ប្រធានមន្ទីរធនធានទឹកខេត្តកំពង់ស្ពឺរួមនិងថ្នាក់ដឹកនាំបានប្រគេនទៀនព្រះវស្សាដល់ព្រះសង្ឃ..!

ខេត្តកំពង់ស្ពឺ=នៅព្រឹកថ្ងៃសៅរ៍ ៩ កើត ខែស្រាពណ៍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៦ ខែសីហា ឆ្នាំ២០២២លោក ញ៉ាញ់ ជាបហ៊ង ប្រធានមន្ទីរធនធានទឹកនិងឧតុនិយមខេត្តកំពង់ស្ពឺនិងជាប្រធានក្រុមកាងារថ្នាក់ខេត្តចុះជួយឃុំស្វាយចចិប រួមជាមួយ លោក លោកស្រីសមាជិកក្រុមកាងារ លោក លោកស្រី ជាក្រុមប្រឹក្សាឃុំ ព្រមទាំង ថ្នាក់ដឹកនាំភូមិ បាននាំយកទៀនវស្សា គ្រឿងឧបភោគ ទេយ្យទាន និងបច្ច័យ វេរប្រគេនព្រះសង្ឃគង់ចាំព្រះវស្សា ចំនួន ៤ វត្ត ក្នុងឃុំស្វាយចចិប ស្រុកបសេដ្ឋ ខេត្តកំពង់ស្ពឺ ។គ្រឿងឧបភោគរួមមាន=ទៀនវស្សា បច្ច័យសម្រាប់កសាងក្នុងវត្ត អង្ករ មី ត្រីខ ប្រេងឆា ទឹកសុទ្ធ ទឹកក្រូច ទឹកផ្លែឈើ ទឹកត្រី ទឹកស៊ីអ៊ីវ តែ ស្ករ ខ្ទឹម ប៊ីចេង អំបិល បព្រមទាំងចង្ហាន់ គ្រប់វត្តនិមួយៗ។ ក្នុងនោះលោក ញ៉ាញ់ ជាបហ៊ង និងថ្នាក់ដឹកនាំក៏បានជូនបច្ច័យដល់តាជី យាយជីនិងចាស់ព្រឹទ្ធាចារ្យមួយចំនួនប្រកបដោយក្ដីគោរពរាប់អានយ៉ាងជ្រាលជ្រៅ ជិតស្និតក្រៃលែង ។លោកប្រធាន សូមជូនកុសលផលបុណ្យ ដែលកើតមានអំពីទឹកចិត្តនិងសទ្ធាជ្រះថ្លានាពេលនេះ សូមទទួលនូវមគ្គផលស្មើៗគ្នាកុំបីអាក់ខានឡើយ៕