ព្រះសីហនុ ៖ ជនជាតិចិនម្នាក់ ត្រូវបានកម្លាំងនគរបាលខេត្តព្រះសីហនុចាប់ខ្លួន ពាក់ព័ន្ធការកាន់កាប់អាវុធដោយខុសច្បាប់ នៅចំណុចផ្លូវពយកំពេញចាស់ ស្ថិតនៅភូមិ១ សង្កាត់៣ ក្រុងព្រះសីហនុ។ ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានឲ្យដឹងនៅព្រឹកថ្ងៃទី២៤ ខែធ្នូ ឆ្នាំ២០២០នេះថា នៅវេលាម៉ោង០១៖៥០នាទីរសៀល ថ្ងៃទី២២ ខែធ្នូ ឆ្នាំ២០២០ កម្លាំងជំនាញនៃស្នងការដ្ឋាននគរបាលខេត្តព្រះសីហនុ បានទទួលព័ត៌មានពីប្រជាពលរដ្ឋថា ឃើញជនជាតិចិនម្នាក់ពាក់អាវខ្មៅ មានកាបូបសង្ស័យមានអាវុធខ្លី បានឡើងជិះរថយន្ត១គ្រឿង ម៉ាក LEXUS RX300 ពណ៌សស្លាកលេខ ភ្នំពេញ 2AT-6732 នៅចំណុចផ្លូវពយកំពេញចាស់ ស្ថិតនៅភូមិ១ សង្កាត់៣ ក្រុងព្រះសីហនុ។ បន្ទាប់ពីទទួលបានព័ត៌មាន កម្លាំងជំនាញផែនការងារនគរបាលព្រហ្មទណ្ឌ បានសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់៣ ចុះទៅដល់កន្លែងទីតាំងខាងលើ រួចធ្វើការត្រួតពិនិត្យរថយន្ត ជាលទ្ធផលឃើញមានជនជាតិចិនម្នាក់ និងរកឃើញមានអាវុធខ្លី១ដើម ម៉ាក SIGSAUER ពណ៌ខ្មៅ បង់កាំភ្លើង១ មានគ្រាប់៩គ្រាប់ ។ បន្ទាប់មកសមត្ថកិច្ចបានឃាត់ខ្លួនជនជាតិចិនម្នាក់នោះ មកកាន់ស្នងការដ្ឋាននគរបាលខេត្ត ដើម្បីសួរនាំ។ ជនសង្ស័យឈ្មោះ Wu Hai Zhu អាយុ៣១ឆ្នាំ […]
Month: December 2020
ឧកញ៉ាល្បីឈ្មោះខាងជេរ ពេលនេះច្បាប់ចាប់ផ្តើមអនុវត្តបណ្តើរៗហើយ ប៉ុន្តែមិនដឹងថា រងបណ្តឹងភាគីខាងណាទេ?
ភ្នំពេញ ៖ លោកស្រី អ៊ាន សៀវម៉ី ត្រូវបានតុលាការ នៃអយ្យការអមសាលាដំបូងរាជធានីភ្នំពេញ កោះហៅចូលមកបំភ្លឺ នៅព្រឹកថ្ងៃទី២៤ ខែធ្នូ ឆ្នាំ២០២០ ដែលពាក់ព័ន្ធករណី «បរិហារកេរ្ដិ៍ជាសាធារណៈ, ញុះញង់ឲ្យមានការរើសអើង» ដែលប្រព្រឹត្ដទៅនៅរាជធានីភ្នំពេញ។ តែបែរជាឃើញវត្តមានរបស់លោកស្រី អ៊ាន សៀវម៉ី ចូលមកបំភ្លឺនៅសាលាដំបូងរាជធានីភ្នំពេញ នាព្រឹកថ្ងៃទី២៣ ខែធ្នូ ឆ្នាំ២០២០ទៅវិញ តើជាមូលហេតុអ្វី បានជាលោកស្រីមកបំភ្លឺមុនកាលកំណត់ដូច្នេះ។ សូមជម្រាបជូនថា លោកស្រី អ៊ាន សៀវម៉ី មានងារជាឧកញ៉ា អាយុ៣៣ឆ្នាំ ស្នាក់នៅផ្ទះលេខV01 តាមបណ្ដោយផ្លូវគ្មានលេខ ភូមិគោកចំបក់ ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ ដែលមានងារជាឧកញ៉ាល្បីឈ្មោះខាងជេរ ជេរគេកប់ៗមាត់ ពេលឡាយនៅក្នុងផេកនៅក្នុងបណ្ដាញសង្គមហ្វេសប៊ុកមិនញញើតមាត់ ពេលនេះត្រូវបានច្បាប់ចាប់ផ្តើមអនុវត្តបណ្តើរៗហើយ ប៉ុន្តែមិនដឹងថា រងបណ្តឹងភាគីខាងណាទេ ស្រាប់តែនៅពេលដែលច្បាប់អនុវត្តន៍ ឲ្យចូលមកបំភ្លឺ រយៈពេលជិត២ម៉ោងរួច ពេលលោកស្រី អ៊ាន សៀវម៉ី ចេញពីតុលាការវិញ គាត់មិនបានបកស្រាយអ្វីជាមួយក្រុមអ្នកសារព័ត៌មាននោះទេ គាត់បានពាក់ម៉ាស និងពាក់មួកឃ្លុំបិទជិត ហើយក៏ឡើងរថយន្តស៊េរីទើប ម៉ាក Prus ពណ៌ស ពាក់ស្លាកលេខ […]
រថយន្តក្រឡក់ស៊ីម៉ងត៍មួយគឿង បើកជៀសគ្នា ក៏ជ្រេដីផ្អៀងកង់ម្ខាងក្រឡាប់ផ្ងារជើង
ភ្នំពេញ ៖ រថយន្តក្រឡក់ស៊ីម៉ងត៍មួយគឿង បានក្រឡាប់ផ្ងារជើង ខណៈកំពុងបើកជៀសគ្នាជាមួយរថយន្តមួយគ្រឿងទៀត ក៏ជ្រុលធ្លាក់ផុតផ្លូវបេតុង ជ្រេដីផ្អៀងកង់ម្ខាងក្រឡាប់តែម្តង កាលពីវេលាម៉ោង១១និង៤០នាទីព្រឹក ថ្ងៃទី២២ ខែធ្នូ ឆ្នាំ២០២០ នៅចំណុចជិតវត្តតាភេម តាមបណ្តោយផ្លូវបេតុង ភូមិតាភេម សង្កាត់កំបូល ខណ្ឌកំបូល រាជធានីភ្នំពេញ។ តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្តក្រឡក់ស៊ីម៉ងត៍មួយគ្រឿង ពណ៌ស ពាក់ស្លាកលេខ ភ្នំពេញ 5A-2971 បើកបរតាមបណ្តោយផ្លូវបេតុង ក្នុងទិសដៅត្បូងទៅជើង ខណៈមកដល់ចំណុចកើត ក៏បានជៀសពីរថយន្តមួយគ្រឿងទៀត ដែលមកបញ្ច្រាសទិសគ្នា ហើយបានជៀសជ្រុលមកខាងស្តាំពេក ក៏ធ្លាក់ផ្លូវបេតុង ជ្រេដីធ្លាក់កង់ម្ខាងក្រឡាប់ផ្ងារជើងតែម្តង តែសំណាងមិនមានប៉ះពាល់ដល់មនុស្ស និងទ្រព្យសម្បត្តិរដ្ឋ។ ក្រោយកើតហេតុ សមត្ថកិច្ចមូលដ្ឋានបានចុះទៅដល់ចំណុចកើហេតុ រួចប្រគល់រថយន្តឲ្យម្ចាស់ស្ទូចយកទៅជួសជុលខ្លួនឯង៕
អគ្គិភ័យឆេះផ្ទះប្រជាពលរដ្ឋនៅសង្កាត់ច្បារអំពៅ១ សមត្ថកិច្ចប្រើទឹក ២៨ឡានដើម្បីបាញ់ពន្លត់មូលហេតុឆ្លងចរន្ដអគ្គិសនីយ៍
