Month: January 2022

ក្រសួងកសិកម្ម រុក្ខាប្រមាញ់ និងនេសាទបានសម្រេចវាយកម្ទេចរបងកសិដ្ឋានចិញ្ចឹមគោរបស់ លោកឧកញ្ញ៉ា ស្រី ចន្ធូ ដែលជាអ្នកអភិវឌ្ឍន៍​ និងវិនិយោគលើវិស័យកសិកម្ម ស្ថិតនៅស្រុកអូររាំង ខេត្តមណ្ឌលគិរី ចាប់តាំងពីៃថ្ងទី៥-៦ ខែមករា ឆ្នាំ២០២២ ដោយចោទថាពុំមានច្បាប់អនុញ្ញាតត្រឹមត្រូវ។ក្រសួងកសិកម្មបានវាយកម្ទេចលើអ្នកអភិវឌ្ឍន៍វិស័យកសិកម្ម បើទោះបីជាកសិដ្ឋាននេះទទួលបានសិទ្ធិអនុញ្ញាស្របច្បាប់ក្តី ក៏ក្រសួងបានសម្រេចវាយកម្ទេចចោល ដោយបានធ្វើឲ្យលោកឧកញ៉ា ស្រី ចន្ធូ ក្លាយទៅជាជនរងគ្រោះដំបូងគេបង្អស់ក្នុងការវាយកម្ទេចនេះ។ មហាជនបានមើលឃើញថា ហេតុអ្វីបានជាក្រសួងកសិកម្ម ដែលលើកកម្ពស់ការអភិវឌ្ឍន៍វិស័យកសិកម្ម ប៉ុន្តែបែរជាវាយកម្ទេចនូវក្រោលគោ របងគោ ដែលជាកសិដ្ឋានចិញ្ចឹមគោធំជាងគេនៅស្រុកអូររាំង ខេត្តមណ្ឌលគិរី ជាកសិដ្ឋានដែលល្បីលើឆាកជាតិ និងអន្តរជាតិ​ ដោយចោទប្រកាន់ពីការរំលោភលើដីធ្លី។លោកឧកញ្ញ៉ា​ ស្រី ចន្ធូ មានប្រសាសន៍ថា លោកមិនប្រឆាំងតបតចំពោះការសម្រេចចិត្តវាយកម្ទេចនោះទេ ដោយលោកឧកញ្ញ៉ា​ សម្តែងការសោកស្តាយចំពោះសមិទ្ធិផលដែលបានកើតមានហើយមិនគួរណាត្រូវកំទេចចោលទទេរៗបែបនេះសោះ ប្រសិនបើការទិញដីរបស់លោកប៉ះពាល់ជាមួយដីកសិកម្មរឺដីរដ្ឋនូវចំណែកណាមួយ យ៉ាងហោចណាស់ក៏គួរតែទុកឱកាសអោយលោកបានជួលពីក្រសួងកសិកម្មវិញដើម្បីបន្តការអភិវឧ្ឍន៏ ដែលរដ្ឋអាចចំណេញថ្លៃឈ្នួលជួលដី និងការបង់ពន្ធផ្សេងក៏បានចូលជាចំណូលរបស់រដ្ឋផងដែរ។ ដោយសារមានការស្នើសុំអោយមានការវិនិយោគពីសំណាក់លោកអភិបាលស្រុកដើម្បីបង្កើនការងារបន្ថែមធ្វើជូនដល់ប្រជាជនមូលដ្ឋាន និងដោយសារការអនុញ្ញាតពីច្បាប់លើការវិនិយោគវិស័យកសិកម្មពីឯកឧត្តមអភិបាលខេត្តផងដែរ។ ម្យ៉ាងទៀតនៅទីនោះគឺមានអាកាសធាតុអំណោយផលសំរាប់ការចិញ្ចឹមពូជគោទឹកដោះ(គោពូជ Holstein)ទើបលោកសំរេចចិត្តទិញដីធ្លីនៅតំបន់ខាងលើសំរាប់បើកកសិដ្ឋានចិញ្ចឹមគោតំបន់នេះតែម្តងទៅ លិខិតទិញ-លក់ដីធ្លីពីប្រជាពលរដ្ឋក៏មាន។ លោកឧកញ្ញ៉ា​ ស្រី ចន្ធូ បន្ថែមថា ការវាយកម្ទេចនេះមិនមានការជូនដំណឹងអ្វីទេ គឺចុះមកវាយកម្ទេចតែម្តង។ ការសាងសង់ និងការអភិវឌ្ឍន៍កសិដ្ឋាននៅស្រុកអូររាំង ខេត្តមណ្ឌលគិរី គឺអស់រយៈពេល៤ទៅ៥ឆ្នាំមកហើយ […]

