Month: July 2020

ភ្នំពេញ​៖ ពាក់ព័ន្ធ​នឹង​ការបង្ក្រាប​បទល្មើស​ព្រៃឈើ ត្រូវបាន​សម្តេច​ពិជ័យ​សេនា ទៀ បាញ់ បាន​បញ្ជាក់ថា គឺ​នៅមាន​មួយចំនួនទៀត ដែល​ចូលទៅ​កាប់​យ៉ាង​ស្ងាត់ស្ងៀម ដែល​ប្រើប្រាស់​នូវ​ឧបករណ៍​ទំនើប ដែល​គេច​ពី​សមត្ថកិច្ច ហើយ​សម្តេច​ថ្លែងថា នាយ​ឧ​ត្ត​ម​សេនីយ៍ សៅ សុខា ជា​អ្នកដឹកនាំ​បង្ក្រាប​បទល្មើស​ព្រៃឈើ មានការ​លេចធ្លោ​ខ្លាំងក្លា​ណាស់ ដែល​តាមរយៈ​បង្ក្រាប​ធ្វើឱ្យ​មានការ​ធូរស្បើយ នៅ​ទូទាំងប្រទេស ទាំង​ការកាប់​ព្រៃឈើ មានការ​ដ៏​គគ្រឹកគគ្រេង​ពីមុន ឥឡូវ​ត្រូវបាន​ធូរស្បើយ ប៉ុន្តែ​ក៏​នៅ​មិនទាន់​អស់​ដែរ​។​ ​សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ បាន​អញ្ជើញ​ជា​អធិបតី​ខួប​លើក​ទី​២៧ ថ្ងៃកំណើត​កងរាជអាវុធហត្ថ (១៤ កក្កដា ១៩៩៣/ ១៤ កក្កដា ២០២០) នា​ព្រឹក​ថ្ងៃទី​១៤ ខែកក្កដា ឆ្នាំ​២០២០ នៅ​វិទ្យាស្ថាន​កងរាជអាវុធហត្ថ​កំពូល ។ ​សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ បានផ្តល់​បទសម្ភាសន៍ ដល់​អ្នកសារព័ត៌មាន អំពី​ការការពារ​ទប់ស្កាត់​ប​ទ​ល្មើស​ព្រៃឈើ​នៅ​កម្ពុជា​។ សម្តេច​ពិជ័យ​សេនា បាន​មានប្រសាសន៍ថា ដោយសារ​មាន​ទំនុកចិត្ត​ព​រាជរដ្ឋាភិបាល បានប្រគល់​ភារកិច្ច​ជូន​ឯកឧត្តម នាយ​ឧ​ត្ត​ម​សេនីយ៍ សៅ សុខា […]

ភ្នំពេញ ៖ ទីតាំងអាជីវកម្មខារ៉ាអូខេ ចំនួន០២កន្លែង ស្ថិតនៅផ្លូវ៤៨៨ សង្កាត់ផ្សារដើមថ្កូវ ខណ្ឌចម្ការមន លួចបើកផ្គើមទៅនិងបំរាមរបស់អាជ្ញាធរក្រុង ដែលអនុញាតិឲ្យកែប្រែពីក្លឹបកំសាន្ត-ខារ៉ាអូខេ ទៅជាភោជ្ជនីយដ្ឋាន ត្រូវបានអាជ្ញាធរដឹកនាំដោយលោក ថេង សុថុល អភិបាល នៃគណៈអភិបាលខណ្ឌចំកាមន ចុះត្រួតពិនិត្យរកឃើញ​ កាលពីយប់ថ្ងៃច័ន្ទ ទី១៣ ខែកក្កដា ឆ្នាំ២០២០។ មន្ត្រីអាជ្ញាធរបានឲ្យដឹងថា