ភ្នំពេញ ៖ កម្លាំងការិយាល័យជំនាញបានកសាងសំណុំរឿងបញ្ជូនជនសង្ស័យ២នាក់ ករណីលួចម៉ូតូទៅសាលាដំបូងរាជធានីភ្នំពេញនៅថ្ងៃទី១ ខែតុលា ឆ្នាំ២០២០ ដើម្បីផ្តន្ទាទោសតាមច្បាប់។ កម្លាំងជំនាញរបស់ការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញបានស្រាវជ្រាវឃាត់ខ្លួនជនសង្ស័យជាបន្តបន្ទាប់ចំនួន២នាក់ ពាក់ពន្ធ័បទល្មើសអំពើលួច ប្រព្រឹត្តនៅចំណុចមុខផ្ទះលេខ១៣៥អឺ០ហ្សេត ផ្លូវលេខ១៤៤ ភូមិ៤ សង្កាត់ផ្សារកណ្តាល២ ខណ្ឌដូនពេញ រាជធានីភ្នំពេញ កាលពីថ្ងៃទី២៥ ខែកញ្ញា ឆ្នាំ២០២០ វេលាម៉ោង១៩និង០០នាទី ។
ជនសង្ស័យរួមមាន ៖ ១-ឈ្មោះប៉ែន ចាន់ណា ភេទប្រុស អាយុ២៣ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ៥E3 ផ្លូវលេខ១៣០ សង្កាត់ផ្សារចាស់ ខណ្ឌដូនពេញ រាជធានីភ្នំពេញ (ឃាត់ខ្លួនថ្ងៃទី២៩ ខែកញ្ញា ឆ្នាំ២០២០ វេលាម៉ោង១៣និង០០នាទី នៅចំណុចផ្លូវលេខ១៣០ សង្កាត់ផ្សារចាស់ ខណ្ឌដូនពេញ រាជធានីភ្នំពេញ ។ ២-ឈ្មោះ ជឹម សំភព ភេទ ប្រុស អាយុ ១៨ ឆ្នាំជនជាតិ ខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ (ឃាត់ខ្លួនថ្ងៃទី២៩ ខែកញ្ញា ឆ្នាំ២០២០ វេលាម៉ោងប្រហែល១៦ និង០០ នាទី នៅចំណុចផ្លូវលេខ១១០ សង្កាត់ផ្សារកណ្តាល១ ខណ្ឌដូនពេញ រាជធានីភ្នំពេញ
ម្ចាស់ម៉ូតូមានឈ្មោះ ផាត បញ្ញារិទ្ធ ភេទប្រុស អាយុ២១ឆ្នាំជនជាតិខ្មែរ ស្នាក់នៅផ្ទះលេខ ២១៨ ផ្លូវលេខ៥ ភូមិពោធិមង្គល សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ មុខរបរ និស្សិត ។ សម្ភារៈបាត់បង់ ម៉ូតូម៉ាកហុងដា ZOOMERX ពណ៌ ទឹកប្រាក់ សេរីឆ្នាំ ២០១៦ លេខតួ ៥០២១០៩៣ លេខម៉ាស៊ីន០០២១០៩៣ ពាក់ស្លាកលេខ ភ្នំពេញ1FQ-1721 ។
បច្ចុប្បន្ន ជនសង្ស័យខាងលើ កម្លាំងការិយាល័យជំនាញបានកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ៕