December 21, 2020 ចែកចាយ ភ្នំពេញ ៖ អគ្គិភ័យឆេះផ្ទះប្រជាពលរដ្ឋ នៅព្រឹកថ្ងៃទី២១ ខែធ្នូ ឆ្នាំ២០២០នេះ នៅផ្លូវ៣៦៧ កែង៦៣១ ស្ថិតក្នុងក្រុមទី១៥ ភូមិព្រែក សង្កាត់ច្បារអំពៅទី០១ ខណ្ឌច្បារអំពៅ រាជធានីភ្នំពេញ បានរលត់ទៅវិញហើយ ក្រោយមានការអន្ដរាគមន៍ជួយសង្គ្រោះយ៉ាងយកចិត្តទុកដាក់ពីកម្លាំងសមត្ថកិច្ច។ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការ និងពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ម្ចាស់ផ្ទះរងគ្រោះឈ្មោះ ឡាំង អ៊ាបខេង អាយុ៤៩ឆ្នាំ ហើយប្រភេទផ្ទះដែលត្រូវអគ្គិភ័យវាយប្រហារ ធ្វើពីឈើប្រក់ស័ង្កីនៅជាន់ទី២ ទំហំ៥ម៉ែត្រ គុណ១៦ម៉ែត្រ។ បើតាមលោកវរសេនីយ៍ឯក ព្រហ្ម យ៉ន ក្នុងប្រតិបត្តិការនៃការជួយសង្គ្រោះ កម្លាំងសមត្ថកិច្ចប្រើប្រាស់ទឹកអស់ចំនួន២៨ឡាន ក្នុងនោះ រថយន្តការិយាល័យបង្ការ និងពន្លត់អគ្គិភ័យ ចំនួន០៨គ្រឿង ប្រើប្រាស់ទឹកអស់ចំនួន១៦ឡាន, រថយន្តក្រសួងមហាផៃ្ទ ចំនួន០២គ្រឿង ប្រើប្រាស់ទឹកអស់០២ឡាន, រថយន្តអាវុធហត្ថ ចំនួន០៣គ្រឿង ប្រើប្រាស់ទឹកអស់ចំនួន០៣ឡាន, រថយន្តទីក្រុងកោះពេជ្រ ចំនួន០៤គ្រឿង ប្រើប្រាស់ទឹកអស់ចំនួន០៤ឡាន, រថយន្តបុរី ប៉េង ហ៊ួត […]
ខ្មាន់កាំភ្លើងបាញ់៤គ្រាប់ត្រូវបុរសម្នាក់បណ្តាលឲ្យស្លាប់ពេលបញ្ជូនទៅដល់មន្ទីរពេទ្យនោះ ពេលនេះសមត្ថកិច្ចខណ្ឌកំបូលសហការជាមួយកម្លាំងនគរបាលព្រហ្មទណ្ឌកំរិតធ្ងន់ឃាត់ខ្លួនបានហើយ
December 19, 2020 406 ចែកចាយ ភ្នំពេញ៖ លោកវរសេនីយ៍ទោ ឈឹម សាវុទ្ធ អធិការរងទទួលផែនព្រហ្មទណ្ឌខណ្ឌកំបូលបានប្រាប់អង្គភាព សារព័ត៌មានអោយដឹងថានៅរសៀលថ្ងៃទី១៩ ខែធ្នូ ឆ្នាំ២០២០ នេះថា ខ្មាន់កាំភ្លើងបាញ់៤គ្រាប់ត្រូវបុរសម្នាក់បណ្តាលឲ្យស្លាប់ពេលបញ្ជូនទៅដល់មន្ទីរពេទ្យនោះ ពេលនេះសមត្ថកិច្ចខណ្ឌកំបូលក្រោមការដឹកនាំរបស់វរសេនីយ៍ឯក ហង្ស មុនី អធិការនគរបាលខណ្ឌនឹងលោកវរសេនីយ៍ទោ ឈឹម សាវុទ្ធ អធិការរង ដែលដឹកនាំកម្លាំងផ្ទាល់ហើយដោយសហការជាមួយកម្លាំងនគរបាលព្រហ្មទណ្ឌកំរិតធ្ងន់រាជធានី នឹងដឹកនាំបញ្ជាផ្ទាល់ដោយលោក ជា វិបុលអនុប្រធាននាយកដ្ឋានព្រហ្មទណ្ឌទើបឈានដល់ការឃាត់ខ្លួនបាន ក្រោយពីមានស្រាវជ្រាវយ៉ាងយកចិត្តទុកដាក់។ ជនសង្ស័យមានឈ្មោះ សុខ ហេងសំបូរ ភេទប្រុសអាយុ៣១ឆ្នាំ មុខរបរបើកការាស់សាំង ស្នាក់នៅភូមិស្រែញរ សង្កាត់ពងទឹក ខណ្ឌដង្កោ រាជធានីភ្នំពេញ ហើយសមត្ថកិច្ចឃាត់ខ្លួនបាននៅម្តុំផ្លូវវេងស្រេង ក្នុងខណ្ឌពោធិ៍សែនជ័យ។ នឹងដកហូតបានអាវុធខ្លី១ដើមម៉ាកឡុក ដែលជនសង្ស័យធ្វើសកម្មភាពបាញ់ជនរងគ្រោះហើយយកទៅបោះចោល។ បច្ចុប្បន្នជនសង្ស័យកំពុងសាកសួរបន្តនៅអធិការដ្ឋាននគរបាលខណ្ឌកំបូលរកពីមូលហេតុនៃការបាញ់សម្លាប់ជនរងគ្រោះ។ សូមរំលឹកថា អពើបាញ់ប្រហារនោះបានកើតឡើងកាលពីវេលាម៉ោង៣រសៀលថ្ងៃទី១៧ ខែធ្នូ ឆ្នាំ២០២០ ស្ថិតនៅតាមផ្លូវលំ ភូមិទួលកី សង្កាត់ភ្លើងឆេះរទេះ ខណ្ឌកំបូល ។ ករណីនេះគេមិនទាន់ដឹងពីថាជាករណីប្លន់ឬជាករណីគំនុំនៅឡើយទេ ដោយនគរបាលកំពុងធ្វើការស្រាវជ្រាវរកមុខសញ្ញាជនដៃដល់ហើយ។ សមត្ថកិច្ចបានឲ្យដឹងថា ជនរងគ្រោះឈ្មោះ នៅ […]
សម្តេចតេជោ អំពាវនាវដល់អ្នកសារព័ត៌មានចូលរួមទប់ស្កាត់ និងលុបបំបាត់ការឆ្លងរីករាលដាលនៃជំងឺកូវីដ-១៩
ព័ត៌មានជាតិដោយ គេហទំព័រ ASK-PoST ចេញផ្សាយ ថ្ងៃទី 18 ខែ ធ្នូរ ឆ្នាំ 2020 21 (ភ្នំពេញ)៖ សម្ដេចតេអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ កម្ពុជា បានស្នើឱ្យថ្នាក់ដឹកនាំស្ថាប័នសារព័ត៌មាន និងអ្នកសារព័ត៌មានទាំងអស់បន្តប្រកាន់ ខ្ជាប់នូវវិជ្ជាជីវៈ សារព័ត៌មានគោរពច្បាប់ និងគោរពគោលការណ៍កុំបំពានសិទ្ធិអ្នកដទៃ កុំបំភ្លៃ ការពិត ព្រមទាំងចូលរួមប្រយុទ្ធប្រឆាំងនឹងជំងឺកូវីដ-១៩ ដោយធ្វើការផ្សព្វផ្សាយព័ត៌មានអប់រំ និងវិធានការសុវត្ថិភាពរបស់ក្រសួងសុខាភិបាលជូនប្រជាពលរដ្ឋឱ្យយល់ដឹងច្បាស់ និងចូល រួមប្រឆាំងទប់ស្កាត់ និងលុបបំបាត់ការឆ្លងរីករាលដាលនៃជំងឺកូវីដ-១៩ ដែលកំពុងឆ្លងចូល ទៅក្នុងសហគមន៍។ តាមរយៈសារលិខិតផ្ញើជូនវេទិកានិពន្ធនាយកសារព័ត៌មានកម្ពុជា ស្តីពី តួនាទីសារព័ត៌ មានក្នុងបរិបទជំងឺរាតត្បាតសកល និងព័ត៌មានក្លែងក្លាយ នាថ្ងៃទី១៩ ខែធ្នូ ឆ្នាំ២០២០ សម្តេចតេជោនាយករដ្ឋមន្ត្រីថ្លែងថា ស្ថិតក្នុងស្ថានភាពដ៏គ្រោះថ្នាក់ដែលព្រះរាជាណាចក្រ កម្ពុជា ក៏ដូចជាសកលលោកទាំងមូលកំពុងទទួលរងគ្រោះមហន្តរាយដែលបង្កឡើង ដោយ ជំងឺកូវីដ-១៩ ដ៏គួរឱ្យព្រួយបារម្ភ ក្រុមអ្នកនយោបាយបក្សប្រឆាំង និងក្រុមឱកាសនិយមមួយ ចំនួនដែលប្រឆាំងនឹងការរស់ឡើងវិញរបស់ប្រជាជនកម្ពុជា បានប្រើប្រាស់ប្រព័ន្ធផ្សព្វផ្សាយ និងបណ្តាញទំនាក់ទំនងសង្គមនានា ធ្វើការផ្សព្វផ្សាយដំណឹងក្លែងក្លាយបំភ្លៃការពិត បំប៉ោង សភាពការណ៍ បំពុលបរិយាកាសសង្គម ដើម្បីបង្កភាពវឹកវរ និងចលាចលនៅក្នុងសង្គម ហើយទម្លាក់កំហុសមកលើរាជរដ្ឋាភិបាល […]
ខ្មាន់កាំភ្លើងបាញ់ប្រហារបុរសម្នាក់ចំនួន៤គ្រាប់បណ្តាលអោយស្លាប់ពេលបញ្ជូនដល់មន្ទីរពេទ្យ
ភ្នំពេញ៖ខ្មាន់កាំភ្លើង១ក្រុមបានជិះម៉ូតូតាមបាញ់ប្រហារទៅលើបុរសអ្នករកសុីគួកជេរដី គួកជេររថយន្តនិងម៉ូតូ ព្រមទាំងចងការប្រាក់ម្នាក់ជាច្រើនគ្រាប់ បណ្ដាលឲ្យស្លាប់ក្រោយពេលបញ្ជូនទៅសង្រ្គោះដល់មន្ទីរពេទ្យកាល់ម៉ែត បន្ទាប់មកខ្មាន់កាំភ្លើងរូបនោះបានគេចខ្លួនបាត់ស្រមោល។ ហេតុការណ៍នោះបានកើតឡើងបង្កឲ្យកាលពីវេលាម៉ោង៣រសៀលថ្ងៃទី១៧ ខែធ្នូ ឆ្នាំ២០២០ស្ថិតនៅតាមផ្លូវលំ ភូមិទួលកី សង្កាត់ភ្លើងឆេះរទេះ ខណ្ឌកំបូល ។ហើយពុំទាន់ដឹងថាជាករណីប្លន់ឬគំនុំនៅឡើយទេ ដោយនគរបាលកំពុងធ្វើការស្រាវជ្រាវរកមុខសញ្ញាជនដៃដល់ហើយ។ តាមប្រភពព័ត៌បានឲ្យដឹងថា ជនរងគ្រោះឈ្មោះ នៅ ចំណាន ភេទប្រុសអាយុ៤៥ឆ្នាំ មុខរបរ ទិញលក់រថយន្ត ម៉ូតូ ចងការលុយ គួកជេដីមានទីលំនៅ ភូមិព្រៃព្រីងត្បូង២ សង្កាត់ចោមចៅ៣ និងនៅភូមិដំណាក់ត្រយឹង សង្កាត់ចោមចៅ២ ។ចំណែកជនសង្ស័យមិនស្គាល់អត្តសញ្ញាណ និងបានបាញ់ប្រហារទៅលើជនរងគ្រោះចំនួន៤គ្រាប់ និងត្រូវចំនួន៣គ្រាប់ និងខុសទៅត្រូវដី១គ្រាប់។ មុនកើតហេតុ ជនរងគ្រោះ ទើបវិលមកពីដើរទារលុយគេ ដល់ចំណុចខាងលើ ជនសង្ស័យជិះរថយន្តមួយគ្រឿងតាមពីក្រោយបាញ់៤គ្រាប់ ត្រូវជនរងគ្រោះ៣គ្រាប់ ក្បាល ដៃឆ្វេង ពោះបណ្តាលឲ្យរងរបួសដេកដួល ហើយត្រូវបញ្ជូនទៅមន្ទីរពេទ្យកាល់ម៉ែត តែបានស្លាប់តាមផ្លូវ ក៏ដឹកយកមកតំកល់ទុកនៅវត្តពោធិចិនតុង៕ដោយ%ទូច រ៉ាវុធ
ក្រសួងសុខាភិបាល បន្តអំពាវនាវដល់អ្នកបានចូលហាង Hidden Coffee ផ្លូវ២០០២ កាលពីថ្ងៃទី៤ ធ្នូ ចន្លោះម៉ោង៣៖៣០នាទី ដល់៤៖០០នាទីរសៀល ទៅធ្វើតេស្តរកកូវីដ-១៩
ភ្នំពេញ ៖ ក្រសួងសុខាភិបាល នៅព្រឹកថ្ងៃទី១៧ ខែធ្នូ ឆ្នាំ២០២០នេះ បានបន្តអំពាវនាវដល់បងប្អូនប្រជាពលរដ្ឋ ដែលបានចូលហាង Hidden Coffee ផ្លូវ២០០២ សង្កាត់ទឹកថ្លា ខណ្ឌសែនសុខ រាជធានីភ្នំពេញ នៅថ្ងៃទី០៤ ខែធ្នូ ឆ្នាំ២០២០ ចន្លោះម៉ោង៣៖៣០នាទី ដល់៤៖០០នាទីរសៀល ទៅធ្វើតេស្តរកកូវីដ-១៩ នៅវិទ្យាស្ថានជាតិសុខភាពសាធារណៈ និងធ្វើចត្តាឡីស័កនៅតាមផ្ទះរបស់ខ្លួន ឲ្យបានគ្រប់ចំនួន១៤ថ្ងៃ តាមការណែនាំរបស់ក្រសួងសុខាភិបាល និងត្រូវតាមដានសុខភាពផ្ទាល់ខ្លួន ឲ្យបានហ្មត់ចត់ជាទីបំផុត។ ការអំពាវនាវរបស់ក្រសួងសុខាភិបាលនេះ ធ្វើឡើងបន្ទាប់ពីមានបុរសជាអ្នកជំងឺកូវីដ១៩ ម្នាក់ (មុនពេលរកឃើញថាមានជំងឺកូវីដ-១៩) ធ្លាប់បានទៅអង្គុយពិសារកាហ្វេនៅហាង Hidden Coffee នេះ។ សម្រាប់ព័ត៌មានបន្ថែម សូមទាក់ទងមកទូរស័ព្ទទាន់ហេតុការណ៍ របស់ក្រសួងសុខាភិបាល លេខ ១១៥ ដោយឥតគិតថ្លៃ ឬទំនាក់ទំនងក្រសួងសុខាភិបាល តាមលេខទូរស័ព្ទ៖ ០១២ ៨២៥ ៤២៤ ឬ ០១២ ៤៨៨ ៩៨១ ឬ ០១២ ៨៣៦ ៨៦៨៕
ចាប់បញ្ជួនបុរស៦នាក់ជួញដូរគ្រឿងញៀននិងថ្នាំម៉ាទឹកកក០៧ថង់ ជញ្ជីងថ្លឹងថ្នាំញៀនមួយគ្រឿងសម្ភារៈប្រើប្រាស់មួយចំនួន ទៅតុលាការ
