ព័ត៌មានជាតិ

រដ្ឋបាលខេត្តកំពង់ធំ ប្រកាសផ្អាកចរាចរណ៍សម្រាប់រថយន្តដឹកទំនិញធុនធំគ្រប់ប្រភេទ នៅលើកំណាត់ផ្លូវខេត្ត និងផ្លូវជាតិចំនួន៦ខ្សែ ដោយសារជំនន់ទឹកភ្លៀងវាយលុក

កំពង់ធំ ៖ រដ្ឋបាលខេត្តកំពង់ធំ បានសម្រេចផ្អាកការធ្វើចរាចរណ៍រថយន្តដឹកទំនិញធុនធំគ្រប់ប្រភេទ នៅលើកំណាត់ផ្លូវខេត្តលេខ២៦៥បេ, ២៧១៨, ២៦២០, ២៦៤ដេ, ២៦៤៥១ និងផ្លូវជាតិលេខ ៥០សេជាបណ្តោះអាសន្ន ចាប់ពីថ្ងៃជូនដំណឹងនេះតទៅ រហូតដល់មានការជូនដំណឹងជាថ្មី ក្នុងគោលបំណង ដើម្បីចូលរួមថែរក្សា ផ្លូវ ស្ពាន និងធានាដល់សុវត្ថិភាពបងប្អូនប្រជាពលរដ្ឋ ក្នុងការធ្វើចរាចរផងដែរ។ តាមសេចក្ដីជូនដំណឹងនៅថ្ងៃទី១៦ ខែតុលា ឆ្នាំ២០២០នេះ បានបញ្ជាក់ថា ការផ្អាកធ្វើការចរាចរណ៍ រថយន្តដឹកទំនិញធុនធំគ្រប់ប្រភេទនេះ ដោយសារស្ថានភាព គ្រោះទឹកជំនន់ទឹកភ្លៀង បាននឹងកំពុងជន់ឡើងយ៉ាងខ្លាំង បណ្តាលឲ្យទឹកលិចកំណាត់ផ្លូវខេត្ត និងផ្លូវជាតិមួយចំនួន នៅក្នុងភូមិសាស្ត្រខេត្តកំពង់ធំ។ ក្នុងស្ថានភាពបែបនេះ ធ្វើឲ្យផ្លូវស្ពាន មិនអាចទ្រាំទ្រនឹងទម្ងន់រថយន្តដឹកជញ្ជូនធុនធំបាននោះទេ។ ជាមួយគ្នានេះ រដ្ឋបាលខេត្ដកំពង់ធំ នៅថ្ងៃទី១៦ ខែតុលា ឆ្នាំ២០២០នេះ ក៏បានចេញសេចក្តីជូនដំណឹង ស្តីពីការត្រៀមបង្ការគ្រោះមហន្តរាយទឹកជំនន់ ក្នុងខេត្តផងដែរ។ ក្នុងសេចក្ដីជូនដំណឹង បានឲ្យដឹងថា យោងតាម សេចក្តីជូនដំណឹងចុះថ្ងៃទី១៥ ខែតុលា ឆ្នាំ២០២០ របស់ក្រសួងធនធានទឹក និងឧតុនិយម ប្រទេសកម្ពុជានឹងបន្តទទួលរងនូវ វិសម្ពាធ និងសម្ពាធទាប ដែលជាឥទ្ធិពលនៃព្យុះទី១៧ ឈ្មោះសូដែល។ ស្ថានភាពបែបនេះ […]

ព័ត៌មានជាតិ

មនុស្ស៥នាក់ស្លាប់ ដោយសារលង់ទឹក ឆក់ខ្សែភ្លើងស្លាប់ម្នាក់ និងរន្ទះបាញ់ងាប់គោ១ក្បាល នៅក្នុងខេត្តបន្ទាយមានជ័យ

