ព័ត៌មានជាតិ

ក្រសួងធនធានទឹក បញ្ជាក់ស្ថានភាពកម្ពស់ទឹក នៅតាមស្ថានីយជលសាស្ត្រនានានៅកម្ពុជា ប្រចាំថ្ងៃទី២១ ខែតុលានេះ

October 21, 2021October 21, 2021 adm Comment(0)

ភ្នំពេញ ៖ ក្រសួងធនធានទឹក និងឧតុនិយម នៅព្រឹកថ្ងៃទី២១ ខែតុលា ឆ្នាំ២០២១នេះ បានចេញព្រឹត្តបត្រព័ត៌មាន និងព្យាករណ៍កម្ពស់ទឹក នៅតាមបណ្តាស្ថានីយជលសាស្ត្រទាំង៨ រួមមានស្ថានីយ៖

*១- ទន្លេមេគង្គ-ស្ទឹងត្រែង

*២- ទន្លេមេគង្គ-ក្រចេះ

*៣- ទន្លេមេគង្គ-កំពង់ចាម

*៤- ទន្លេបាសាក់-ចតុមុខ

*៥- ទន្លេមេគង្គ-អ្នកលឿង

*៦- ទន្លេបាសាក់-កោះខែល

*៧- ទន្លេសាប-ព្រែកក្តាម

*៨- ទន្លេសាប-កំពង់លួង

សូមអានព្រឹត្តបត្រព័ត៌មាន និងព្យាករណ៍កម្ពស់ទឹកជំនន់ របស់ក្រសួងធនធានទឹក ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រ ដូចខាងក្រោម%

adm

ព័ត៌មានជាតិ

អាជ្ញាធរខណ្ឌបឹងកេងកង សម្រេចបិទផ្សារអូឡាំពិក រយៈពេល១៤ថ្ងៃ ខណៈមានអាជីវករឆ្លងជំងឺកូវីដ១៩

April 22, 2021April 22, 2021 adm

ភ្នំពេញ៖ អាជ្ញាធរខណ្ឌបឹងកេងកងបានសម្រេចបិទផ្សារអូឡាំពិក បណ្ដោះអាសន្នរយៈពេល១៤ថ្ងៃ ចាប់ពីថ្ងៃទី២១ ខែមេសា ដល់ថ្ងៃទី០៥ ខែឧសភា ឆ្នាំ២០២១ បន្ទាប់ពីរកឃើញថា មានអាជីវករឆ្លងជំងឺកូវីដ១៩។ បើតាមសេចក្ដីសម្រេចរបស់លោក ធឹម សំអាន អភិបាលខណ្ឌបឹងកេងកង នៅល្ងាចថ្ងៃទី២១ ខែមេសា ឆ្នាំ២០២១។ បានបញ្ជាក់យ៉ាងដូច្នេះថា «ចំពោះមុខរដ្ឋបាលខណ្ឌបឹងកេងកង សូមផ្អាកដំណើរការជាបណ្ដោះអាសន្ននូវមូលដ្ឋានផ្សារអូឡាំពិក សម្រាប់រយៈពេល១៤ថ្ងៃ ចាប់ពីម៉ោងសូន្យនាទី ថ្ងៃទី២១ ខែមេសា ឆ្នាំ២០២១ រហូតដល់ថ្ងៃទី០៥ ខែមេសា ឆ្នាំ២០២១ ដើម្បីបង្ការ និងទប់ស្កាត់ការឆ្លងរីករាលដាលវីរុសកូវីដ១៩ ទៅដល់បងប្អូនអាជីវករ អតិថិជន ក៏ដូចជាប្រជាពលរដ្ឋដែលចេញចូល ក្នុងទីតាំងផ្សារខាងលើ»។ជាមួយគ្នានេះ រដ្ឋបាលខណ្ឌបឹងកេងកង សូមអំពាវនាវដល់បងប្អូនអាជីវករ សន្ដិសុខ បុគ្គលិក កម្មករបម្រើការងារក្នុងផ្សារ និងក្រុមគ្រួសារអាជីវករពាក់ព័ន្ធ ព្រមទាំងប្រជាពលរដ្ឋដែលបានចេញចូលផ្សារខាងលើ គិតចាប់ពីថ្ងៃទី០៨ ខែមេសា ដល់ថ្ងៃទី១៤ ខែមេសា ឆ្នាំ២០២១ បើមានអាការៈក្ដៅខ្លួន ក្អក ពិបាកដកដង្ហើម ហើយមានការសង្ស័យថា ឆ្លងជំងឺកូវីដ១៩ សូមទៅពិនិត្យសំណាកជាបន្ទាន់នៅបរិវេនសាលមហោស្របចេនឡា ព្រមទាំងអនុវត្តវិធានការចត្តាឡីស័កតាមការណែនាំ៕

