ព័ត៌មានជាតិ

កំពុងតែអ៊ុតឆ្ងាញផងសមត្ថកិច្ចទៅដល់ឃាតខ្លួនល្មម…!

ខេត្តកែប៖ អនុវត្តតាមការដឹកនាំចង្អុលបង្ហាញពីលោកឧត្តមសេនីយ៍ត្រី សម្បត្តិ សុធារដ្ឋ  ស្នងការនគរបាលខេត្តកែប នៅល្ងាចថ្ងៃទី០២ ខែកក្កដា ឆ្នាំ២០២០ ការិយាល័យនគរបាលព្រហ្មទណ្ឌ សហការជាមួយកំលាំងអន្តរាគមន៍ពិសេស បានចុះធ្វើការបង្ក្រាបល្បែងស៊ីសង (អាប៉ោង) ១ករណី នៅភូមិដំណាក់ចង្អើរ សង្កាត់ព្រៃធំ ក្រុង/ខេត្តកែប ។ ក្នុងកិច្ចប្រតិបត្តិការបង្ក្រាបនេះ សមត្ថកិច្ចបានឃាត់ខ្លួនអ្នកលេងអាប៉ោង ម្នាក់ឈ្មោះ យ៉ែម កែវ ភេទប្រុស អាយុ៣៩ឆ្នាំ រស់នៅភូមិ/សង្កាត់អូរក្រសារ ក្រុងកែប រួមទាំងវត្ថុតាងម៉ូតូចំនួន១គ្រឿង , ទូរស័ព្ទដៃចំនួន១គ្រឿង និងសម្ភារៈសំរាប់លេងអាប៉ោងមួយកំម្លេរផងដែរ ។ ចំណែកអ្នកលេងអាប៉ោងផ្សេងទៀត បានរត់គេចខ្លួនអស់ក្រោយពេលសមត្ថកិច្ចយើងទៅដល់ ។ករណីខាងលើ ដោយមានការសម្របសម្រួល ណែនាំនីតិវិធី ពីលោកព្រះរាជអាជ្ញាអមសាលាដំបូងខេត្តកំពត ជនសង្ស័យ រួមជាមួយវត្ថុតាង កំលាំងការិយាល័យជំនាញកំពុងរៀបចំសំណុំរឿងដើម្បីបញ្ជូនទៅតុលាការ ចាត់ការបន្តតាមនីតិវិធីច្បាប់ ៕ ដោយ៖ ទូច រ៉ាវុធ