អបអរសាទរខួបអនុស្សាវរីយ៍លើកទី ៤៣ នៃថ្ងៃជ័យជម្នះ៧មករានៅថ្ងៃទី៧ ខែមករា ឆ្នាំ២០២២នេះ គឺជាខួបលេីកទី​៤៣ឆ្នាំ (០៧ មករា ១៩៧៩-០៧ មករា ២០២២) ដែលប្រទេសកម្ពុជាយើងត្រូវបានសង្គ្រោះ​ និងរំដោះចេញផុតពីរបបកម្ពុជាប្រជាធិបតេយ្យដែលដឹកនាំដោយ ប៉ុល ពត។ ក្នុងរបបដ៏ឃោរឃៅព្រៃផ្សៃយុងឃ្នងនេះ បានធ្វើអោយបាត់បង់ជីវិតមនុស្សស្លូតត្រង់អស់រាប់លាននាក់ ហើយប្រទេសជាតិទាំងមូលបានវិនាសអន្តរាយយ៉ាងធ្ងន់ធ្ងរបំផុត។ប្រជាពលរដ្ឋខ្មែរគ្រប់រូប រួមទាំងកុមារតូចៗត្រូវរស់នៅក្រោមការបង្ខិតបង្ខំអោយធ្វើការលើសកម្លាំង គ្មានថ្ងៃឈប់សម្រាក ទទួលទានអាហារមិនគ្រប់គ្រាន់ គ្មានមន្ទីរពេទ្យព្យាបាលជំងឺ គ្មានសាលារៀន ហើយគ្មានសិទ្ធិសេរីភាពអ្វីទាំងអស់។ ប៉ុន្តែក្រោយពីប្រទេសជាតិត្រូវបានរំដោះចេញផុតពីរបបឃោរឃៅព្រៃផ្សៃ នៅថ្ងៃទី ០៧ ខែមករា ឆ្នាំ ១៩៧៩ ក្រោមការដឹកនាំរបស់គណបក្សប្រជាជនកម្ពុជា គឺពលរដ្ឋមានសិទ្ធិ សេរីភាពពេញលេញឡើងវិញ ប្រទេសជាតិទាំងមូលមានសុខសន្តិភាព និងការអភិវឌ្ឍ រីកចម្រើនលើគ្រប់វិស័យមកទល់សព្វថ្ងៃនេះ។ ទន្ទឹមនឹងនោះដែរ កម្ពុជាក៏មានកិត្យានុភាព និងមុខមាត់សារជាថ្មីលើឆាកអន្តរជាតិ ជាបន្តបន្ទាប់។សូមឱ្យស្មារតីថ្ងៃរំដោះជាតិនេះ ស្ថិតនៅក្នុងក្រអៅបេះដូងពលរដ្ឋគ្រប់ៗរូប​ និងជានិមិត្តរូបនៃសាមគ្គីជាតិ និងមហាគ្រួសារខ្មែរស្ថិតនៅជាអមតៈក្រោមម្លប់សុខសន្តិភាពជានិច្ចនិរន្ត៍៕

ភ្នំពេញ÷ជនសង្ស័យម្នាក់ ក្នុងចំណោមបក្សពួកពីរនាក់ បានធ្វើសកម្មភាពលួចម៉ូតូរម៉កកង់បី បានសម្រេចពីខណ្ឌសែនសុខ រួចមកសំងំលាក់ខ្លួន នៅក្នុងភូមិសាស្ត្រខណ្ឌមានជ័យ ក៏ត្រូវបានបងប្អូនប្រជាពលរដ្ឋ ឆែកតាមប្រព័ន្ធ GPS ធ្វើការចាប់ខ្លួនបាន ជនសង្ស័យម្នាក់ ចំណែកម្នាក់ទៀតរត់គេចខ្លួនបាត់ស្រម៉ោល។ ហេតុការណ៍នេះបានកើតទ្បើងកាលពីវេលាម៉ោង ១០និង ០០នាទី ថ្ងៃទី៥ ខែមករា ឆ្នាំ២០២២ ត្រង់ចំណុចផ្លូវបេតុង ក្រោយសាលាសង្កាត់ស្ទឹងមានជ័យទី១ ក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។យោងតាមសមត្ថកិច្ចបានឲ្យដឹងថាជនសង្ស័យមានឈ្មោះ មិត្ត ភេទប្រុស អាយុ១៩ឆ្នាំ មុខរបរ នៅផ្ទះ ស្នាក់នៅស្ទឹងមានជ័យ ខណ្ឌមានជ័យ រាជធានីភ្នំពេញ។ក្នុងនោះដកហូតបានមានដូចជា ម៉ូតូម៉ាកToday ពណ៌ស ដែលពាក់ស្លាកលេខ កំពត 1N 5934 {ជារបស់ជនសង្ស័យ} និងម៉ូតូរម៉កកង់បីមួយគ្រឿង ពណ៌ស លាយក្រហមជារបស់ជនរងគ្រោះ មួយគ្រឿងផងដែរ។សមត្ថកិច្ចដដែលបានបន្តទៀតថា មុនពេលកើតហេតុ ក្រុមហ៊ុនខាងលើបានទុកម៉ូតូរម៉ក នៅមុខកន្លែងធ្វើការតាមបណ្តាយផ្លូវ១៩១៩ ក្នុងសង្កាត់ទឹកថ្លាខណ្ឌសែនសុខរាជធានីភ្នំពេញ លុះមកដល់ម៉ោង០៣ និង០០នាទីយប់ ឈានចូលថ្ងៃទី០៥ ខែមករាឆ្នាំ២០២២ ក៏លេចមុខនៅជនសង្ស័យ០២នាក់ បានធ្វើសកម្មភាពលួចម៉ូតូរម៉កខាងលើបានសម្រេច រួចជិះរត់គេចខ្លួនមកសម្ងំនៅក្នុងភូមិសាស្ត្រនៃសង្កាត់ស្ទឹងមានជ័យទី១ ក៏ត្រូវបានម្ចាស់ម៉ូតូរម៉កកង់បី […]

នៅព្រឹកថ្ងៃទី ០៥ ខែមករា ឆ្នាំ ២០២២ នេះ តាមរយៈគណនីមួយដែលមានឈ្មោះ Smile បានបង្ហាញពីសក.ម្មភាពរូបភាព នៃការសាកល្បងកាមេរ៉ាចា.ប់ល្បឿន នៅត្រង់ចំណុចផ្លូវជាតិលេខ ៣ និង បានណែនាំឱ្យអ្នកបើកបរត្រៀមខ្លួនគោរពច្បា.ប់ច.រាចរណ៍ ចៀសវាងការផា.កពិ.ន័យ។តាមរយៈរូបភាព នៃការតេស្តកាមេរ៉ានោះទៀតសោត បានចា.ប់យកនូវទិន្នន័យអ្នកបើកបរបានយ៉ាងច្រើន ដែលមានដូចជា ការចា.ប់យករូបភាពផ្ទៃមុខអ្នកបើកបរ ស្លាកលេខយានយន្ត ទិសដៅបើកបរ ល្បឿនបើកបរ ប្រភេទយានយន្ត ម៉ាកយានយន្ត ការបំពា.ក់ខ្សែរក្រវ៉ាត់ និង ការប្រើប្រាស់ទូរស័ព្ទ ជាដើម។គួររំឭកផងដែរថា កាមេរ៉ាចាប់ល្បឿនឆ្លាតវៃចំនួន ១០ ទីតាំង ត្រូវបានចាប់ផ្តើមដំឡើងចាប់ពីថ្ងៃទី ០៤ ខែសីហា ឆ្នាំ ២០២១ និង បានបញ្ចប់នៅថ្ងៃទី ០៦ ខែវិច្ឆិកា ឆ្នាំ ២០២១ កន្លងទៅ នៅលើកំណាត់ផ្លូវជាតិលេខ ៣ ពីចោមចៅ ទៅដល់កំពត ដែលមានប្រវែងសរុប ១៣៥ គីឡូម៉ែត្រ ដែលក្នុងនោះពីចោមចៅដល់បែកគូសជាផ្លូវ ៤ គន្លង មានចំនួន ៤ […]