បន្ទាយមានជ័យ ៖ យ៉ាងហោចណាស់ ក៏មានមនុស្សក្មេងចាស់ ស្លាប់ចំនួន៦នាក់ ក្នុងនោះមនុស្សក្មេងចាស់៥នាក់ស្លាប់ ដោយសារលង់ទឹក។ ដោយឡែកម្នាក់ទៀតស្លាប់ដោយឆក់ខ្សែភ្លើង និងសត្វគោ១ក្បាល ស្លាប់ដោយសាររន្ទះបាញ់ នៅខេត្តបន្ទាយមានជ័យថ្ងៃទី១៥ ខែតុលា ឆ្នាំ២០២០។ តាមរបាយការណ៍របស់ស្នងការដ្ឋាន​ នគរបាលខេត្តបន្ទាយមានជ័យ បានឲ្យដឹងថា * ករណីទី១៖ នៅវេលាម៉ោង១២ថ្ងៃត្រង់ ថ្ងៃទី១៥ខែតុលាឆ្នាំ២០២០ មានឈ្មោះ ម៉ន វួន ភេទប្រុសអាយុ៤៥ឆ្នាំ ជាមនុស្សសតិមិនប្រក្រតី នៅភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ បានផឹកស្រាស្រវឹងចុះងូតទឹកកំពុងឡើងជន់ បណ្តាលឲ្យលង់ស្លាប់។ * ករណីទី២៖ នៅវេលាម៉ោង១២៖១០នាទីថ្ងៃត្រង់ ក្មេងប្រុសឈ្មោះ ឈៀ មង្គល អាយុ៦ឆ្នាំ នៅភូមិភូមិព្រះស្រែ ឃុំតាឡំ ស្រុកមង្គលបូរី បានលង់ទឹកស្លាប់ ពេលដែលក្មេងរងគ្រោះ ទៅលេងទឹកហូរ។ * ករណីទី៣៖ នៅវេលាម៉ោង១២៖ ៣០នាទីថ្ងៃត្រង់ ថ្ងៃទី១៥ ខែតុលា មាន២នាក់ម្តាយនិងកូន បានលង់ទឹកស្លាប់នៅចំណុចអាងគ្រុឌ។ ដំបូងមានឈ្មោះ សន ស្រីអឿង ភេទស្រីអាយុ១៦ឆ្នាំ នៅភូមិព្រៃវែង […]

ព័ត៌មានជាតិ

អភិបាលរាជធានីភ្នំពេញ៖ ពលរដ្ឋរងគ្រោះដោយទឹកជំនន់ ជាង៥,០០០គ្រួសារ ត្រូវជម្លៀសមកទីទួលសុវត្ថិភាព

ភ្នំពេញ​ ៖ លោក ឃួង ស្រេង អភិបាលរាជធានីភ្នំពេញ ដែលឈរជើងជាប់ជាប្រចាំនៅតំបន់រងគ្រោះដោយទឹកជំនន់ក្នុងខណ្ឌដង្កោ នៅព្រឹកថ្ងៃទី១៦ ខែតុលា ឆ្នាំ២០២០នេះ បានអះអាងថា រហូតមកដល់ពេលនេះ ប្រជាពលរដ្ឋជាង៥,០០០គ្រួសារហើយ ត្រូវបានជម្លៀសមកទីទួលសុវត្ថិភាព ជាមួយការមើលថែទាំយ៉ាងយកចិត្តទុកដាក់ពីកម្លាំងអាជ្ញាធរ និងសមត្ថកិច្ចពាក់ព័ន្ធទាំងអស់។ ក្នុងបទសម្ភាសន៍ជាមួយអ្នកសារព័ត៌មាននៅកន្លែងជួយសង្គ្រោះ លោក ឃួង ស្រេង បានបញ្ជាក់ថា ផែនការទី១ នៃការសង្គ្រោះប្រជាពលរដ្ឋកម្លាំងអាជ្ញាធរ និងសមត្ថកិច្ច បានរួមដៃគ្នាអនុវត្តទទួលបានជោគជ័យ និងគ្រប់គ្រងបានគ្រប់ស្ថានការណ៍ទាំងអស់។ ពលរដ្ឋដែលត្រូវជម្លៀសមកកន្លែងមានសុវត្ថិភាពនេះ រួមមាន នៅខណ្ឌកំបូល, ពោធិ៍សែនជ័យ និងខណ្ឌដង្កោ ដែលរងគ្រោះច្រើនជាងគេ។ បើតាមលោក ឃួង ស្រេង ទីតាំងដែលរដ្ឋបាលរាជធានីភ្នំពេញ ដាក់ឲ្យប្រជាពលរដ្ឋស្នាក់នៅបណ្តោះអាសន្ន មាន៥ទីតាំង ក្នុងនោះរួមមាន ទីតាំងសាក់សំពៅ គងនយ រលួស នៅក្នុងបុរីពិភពថ្មីគួរស្រូវ២ និងទីតាំងមុខផ្សារព្រែកជ្រៃ។ លោកសង្កត់ធ្ងន់ថា មិនត្រឹមតែសង្គ្រោះប្រជាពលរដ្ឋ មកលើទីទួលសុវត្ថិភាពទេ អាជ្ញាធរថែមទាំងបានរៀបចំផ្តល់អាហារជូនពួកគាត់ផងដែរ ប្រកបដោយការទទួលសុខត្រូវ និងអនុវត្តន៍តាមអនុសាសន៍ដ៏ខ្ពង់ខ្ពស់របស់សម្តេចតជោ ហ៊ុន សែន នាយករដ្ឋមន្ដ្រីនៃកម្ពុជា ក្នុងការផ្គត់ផ្គង់ម្ហូបអាហរដល់កម្លាំងគ្រប់ប្រភេទថែមទៀត។ លោក ឃួង […]

