Author: adm

(ផ្សាររុង ក្លឿប្រទេសថៃ) ក្រុងប៉ោយប៉ែត៖ នៅថ្ងៃ ទី២៩ ខែកញ្ញាឆ្នាំ២០២០ ស្ត្រីខ្មែរម្នាក់ជាអាជីវករលក់ដូរនៅផ្សាររុងក្លឿ(ប្រទេសថៃ) បានស្លាប់បាត់បង់ជីវិតដោយសារគំនរភួយរលំសង្កត់លើ ស្ថិតក្នុងផ្សារ(អ.ប៉.ច)រុងក្លឿ ស្រុកអារញ្ញ ខេត្តស្រះកែវ ប្រទេសថៃ។ជនរងគ្រោះឈ្មោះ ជួត រស្មី ភេទស្រី អាយុ៣០ឆ្នាំ ជាជនជាតិខ្មែរ រស់នៅក្រុងប៉ោយប៉ែត ស្នាក់នៅប្រទេសថៃដើម្បីប្រកបរបរលក់ដូរទំនិញ។មុនកើតហេតុ គ្រួសារ(ប្ដី)ជនរងគ្រោះបាន បើករថយន្តពីក្រុងប៉ោយប៉ែត ខេត្តបន្ទាយមានជ័យ ចូលទៅក្នុងផ្សារថៃ រុងក្លឿឈមនឹងច្រកទ្វារព្រំដែនអន្តជាតិកម្ពុជា-ថៃដើម្បីមកមើលទំនិញនិង មកលេងប្រពន្ធដែលលក់ដូរនៅក្នុងផ្សារនេះផងដែរ។ក្រោយពីស្វាមីជនរងគ្រោះបានមកដល់តូបលក់ដូរនិង បានស្រែកហៅប្រពន្ធពីខាងក្រៅតូបព្រមទាំងបានទូរស័ព្ទចូលហើយតែមិនមានអ្នកទទួលទើបបានកើតជាការសង្ស័យ ស្រែកឱ្យអ្នកជិតខាងជួយគាស់ទ្វារ ស្រាប់តែប្រទះឃើញប្រពន្ធរបស់ខ្លួនត្រូវគំនរភួយរលំសង្កត់ពីលើបណ្តាលឱ្យសន្លប់មិនដឹងខ្លួន។ស្ត្រីរងគ្រោះនេះ មានមុខរបរលក់កំរាលនិងភួយជជុះ។ គាត់មានកូនចំនួន២នាក់និងបានស្នាក់នៅក្នុងតូបផ្សារថៃតែម្នាក់ឯង ចំណែកឯស្វាមី និងកូនៗរស់នៅក្នុងក្រុងប៉ោយប៉ែត ហើយស្របពេលចំថ្ងៃផ្សារ របស់ខ្លួន(ផ្សារអ.ប៉.ច) ត្រូវបានអាជ្ញាធរ ខេត្តស្រះកែវនិងខេត្តបន្ទាយមានជ័យ អនុញ្ញាតឱ្យបើករថយន្តចូលមកមើលតូបក្នុងផ្សារថៃនោះ ប្តីជនរងគ្រោះក៏បានបើករថយន្តមកដល់តូបស្រាប់តែ ជួបប្រទះឃើញរឿងអកុសលបែបនេះតែម្តងទៅ។ករណីស្ត្រីអាជីវករខ្មែរត្រូវគំនរភួយរលំសង្កត់បណ្តាលឱ្យសន្លប់មិនដឹងខ្លួននោះត្រូវបានកម្លាំងសន្តិសុខផ្សាររាយការណ៍ទៅសមត្ថកិច្ចថៃនិងបន្តហៅរថយន្តសង្គ្រោះសុខាភិបាលថៃ មកដឹកយកទៅសង្គ្រោះនៅឯមន្ទីរពេទ្យថៃ តែជាអកុសលស្ត្រីជនរងគ្រោះខាងលើបាន ស្លាប់ខណៈពេលដឹកទៅដល់មន្ទីរពេទ្យ ស្រុកអារញ្ញហើយនោះ។សពជនរងគ្រោះក្រោយពីកម្លាំង សមត្ថកិច្ចបានធ្វើកោសល្យវិច័យរួចរាល់ ហើយ ត្រូវបានបញ្ជូនមកកម្ពុជាវិញតាមច្រកទ្វារអន្តរជាតិប៉ោយប៉ែត ដើម្បីយកមកធ្វើបុណ្យតាមប្រពៃណីនៅឯគេហដ្ឋាន ។

