ចាក់សម្លាប់ស្ត្រីម្នាក់រួចអារ.កប៉ងសម្លាប់ខ្លួនតាមក្រោយ

(ភ្នំពេញ): ព័ត៌មានបឋម បុរសម្នាក់បានប្រើកាំបិតចុងស្រួចអារ.ក ប៉ងធ្វើអត្តឃាតុបន្ទាប់ពីបានចាក់សម្លាប់ស្ត្រីម្នាក់ឲ្យដេកស្លាប់ក្នុងថ្លុកឈាម ។ ហេតុការណ៍បានកើតឡើងកាលពីរសៀលថ្ងៃទី ១៨ មេសា នេះ នៅចំណុចផ្ទះលេខ៣១ ផ្លូវ៣៦ បុរីឈូកវ៉ា២ ស្ថិតនៅក្នុងភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។ស្ត្រីរងគ្រោះត្រូវគេស្គាល់ឈ្មោះ មាស លក្ខិណា អាយុ២៤ឆ្នាំ ជនជាតិខ្មែរ មានប្ដីឈ្មោះហួ ស៊ិន អាយុ៣៧ឆ្នាំ ជាជនជាតិចិន មុខរបរធ្វើការនៅក្រុមហ៊ុនកិនថ្មមួយកន្លែងក្នុងខេត្តកំពង់ស្ពឺ ។ អ្នកទាំងពីរមានកូនប្រុស២នាក់ សព្វថ្ងៃស្នាក់នៅក្នុងផ្ទះកើតហេតុខាងលើ។ ដោយឡែកជនដៃដល់ជាឃាតកមិនទាន់ត្រូវបានគេស្គាល់អត្តសញ្ញាណនៅឡើយទេ ដោយត្រូវបានគេបញ្ជូនទៅសង្គ្រោះបន្ទាន់ភ្លាមៗ ៕