Month: January 2021

​    ភ្នំពេញ ៖​ ជនសង្ស័យមួយក្រុមមានគ្នា៣នាក់​ បានចេញធ្វើសកម្មភាពគាស់ផ្ទះប្រជាពរដ្ឋមួយកន្លែងបំណងប៉ិនប៉ងលួចទ្រព្យសម្បត្តិ​ តែមិនបានសម្រេចត្រូវម្ចាស់ផ្ទះឃើញទាន់ចាប់បានម្នាក់ប្រគល់ឲ្យសមត្ថកិច្ច​ និងបក្សពួក២នាក់ទៀតរត់គេចខ្លួនបាត់​ កាលពីវេលាមោង១​ និង២០នាទីយប់រំលងអធ្រាតឈានចូលថ្ងៃព្រហស្បតិ៍​ ទី២៨​ ខែមករា​ ឆ្នាំ២០២១ ស្ថិតតាមបណ្ដោយផ្លូវ៣៧១​ ជិតវត្តពោធិ៍ញាណ ក្នុងសង្កាត់ស្ទឹងមានជ័យ២​ ខណ្ឌមានជ័យ​ ។  ​    ជនសង្ស័យម្នាក់ដែលសមត្ថកិច្ចឃាត់ខ្លួនមានឈ្មោះ​ ហឿន​ ទុំ​ ភេទប្រុស​ អាយុ១៨ឆ្នាំមុខរបបមិនពិតប្រាកដ​ស្នាក់នៅម្ដុំវត្តពោធិ៍ញាណ​ មានស្រុកកំណើតនៅខេត្តសៀមរាប។ ​    យោងតាមសម្ដីម្ចាស់ផ្ទះរងគ្រោះបានឲ្យដឹងថា​ មុនពេលកើតហេតុគាត់ឃើញជនសង្ស័យមានគ្នា៣នាក់និងរុឺម៉កអេតចាយមួយគ្រឿង​ បើកមកឈប់ក្បែរផ្ទះរបស់គាត់​ រួចបានធ្វើសម្មភាពគាស់ផ្ទះរបស់គាត់បំរុងលួចទ្រព្យសម្បត្តិ​ ដោយឃើញទាន់ក៏នាំគ្នាព័ទ្ធចាប់បានម្នាក់​ និងបក្សពួកពីរនាក់ទៀតបានបើករុឺម៉ករត់គេចខ្លួនដោយសុវត្តិភាព។ ​    បច្ចប្បន្ននេះ ជនសង្ស័យខាងលេីត្រូវបានសមត្ថកិច្ចនាំខ្លួនយកទៅប៉ុស្តិ៍នគរបាលរដ្ឋបាលស្ទឹងមានជ័យទី២​ ដេីម្បីធ្វេីកំណត់ហេតុនិងសាកសួរស្រាវជ្រាវឈានទៅដល់កំណត់មុខសញ្ញាតាមចាប់បក្សពួកដែលនៅសេសសល់យកមកផ្ដន្ទាទោសតាមផ្លូវច្បាប់។ចំណែកជនសង្ស័យខាងលេីបានឆ្លើយសារភាពថា​ ខ្លួនគេនិងបក្សពួកពីរនាក់ទៀត​ ពិតជាគាស់ផ្ទះជនរងគ្រោះពិតប្រាកដមែន​ និងធ្លាប់ធ្វេីសកម្មភាពបាន២ដង​ ដោយយប់នេះត្រូវម្ចាស់ផ្ទះចាប់បានទៀត​ ។ ក្នុងនោះជនរងគ្រោះជាម្ចាស់ផ្ទះ ក៏បានមកដាក់ពាក្យបណ្ដឹងដេីម្បីឲ្យសមត្ថកិច្ចចាត់ការតាមច្បាប់​ ៕​ ដោយ៖​ ទូច រ៉ាវុធ