​ភ្នំពេញ​៖ បើតាម​សេចក្តី​ជូន​ព័ត៌មាន​របស់​ក្រសួងសុខាភិបាល ករណី​បុរស​ជនជាតិ​ហុង​គ្រី​អាយុ ៧០​ឆ្នាំ មាន​ផ្ទុក​វីរុស​កូ​វីដ​-១៩ បន្ទាប់ពី​រកឃើញ​កាលពី​ម៉ោងជាង ៥​ព្រឹក នៅ​ថ្ងៃទី​២៦ ខែកញ្ញា ឆ្នាំ​២០២០ ។​ ​ក្រសួងសុខាភិបាល សូម​គោរព​ជម្រាបជូន​សាធារណជន​ថា ករណី​បុរស​ជនជាតិ​ហុង​គ្រី អាយុ ៧០​ឆ្នាំ​៖ នៅ​ព្រឹក​វេលា​ម៉ោង​១០​និង​៣០​ព្រឹក ថ្ងៃទី ២៦ ខែកញ្ញា ឆ្នាំ​២០២០ ក្រសួង​បានទទួល​លទ្ធផល​វិភាគ​ពី​វិទ្យាស្ថាន ប៉ាស្ទ័រ​កម្ពុជា​ដោយ​បង្ហាញថា លទ្ធផល​ធ្វើតេស្ត​វត្ថុ​សំណាក​បុរស​ជនជាតិ​ហុង​គ្រី​អាយុ ៧០​ឆ្នាំ មាន​អាសយដ្ឋាន​ស្នាក់នៅ​ភូមិ​គ្រួស ឃុំ​ស្វាយដង្គំ ក្រុង​សៀមរាប ខេត្តសៀមរាប នោះ គឺ​បញ្ជាក់ថា វិជ្ជមាន​វីរុស​កូ​វី​-១៩ ។​ ​ក្រោយពី​កិច្ចសហការ​ខិតខំ​ស្វែងរក​ដោយ​អាជ្ញាធរ និង​មន្ទីរ​សុខាភិបាល​ខេត្តសៀមរាប បុរស​រូបនេះ ត្រូវបាន​រកឃើញ​នៅវេលា​ម៉ោង​ប្រហែល​ជាង ៥​ព្រឹក នៃ​ថ្ងៃទី​២៦ ខែកញ្ញា ឆ្នាំ​២០២០ ដោយ​គាត់​បាន​សម្ងំ​នៅក្នុង​ផ្ទះ​វីឡា​មួយ​ក្នុង​បុរី​អាថែន ភូមិ​គ្រួស ឃុំ​ស្វាយដង្គំ ក្រុង​សៀមរាប ហើយ​ក្រុមគ្រូពេទ្យ​បាន​ទៅ​ដឹកយក​គាត់ និង​ភរិយា (​ខ្មែរ​)(​មិនមាន​កូន និង​មិនមាន​អ្នកផ្សេង​នៅ​ជាមួយ​ឡើយ ) មក​ដាក់​ព្យាបាល​នៅ​មន្ទីរពេទ្យ​ខេត្តសៀមរាប​រួចរាល់​ហើយ​ដែរ​។ ក្រុមការងារ កំពុងតែ​បន្តធ្វើ​ការស្រាវជ្រាវ​រក​អ្នក​ដែល​ប៉ះពាល់​ជា​បន្តទៀត​។​ ព័ត៌មាន​ដែល​ក្រសួង​ទទួលបាន​នៅ​ព្រឹក​នេះ គឺ​ក្រោយពី​បុរស​ជនជាតិ​ហុង​គ្រី​ខាងលើនេះ ចាក​ចេញពី​ទីក្រុង​ភ្នំពេញ​នៅ​ថ្ងៃទី​១៦ […]

