ព័ត៌មានជាតិ

ពលរដ្ឋ​ថា​ឈ្មោះ លីម ជា​ឈ្មួញ​ឈើ​ដុះ​ស្លែ​ពូកែ​បែងក្រឡា​យក​រថយន្ត​ដឹក​ថ្ម​លើ​ឈើ​ក្រោម​អស់ល័​ក្ខ​ត្រូវ​សមត្ថកិច្ច​មេព្រៃ​បង្ក្រាប

ខេត្តសៀមរាប​: តាម​សមត្ថ​កិ​ច​បានឲ្យដឹងថា រថយន្ត​បែន​ដឹក​ថ្ម ពីលើ​ឈើ​ពី​ក្រោម​មួយ​គ្រឿង ត្រូវបាន​កម្លាំង​រដ្ឋបាល​ព្រៃឈើ​ខេត្ត​សៀមរាប ធ្វើការ​បង្ក្រាប បន្ទាប់់​ពី​ស៊ើបអង្កេត​ដឹងថា ឈ្មួញ​ឈើ​ដុះ​ស្លែ​លួច​បង្កប់​ឈើ​ក្រោម​ថ្ម នៅក្នុង​រថយន្ត​ដឹក​ថ្ម ។​​តាម​សមត្ថកិច្ច​ថា ក្រោយ​ការឃាត់​រថយន្ត​ដឹក​ថ្ម​បង្កប់​មួយគ្រឿង​នេះ ត្រូវ​ជំនាញ​ឆែកឆេ​រកឃើញ​ឈើ​ចំនួន​ប្រមាណ​​ជិត​៦​ម៉ែត្រគូប​។​​លោក ម៉ុង ប៊ុន​លីម នាយ​ខណ្ឌ​រដ្ឋបាល​ព្រៃឈើ​សៀមរាប ដែល​បាន​ដឹកនាំ​កម្លាំង​រដ្ឋបាល​ព្រៃឈើ​ធ្វើ​ការបង្ក្រាប បានឲ្យដឹងថា ករណី​បង្ក្រាប​រថយន្ត​បែន​ដឹក​ថ្ម​លួច​បង្កប់​ឈើ គឺ​រថយន្ត​ដឹក​ថ្ម​៤​ភៅ ម៉ាក​ពណ៌​ស លាយ​ខ្មៅ​ពាក់​ស្លាក​លេខ​ភ្នំពេញ​3E ៩៣៩៥​បាន​ដឹក​ឈើ​អារ​ប្រភេទ លេខ​២ (​ឈើទាល​)​ចំនួន​១០៩​ដុំ​ស្មើ​និង =៥,៩៩៦​ម៉ែត្រគូប ។​លោក​បន្តថា ក្រុម​ការងារ​បាន​ដឹកនាំ​យក​មក​រក្សាទុក​និង​ធ្វើការ​វាស់វែង​នៅ​ទីស្នាក់ការ​ផ្នែក​រដ្ឋបាល​ព្រៃឈើ​បន្ទាយស្រី​ស្ថិតនៅក្នុង​ភូមិ​ព្រះ​ដាក់ ឃុំ​ព្រះ​ដាក់ ស្រុក​បន្ទាយស្រី​ខេត្តសៀមរាប​ចាត់ការ​តាម​ផ្លូវច្បាប់​ស្តីពី​ព្រៃឈើ​។​​គួររម្លឹកថា រថយន្ត​បែន​ដឹក​ថ្ម​មួយ​គ្រឿង​លួច​បង្កប់​ឈើ​ត្រូវបាន​កម្លាំង​រដ្ឋបាល​ព្រៃឈើ​ខេត្ត​សៀមរាប​បង្ក្រាប នៅ​ស្រុក​ស្វាយ​លើ​នា​ថ្ងៃ​ទី ១ ខែ​មេសា​ឆ្នាំ ២០២២ ក្រុម​ការដឹកនាំ​បញ្ជា​ផ្ទាល់​ដោយ​លោក​ម៉ុង ប៊ុន​លីម នាយ​ខណ្ឌ​រដ្ឋបាល​ព្រៃឈើ​សៀមរាប​។​​សមត្ថកិច្ច​បាន​ដឹងថា ម្ចាស់​រថយន្ត​ដឹកឈើ​រូប​នេះ​មានឈ្មោះ​លីម រស់នៅ​សង្កាត់​ស្វាយដង្គំ ក្រុង​សៀមរាប ជា​ម្ចាស់​ដេប៉ូ​ឈើ​មួយ កន្លែង​ហើយ​ការ​លួច​ដឹកឈើ​បង្កប់​ក្នុង​ថ្ម តាម​រយៈ​រថយន្ត​បែន​បែបនេះ បានធ្វើ​សកម្មភាព ជាច្រើន​លើក​មក​ហើយ ដែល​បាន​ដឹកឈើ​ចេញពី​ខេត្តព្រះវិហារ​ចូលមក​ក្រុង​សៀមរាប ឆ្លងកាត់​តាម​សង្កាត់​ស្រុក​ស្វាយ​លើ និង​បន្ត​មក​ចែកចាយ​នៅក្នុង​ទី​រួម​ខេត្តសៀមរាប​។​​ប្រជាពលរដ្ឋ​បាន​និយាយថា សកម្មភាព​ដឹកជញ្ជូន​ឈើ​នៅ​ខេត្តសៀមរាប កើតមាន​យ៉ាង​សកម្ម​ដែល​គេ​សង្ស័យ​ថា​សមត្ថកិច្ច​ជំនាញ​មួយចំនួន​ជា​អ្នក​បើក​ភ្លើង​ខៀវ​ឲ្យមាន​បទល្មើស​ទាំងនេះ​កើតឡើ​ង​៕