ព័ត៌មានជាតិ

សមត្ថកិច្ចចុះបង្ក្រាបទីតាំងម៉ាស្សា បង្កប់សេវាផ្លូវភេទ នៅខណ្ឌសែនសុខ

ភ្នំពេញ៖ កម្លាំងនគរបាលនៃការិយាល័យប្រឆាំងការជួញដូរមនុស្សនិងការពារអនីតិជនសហការជាមួយនគរបាលមូលដ្ឋានខណ្ឌសែនសុខ បានចុះប្រតិបត្តិការបង្ក្រាបទីតាំងម៉ាស្សាយីហោ កល្យាណ ម៉ាស្សា មានបង្កប់សេវាផ្លូវភេទ  ឃាត់ខ្លួនមនុស្សចំនួន៤នាក់ ក្នុងនោះស្រ្តីម្ចាស់ទីតាំង១ម្នាក់ នារីរងគ្រោះចំនួន៣នាក់ (អនីតិជន ០១នាក់) ។ប្រតិបត្តិការនេះធ្វើឡើងកាលពីវេលាម៉ោង ២និង៣០នាទីរសៀលនាថ្ងៃទី០១ ខែកក្កដា ឆ្នាំ២០១៩ ស្ថិតនៅនៅផ្ទះលេខ ៨៣Eo សង្កាត់គោគឃ្លាង ខណ្ឌសែនសុខ រាជធានីភ្នំពេញ។ ប្រតិបត្តិការនេះ ដោយមានចង្អុលបង្ហាញពី ឯកឧត្តម ឧត្តមសេនីយ៍ឯក ស ថេត អគ្គស្នងការរងនិងជាស្នងការនគរបាលរាជធានីភ្នំពេញ មានការចុះដឹកនាំបញ្ជាផ្ទាល់ ពីលោក សេង គីមឡាក់ ព្រះរាជអាជ្ញារងអមសាលាដំបូងរាជធានីភ្នំពេញ និង លោក ឩត្តមសេនីយ៍ទោ ចាន់ កិត្តិខុម ស្នងការរងទទួលដឹកនាំការងារការិយាល័យប្រឆាំងការជួញដូរមនុស្សនិងការពារអនីតិជន នៃស្នងការដ្ឋាននគរបាលរាជាធានីភ្នំពេញ។ នគរបាលបានអោយដឹងថា ស្រ្តីម្ចាស់ទីតាំងមាន ឈ្មោះ ប៉ែន គីមស្រ៊ាង ភេទស្រី អាយុ៤៥ឆ្នាំ ជនជាតិខ្មែរ មុខរបរ បើកហាងម៉ាស្សា ស្នាក់នៅទីតាំងម៉ាស្សានៅផ្ទះលេខ ៨៣Eo សង្កាត់គោគឃ្លាង ខណ្ឌសែនសុខ រាជធានីភ្នំពេញ។ កម្លាំងនគរបាលនៃការិយាល័យប្រឆាំងការជួញដូរមនុស្សនិងការពារអនីតិជនបានឲ្យដឹងថាទីតាំងម៉ាស្សាកោសជប់ […]

ព័ត៌មានជាតិ

ករណីគ្រោះថ្នាក់ចរាចរណ៍រថយន្តនឹងម៉ូតូស្លាប់មួយរបួសធ្ងន់មួយ

មានករណីគ្រោះថ្នាក់ចរាចរណ៍មួយកើតឡើងរវាងរថយន្តនឹងម៉ូតូនៅផ្លូវទំនប់កប់ស្រូវ សង្កាត់សំរោងក្រោម នៅវេលាម៉ោង ២ រសៀលថ្ងៃទី ៣០/០៦/២០២០ នៅនឹងផ្លូវចេញពីទីលានវាយកូនហ្គោលតែម្តង ករណីគ្រោះថ្នាក់ចរាចរណ៍នេះបណ្តាលអោយបុរសម្នាក់ស្លាប់ភ្លាមៗនៅនឹងកន្លែងកើតហេតុនឹងបុរសម្នាក់ទៀតរងរបួសយ៉ាងធ្ងន់ធ្ងរ ត្រូវបានបញ្ជូនទៅសង្គ្រោះនៅមន្ទីពេទ្យភ្លាមៗផងដែរ បើតាមការបញ្ជាក់ពីប្រជាពលរដ្ឋនៅកន្លែងកើតហេតុដែលបានឃើញផ្ទាល់ភ្នែកបានប្រាប់អោយដឹងថា ឃើញម៉ូតូមួយគ្រឿងម៉ាកសង់ ០១៦ ពាក់ស្លាកលេខ(ភ្នំពេញ 2FV 9071)ជិះឌុបដោយបុរសពីរនាក់ ជិះមកតាមផ្លូវសាលាកូរ៉េឆ្ពោះទៅផ្លូវជាតិលេខ៤ តែមកដល់កន្លែងកើតហេតុក៏ប៉ះជាមួយរថយន្តមិនស្គាល់ម៉ាកមួយគ្រឿងទៀតហើយក៏ដួលខ្ទាតចូលក្រោមរថយន្តលុចស៊ីស អអ៊ិច ៣០០ពាក់ស្លាកលេខ(កណ្តាល 2A 9357)ហើយក្រោយកើតហេតុក៏មានក្រុមគ្រួសារជនរងគ្រោះយកសព្វទៅធ្វើបុណ្យតាមប្រពៃណី ឯរថយន្តនឹងម៉ូតូត្រូវបានសមត្ថកិច្ចវាស់វែងនឹងយកទៅចាត់ការតាមនិតិវិធីច្បាប់៕