ប៉ៃលិន ៖ ក្រោមការដឹកនាំបញ្ជាពីវរសេនីយ៍ឯក យ៉ែម សារិទ្ធ អធិការនគរបាលក្រុងប៉ៃលិន, លោកវរសេនីយ៍ត្រី អ៊ឹង សុផល អធិការរងបានដឹកនាំកម្លាំងវេនប្រចាំបញ្ជានៃអធិការដ្ឋាន សហការជាមួយកម្លាំងផ្នែកព្រហ្មទណ្ឌ និងកម្លាំងប៉ុស្តិ៍រដ្ឋបាលទួលល្វា ចុះល្បាតជុំវិញភូមិសាស្រ្ត ដើម្បីបង្ការបទល្មើសផ្សេងៗ បានប្រទះជួបក្រុមក្មេងទំនើងមួយក្រុមជិះម៉ូតូ០២គ្រឿង មានគ្នាចំនួន០៣នាក់ បានកាប់កញ្ចក់ឡានប្រជាពលរដ្ឋ ដែលចតនៅមុខផ្ទះ ស្ថិតនៅទុលមុខខ្លោងទ្វាព្រះវិហ៊ាឥស្លាម ភូមិបរឌិននៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន កាលពីយប់ថ្ងៃទី២៤ ខែកញ្ញា ឆ្នាំ២០២០។ ពេលនោះ កម្លាំងល្បាតបានដេញតាម និងឃាត់បានក្មេងទំនើងទាំងបីនាក់ រួមទាំងម៉ូតូ០២គ្រឿង នៅចំណុចផ្លូវបំបែកជាបួន ស្ថិតក្នុងភូមិវាលវង់ សង្កាត់ទួលល្វា ក្រុងប៉ៃលិន ខេត្តប៉ៃលិន និងយកមកសាកសួរនៅអធិការដ្ឋាននគរបាលក្រុងប៉ៃលិន មានឈ្មោះដូចខាងក្រោម៖ ទី១. ឈ្មោះ ហាច ចិត្ត ភេទប្រុស អាយុ១៧ឆ្នាំ មុខរបរមិនពិតប្រាកដ រស់នៅភូមិអូរតាពុកក្រោម សង្កាត់ទួលល្វា ក្រុងប៉ៃលិន ខេត្តប៉ៃលិន (លួច០៦លើក កាប់កញ្ចក់ឡាន០១លើក), ទី២. ឈ្មោះ សេង សុភី ភេទប្រុស អាយុ១៧ឆ្នាំ […]

បាត់ដំបង៖នៅថ្ងៃពុឆ ៦ កើត ខែអស្សុជ ឆ្នាំជួតទោស័កព.ស ២៥៦៤ត្រូវនិងថ្ងៃថ្ងៃពុឆទី ២៣ ខែកញ្ញា ឆ្នាំ ២០២០ នៅបរិវេណ សាលាខេត្ត បាត់ដំបង នៅ ម៉ោង ១.៣០ នាទីល្ងាច ក្រោមអធិបតីភាពដ៏ខ្ពង់ខ្ពស់នាយឧត្ដមសេនីយ៍ សន្តិបណ្ឌិត នេត​ សាវឿន​ និង នាយឧត្តមសេនីយ៍ប៉ែន វិបុល អគ្គស្នងការរង និង ជា ប្រធាន នាយកដ្ឋានបុគ្គលិក លោកឆាយ ម៉ាទីណាល់ អភិបាលរង នៃ គណៈអភិបាលខេត្ត បាត់ដំបង និង គណៈប្រតិភូ មកពីរាជធានី ភ្នំពេញចំណុះឲ្យ អគ្គ​ស្នងការ​ដ្ឋាននគរបាល​ជាតិ​ ។ពិធីប្រកាសតែងតាំងលោកឧត្តមសេនីយ៍ត្រី សាត​ គីមសាន​ ត្រូវ​ប្រកាសចូលកាន់តំណែងជាស្នងការនៃស្នងការដ្ឋាននគរបាលខេត្តបាត់ដំបង​ ថ្មី ជំនួស ឧត្ដមសេនីយ៍ទោ អ៊ុច សុខុន ស្នងការដ្ឋាននគរបាលខេត្ត បាត់ដំបង ដែល គត្រូវ​ចូលនិវត្តន៍ ។ ហើយនិងតែងតាំងមន្រ្តី […]