ព័ត៌មានជាតិ

ឯកឧត្តម ខៀវ កាញារីទ្ធ៖ បើគ្មានសារព័ត៌មានមួយសេរី ឯករាជ្យ គឺមិនអាចមានសង្គមប្រជាធិបតេយ្យបានទេ

November 17, 2021November 17, 2021 adm

ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មានបានលើកឡើងថា នៅក្នុងសង្គមប្រជាធិបតេយ្យ សារព័ត៌មានដើរតួនាទីសំខាន់ណាស់ បើគ្មានសារព័ត៌មានមួយសេរី ឯករាជ្យ គឺមិនអាចមានសង្គមប្រជាធិបតេយ្យបានទេ។ ការលើកឡើងរបស់ឯកឧត្ដមរដ្ឋមន្រ្ដីនេះ ក្នុងឱកាសអញ្ជើញចូលរួមបើឥកសិក្ខាសាលាស្ដីពី “ការអនុវត្តវិជ្ជាជីវៈ និងសេរីភាពសារព័ត៌មានក្នុងក្របខ័ណ្ឌច្បាប់នៃព្រះរាជាណាចក្រកម្ពុជា” នាព្រឹកថ្ងៃអង្គារ ១២កើត ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១៦ ខែវិច្ឆិកា ឆ្នាំ២០២១ នៅសណ្ឋាគាររ៉េស៊ីដង់ សុខាភ្នំពេញ។ ឯកឧត្តម ខៀវ កាញារីទ្ធ បានមានប្រសាសន៍ថា សិទ្ធិសារព័ត៌មានត្រូវបានប្រគល់ជូនប្រជាជនកម្ពុជាគ្រប់រូប ព្រោះនាពេលកន្លងមក មានការច្រឡំថា ច្បាប់ស្តីពីរបបសារព័ត៌មានគឺជាច្បាប់សម្រាប់អ្នកកាសែត ប៉ុន្តែមិនមែននោះទេ ច្បាប់នោះគឺសម្រាប់គ្រប់គ្នា។ ឯកឧត្ដមបានគូសបញ្ជាក់ថា អ្នកណាក៏អាចធ្វើកាសែតបានដែរ ព្រោះវិជ្ជាជីវៈសារព័ត៌មានគឺជាវិជ្ជាជីវ:សេរី ឥតកំណត់លក្ខខណ្ឌ សញ្ញាបត្រឡើយ ប៉ុន្តែត្រូវតែមានក្រឹត្យក្រមដែលត្រូវអនុវត្តន៍។ ជាមួយគ្នានេះដែរ ឯកឧត្តមរដ្ឋមន្រ្តីបានចាត់ទុកសិក្ខាសាលានាថ្ងៃនេះជាថ្ងៃប្រវត្តិសាស្ត្រដែលអ្នកកាសែត អាជ្ញាធរ និងក្រសួងយុត្តិធម៌ ឈ្វេងយល់ពីគ្នា និងដឹងអំពីផ្លូវដែលត្រូវដើរ។ ទន្ទឹមនេះ ឯកឧត្តមរដ្ឋមន្រ្តីបានលើកឡើងអំពីការយកចិត្តទុកដាក់របស់ប្រមុខរាជរដ្ឋាភិបាល សម្ដេចនាយករដ្ឋមន្ត្រីតេជោ ហ៊ុន សែន ក្នុងការធានាឱ្យសារព័ត៌មានកម្ពុជាមានសេរីភាព មានវិជ្ជាជីវៈ និងបម្រើការងារ […]