ព័ត៌មានជាតិ

រដ្ឋបាលខេត្តពោធិ៍សាត់ ទទួលអំណោយជាអង្ករពីសប្បុរសជន ដើម្បីជួយដល់ប្រជាពលរដ្ឋរងគ្រោះដោយទឹកជំនន់

Oct 16, 2020  ចែករំលែក ពោធិ៍សាត់ ៖ លោកឧកញ៉ា ប៊ុន រតនា(សេម) និងលោកជំទាវ ខៀវ យឺនពុទ្ធារ័ត្ន (លីឈី) អគ្គនាយក Amazing Family Trading Co,.Ltd និងឃ្លាំងទិញលក់រថយន្ត អេសអូតូ ខេមបូឌា នាថ្ងៃទី១៥ ខែតុលា ឆ្នាំ២០២០ បាននាំយកអំណោយ ជាអង្ករចំនួន១០តោន ជូនរដ្ឋបាលខេត្តពោធិ៍សាត់ ដើម្បីចែកជូនដល់ប្រជាពលរដ្ឋរងគ្រោះ ដោយជំនន់ទឹកភ្លៀង។ លោកឧកញ៉ា ប៊ុន រតនា បានឱ្យដឹងថា អង្ករទាំង១០តោន បានទិញពីរោងម៉ាស៊ីនផ្ទាល់ រួចច្រកចូលក្នុងការុងតូចៗ ដោយក្នុងមួយការុងមានទម្ងន់ ២៥គីឡូក្រាម ដើម្បីងាយស្រួល ក្នុងការយកទៅចែកជូនដល់ជនងាយរងគ្រោះ និងជនរងគ្រោះដោយប្រការផ្សេងៗ។ ជាក់ស្តែងថ្ងៃនេះ ដោយមើលឃើញពីតម្រូវការដ៏ចាំបាច់ របស់រដ្ឋបាលសាលាខេត្ត ក្នុងការបម្រើសេវាមនុស្សធម៌ ពិសេសជួយដល់ប្រជាពលរដ្ឋរងគ្រោះទឹកជំនន់ លោកឧកញ៉ាក៏បានឆ្លើយតប និងប្រគល់ជូនរដ្ឋបាលខេត្តភ្លាមៗតែម្តង។ ឯកឧត្តម ម៉ៅ ធនិន បានថ្លែងអំណរព្រះគុណយ៉ាងជ្រាលជ្រៅ ជូនចំពោះលោកឧកញ៉ា ប៊ុន រតនា(សេម) […]