បាត់ដំបង ៖ កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់បញ្ជួនបុរស៦នាក់ជួញដូរគ្រឿងញៀននិងថ្នាំម៉ាទឹកកក០៧ថង់ ជញ្ជីងថ្លឹងថ្នាំញៀនមួយគ្រឿងសម្ភារៈប្រើប្រាស់មួយចំនួន កសាងសំណុំរឿង ទៅតុលាការនៅរសៀលថ្ងៃទី១៦ខែធ្នួឆ្នាំ២០២០។ ហេតុការណ៍ចាប់ឃាត់ខ្លួនជនសង្ស័យ៦នាក់នេះ បានធ្វើឡើងកាលពីម៉ោង១៤និង៣០នាទីថ្ងៃទី១៥ខែធ្នួឆ្នាំ២០២០នៅចំណុចក្រុមទី០៨ភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ លោកសុខ និមល នាយការិយាល័យប្រឆាំងបទល្មើសគ្រឿងញៀនខេត្តបាត់ដំបង បានឲ្យដឹងថាជនសង្ស័យ៦នាក់ដែលចាប់ឃាត់ខ្លួនទី១ឈ្មោះប៉ាន់ ភីរក្សភេទប្រុសអាយុ៤៨ឆ្នាំ មានទីលំភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ ទី២ឈ្មោះ ផល រតនៈភេទប្រុសអាយុ៣៣ឆ្នាំមានទីលំភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង (ជនសង្ស័យមានដីការបង្គាប់ឲ្យចាប់ខ្លួនរបស់លោកស្រីហុង ទិត្យមល្លិកាចៅក្រមស៊ើបសួរ)។ ទី៣ឈ្មោះឈឿន វិច្ឆ័យភេទប្រុសអាយុ៣០ឆ្នាំមានទីលំនៅភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក០២ថង់ ទួរស័ព្ទមួយគ្រឿងនិងសម្ភារៈប្រើប្រាស់ថ្នាំញៀនមួយចំនួនទៀត ហើយចាប់ឃាត់ខ្លួនកាលពីម៉ោង១៤និង៣០នាទីថ្ងៃទី១៥ខែធ្នូឆ្នាំ២០២០នៅចំណុចក្រុមទី០៨ភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ ក្រោយពីសាកសួរឈ្មោះប៉ាន់ ភីរក្សដោយមានការអនុញ្ញាតពីឯកឧត្តមគឺ ប៊ុណ្ណារ៉ាព្រះរាជអាជ្ញានៃអយ្យកាអមសាលាដំបូងខេត្តបាត់ដំបង កម្លាំងបានចុះបន្តប្រតិបត្តិការរហូតឈានទៅចាប់ជនសង្ស័យ០៣នាក់ទៀតនៅម៉ោង១៥និង៤០នាទីថ្ងៃទី១៥ខែធ្នូឆ្នាំ២០២០នៅចំណុចក្រុមទី១០ភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង មានទី១ ឈ្មោះមិត្ត សាម៉នភេទប្រុសអាយុ៣៤ឆ្នាំមានទីលំនៅភូមិច្រាបក្រសាំងសង្កាត់វត្តគរក្រុងបាតដំបង។ ទី២ ឈ្មោះណម ធារិទ្ធភេទប្រុសអាយុ៣២ឆ្នាំមានទីលំនៅភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ ទី៣ ឈ្មោះងួន សាំងភេទប្រុសអាយុ៣២ឆ្នាំមានទីលំនៅភូមិគោកអំពិលឃុំភ្នំសំពៅស្រុកបាណន់ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក០៥ថង់ ម៉ូតូ២គ្រឿង ជញ្ជីងថ្លឹងថ្នាំញៀនមួយគ្រឿងនិងសម្ភារៈប្រើប្រាស់ថ្នាំញៀនមួយចំនួនទៀត