ត្បូងឃ្មុំ ៖ កម្លាំងផ្នែកប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលកោងកាង និងកម្លាំងប៉ុស្តិ៍នគរបាលរដ្ឋបាលវាលម្លូរ នៃអធិការដ្ឋាននគរបាលស្រុកពញាក្រែក ចុះបង្ក្រាបជាក់ស្តែងករណីរក្សាទុក និងជួញដូរដោយខុសច្បាប់សារធាតុញៀន នៅចំណុចភូមិស្រឡៅច្រឹង ឃុំវាលម្លូរ ស្រុកពញាក្រែក ខេត្តត្បូងឃ្មុំ។
ការបង្ក្រាបធ្វើឡើងនៅវេលាម៉ោង៣និង១០នាទី ថ្ងៃទី៣ ខែវិច្ឆិកា ឆ្នាំ២០២០ ឃាត់ខ្លួនជនសង្ស័យ០២នាក់ ដកហូតម្សៅក្រាមពណ៌សសង្ស័យថា ជាថ្នាំញៀន ចំនួន៣៧កញ្ចប់។
ជនសង្ស័យទាំង២នាក់ ដែលត្រូវកម្លាំងឃាត់ខ្លួន ក្នុងខណៈពេលចុះល្បាតចល័តនៅក្នុងភូមិសាស្រ្ត ទី១.ឈ្មោះ គុយ ប៉េងហ៊ាង ភេទប្រុស អាយុ៣២ឆ្នាំ ជាតិខ្មែរ រស់នៅភូមិមេស ឃុំវាលម្លូរ ស្រុកពញាក្រែក ខេត្តត្បូងឃ្មុំ និងទី២.ឈ្មោះ ថន ស៊ីណា ភេទប្រុស អាយុ ៣២ឆ្នាំ រស់នៅភូមិត្របែក ឃុំទឹកជ្រៅ ស្រុកពញាក្រែក ខេត្តត្បូងឃ្មុំ ដកហូតបានម្សៅក្រាមពណ៌ស សង្ស័យថាជាថ្នាំញៀន ចំនួន៣៧ កញ្ចប់។
បច្ចុប្បន្ន ជនសង្ស័យទាំង២នាក់ និងវត្ថុតាង ត្រូវបានបញ្ជូនមកអធិការដ្ឋាន នគរបាលស្រុកពញាក្រែក ដើម្បីសាកសួរកសាងសុំណុំរឿងចាត់ការតាមនីតិវិធីច្បាប់៕