ព័ត៌មានជាតិ

អាជ្ញាធររាជធានីភ្នំពេញ សម្រេចបិទចរាចរណ៍ផ្លូវជាតិលេខ៤ តាំងពីចំណុចផ្សារបែកចាន រហូតដល់ចំណុចអូឌឹម ដោយសារទឹកហូរកាត់ផ្លូវខ្លាំងពេក (ភ្នំពេញ)៖ លោក ឃឹម ស៊ុនសូដា អភិបាលខណ្ឌកំបូល បានថ្លែងប្រាប់ឲ្យដឹងនៅមុននេះបន្ដិចថា៖ នាល្ងាចថ្ងៃទី១៥ ខែតុលានេះ ដោយសារស្ថានភាពទឹក នៅបន្ដហូរកាត់ផ្លូវជាតិលេខ៤កាន់តែខ្លាំង លោកអភិបាលរាជធានីភ្នំពេញ បានសម្រេចឲ្យបិទចរាចរណ៍ជាបណ្ដោះអាសន្ន តំាំងពីផ្សារបែកចាន ដល់ចំណុចអូឌឹម។បើតាមសេចក្ដីរាយការណ៍ ប្រមាណជាង១សប្ដាហ៍ហើយ ស្ថានភាពទឹកដែលជន់លិចផ្លូវនៅតំបន់អូឌឹម មិនទាន់ស្រកចុះនៅឡើយទេ ពោលនៅមានសភាពជន់លិចខ្លាំងដដែល ដោយរថយន្ដទាបៗ ឬម៉ូតូពេលខ្លះធ្វើដំណើរឆ្លងកាត់មិនបានឡើយ។ ការជន់លិចផ្លូវនេះ គឺបណ្ដាលមកពីភ្លៀងធ្លាក់ខ្លាំងជាប់ៗគ្នាប៉ុន្មានថ្ងៃ។ជាមួយគ្នានេះ លោក ឃឹម ស៊ុនសូដា បានបញ្ជាក់ថា រហូតមកដល់ពេលនេះ ទឹកបន្ដជន់លិចខ្លាំងនៅផ្លូវជាតិលេខ៤ ចំណុចអូឌឹម រហូតជិតដល់មុខតំបន់សេដ្ឋកិច្ចពិសេស ហើយសម្រាប់បងប្អូនដែលគ្រោងធ្វើដំណើរតាមផ្លូវជាតិលេខ៤ ចេញ ឬចូលភ្នំពេញ សូមវៀងតាមផ្លូវផ្សេងដែលធ្វើដំណើរបាន៕ដោយ% ទូច រ៉ាវុធ

ព័ត៌មានជាតិ

អ្នកឧកញ៉ា គិត ម៉េង បើកអោយប្រើទូរស័ព្ទម៉ាសេរី ឥតគិតថ្លៃសម្រាប់ ១៧ ខេត្តដែលរងគ្រោះ

October 15,2020  អ្នកឧកញ៉ា គិត ម៉េង បើកអោយប្រើទូរស័ព្ទម៉ាសេរី ឥតគិតថ្លៃសម្រាប់ ១៧ ខេត្តដែលរងគ្រោះ យោងតាមការចេញផ្សាយរបស់ផេកផ្លូវការផ្ទាល់របស់ Cellcard បានអោយដឹងថាដើម្បីឆ្លើយតបទៅនឹងស្ថានភាពគ្រោះធម្មជាតិទឹកជំនន់ អតិថិជនសែលកាតទាំងអស់ ដែលរស់នៅតំបន់រងគ្រោះ នឹងទទួលបាន អ៊ីនធើណិត 500MB និងការតេចេញក្នុងប្រព័ន្ធឥតគិតថ្លៃ ជារៀងរាល់សប្តាហ៍ ក្នុងអំឡុងពេលមួយខែពេញ ដើម្បីបន្តរក្សាទំនាក់ទំនងជាមួយក្រុមគ្រួសារបងប្អូនក្នុងគ្រាអាសន្ន ។ ដោយនៅក្នុងនោះទាំងអស់គ្នាងាចតេទៅលេខ 1270 ចាប់ពីម៉ោង 12 យប់ ថ្ងៃទី 13 តុលា ដើម្បីទទួលយកការផ្ដល់ជូននេះ គួរបញ្ជាក់ថា​បងប្អូនអាចទទួលបានម្តង ក្នុងមួយសប្តាហ៍ សម្រាប់ 4 សប្ដាហ៍ ខេត្តដែលរងផលប៉ះពាល់មានចំនួន១៧ខេត្ត មានដូចជាៈ  ១. ខេត្តពោធិសាត់  ២. ខេត្តបន្ទាយមានជ័យ  ៣. ភ្នំពេញ  ៤. បាត់ដំបង ៥. ស្វាយរៀង  ៦. ឧត្តរមានជ័យ  ៧. សៀមរាប  ៨. តាកែវ  ៩. […]