ព័ត៌មានជាតិ

ឃាត់ខ្លួន​មេភូមិ​ម្នាក់​ ករណី​រួមភេទ​ជាមួយ​ប្អូនថ្លៃ​រហូត​ដាច់ខ្យល់​រួច​យក​សព​ទៅ​ដុត​ក្នុង​ខ្ទម​

ថ្ងៃចេញផ្សាយៈ June 29, 2020 ខេត្តកំពង់ឆ្នាំង ៖ ប្រភពព័ត៌មាន​ពី​បញ្ជាការដ្ឋាន​កង​រាជ​អាវុធ​ខេត្តកំពង់ឆ្នាំង នា​រសៀល​ថ្ងៃអាទិត្យ ៨​កើត ខែអាសាឍ ឆ្នាំជូត ទោស័ក ព​.​ស ២៥៦៤ ត្រូវ​នឹង​ថ្ងៃទី​២៨ ខែមិថុនា ឆ្នាំ​២០២០ នេះ​ថា កាលពី​ថ្ងៃទី​២៧ ខែមិថុនា ឆ្នាំ​២០២០ មន្ត្រី​ជំនាញ​ព្រហ្មទណ្ឌ កងរាជអាវុធហត្ថ​ពិតជា​បានធ្វើ​ការងារ​ស្រាវជ្រាវ យ៉ាង​យកចិត្តទុកដាក់​រហូត​ឈានដល់ កំណត់​សញ្ញា និង​ឃាត់​ចាប់​ខ្លន​ជន​ជាប់​ពាក់ព័ន្ធ​ករណី​ឃាតកម្ម បន្ទាប់​គេ​ប្រទះឃើញ​សព​ស្ត្រី​ម្នាក់​ត្រូវបាន​គេ​ដុត​ក្នុង​ខ្ទម១​កន្លែង។​ ប្រភពព័ត៌មាន​ខាងលើ​បន្តថា ជនសង្ស័យ​ត្រូវ​កម្លាំង​ឃាត់​ចាប់ខ្លួន​ឈ្មោះ ញ៉េប សុខុម ភេទ​ប្រុស អាយុ ៦៧​ឆ្នាំ ជនជាតិខ្មែរ មុខរបរ មេភូមិ​ក្រាំង​ក​ន្ទ្រោ​ល ស្ថិតនៅ​ភូមិក​ន្ទ្រោ​ល ឃុំ​ពាម ស្រុក​សាមគ្គី​មានជ័យ ខេត្តកំពង់ឆ្នាំង។​ គួររំលឹកថា កាលពី​រសៀល​ថ្ងៃទី​២១ ខែមិថុនា ឆ្នាំ​២០២០ កន្លងទៅនេះ គេ​ប្រទះឃើញ​សព​ស្ត្រី​ម្នាក់​ត្រូវបាន​ដុត​ក្នុង​ខ្ទម​ក្បែ​វាលស្រែ ស្ថិតនៅ​ភូមិក​ន្ទ្រោ​ល ឃុំ​ពាម ស្រុក​សាមគ្គី​មានជ័យ ខេត្តកំពង់ឆ្នាំង ហើយ​សព​ស្ត្រី​ខាងលើ​ត្រូវបាន​គេ​ស្គាល់ឈ្មោះ ជា ថន អាយុ៥៦​ឆ្នាំ ជនជាតិខ្មែរ […]

ព័ត៌មានជាតិ

រកឃើញប្រហិតចម្រុះខូចគុណភាពចំនួន ២,៤៥០ គីឡូក្រាម ត្រូវអាជ្ញាធរខេត្តបាត់ដំបង ដុតកម្ទេចចោល