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា មិនអនុញ្ញាតឲ្យអ្នកឆ្លងជំងឺកូវីដ-១៩ ប្រភេទអូមីក្រុង ព្យាបាលនៅតាមផ្ទះឡើយ គឺតម្រូវយកអ្នកជំងឺព្យាបាលនៅមន្ទីរពេទ្យ ជាដាច់ខាត ដើម្បីទប់ស្កាត់ការរីករាលក្នុងសហគមន៍ជាបន្ដទៀត ទោះបីជាកូនអ្នកធំអ្នកណាក៏ដោយ។ក្នុងពិធីប្រគល់ប្រាក់រង្វាន់ជូនកីឡាការិនី អ៊ុក ស្រីមុំ បន្ទាប់ពីដណ្តើមបានមេដាយមាសពិភពលោក ពីការប្រកួតប៉េតង់នៅទីក្រុងសាន់តាស៊ូសាណា ប្រទេសអេស្ប៉ាញ កាលពីខែវិច្ឆិកា ឆ្នាំ២០២១ នាវិមានសន្តិភាព នាថ្ងៃទី៥ ខែមករា ឆ្នាំ២០២២ សម្ដេចតេជោមានប្រសាសន៍ថា ម្សិលមិញ កម្ពុជារកឃើញករណីអូមីក្រុង ៩ករណី ហើយសុទ្ធតែជាករណីនាំចូល។សម្ដេចតេជោ បន្ដថា ករណីជំងឺកូវីដ-១៩ ប្រភេទអូមីក្រុង នៅទូទាំងប្រទេសកម្ពុជា រហូតមកដល់ពេល ចំនួន៩៤ករណី ក្នុងនោះ ក៏ព្យាបាលជាសះស្បើយមួយចំនួនដែរ ហើយសុទ្ធតែជាករណីចូលនាំ។សម្ដេចតេជោ មានប្រសាសន៍ថា «ខ្ញុំសូមដាក់បញ្ជា មិនអនុញ្ញាតឲ្យព្យាបាលតាមផ្ទះទេ គឺសូមយកទៅមន្ទីរពេទ្យ ព្យាបាលនៅមន្ទីរពេទ្យ ព្រោះរឿងនេះ អូមីក្រុង វាអត់គ្រោះថ្នាក់ធំទេ បើនិយាយពីអត្រាស្លាប់វាអត់គ្រោះថ្នាក់ប៉ុន្មានទេ»។សម្ដេចតេជោ បានប្រកាសថា ទោះបីកូនអ្នកធំក៏ដោយ គឺតម្រូវព្យាបាលនៅមន្ទីរពេទ្យទាំងអស់ ហើយចាប់ពេលនេះតទៅ មិនចាំបាច់សុំយោបល់ សម្ដេច ទៀតឡើយ ក្នុងការយកអ្នកជំងឺប្រភេទអូមីក្រុង […]

ភ្នំពេញ ៖ នារីជនជាតិចិនម្នាក់ បានលោតសម្លាប់ខ្លួនពីលើអគារ យៀគ ថៃ ជាន់ទី ៣៩ មហាវិថីព្រះនរោត្តម ក្រុម ៦៣ ភូមិ ១០ សង្កាត់ ទន្លេបាសាក់ ខណ្ឌ ចំការមន ភ្នំពេញ បណ្ដាលឱ្យបាត់បង់ជីវិត កាលពីវេលាម៉ោង៤និង១៥នាទីល្ងាច ថ្ងៃទី៣ ខែមករា ឆ្នាំ២០២២។នារីខាងលើមានឈ្មោះ WANG WENWEN ភេទស្រី អាយុ២៩ឆ្នាំ ជនជាតិ ចិន ស្នាក់នៅ អាគារ យៀគ ថៃ បន្ទប់លេខD25.03 ជាន់ទី 25 ជាអ្នក ទេសចរណ៍ ។យោងតាមកំណត់ហេតុសមត្ថកិច្ចបានឱ្យដឹងថា មុនធ្វើអត្តឃាត នារីខាងលើបានចុះមកក្រោមតាមជណ្ដើរយន្ត