ព័ត៌មានជាតិ

ឃាត់​ជនសង្ស័យ​ចំនួន​៣​នាក់ លួច​កាត់​ខ្សែភ្លើង​នៅ​ក្រុមហ៊ុន​ស៊ី​ណូ​ត្រេ​ត​ហ្វូ​ល​

​ព្រះសីហនុ​៖ ជនសង្ស័យ​ចំនួន​៣​នាក់ លួច​កាត់​ខ្សែភ្លើង នៅ​ចំណុច​ក្រុមហ៊ុន​ស៊ី​ណូ​ត្រេ​ត​ហ្វូ​ល​(​រោងចក្រ​ប្រេងកាត​) ត្រូវបាន​សមត្ថកិច្ច​ធ្វើការ​ឃាត់ខ្លួន​ជន​ដើម្បី​សាកសួរ និង​កសាង​សំណុំរឿង​តាម​នីតិវិធី​។​ ​នៅ​ថ្ងៃទី​១៥ ខែតុលា ឆ្នាំ​២០២០ វេលា​ម៉ោង​៦ និង​៣០​នាទី​ព្រឹក នៅ​ចំណុច​ក្រុមហ៊ុន​ស៊ី​ណូ​ត្រេ​ត​ហ្វូ​ល​(​រោងចក្រ​ប្រេងកាត​) ស្ថិតក្នុង​ភូមិ​ព្រែក​ទាល់ ឃុំ​ទឹកថ្លា ស្រុក​ព្រៃនប់ ខេត្ត​ព្រះសីហនុ មាន​ករណី​អំពើ​លួច​(​លួច​កាត់​ខ្សែភ្លើង​)​មួយ​កើតឡើង​បង្កដោយ​ជនសង្ស័យ​ចំនួន​៣​នាក់​រួមមាន​៖ ១.​ឈ្មោះ សាត និ​ត ភេទ​ប្រុស អាយុ​៥០​ឆ្នាំ មុខរបរ​ធ្វើស្រែ មាន​ទីលំនៅ​ភូមិ​កំពង់​ចិន ឃុំ​ទឹកថ្លា ស្រុក​ព្រៃនប់ ខេត្ត​ព្រះសីហនុ​។ ២.​ឈ្មោះ ឈឿន រតនា ហៅ​អាកា​ឌុ​ត ភេទ​ប្រុស អាយុ​២៧​ឆ្នាំ មុខរបរ​មិន​ពិតប្រាកដ មាន​ទីលំនៅ​ភូមិ​កំពង់​ចិន ឃុំ​ទឹកថ្លា ស្រុក​ព្រៃនប់ ខេត្ត​ព្រះសីហនុ​។ ៣.​ឈ្មោះ ខន ពន្លក ហៅ​ខ្លឹង ភេទ​ប្រុស អាយុ​២៧​ឆ្នាំ​មុខរបរ​មិន​ពិតប្រាកដ មាន​ទីលំនៅ​ភូមិ​កំពង់​ចិន ឃុំ​ទឹកថ្លា ស្រុក​ព្រៃនប់ ខេត្ត​ព្រះសីហនុ​។ ​ជនសង្ស័យ​បានធ្វើ​សកម្មភាព​ប្រើ​រណារ​លួច​អាកា​ត់​ខ្សែភ្លើង​របស់​ក្រុមហ៊ុន​សុ​ី​ណូ​ត្រេ​ត​ហ្វូ​ល (​រោងចក្រ​ប្រេងកាត​) ហើយ​ក្នុងពេល​កំពុង​ធ្វើ​សកម្មភាព ក៏​ត្រូវបាន​កម្លាំង​សមត្ថកិច្ច​នគរបាល​ស្រុក សហការ​ជាមួយ​សន្តិសុខ​ក្រុមហ៊ុន ធ្វើការ​ឃាត់ខ្លួន​បាន​ឈ្មោះ​សាត និ​ត […]