(ខេត្តបាត់ដំបង)៖ នៅថ្ងៃច័ន្ទ ៩កើត ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៩ ខែមិថុនា ឆ្នាំ២០២០ នេះ មន្រ្តីសាខា ក.ប.ប ខេត្តបាត់ដំបង បានធ្វើការដុតកម្ទេចចោលនូវប្រហិតចម្រុះខូចគុណភាពចំនួន ២,៤៥០ គីឡូក្រាម ។ប្រហិតដែលនាំចូលខូចគុណភាណត្រូវបានស្នងការនគរបាលយកទៅទីចាក់សំរាម ក្នុងភូមិ ជ្រៃកោង សង្កាត់ស្លាកែត ក្រុងបាត់ដំបង ដែលមានការចូលរួមពីមន្រ្តីនគរបាលប្រឆាំងបទល្មើសសេដ្ឋកិច្ចនៃស្នងការនគរបាលខេត្តបាត់ដំបង។ សូមជម្រាបផងដែរថា ប្រហិតចម្រុះខូចគុណភាពទាំងនេះ ត្រូវបានមន្រ្តីជំនាញ ត្រួតពិនិត្យឃើញ និងរឹបអូសបាននៅឃុំអូដារ ស្រុកកំរៀង ខេត្តបាត់ដំបង កាលពីថ្ងៃទី២៨ ខែមិថុនា ឆ្នាំ២០២០ កន្លងទៅ ៕

ព័ត៌មានជាតិ

រន្ធត់មែន! នារីរូបស្រស់ម្នាក់មិនដឹងមានរឿងអ្វី បានបើករថយន្តធ្លាក់ទឹកបឹង ហើយត្រាំក្នុងទឹកជិត១ម៉ោង អ្នកនៅក្បែរនោះខំជួយដែរ តែនាងស្លាប់បាត់ទៅហើយ

រាជធានីភ្នំពេញ៖ នារីម្នាក់មិនដឹងមានរឿងអ្វី បានបើករថយន្តកាម៉ារីមួយគ្រឿងពាក់ស្លាកលេខភ្នំពេញ 2BG-7274 ធ្លាក់ទឹកបឹងទទឹងថ្ងៃ ដែលមានទីតាំងស្ថិតនៅតាមផ្លូវ៦០ម៉ែត្រ ទល់មុខជីបម៉ុងលែនម៉ាក ស្ថិតក្នុងសង្កាត់ដើមមាន ក្រុងតាខ្មៅ ខេត្តកណ្តាល នៅម៉ោងជាង១២រំលងអាធ្រាតឈានចូលថ្ងៃទី២៨ ខែមិថុនា ឆ្នាំ២០២០នេះ អស់រយៈពេលជិត១ម៉ោងទើបបងប្អូនដែលបានឃើញហេតុការណ៍ចុះទៅវាយកញ្ចក់រថយន្តជួយសង្គ្រោះ តែជាអកុសលនារីរូបនោះបានស្លាប់បាត់បង់ជីវិតទៅហើយ។នារីដែលស្លាប់មានឈ្មោះ មាន ចន្ទវលក្ខណ៍ អាយុជាង៣០ឆ្នាំ។ សពនារីនោះត្រូវបានស្រង់យកចេញពីរថយន្តប្រគល់អោយក្រុមគ្រួសារយកទៅធ្វើបុណ្យតាមប្រពៃណី។ ចំពោះរឿងរ៉ាវនៃការបើករថយន្តធ្លាក់បឹងទទឹងថ្ងៃពីសំណាក់នារីខាងលើពុំទាន់ដឹងមូលហេតុច្បាស់លាស់នោះទេ៕

ព័ត៌មានជាតិ

សម្តេចតេជោ ហ៊ុន សែន ប្រតិកម្មចំពោះអ្នកវិភាគមួយរូប ដែលរិះគន់ការឧបត្ថម្ភសាច់ប្រាក់របស់រដ្ឋាភិបាល ដល់ពលរដ្ឋជួបការលំបាក