ហើយចាប់ឃាត់ខ្លួនកាលពីម៉ោង១៥និង៤០នាទីថ្ងៃទី១៥ខែធ្នូឆ្នាំ២០២០ នៅចំណុចក្រុមទី១០ភូមិសំណាញ់ឃុំភ្នំសំពៅស្រុកបាណន់ខេត្តបាត់ដំបង។ លោកសុខ និមល បានបញ្ជាក់ថា កម្លាំងបានសហការជាមួយកម្លាំងប៉ូលិសស្រុក ចុះបង្ក្រាបបានករណីនេះហើយចាប់ឃាត់ខ្លួនជនសង្ស័យ៦នាក់និងវត្ថុតាងបានភ្លាមៗជាក់ស្ដែងតែម្ដង។ បច្ចុប្បន្ននេះ កម្លាំងបានកសាងសំណុំរឿងបញ្ជូនជនសង្ស័យនិងវត្ថុតាងទៅតុលាការ ដើម្បីចាត់ការទៅតាមផ្លូវច្បាប់នៅរសៀលថ្ងៃទី១៦ខែធ្នូឆ្នាំ២០២០ហើយ៕
អាជ្ញាធរខណ្ឌទួលគោក និងកម្លាំងនគរបាលខណ្ឌ ចុះបង្ក្រាបទីតាំងហ្គេមត្រីខុសច្បាប់មួយកន្លែង និងឃាត់ខ្លួនមនុស្ស ចំនួន១២នាក់
ភ្នំពេញ ៖ នៅព្រឹកថ្ងៃទី១៤ ខែធ្នូ ឆ្នាំ២០២០ កម្លាំងគណៈបញ្ជាការឯកភាពខណ្ឌទួលគោក សហការជាមួយកម្លាំងអធិការដ្ឋាននគរបាលខណ្ឌ ធ្វើការចុះបង្ក្រាបទីតាំងហ្គេមបាញ់ត្រីខុសច្បាប់មួយកន្លែង ស្ថិតនៅតាមបណ្ដោយផ្លូវលេខ៣២៦ ផ្ទះលេខ២០ ក្រុម៣៣ ភូមិ៥ ក្នុងសង្កាត់ផ្សារដើមគរ ខណ្ឌទួលគោក រាជធានីភ្នំពេញ។ អាជ្ញាធរខណ្ឌទួលគោក បានឲ្យដឹងថា ក្នុងប្រតិបត្តិការខាងលើនេះ ដោយមានការចង្អុលបង្ហាញពីលោក ឯក ឃុនឌឿន អភិបាលខណ្ឌទួលគោក បញ្ជាឲ្យកម្លាំងចុះបង្ក្រាបទីតាំងហ្គេមបាញ់ត្រីខុសច្បាប់មួយកន្លែង មានទីតាំងនៅជិតផ្សារនាគមាស ដែលជាកន្លែងប្រមូលផ្តុំដោយក្រុមយុវជន យុវនារី ចូលលេង ភ្លេចផ្ទះ ភ្លេចសាលារៀន វក់ងុបនឹងល្បែងស៊ីសង បង្កឲ្យមានករណីចោរ ឆក់ ប្លន់ នឹងមានបងតូច បងធំជាដើម ធ្វើឲ្យប្រជាពលរដ្ឋរស់នៅក្បែរនោះ មានការភ័យខ្លាច ដោយទទួលបានពាក្យបណ្តឹងពីប្រជាពលរដ្ឋ ទើបនៅព្រឹកថ្ងៃទី១៤ ខែធ្នូ ឆ្នាំ២០២០នេះ អាជ្ញាធរខណ្ឌទួលគោក ចុះបង្ក្រាបជាក់ស្តែង ហើយក្នុងប្រតិបត្តិការនេះ បានឃាត់ខ្លួនជនសង្ស័យដែលជាអ្នកញៀនល្បែង ចំនួន១២នាក់ ក្នុងនោះប្រុស១០នាក់ ស្រី២នាក់។ អាជ្ញាធរខណ្ឌ បានបន្តថា ក្នុងប្រតិបត្តិការនេះ ដកហូតវត្ថុតាំងមួយចំនួន រួមមាន៖ ទូរហ្គេមបាញ់ត្រី ចំនួន៤គ្រឿង, ទូរហ្គេមបៀ […]