ព័ត៌មានជាតិ

ទឹកភ្លៀង​ហូរ​ច្រោះ​រអិល​បាក់​ដី​ធ្លាក់​រាយប៉ាយ នៅលើ​កំណាត់​មហាវិថី​ជំទាវ​ម៉ៅ

ព្រះសីហនុ ៖ ទឹកភ្លៀង​បាន​ហូរ​ច្រោះ​រអិល​បាក់​ដី​ធ្លាក់​រាយប៉ាយ​នៅលើ​កំណាត់​មហាវិថី​ជំទាវ​ម៉ៅ ខេត្ត​ព្រះសីហនុ បណ្តាល​ឲ្យ​ធ្លាក់​រាយប៉ាយ​នៅលើ​ផ្លូវ​ដូច្នេះ​ស្នើសុំ​បងប្អូន​ដែលមាន​បំណង​ធ្វើដំណើរ​ឆ្លងកាត់​មហាវិថី​ជំទាវ​ម៉ៅ សូម​មានការ​ប្រុងប្រយ័ត្ន និង​ត្រូវ​បើកបរ​នៅ​ខ្សែ​ផ្លូវ​ម្ខាង​ទៀត​នៃ​មហាវិថី​ដដែល ( កុំ​បើកបរ​នៅ​ផ្នែក​ជាប់​ជម្រាលភ្នំ ) ដើម្បី​បញ្ចៀស​ការកកស្ទះ​ចរាចរណ៍ និង​រក្សា​សុវត្ថិភាព​ក្នុងការ​ធ្វើដំណើរ​។​ ​រដ្ឋបាលខេត្ត​ព្រះសីហនុ សូម​ជម្រាបជូន​បងប្អូន​ប្រជាពលរដ្ឋ និង​សាធារណជន មេត្តា​ជ្រា​ជា​ព័ត៌មាន​ថា កំណាត់​មហាវិថី​ជំទាវ​ម៉ៅ ស្ថិតនៅ​ភូមិ​គគីរ ឃុំ​បិត​ត្រាង ស្រុក​ព្រៃនប់ ខេត្ត​ព្រះសីហនុ មាន​ករណី​រអិល​បាក់​ដី​ធ្លាក់​រាយប៉ាយ​នៅលើ​ផ្លូវ​បណ្តាលមកពី​ទឹកភ្លៀង​ហូរ​ច្រោះ ។ ​រដ្ឋបាលខេត្ត​ព្រះសីហនុ បាន​បន្ថែមទៀតថា ហើយ​ខណៈ​ពេលនេះ​ក្រុមការងារ​បច្ចេកទេស​កំ​ពុង​ធ្វើ​ការកាយ​សម្អាត​។ ដូច្នេះ​ស្នើសុំ​បងប្អូន​ដែលមាន​បំណង​ធ្វើដំណើរ​ឆ្លងកាត់​មហាវិថី​ជំទាវ​ម៉ៅ សូម​មានការ​ប្រុងប្រយ័ត្ន និង​ត្រូវ​បើកបរ​នៅ​ខ្សែ​ផ្លូវ​ម្ខាង​ទៀត​នៃ​មហាវិថី​ដដែល ( កុំ​បើកបរ​នៅ​ផ្នែក​ជាប់​ជម្រាលភ្នំ ) ដើម្បី​បញ្ចៀស​ការកកស្ទះ​ចរាចរណ៍ និង​រក្សា​សុវត្ថិភាព​ក្នុងការ​ធ្វើដំណើរ​៕​

ព័ត៌មានជាតិ

កម្លាំងចម្រុះរបស់អាជ្ញាធរនិងសមត្ថកិច្ចរាជធានីភ្នំពេញ នៅតែមមាញឹកចុះជួយពលរដ្ឋ

   ភ្នំពេញ៖ នៅព្រឹកថ្ងៃទី១៥ ខែតុលា ឆ្នាំ២០២០ កម្ពស់ទឹកស្ទឹងព្រែកត្នោត នៅតែបន្តឡើងខ្ពស់ និង ជនលិចដល់ សង្កាត់ជាច្រើនបន្ថែមទៀតក្នុងខណ្ឌដង្កោ រាជធានីភ្នំពេញ។ កម្លាំងចម្រុះក្នុងរាជធានីភ្នំពេញ រួមមាន អាជ្ញាធរ, កងរាជអាវុធហត្ថ, កងនគរបាល, កងអង្គរក្ស, កងពលតូចថ្មើរជើងលេខ៧០ នៅតែមមាញឹកគ្រប់ពេលវេលា ក្នុងការចេញប្រតិបត្តិការជួយសង្គ្រោះប្រជាពលរដ្ឋ ដែលកំពុងរងគ្រោះ ដោយទឹកជំនន់ គ្រប់គោលដៅ។   ក្នុងនោះដែរលោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានបញ្ជាដោយម៉ឹងម៉ាត់ដល់ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ និងជាប្រធាន ក្រុមការងាររាជរដ្ឋាភិបាល ចុះមូលដ្ឋាន ខណ្ឌដង្កោ ឲ្យដឹកនាំកម្លាំងចូលរួមសហការជាមួយកម្លាំង ចម្រុះគ្រប់ប្រភេទ ធ្វើយ៉ាងណាជួយប្រជាពលរដ្ឋឲ្យបានជាអតិបរិមា។ គិតតាំងពីម្សិលមិញ យប់មិញ រហូតដល់ពេលនេះ លោកឧត្តមសេនីយ៍ឯក រ័ត្ន ស៊្រាង បានអនុវត្តបទបញ្ជារបស់លោកនាយឧត្តមសេនីយ៍ សៅ សុខា ដោយដឹកនាំបញ្ជាកម្លាំងកងរាជអាវុធហត្ថរាជធានីភ្នំពេញដោយផ្ទាល់ និងមានការចូលរួមពីក្រុមអូប័ររបស់ កងរាជអាវុធហត្ថលើផ្ទៃប្រទេស ចុះតាមគោលដៅរងគ្រោះ សង្គ្រោះពលរដ្ឋយ៉ាងមមាញឹកបំផុត។ […]

ព័ត៌មានជាតិ

អាងទឹកវ៉ៃគោ រងសំពាធយ៉ាងខ្លាំង កម្ពស់ទឹក លើសពីកម្រិត ប្រកាសអាសន្ន នៅស្វាយរៀង

(ថ្ងៃទី 15 October 2020 ម៉ោង 8:10 am) ភ្នំពេញ៖ នៅថ្ងៃទី១៤ ខែតុលា ឆ្នាំ២០២០នេះ ភ្លៀងធ្លាក់ច្រើនជាបន្តបន្ទាប់ អស់រយៈពេល ជាង២សប្តាហ៍បានធ្វើឱ្យអាងទឹកមួយចំនួនក្នុងខេត្តស្វាយរៀង មានកម្ពស់ទឹកកម្រិតអតិបរមាខ្ពស់គួរឲ្យព្រួយបារម្ភ ប្រជាកសិករបានកំពុងធ្វើ ស្រូវវស្សាជុំវិញអាង ក៍ទទួលរងប៉ះពាល់លិចស្រូវ និងភូមិឋានរបស់ប្រជាពលរដ្ឋ ។ «បច្ចុប្បន្នអាងទឹកវ៉ៃគោ កំពុងរងសំពាធយ៉ាងខ្លាំង កម្ពស់ទឹកលើស ពីកម្រិតប្រកាសប្រុងប្រយ័ត្ន បានធ្វើអោយស្រូវវស្សា និងភូមិឋាន តាមបណ្តាយអាងទឹកនេះ មួយចំនួនបានលិច»។ ក្រសួងបន្តថា ទោះបីយ៉ាងណា តាមរយៈជំនួយបច្ចេកទេស និងសម្ភារៈមួយចំនួន នៃក្រសួងធនធានទឹកនិង ឧតុនិយម លោកអភិបាលខេត្តស្វាយរៀងបានដឹកនាំមន្ត្រីរាជការនៃមន្ទីរជំនាញនានា និងកងកម្លាំងប្រដាប់អាវុធគ្រប់ប្រភេទ ប្រមាណ៣០០នាក់ ចូលរួមធ្វើការទប់ ការពារជំនន់ទឹកភ្លៀង អាចហូរលើទំនប់រង បានប្រវែង២៥០ម៉ែត្រ និងកាយកំប្លោកដើម្បី សម្រួលផ្លូវទឹកហូរឲ្យលឿនជាងមុន នៅប៉ែកខាងក្រោមបង្ហៀរវ៉ៃគោ ទម្លាក់ចុះទៅព្រែកផ្នែកខាងក្រោម។ ជាមួយគ្នានេះដែរ ក៏បានចុះអន្តរាគមន៍ កាយកំប្លោក និងកញ្ឆែតដែលធ្វើឲ្យ ស្ទះទ្វារទឹកតាហោ អាងទឹកវ៉ៃគោ ដើម្បីបង្កើនល្បឿនទឹកហូរ និងដោះទឹកដែលលើសពីតម្រូវការក្នុងអាង ហើយត្រៀមអន្តរាគមន៍ជាប្រចាំ ៕