ព័ត៌មានជាតិ

ឆ.ក់.ឥតល្ហែ ! ស្ត្រីម្នាក់ ត្រូវបានជនសង្ស័យ ធ្វើសកម្មភាពឆ.ក់.កាបូប បានសម្រេច ខណះកំពុងជិះ ម៉ូតូ នៅខណ្ឌពោធិ៍សែនជ័យ…!!

January 20, 2022January 20, 2022 adm

ភ្នំពេញ ៖ កាលពី ថ្ងៃទី២០ ខែមករា ឆ្នាំ២០២២ ទីតាំងកើតហេតុខាងលើស្ថិតនៅតាមបណ្ដោយផ្លូវសហព័ន្ធរុស្ស៊ី ក្នុងភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។ជនរងគ្រោះមានឈ្មោះ អួង ស្រីពៅ អាយុ៥៤ឆ្នាំ មានទីលំនៅ ភូមិទន្លេនាម ឃុំសំឡាញ ស្រុកអង្គរជ័យ ខេត្តកំពត។មុនពេលកើតហេតុគាត់បានធ្វើដំណើរមកពីស្រុកកំណើតដោយម៉ូតូ zoomer មួយគ្រឿងពាក់ស្លាកលេខ កំពត1R-3127 ដោយធ្វើដំណើរតាមបណ្តោយផ្លូវសហព័ន្ធរុស្ស៊ីក្នុងទិសដៅពីត្បូងទៅជើងដើម្បីទៅផ្ទះកូនរបស់គាត់នៅម្តុំផ្សារឌុយមិច សង្កាត់មនោរម្យ ខណ្ឌ៧មករា។ ពេលជិះម៉ូតូមកដល់ចំណុចកើតហេតុក៏លេចមុខជនសង្ស័យមកធ្វើសកម្មភាពឆក់យកកាបូបខោអាវរបស់គាត់ដែលក្នុងនោះមានលុយចំនួន៥០ម៉ឺនរៀល ក្រវិលមាស១គូ និងឯកសារពាក់ព័ន្ធផ្សេងៗទៀតយកទៅបាត់ស្រមោលតែម្ដង។ បន្ទាប់ពីចោរធ្វើសកម្មភាពភ្លាមៗស្រ្តីរងគ្រោះបានដួលម៉ូតូអូសជាច្រើនម៉ែត្រ តែសំណាងរបួសស្រាល។ នៅតាមបណ្តោយផ្លូវខាងលើម្តុំមុខព្រលានយន្តយន្តហោះអន្តរជាតិភ្នំពេញគឺតែងតែមានក្រុមជនសង្ស័យធ្វើសកម្មភាពឆក់យកសម្ភាររបស់ប្រជាពលរដ្ឋបានសម្រេចជាញឹកញាប់ តែចំពោះការបង្រ្កាបវិញគឺមិនសូវមានសោះ ជាហេតុធ្វើឱ្យប្រជាពលរដ្ឋមានការភ័យខ្លាច ព្រោះតែភាពអសន្តិសុខកើតឡើងពីអំពើឆក់ប្លន់នេះ ៕

Related Articles

អាជ្ញាធរខណ្ឌបឹងកេងកង សម្រេចបិទផ្សារអូឡាំពិក រយៈពេល១៤ថ្ងៃ ខណៈមានអាជីវករឆ្លងជំងឺកូវីដ១៩

ឯកឧត្តម ខៀវ កាញារីទ្ធ៖ បើគ្មានសារព័ត៌មានមួយសេរី ឯករាជ្យ គឺមិនអាចមានសង្គមប្រជាធិបតេយ្យបានទេ

Leave a Reply Cancel reply