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី២៤ ខែមិថុនា ឆ្នាំ២០២០នេះ បានប្រតិកម្មចំពោះអ្នកវិភាគមួយរូប ដែលបានរិះគន់លើការឧបត្ថម្ភសាច់ប្រាក់របស់រាជរដ្ឋាភិបាល ដើម្បីជួយដល់ប្រជាពលរដ្ឋក្រីក្រ ដែលជួបការលំបាកក្នុងជីវភាព អំឡុងពេលនៃការរីករាលដាលជំងឺកូវីដ-១៩។ ថ្លែងប្រតិកម្មក្នុងពិធីប្រកាសអនុវត្តន៍កម្មវិធីផ្តល់សាច់ប្រាក់ជូនប្រជាពលរដ្ឋ មានជីវភាពក្រីក្រ និងងាយរងគ្រោះដោយសារជំងឺកូវីដ-១៩ ប្រមាណ៦០ម៉ឺនគ្រួសារ នៅវិមានសន្តិភាព នាព្រឹកថ្ងៃទី២៤ ខែមិថុនា ឆ្នាំ២០២០ សម្តេចតេជោ ហ៊ុន សែន បានគូសបញ្ជាក់យ៉ាងដូច្នេះថា «ខ្ញុំគិតថា បណ្ឌិតរូបនេះមិនចេះអ្វីទាំងអស់ ហើយមានឈ្មោះជាបណ្ឌិតដោយគាត់បានប្រើពាក្យថា “១៨០០០រៀល” យកទៅធ្វើអ្វីកើត? ប៉ុន្តែបើទោះបីជា១៨០០០រៀល ក៏ដោយចុះ ខ្ញុំគិតថា វាប្រសើរជាងអត់ ហើយបើប្រជាពលរដ្ឋយល់ឃើញថាវាតិចពេក មិនចង់យកក៏ហីទៅចុះ រាជរដ្ឋាភិបាលកាន់តែអរដោយសារប្រជាពលរដ្ឋប្រឹងប្រែងដោយខ្លួនឯងដោយមិនពឹកពាក់រាជរដ្ឋាភិបាល»។ សម្តេចតេជោ ហ៊ុន សែន បានគូសបញ្ជាក់បន្ថែមថា «សម្រាប់អ្នកវិភាគមួយចំនួនគេថាតិចណាស់ ខ្ញុំសូមស្នើថា បើអ្នកមានគ្រួសារអ្នកគួរតែប្រាប់គ្រួសាររបស់អ្នកថា កុំយកអី តិចតួចណាស់ រដ្ឋាភិបាលសូមអរគុណបើអ្នកនិយាយយ៉ាងដូច្នេះ ព្រោះរាជរដ្ឋាភិបាលមានបន្ទុកសម្រាប់ការកសាងប្រទេស មនុស្សច្រើនណាស់ យើងកំពុងតែបន្តជួយចំពោះក្រុមគ្រួសារទាំងឡាយ»។ «នេះជាការទទួលខុសត្រូវរបស់រាជរដ្ឋាភិបាលចំពោះមុខប្រជាជន ពេលកូវីដដែលមានផលប៉ះពាល់ទៅដល់ជីវភាពប្រជាជន។ ប៉ុន្តែសូមបញ្ជាក់ថា នេះជាជំនួយឧបត្ថម្ភមិនមែនជាការចិញ្ចឹមទេ […]

ព័ត៌មានជាតិ

ដំណឹងសោកសៅ! ម្តាយលោក អេ ភូថង ទទួលមរណៈភាពមុននេះបន្តិច

ភ្នំពេញ៖ ប្រិយមិត្តទាំងអស់គ្នាប្រាកដជាស្គាល់អធិរាជប្រដាល់គឺ លោក អេ ភូថង ដែលជាកំពូលអ្នកប្រដាល់ជើងចាស់របស់ខ្មែរយើង។ មុខនេះបន្តិច លោកបានបង្ហោះសារដ៏ក្រៀមក្រំមួយ នៅលើគណនីហ្វេសបុ៊ករបស់លោក ដោយសរសេររៀបរាប់ថា​ “ម្តាយខ្ញុំបានទៅចោលខ្ញុំហើយ” និងមានភ្ចាប់ជាមួយរូបភាពមួយសន្លឹក បង្ហាញថាម្តាយរបស់លោកបានទទួលមរណភាព។ បន្ទាប់ពីទទួលដំណឹងដ៏ក្រៀមក្រំនេះ មានអ្នកគាំទ្រ ស្រលាញ់រាប់អានលោកជាច្រើនបង្ហោះសារចូលរួមរំលែកទុក្ខការបាត់បង់ម្តាយបង្កើតរបស់លោកគ្រូ៕