ទទួលថ្នាំមួយស្បោង ពីអ្នកដឹកជញ្ជូនអនឡាញ ក្រុមហ៊ុន E-gets រួចដើរទៅម៉ាតក្បែរនោះទិញស្រាបៀរមួយដប និងឡើងទៅជាន់ទី៣៩វិញ ដោយដើរបានប្រហែល២ជុំ ក៏អង្គុយក្បែរបង្កាន់ដៃ ផឹកស្រាបៀរនិងជក់បារី រួចមួយសន្ទុះក៏លោតចុះមកក្រោមតែម្ដង ។តាមការសន្និដ្ឋានរបស់ គ្រូពេទ្យ អមសាលាដំបូងរាជធានីភ្នំពេញ នឹងការិយាល័យនគរបាលបច្ចេកទេស […]

ខេត្តស្ទឹងត្រែង÷ហេតុការណ៍គួរឲ្យរន្ធត់រវាងរថយន្តធុនធំ ប្រលះគ្នាពេញទំហឹងជាមួយរថយន្តដឹកទឹកកក បណ្តាលឲ្យមនុស្សពីរនាក់ស្លាប់ភ្លាមៗ ក្នុងហេតុការណ៍គ្រោះថ្នាក់ចរាចរណ៍ គួរឲ្យរន្ធត់នេះកើតឡើងនៅវេលាម៉ោងប្រមាណ៩,១៩នាទី ថ្ងៃទី២ ខែមករា ឆ្នាំ២០២២ នៅលើកំណាត់ផ្លូវជាតិលេខ៩ ស្ថិតក្នុងភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។ប្រភពនៅកន្លែងកើតហេតុបានឲ្យដឹងថា: រថយន្តដឹកទឹកកក ជាកម្មសិទ្ធិរបស់លោកទូច ភាច ថៅកែរោងចក្រផលិផទឹកកក និងទឹកសុទ្ធ រស់នៅភូមិត្នោតថ្មី ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។ ក្នុងទិសដៅបញ្ច្រាសទិសគ្នា ដោយរថយន្តទឹកកបើកបរពីកើតទៅពីលិច រីឯរថយន្តដឹងដំឡូងទិសដៅពីលិចទៅកើត មកដល់ចំណុចកើតហេតុ ក៏បានបុកពេញទំហឹងបណ្តាលយុវជនម្នាក់ស្លាប់បាត់បងជីវិតភ្លាមៗ គួរឲ្យសង្វេគ ពីនាក់រងរបួសធ្ងន់ និងស្លាប់ម្នាក់ទៀត ក្រោយពេលបញ្ចូនទៅសង្គ្រោះបន្ទាន់នៅនិងមន្ទីពេទ្យខេត្ត ចំណែកតៃកុងរថយន្តធុនធំរងរបួសស្រាល។នេះបើតាមរបាយការណ៍ប៉ុស្តិ៍នគបាលរដ្ឋបាលសំអាង បានបញ្ជាក់ថា: ក្នុងហេតុការណ៍គ្រោះថ្នាក់ចរាចរណ៍ខាងលើ រថយន្តម៉ាកហ៉ីយ៉ាន់ដាយ ពណ៌សរ ដឹកទឹកកក ពាក់ស្លាកលេខ3D. 3597.បើកបរដោយតៃកុងឈ្មោះភាជ ចាន់រ៉ា ភេទប្រុស អាយុ២៦ឆ្នាំ រស់នៅភូមិឃុំកើតហេតុខាងលើ បើកបពីកើតទៅលិច អ្នករួមដំណើរ២នាក់ស្លាប់ម្នាក់ផ្សេងទៀត។ ១.ឈ្មោះឡុង គាតូច (តុញ) ភេទប្រុសអាយុ២៤ឆ្នាំ បានស្លាប់បាត់បង់ជីវិតភ្លាមៗនៅនិងកន្លែងកើតហេតុ ២.ឈ្មោះភាជ ឌីណា ភេទប្រុស អាយុ២៤ឆ្នាំ រងរបួសធ្ងន់បានស្លាប់បាត់បង់ជីវិតនៅមន្ទីពេទ្យខេត្ត […]