ក្រចេះ ៖ កងកម្លាំងអាវុធហត្ថខេត្តក្រចេះ បានសហការជាមួយកម្លាំងស្នាក់ការសន្តិសុខ៧១០ និងស្នាក់ការសន្តិសុខ៧០៨ ឆ្មក់បង្ក្រាបរថយន្តសាំយ៉ុងមួយគ្រឿងដឹកឈើល្មើសច្បាប់ កាលពីរំលងអាធ្រាតឈានចូលថ្ងៃទី២៤ ខែកញ្ញា ឆ្នាំ២០២០ ស្ថិតក្នុងភូមិអូរគ្រៀង ឃុំអូរគ្រៀង ស្រុកសំបូរ ខេត្តក្រចេះ។ បើយោងតាមរបាយការណ៍របស់កងរាជអាវុធហត្ថខេត្ត បានបញ្ជាក់ថា មានរថយន្ដដឹកឈើល្មើសច្បាប់មួយគ្រឿងម៉ាកសាំយ៉ុង គ្មានស្លាកលេខដឹកចេញពីស្ទឹងត្រែង ត្រូវបានកម្លាំងអាវុធហត្ថខេត្ត សហការជាមួយស្នាក់ការសន្តិសុខ៧១០ និងស្នាក់ការសន្តិសុខ៧០៨ បង្ក្រាបបានតែម្តងហើយនៅក្នុងរថយន្តនោះមានដឹកសរសរ និងក្ដារ ជាប្រភេទឈើគ្រឿងផ្ទះ។ ចំណែកអ្នកបើកបររថយន្តបានរត់គេចខ្លួនបាត់ស្រមោលតែម្តង។ បច្ចុប្បន្ន វត្ថុតាងរថយន្ត និងឈើល្មើសច្បាប់ត្រូវបានកម្លាំងអាវុធហត្ថខេត្ត ប្រគល់ជូនរដ្ឋបាលព្រៃឈើ សង្កាត់អូរគ្រៀង ដើម្បីធ្វើការវាស់វែងចាត់វិធានការតាមនីតិវិធីច្បាប់រដ្ឋបាលព្រៃឈើបន្ត៕

​ក្រចេះ ៖ យុវជន​ម្នាក់ បាន​បើក​ម៉ូតូ​បុក​រថយន្ត​ពីក្រោយ បណ្តាល​ឲ្យ​ស្លាប់ នៅ​ចំណុច​ផ្លូវជាតិ​លេខ​៧ ( ស្នួល​-​ក្រចេះ ) ចន្លោះ​បង្គោល​គីឡូ​ម៉ែត​លេខ ២៩២-២៩៣ ភូមិ​ថ្នល់ ឃុំ​ស្វាយ​ជ្រះ ស្រុក​ស្នួល ខេត្តក្រចេះ កាលពី​ថ្ងៃទី​២៣ ខែកញ្ញា ឆ្នាំ ២០២០ នៅវេលា​ម៉ោង ១៩ និង ៣០​នាទី ។​ ​តាម​របាយការណ៍​នគ​របាល​មូលដ្ឋាន បាន​ឲ្យ​ដឹងថា ម៉ូតូ​ជនរងគ្រោះ ម៉ាក ណិ​ច ពណ៌​ស ពាក់​ផ្លាកលេខ សៀមរាប 1AE-4467 បើកបរ​ដោយ​ឈ្មោះ គង់ ស៊ី​ណាត ភេទ​ប្រុស អាយុ ១៨​ឆ្នាំ មាន​ទីលំនៅ​ភូមិ​កាត់​ដៃ ឃុំ​ស្នួល ស្រុក​ស្នួល ខេត្តក្រចេះ (​ស្លាប់​នៅនឹងកន្លែង​កើតហេតុ​) ធ្វើដំណើរ​ពី​ទិស​ខាងលិច ឆ្ពោះទៅ ទិសខាងកើត ។ លុះដល់​ចំណុចកើតហេតុ​ខាងលើ ក៏បាន​ជ្រុល​ទៅបុក​នឹង​រថយន្ត ដែល​កំពុងធ្វើដំណើរ ដែល​រថយន្ត ម៉ាក ហុ​ី​យ៉ាន់​ដាយ ពណ៌​បៃតងចាស់ […]