ព័ត៌មានជាតិ

សម្ដេចតេជោ ហ៊ុន សែន មានប្រសាសន៍ថា នយោបាយឈ្នះឈ្នះ បានបើកឱកាសឲ្យតំបន់អតីតសមរភូមិទៅជាតំបន់អភិវឌ្ឍន៍

ភ្នំពេញ ៖ ថ្លែងនៅក្នុងឱកាសអញ្ជើញពិនិត្យវឌ្ឍនភាព នៃការសាងសង់អាកាសយានដ្ឋានអន្តរជាតិ សៀមរាប-អង្គរ ស្ថិតនៅក្នុងឃុំពពេល និងឃុំតាយ៉ែក ស្រុកសូទ្រនិគម ខេត្តសៀមរាប នៅថ្ងៃទី០៣ ខែមេសា នេះសម្ដេចតេជោ ហ៊ុនសែន បានប្រសិទ្ធនាមខេត្តសៀមរាបជាតារារះនៅទិសឧត្តរ ក្រោយពីបានសាងសង់ផ្លូវខ្វាត់ខ្វែងថ្មីដ៏ស្រស់ស្អាតរហូតដល់៣៨ខ្សែរួចជាស្ថាពរ និងបានកំពុងសាងសង់ព្រលាយន្តហោះថ្មី និងសមិទ្ធផលជាច្រើនទៀតនោះ។ខេត្តសៀមរាប គឺជាតំបន់អតីតសមរភូមិក្តៅតែបច្ចុប្បន្ននេះខេត្តអង្គរមួយនេះបានក្លាយទៅជាខេត្តដ៏ស្រស់ស្អាត មានការអភិវឌ្ឍ និងទាក់ទាញភ្ញៀវទេសចរណ៍ជាតិ និងអន្តរជាតិបានកាន់តែច្រើន ហើយមួយវិញទៀតការរីកចំរើននៃខេត្តនេះមិនមែនជាការចៃដននោះទេ គឺបានកើតចេញពីការខិតខំរបស់សម្ដេចតេជោ ហ៊ុន សែន តាមរយៈគោលនយោបាយឈ្នះ ឈ្នះ ២៩ធ្នូ១៩៩៨ ដែលជាការបញ្ចប់សង្រ្គាមពេញលេញនៅកម្ពុជា ។ឆ្លៀតក្នុងឱកាសនេះសម្ដេចក៏បានរំលឹកអំពីអ្នកនាំពាក្យរបស់អ៊ុនតាក់ផងដែរ ដែលឈ្មោះថា អែរិកហ្វល ដែលកាលនោះបានចោទថាកម្ពុជាបានរំលោភលើកិច្ចព្រមព្រៀងឈប់បាញ់ ខណៈភាគីរដ្ឋាភិបាលជាអ្នករងគ្រោះពីការវាយដោយទ័ពខ្មែរក្រហម។ តែយ៉ាងណាស្ថិតក្រោមនយោយបាយឈ្នះឈ្នះ សង្រ្គាមត្រូវបានបញ្ចប់ពេញលេញ ហើយនាំឲ្យកម្ពុជាមានសុខសន្ដិភាពដូចសព្វថ្ងៃនេះ។សម្ដេចបន្ថែមថា ការអភិវឌ្ឍ សមិទ្ធផលនានាដែលមាននាពេលសព្វថ្ងៃនេះមិនមែនជារឿងចៃដន្យនោះឡើយ ដែលកម្ពុជាធ្វើបានដូចនេះ។ នេះគឺជាការខិតខំរបស់រាជរដ្ឋាភិបាលនាំប្រទេសចេញពីសង្រ្គាមមកកាន់ទឹកដីដែលមានការឯកភាពជាតិតាមរយៈនយោបាយឈ្នះឈ្នះ។ តាមរយៈសន្ដិភាពនេះគឺបានជួយជំរុញដំណើរវិដ្ដរបស់កម្ពុជា តែវាមិនទាន់ចប់ត្រឹមនេះឡើយពោលគ្រប់ផ្នែកត្រូវបន្តកិច្ចការរបស់ខ្លួនទៅមុខទៀត៕