឌដង្កោ បានស្រាវជ្រាវចាប់ខ្លួនជនសង្ស័យម្នាក់ ក្រោយពីធ្វើសកម្មភាពលួចម៉ូតូសណ្ដោងរ៉ឺម៉ក របស់ប្រជាពលរដ្ឋដែលទុកនៅមុខផ្ទះបានសម្រេច។ ការឃាត់ខ្លួនជនសង្ស័យខាងលើ ធ្វើឡើងកាលពីវេលាម៉ោង៥៖១៥នាទីព្រឹក ថ្ងៃទី១៦ ខែមិថុនា ឆ្នាំ២០២១ ស្ថិតនៅភូមិព្រៃវែងខាងកើត សង្កាត់ព្រៃវែង ខណ្ឌដង្កោ រាជធានីភ្នំពេញ។ សមត្ថកិច្ចបានឲ្យដឹងថា ជនសង្ស័យដែលត្រូវឃាត់ខ្លួនមានឈ្មោះ រឿន សុភ័ក្រ្ត ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅភូមិទួលសំបូរ សង្កាត់ព្រៃវែង ខណ្ឌដង្កោ។ ចំណែកជនរងគ្រោះមានឈ្មោះ រឿន រតនា អាយុ៣០ឆ្នាំ មុខរបរជាងដែក ស្នាក់នៅភូមិព្រៃវែងកើត សង្កាត់ព្រៃវែង ខណ្ឌដង្កោ។ តាមសម្ដីជនរងគ្រោះដែលជាម្ចាស់ម៉ូតូសណ្ដោងរុឺម៉ក បានប្រាប់ឲ្យដឹងថា នៅល្ងាចថ្ងៃទី១៥ ខែមិថុនា ឆ្នាំ២០២១ រូបគេបានត្រឡប់មកពីធ្វើការវិញ និងបានយកម៉ូតូសណ្ដោងរ៉ឺម៉កទៅចាក់សោនៅក្នុងការ៉ាសសាំងជាប់នៅមុខផ្ទះ រហូតដល់ម៉ោង១រំលងអធ្រាត្រ ឈានចូលថ្ងៃទី១៦ ខែមិថុនា ឆ្នាំ២០២១ ជនរងគ្រោះក៏បានឡើងចុចពិលមកមើលរ៉ឺម៉ក ស្រាប់តែឃើញជនសង្ស័យកំពុងតែធ្វើសកម្មភាពធាក់ច្រវ៉ាក់សោដែលជនរងគ្រោះបានចាក់ជាប់នឹងម៉ូតូសណ្ដោងរ៉ឺម៉ក ពេលដែលធ្លាក់រួចហើយជនសង្ស័យបានលើកកង់ដាក់លើរ៉ឺម៉ក ជិះគេចខ្លួន ពេលនោះជនរងគ្រោះបានស្រែកថាចោរៗ តែជនសង្ស័យបានជិះគេចចូលទៅគ្លីនិកឯកជនមួយកន្លែងដើម្បីសម្ងំលាក់ខ្លួន។ លុះដល់វេលាម៉ោង៥ទៀបភ្លឺ សមត្ថកិច្ច និងជនរងគ្រោះ បានសហការគ្នារកឃើញជនសង្ស័យកំពុងតែលាក់ខ្លួននៅមន្ទីរពេទ្យឯកជនមួយកន្លែង រួចក៏ឃាត់ខ្លួនយកមកធ្វើការសាកសួរនៅប៉ុស្តិ៍រដ្ឋបាលព្រៃវែងតែម្ដង។ […]