ព្រះសីហនុ ៖ ខ្មាន់កាំភ្លើង និងបក្ខពួកជនជាតិចិន ដែលបានធ្វើសកម្មភាពបាញ់ប្រហារជនជាតិចិន ទាំងព្រឹកព្រលឹមថ្ងៃទី២១ ខែមករា ឆ្នាំ២០២១កន្លងទៅ នៅក្រុងព្រះសីហនុ ខេត្តព្រះសីហនុ ត្រូវបានកម្លាំងនគរបាលស្រាវជ្រាវចាប់ខ្លួនបានជាបន្ដបន្ទាប់ សរុបចំនួន៣នាក់ ហើយបានកសាងសំណុំរឿងបញ្ជូនទៅសាលាដំបូងខេត្ត ដើម្បីផ្ដន្ទាទោសតាមច្បាប់។ ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានប្រាប់ឲ្យដឹងនៅព្រឹកថ្ងៃទី២៧ ខែមករា ឆ្នាំ២០២១នេះថា ខ្មាន់កាំភ្លើង និងបក្ខពួក ដែលបាញ់ប្រហារជនជាតិចិននេះ ត្រូវបានចាប់ខ្លួនក្រោយកើតហេតុ ប្រមាណ១០ម៉ោង ពោលនៅថ្ងៃទី២១ ខែមករា ប៉ុន្ដែសមត្ថកិច្ចមិនទាន់បញ្ចេញព័ត៌មានជាសាធារណៈនោះទេ ព្រោះត្រូវស្រាវជ្រាវបន្ដរកអ្នកពាក់ព័ន្ធ។ បើតាមលោកឧត្តមសេនីយ៍ស្នងការ ក្រៅពីខ្មាន់កាំភ្លើង និងបក្ខពួកសរុប៣នាក់នេះ គឺនៅមានបក្ខពួកក្រុមជនដៃដល់ផ្សេងទៀត ដែលកម្លាំងជំនាញកំពុងស្រាវជ្រាវដើម្បីចាប់ខ្លួនមកផ្ដន្ទាទោសតាមច្បាប់បន្ដទៀតផងដែរ។ យ៉ាងណាមិញ មនុស្សទាំង៣នាក់ ដែលត្រូវចាប់ខ្លួនបាននេះ បានបញ្ជូនទៅសាលាដំបូងខេត្ត ហើយក៏ត្រូវចៅក្រមស៊ើបសួរ ចេញដីកាបង្គាប់ឲ្យឃុំខ្លួនរួចរាល់ហើយដែរ។ គួរជម្រាបថា ជនជាតិចិនម្នាក់ត្រូវបានខ្មាន់កាំភ្លើងបាញ់ប្រហារបណ្ដាលឲ្យស្លាប់ក្នុងថ្លុកឈាម ខណៈអ្នកបើកបររងរបួសធ្ងន់។ ហេតុការណ៍នេះ បានកើតឡើងនៅវេលាម៉ោងប្រមាណ៩ព្រឹក ថ្ងៃទី២១ ខែមករា ឆ្នាំ២០២១ នៅក្នុងមុខកាស៉ីណូ ជីយវនីសិន ស្ថិតក្នុងក្រុងព្រះសីហនុ ខេត្តព្រះសីហនុ។ ជនរងគ្រោះជាជនជាតិចិន ជិះរថយន្ដមួយគ្រឿង […]

ភ្នំពេញ​៖​ ស្ត្រីម្នាក់បេីករថយន្តទាំងស្ថានភាពមិនស្រួលខ្លួនហេីយបានគេចពីម៉ូតូក៏រេចង្កូតទៅបុករបាំងថ្មពុះចែកទ្រូងផ្លូវពេញទំហឹងបណ្តាលឲ្យរងការខូចខាតចំណែករបាំងថ្មពុះចែកទ្រូងផ្លូវវៀចមួយកង់។  ហេតុការណ៍​នេះបានកេីតឡេីងកាលពីវេលាម៉ោង៩យប់ថ្ងៃទី២៦​ ខែមករា​ ឆ្នាំ២០២១​ នៅចំណុចមុខច្រកចូលអាកាសយាន្តដ្ឋានអន្តរជាតិភ្នំពេញ​ តាមបណ្តោយមហាវិថីសហព័ន្ធរុស្ស៊ី​ ក្នុងភូមិក្បាលដំរី២​ សង្កាត់កាកាបទី២​ ខណ្ឌពោធិ៍សែនជ័យ​។  តាមប្រភព័ត៌មានពីកន្លែងកេីតហេតុបានឲ្យដឹងថា​ មុនពេលកេីតហេតុគេបានឃេីញស្ត្រីម្នាក់បេីករថយន្តម៉ាកTrailblazer LTZ ពណ៌ស​ ពាក់ស្លាកលេខភ្នំពេញ2AJ 3399 ធ្វេីដំណេីរតាមបណ្តោយមហាវិថីសហព័ន្ធរុស្ស៊ី​ ក្នុងទិសដៅពីកេីតទៅលិច​ ខណះមកដល់ចំណុចកេីតហេតុដោយមានស្ថានភាពមិនស្រួលខ្លួនងងឹតមុខហេីយបានគេចពីម៉ូតូដែលនៅខាងមុខក៏រេចង្កូតទៅបុករបាំងថ្មពុះចែកទ្រូងផ្លូវពេញទំហឹងតែម្តងបណ្តាលឲ្យរថយន្តរងការខូចខាតចំណែករបាំថ្មពុះចែកទ្រូងផ្លូវវៀចចេញពីគន្លងជូរមួយកង់សំណាងមិនមានមនុស្សរងរបួសនោះទេ។  ក្រោយកេីតហេតុម្ចាស់រថយន្តបានគេចខ្លួនចេញពីកន្លែងកេីតហេតុដោយបន្សល់ទុករថយន្តនៅកន្លែងកេីតហេតុត្រូវបានសមត្ថកិច្ចធ្វេីការវាស់វែងយកទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញរងចាំដោះស្រាយតាមច្បាប់៕ដោយ%ទូច រ៉ាវុធ