ក្រោយពីទទួលបានព័ត៌មានពីការបើកអាជីវកម្មខារ៉ាអូខេឡើងវិញ គណៈបញ្ជាការឯកភាពខណ្ឌចំកាមន ដឹកនាំដោយលោក ថេង សុថុល អភិបាលខណ្ឌចំកាមន បានចុះត្រួតពិនិត្យទីតាំងអាជីវកម្មខារ៉ាអូខេ ចំនួន០២កន្លែង ស្ថិតនៅផ្លូវ៤៨៨ សង្កាត់ផ្សារដើមថ្កូវ ខណ្ឌចម្ការមន រាជធានីភ្នំពេញ។ ក្រោយពីក្រុមការងារពិនិត្យរួចមកឃើញថា ទីតាំងអាជីវកម្មខាងលើ នៅបើកដំណើរការខារ៉ាអូខេជាធម្មតា។ ដូចនេះ ក្រុមការងារបានណែនាំឲ្យម្ចាស់អាជីវកម្មផ្អាកអាជីវកម្មជាបណ្ដោះអាសន្ន ដោយឲ្យប្រែក្លាយទីតាំងខាងលើនេះ ទៅជាភោជនីយដ្ឋានវិញ ប៉ុន្តែត្រូវមានលិខិតអនុញ្ញាតពីរដ្ឋបាលរាជធានីភ្នំពេញ។ ហើយប្រសិនបើនៅតែផ្គើនលួចបើកបន្តទៀតអាជ្ញាធរ និងបិទទីតាំងទាំងនោះចោលតែម្តង។ សូមបញ្ជាក់ថា កាលពីពេលថ្មីកន្លងមកនេះ រដ្ឋបាលរាជធានីភ្នំពេញ សូមជម្រាបជូនដំណឹងដល់ម្ចាស់អាជីវកម្ម ក្លឹបកម្សាន្ត និងខារ៉ាអូខេទាំងអស់ នៅរាជធានីភ្នំពេញ ឲ្យបានជ្រាបថា ដើម្បីចូលរួមសកម្មភាពសេដ្ឋកិច្ច និងផ្ដល់ការងារឡើងវិញ រដ្ឋបាលរាជធានីភ្នំពេញ អនុញ្ញាតឲ្យម្ចាស់អាជីវកម្មក្លឹបកម្សាន្ត និងខារ៉ាអូខេទាំងអស់ […]

ភ្នំពេញ​ ៖ មន្ត្រីនគរបាលពាក់ស័ក្ដិ៤កន្លះម្នាក់ បើករថយន្តទំនើបក្នុងល្បឿនលឿន ជ្រុលទៅបុកជញ្ជាំងឃ្លាំងមួយកន្លែង ពេញទំហឹង បណ្ដាលឲ្យបាក់.កស្លាប់ភ្លាមៗ កាលពីវេលាម៉ោង១៖១០នាទីរំលងអធ្រាត្រ ឈានចូលថ្ងៃទី១៤ ខែកក្កដា ឆ្នាំ២០២០ តាមបណ្តោយផ្លូវបេតុងលេខ១៨០០ ត្រង់ចំណុចក្បែរប៉ុស្តិ៍ទួលសង្កែ២ សង្កាត់ទួលសង្កែ២ ខណ្ឌឬស្សីកែវ។ សមត្ថកិច្ចបានឱ្យដឹងថា ជនរងគ្រោះឈ្មោះ ពក ភិរម្យ ភេទប្រុស អាយុ៣៦ឆ្នាំ មុខរបរ មន្ត្រីប៉ូលិស ពាក់ស័ក្ដិ៤កន្លះ បម្រើការងារនៅក្រសួងមហាផ្ទៃ ស្នាក់នៅម្តុំឈូកវ៉ា សង្កាត់គោកឃ្លៀង ខណ្ឌសែនសុខ នៅមុនពេលកើតហេតុ ជនរងគ្រោះខាងលើ បើករថយន្តមួយគ្រឿង