ខ្មាន់កាំភ្លើងបាញ់៤គ្រាប់ត្រូវបុរសម្នាក់បណ្តាលឲ្យស្លាប់ពេលបញ្ជូនទៅដល់មន្ទីរពេទ្យនោះ ពេលនេះសមត្ថកិច្ចខណ្ឌកំបូលសហការជាមួយកម្លាំងនគរបាលព្រហ្មទណ្ឌកំរិតធ្ងន់ឃាត់ខ្លួនបានហើយ

December 19, 2020  406

ចែកចាយ

ភ្នំពេញ​៖​ លោកវរសេនីយ៍ទោ ឈឹម សាវុទ្ធ អធិការរងទទួលផែនព្រហ្មទណ្ឌខណ្ឌកំបូលបានប្រាប់អង្គភាព សារព័ត៌មានអោយដឹងថានៅរសៀលថ្ងៃទី១៩ ខែធ្នូ ឆ្នាំ២០២០ នេះថា ខ្មាន់កាំភ្លើងបាញ់៤គ្រាប់ត្រូវបុរសម្នាក់បណ្តាលឲ្យស្លាប់ពេលបញ្ជូនទៅដល់មន្ទីរពេទ្យនោះ ពេលនេះសមត្ថកិច្ចខណ្ឌកំបូលក្រោមការដឹកនាំរបស់វរសេនីយ៍ឯក ហង្ស មុនី អធិការនគរបាលខណ្ឌនឹងលោកវរសេនីយ៍ទោ ឈឹម សាវុទ្ធ អធិការរង ដែលដឹកនាំកម្លាំងផ្ទាល់ហើយដោយសហការជាមួយកម្លាំងនគរបាលព្រហ្មទណ្ឌកំរិតធ្ងន់រាជធានី នឹងដឹកនាំបញ្ជាផ្ទាល់ដោយលោក ជា វិបុលអនុប្រធាននាយកដ្ឋានព្រហ្មទណ្ឌទើបឈានដល់ការឃាត់ខ្លួនបាន ក្រោយពីមានស្រាវជ្រាវយ៉ាងយកចិត្តទុកដាក់។

ជនសង្ស័យមានឈ្មោះ សុខ ហេងសំបូរ ភេទប្រុសអាយុ៣១ឆ្នាំ មុខរបរបើកការាស់សាំង ស្នាក់នៅភូមិស្រែញរ សង្កាត់ពងទឹក ខណ្ឌដង្កោ រាជធានីភ្នំពេញ ហើយសមត្ថកិច្ចឃាត់ខ្លួនបាននៅម្តុំផ្លូវវេងស្រេង ក្នុងខណ្ឌពោធិ៍សែនជ័យ។ នឹងដកហូតបានអាវុធខ្លី១ដើមម៉ាកឡុក ដែលជនសង្ស័យធ្វើសកម្មភាពបាញ់ជនរងគ្រោះហើយយកទៅបោះចោល។

បច្ចុប្បន្នជនសង្ស័យកំពុងសាកសួរបន្តនៅអធិការដ្ឋាននគរបាលខណ្ឌកំបូលរកពីមូលហេតុនៃការបាញ់សម្លាប់ជនរងគ្រោះ។

សូមរំលឹកថា អពើបាញ់ប្រហារនោះបានកើតឡើងកាលពីវេលាម៉ោង៣រសៀលថ្ងៃទី១៧ ខែធ្នូ ឆ្នាំ២០២០ ស្ថិតនៅតាមផ្លូវលំ ភូមិទួលកី សង្កាត់ភ្លើងឆេះរទេះ ខណ្ឌកំបូល ។

ករណីនេះគេមិនទាន់ដឹងពីថាជាករណីប្លន់ឬជាករណីគំនុំនៅឡើយទេ ដោយនគរបាលកំពុងធ្វើការស្រាវជ្រាវរកមុខសញ្ញាជនដៃដល់ហើយ។

សមត្ថកិច្ចបានឲ្យដឹងថា ជនរងគ្រោះឈ្មោះ នៅ ចំណាន ភេទប្រុសអាយុ៤៥ឆ្នាំ មុខរបរគួកជេរដី រថយន្តម៉ូតូ ព្រមទាំងនិងចងការប្រាក់ មានទីលំនៅក្នុងភូមិព្រៃព្រីងត្បូង សង្កាត់ចោមចៅ៣ ខណ្ឌពោធិ៍សែនជ័យ។

ចំណែកជនសង្ស័យមិនស្គាល់អត្តសញ្ញាណ និងបានបាញ់ប្រហារទៅលើជនរងគ្រោះចំនួន៤គ្រាប់ និងត្រូវចំនួន៣គ្រាប់ និងខុសទៅត្រូវដី១គ្រាប់។

ប្រភពដដែលបានបន្តឲ្យដឹងទៀតថា នៅមុនពេលកើតហេតុមានគេខលហៅ ហើយជនរងគ្រោះបានជិះម៉ូតូ១គ្រឿងម៉ាកហុងដាPCXពណ៍ស ពាក់ស្លាកលេខភ្នំពេញ1ID-7477 តែម្នាក់ឯងចេញពីស្ទីមនៅក្នុងភូមិស្រែជម្រៅ សង្កាត់ចោមចៅទី២ ខណ្ឌពោធិ៍សែនជ័យ លុះពេលទៅដល់កន្លែងកើតហេតុក៏ត្រូវបានជនសង្ស័យបាញ់ប្រហារតែម្ដង ខណៈនោះជនរងគ្រោះរងរបួសធ្ងន់ត្រូវក្រុមគ្រួសារបញ្ជូនទៅសង្រ្គោះបន្ទាន់នៅមន្ទីរពេទ្យកាល់ម៉ែតហើយបានស្លាប់នៅទីនោះ បន្ទាប់មកក្រុមគ្រួសារបានដឹកត្រឡប់ទៅតម្កល់ធ្វើបុណ្យតាមប្រពៃណីនៅឈាបនដ្ឋានវត្តពោធិ៍ចិនតុង ។ 

ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុនិងហុំព័ទ្ធទីតាំងកន្លែងកេីតហេតុពិនិត្យជាក់ស្តែងនិងរេីសសំបកគ្រាប់ទៅរក្សាទុករងចាំស្រាវជ្រាវតាមចាប់ជនដៃដល់៕ដោយ%ទូច រ៉ាវុធ