ព័ត៌មានជាតិ

ថ្ងៃនេះ តារា២ដួង បាត់បង់សមាជិកគ្រួសារដូចគ្នា! ម្ដាយ ម៉ែនឿន ទទួលមរណភាពមុននេះ

ភ្នំពេញ៖ ប្រិយមិត្តមួយចំនួន ច្បាស់ជាបានដឹងហើយថា តារាសម្ដែងជើងចាស់ អ៊ុំ សក្ខណា ហៅម៉ែនឿន ជាតារាស្រីដែលឈានជើងចូលសិល្បៈតាំងពីឆ្នាំ ១៩៨៦មកម្ល៉េះ។ ដោយតារាស្រីរូបនេះ បានប្រើវេលាស្ទើរតែទាំងស្រុង ក្នុងវីស័យសិល្បៈ ហើយបច្ចុប្បន្ន តារាស្រីរូបនេះ ក៏មានជិវភាពមិនសូវជាធូរធាប៉ុន្មានឡើយ។ យ៉ាងណាមិញ តារាស្រីជើងចាស់ ម៉ែនឿន មានសមត្ថភាពអាចសម្ដែងបានយ៉ាងល្អ មិនថាតួអង្គបែបណា ក៏អ្នកស្រីអាចធ្វើបានល្អជានិច្ច។ ហើយ ម៉ែនឿន ក៏មានអ្នកម្ដាយវ័យចាស់ ដែលត្រូវមើលថែទាំផងដែរ។ ដោយអ្នកស្រី តែងតែចំណាយពេលវេលាក្រៅពីការងារសិល្បៈ មកជួយមើលថែម្ដាយជានិច្ច។  ជាក់ស្ដែង មុននេះបន្តិច ក៏បានលឺដំណឹងថា អ្នកម្ដាយជាទីស្រលាញ់ របស់ ម៉ែនឿន បានទទួលមរណភាពហើយ ក្នុងអាយុ ៩៧ឆ្នាំ។ ហើយអ្វីដែលគួរអោយសង្វែគខ្លាំងនោះគឺអ្នកស្រីមិនបានទៅទាន់ដង្ហើមចុងក្រោយម្ដាយនោះទេ។  ក្នុងនោះដែរ ខាង ខ្មែរឡូត យើងក៏សូមចូលរួមរំលែកទុក្ខទៅកាន់គ្រួសារ អ្នកស្រី អ៊ុំ សក្ខណា ផង ដែលបាត់បង់ម្ដាយជាទីស្រលាញ់បែបនេះ៕  សូមទស្សនារូបភាពពខាងក្រោម៖  អ៊ុំ សក្ខណា រូបភាព តារាខ្មែរ

ព័ត៌មានជាតិ

ខាត់ សុឃីម ជួបទុក្ខធំ ដោយសារឪពុកទទួលមរណៈភាពនៅមុននេះ

សិល្បៈការនីពហុជំនាញ គឺអ្នកនាង ខាត់ សុឃីម បានជួបទុក្ខធំដោយសារឪពុករបស់នាងបានទទួលមរណៈភាពនៅមុននេះបន្តិច។ លោក ខាត់ លាវ ដែលជាឪពុករបស់អ្នកនាង ខាត់ សុឃីម ក៏ដូចជាលោក ខាត់ ចំរើន បានទទួលមរណៈភាព ក្រោយពេលដែលលោកធ្លាប់មានជំងឺ ត្បៀតសសៃឈាមក្នុងខួរក្បាល ហើយក៏ធ្លាប់បញ្ជូនទៅសង្គ្រោះបន្ទាន់ជាច្រើនលើក។ ដំណឹងមរណៈភាពរបស់លោក ខាត់ លាវ ត្រូវបានអ្នកសិល្បៈជាច្រើនមានការសោកស្តាយយ៉ាងខ្លាំង ចំពោះការបាត់បង់មនុស្សជាទីស្រលាញ់នៅក្នុងគ្រួសារ របស់អ្នកនាង ខាត់ សុឃីម ហើយក៏មានការចូលរួមផ្ញើរសាររំលែកទុក្ខជាច្រើនផងដែរនៅលើបណ្តាញសង្គម Facebook៕