ម៉ាក ISUZU MU-X ពណ៌ស ពាក់ស្លាកលេខ ភ្នំពេញ 2AY-2722 ធ្វើដំណើរពីលិចទៅកើត តាមបណ្តោយផ្លូវបេតុង១៨០០ ក្នុងល្បឿនលឿន។ លុះមកដល់ចំណុចកើតហេតុ ដោយសារស្ថានភាពផ្លូវរាងកាងផងនោះ ទើបបួងចង្កូតមិនទាន់ ក៏ជ្រុលជ្រុលទៅបុកផ្ទប់នឹងជញ្ជាំងឃ្លាំងមួយកន្លែង បណ្តាលឲ្យខ្ទាច៥ម៉ែត្រ អ្នកបើកបរបាក់.កស្លាប់ភ្លាមៗ នៅក្នុងរថយន្តតែម្ដង។ ចំណែករថយន្តរងការខូចខាតខ្ទេចអស់មួយជំហៀងខាងមុខ ផ្នែកខាងឆ្វេងរថយន្ត។ ក្រោយពេលកើតហេតុ សមត្ថកិច្ចជំនាញបានចុះមកដល់ធ្វើការវាស់វែង រីឯសពប្រគល់ឲ្យក្រុមគ្រួសារ ដឹកយកទៅតម្កល់នៅឯវត្តពោធិ៍ចិតតុង ដើម្បីធ្វើបុណ្យតាមប្រពៃណី៕ដោយ%ទូច រ៉ាវុធ

​ភ្នំពេញ​៖ ឃាតករ​ដែល​សម្លាប់​ប្រពន្ធ​ខ្លួនឯង ហើយ​យក​ពូថៅ​ញាត់​ចូលទៅក្នុង​មាត់​ប្រពន្ធ​នោះ រួច​រត់​គេចខ្លួនបាត់​រយៈពេល​២​ថ្ងៃ ត្រូវបាន​សមត្ថកិច្ច​ខ​ណ្ឌ​មានជ័យ ឃាត់ខ្លួន​ហើយ​នៅ​ថ្ងៃទី​១៣ ខែកក្កដា ឆ្នាំ​២០២០​នេះ ។​ ​អំពើ​ឃាតកម្ម​ដ៏​ព្រៃផ្សៃ​នេះ កើតឡើង​នៅវេលា​ម៉ោង ៧ យប់ ថ្ងៃ​សៅរ៍ ថ្ងៃទី​១១ ខែកក្កដា ឆ្នាំ​២០២០ នៅតាម​បណ្តោយ​ផ្លូវ​បេតុង​ស្តិ​ត​នៅត្រង់ចំណុច​ក្នុង​ខ្ទម​សង់​លេ​ី​ដី​ឡូ​មួយកន្លែង នៅ​ភូមិ​ទ្រា សង្កាត់​ស្ទឹងមានជ័យ​ទី​១ ខណ្ឌមានជ័យ រាជធានី​ភ្នំពេញ ។​ ​សព​ស្ត្រី​រងគ្រោះ​ខាងលើ​មិនទាន់​ស្គាល់​អត្តសញ្ញាណ ដោយមាន​វ័យ​ប្រហែល​៣០​ឆ្នាំ សព្វថ្ងៃ​ស្នាក់​ស្ត្រី​រងគ្រោះ​ស្នាក់​ក្នុង​ខ្ទម​ជាមួយនិង​ប្តី​នៅត្រង់ចំណុច​កើតហេតុ និង មានមុខ​របរ ជា​អ្នក​រើស​អេតចាយ​ជាមួយគ្នា ។​ ​បើ​យោងតាម​ប្រភពព័ត៌មាន​ពី​សមត្ថកិច្ច​មូលដ្ឋាន​បាន​ឲ្យ​ដឹងថា​មុនពេល​កើតហេតុ​មាន​ប្រជាពលរដ្ឋ​រាយការណ៍​ថា មាន​ស្ត្រី​ម្នាក់​បាន​ដេកស្លាប់​ក្នុង​ខ្ទម តែ​មិនដឹងថា​ជា​ករណី​អ្វី​ពិតប្រាកដ ទើប​សមត្ថកិច្ច​មូលដ្ឋាន​ចុះ​ពិនិត្យ​មើលឃើញ​មាន​ដង​ពូថៅ​នៅក្នុង​មាត់​ជនរងគ្រោះ និង​មាន​ស្នាម​ឈាម​តិចតួច​ផងដែរ ទើប​រាយការណ៍​ប្រាប់​បន្ត​ដល់​សមត្ថកិច្ច​ជំនាញ​កោសល្យវិច័យ​ខណ្ឌ សហការ​ជាមួយ​សមត្ថកិច្ច​ជំនាញ​កោសល្យវិច័យ​ក្រុង រួមទាំង​គ្រូពេទ្យ​ជំនាញ​ចុះមក​ពិនិត្យ ទៅលើ​ស្ត្រី​ដែល​ស្លាប់ ហ​ហើយ​ក្នុង​ហេតុការណ៍​ខាងលើ​នេះដែរ មិនឃើញ​បុរស​ត្រូវជា​ប្ដី នៅ​កន្លែងកើតហេតុ​នោះទេ ហើយ​ជនរងគ្រោះ​ក៏​គ្មាន​សាច់ញាតិ​ផងដែរ ។​ ​បន្ទាប់ពី​មន្ត្រី​ជំនាញ​កោសល្យវិច័យ​បាន​ពិនិត្យ​ទៅលើ​សព​ជនរងគ្រោះ​ជាង​២​ម៉ោង ទើប​បញ្ជាក់​ឲ្យ​ដឹងថា ជនរងគ្រោះ​ត្រូវបាន​ឃាតករ យក​ដង​ពូថៅ​ញាត់​មាត់ បណ្ដាល​ឲ្យ​ស្លាប់ និង​ដាក់​ការសង្ស័យ​ជំហាន​ដំបូង គឺជា​ប្ដី​របស់​ជនរងគ្រោះ​តែម្ដង ៕​ដោយ​៖​ទូច រ៉ាវុធ

ភ្នំពេញ៖ លោកវរសេនីយ៍ឯក ហួរ ម៉េងវ៉ាង អធិការខណ្ឌសែនសុខបានបញ្ជាក់ប្រាប់ នៅព្រឹកថ្ងៃទី៩ ខែកក្កដា ឆ្នាំ២០២០នេះថា   ចំពោះការឃាត់ខ្លួន លោក គង់ ខេមរា ចៅក្រម អមសាលាដំបូង ខេត្តកោះកុង បញ្ជូនទៅអយ្យការ អមសាលាដំបូងរាជធានីភ្នំពេញ ដោយសារលោកបានបេីករថយន្តដេញចោរស្រីម្នាក់ដែលជិះម៉ូតូមួយគ្រឿងហេីយឆក់កាបូបលុយរបស់លោកនៅចំណុច ខាងត្បូងហាងបាយសុខហុក តាមបណ្តោយ ផ្លូវភ្នំពេញហាណូយក្នុងភូមិរោងចក្រ សង្កាត់គោកឃ្លាង ខណ្ឌសែនសុខ រាជធានីភ្នំពេញ ក៏ជ្រុលលឿនបុក បណ្តាលអោយចោរស្រីរូបនោះដួលបោកក្បាលស្លាប់ភ្លាមៗនៅកន្លែងកេីតហេតុ តែម្តង។ សូមជម្រាបថាលោក គង់ ខេមរា គឺជាជនរងគ្រោះដែលត្រូវចោរឆក់ កាបូបលុយ កាលពីរសៀលថ្ងៃទី៨ ខែកក្កដា ឆ្នាំ២០២០ នៅខណ្ឌសែនសុខ បន្ទាប់មកលោកក៏បេីកឡានដេញតាមចោរឆក់ និងបានបុកចោរ អោយដួលបណ្ដាលអោយចោរឆក់នោះស្លាប់   ។ គួររំលឹកថា នារីជាជនជាតិចិនត្រូវចោរធ្វើសកម្មភាពឆក់ទូរស័ព្ទរបស់ខ្លួន ហើយ ត្រូវបាននាងបើករថយន្តដេញបុកផ្ទប់នឹងជញ្ចាំងផ្ទះ គេបណ្តាលឲ្យរងរបួសធ្ងន់ម្នាក់ និងស្លាប់ម្នាក់ ជាជនសង្ស័យឆក់ទូរស័ព្ទដៃកាលពីថ្ងៃទី១២ ខែសីហា ឆ្នាំ២០១៨ វេលា ម៉ោង២៤៖១០នាទី នៅចំណុចផ្លូវលេខ១២៣ កែងផ្លូវលេខ៤៥៦ មុខផ្ទះលេខ៥៤ ក្រុម២២ […]

ភ្នំពេញ ៖ តាមការសន្យារបស់រាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណចក្រកម្ពុជា បានណែនាំដល់មន្រ្តីពាក់ព័ន្ធ ត្រូវរៀបចំថ្ងៃឈប់សម្រាក សម្រាប់ពិធីបុណ្យចូលឆ្នាំខ្មែរ ប្រពៃណីជាតិ ដែលអាចធ្វើឡើងនៅចុងខែកក្កដានេះ ឬនៅដើមខែសីហា ដោយមានរយៈពេល៥ថ្ងៃ ។សម្ដេចតេជោមានប្រសាសន៍ថា ដោយសារបញ្ហាជំងឺកូវីដ១៩ បានវាយលុកពាសពេញសកលលោក រួមនឹងប្រទេសយើងផងដែរទើបរាជរដ្ឋាភិបាលសម្រេច លើកពេលថ្ងៃឈប់សម្រាក បុណ្យចូលឆ្នាំខ្មែរ ប្រពៃណីជាតិ ដើម្បីបញ្ជៀសនូវការជួបជុំ ដែលអាចបង្កឆ្លងរីករាលដាល នូវជំងឺកូវីដ១៩ មកដល់ប្រជាពលរដ្ឋ ។ រហូតមក ទល់ពេល គឺជាពេលសមល្មម ដែលត្រូវសងតាមការសន្យាជូនចំពោះប្រជាជនទូទាំងប្រទេស ជាពិសេមន្រ្តីរាជការ និងកម្មករតាមរោងចក្រនានាផងដែរ ដើម្បីបានឈប់សម្រាក ។សូមជម្រាបថា ពិធីបុណ្យចូលឆ្នាំខ្មែរ ប្រពៃណីជាតិ នៅឆ្នាំ២០២០នេះ បានកំណត់តាមប្រតិទិន នៅថ្ងៃ១៣រហូតដល់ថ្ងៃទី១៦ខែមេសា ប៉ុន្តែដោយសារការបង្កា ការពារ ទប់ស្កាត់ ជំងឺកូវីដ១៩ ទើបប្រមុខរាជរដ្ឋាភិបាល ប្រកាសលើកពេលមិនឱ្យមានការឈប់សម្រាក ប៉ុន្តែអាចប្រារព្ធពិធី ចូលឆ្នាំនៅគេហដ្ឋានរៀងៗខ្លួនបាន ដោយសន្យាសងថ្ងៃឈប់សម្រាក រយៈពេល៥ថ្ងៃ ជូនវិញ ។ជាមួយគ្នានេះ សម្ដេចតេជោនាយករដ្ឋមន្រ្តី ក៏បានណែនាំឱ្យកំណត់ថ្ងៃ ឱ្យចំថ្ងៃភ្ជាប់ជាមួយសៅរ៍និងអាទិត្យ  ពោលគឺ ឈប់ចាប់ពីថ្ងៃចន្ទ ដល់សុក្រ រួចសៅរ៍និងអាទិត្យ ដែលអាចមន្រ្តីរាជការ ឈប់សម្រាកបានពេញ១សប្តាហ៍តែម្ដង ៕ ដោយ ៖ រតនា