ភ្នំពេញ បុរសម្នាក់រួមដំណើរនឹងរបស់អ្នកទៀតសង្ស័យស្រវឹងស្រាបើករថយន្តហាយលេនឌ័រមួយគ្រឿងបោះពួយក្នុងល្បឿនធ្លាក់ផ្លូវហោះទៅបុកបង្គូលប៉ាណូក្រុមហ៊ុនស្រាបៀហ្គេនស្បឺតបណ្តាលឲ្យរថយន្តក្រឡាប់មួយឃុំខូចខាតយ៉ាងដំណំ សំណាងល្អអ្នកបើកបរនិងអ្នករួមដំណើរមិនមានរងរបួស។ ហេតុការណ៍នេះកើតឡើងកាលពីវេលាម៉ោង២ យប់រំលងអាធ្រាត្រឈានចូលថ្ងៃទី២៧ ខែមករាឆ្នាំ២០២១ ស្ថិតនៅតាមបណ្ដោយផ្លូវ ២១៧ នៅខាងត្បូងក្រុមហ៊ុនស្រាបៀរកម្ពុជាប្រមាណជាង ២០០ ម៉ែត្រ ក្នុងសង្កាត់ជើងឯក ខណ្ឌដង្កោរាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់រួមដំណើរនឹងបុរសម្នាក់ទៀតសង្ស័យស្រវឹងស្រាបើករថយន្តហាយលេនឌ័រមួយគ្រឿងពណ៌ទឹកប្រាក់ពាក់ស្លាកលេខភ្នំពេញ2AH-4531 ធ្វើដំណើរទិសដៅពីជើងទៅត្បូងក្នុងល្បឿនលឿនលុះមកដល់ចំណុចកើតហេតុខាងលើបានរេចង្កូតមកខាងស្ដាំដៃធ្លាក់ផ្លូវទៅមុខប្រមាណជាង ៣០ ម៉ែត្ររួចហោះទៅបុកនឹងបង្គូលប៉ាណូក្រុមហ៊ុនស្រាបៀរហ្គេនស្បឺតបណ្ដាលទ្រេតបង្គូលប៉ាណូរងការខូចខាតផ្នែកខាងក្រោមយ៉ាងដំណំ ចំណែករថយន្តក្រឡាប់មួយជុំវិលក្បាលត្រឡប់ក្រោយវិញ ខូចខាតផ្នែកមុខស្ទើរទាំងស្រុង។ ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញ។ចុះមកធ្វើការវាស់វែងស្ទូចយករថយន្តទៅរក្សាទុកនៅអធិការដ្ឋាននគរបាលខណ្ឌដង្កោរង់ចាំធ្វើការដោះស្រាយគ្នាទៅតាមផ្លូវច្បាប់៕

ខេត្តព្រះសីហនុ៖ មនុស្សចំនួន៣នាក់ក្នុងនោះស្រី២នាក់(ជាជនជាតិចិន)ត្រូវបានសមត្ចកិច្ចប៉ូលិស ស្នងកាដ្ឋានន បាលខេត្តព្រះសីហនុ ចាប់ឃាត់ខ្លូនភ្លាមៗ ក្រោយកើតហេតុមាន បុសរសជនជាតិចិនម្នាក់បានធ្លាក់ស្លាប់ពី លើ អាគារជាន់ទី១៣នៃអាគារកម្ពស់២២ជាន់។ ហេតុការដ៏គួរឲ្យរន្ធត់នេះបានកើតឡើងនៅវេលាព្រឹកម៉ោងប្រមាណ៧ និង១៥នាទី ថ្ងៃទី ២៦ ខែ មករា ឆ្នាំ ២០២១ ត្រង់ចំណុច ស្ថិត ក្នុងភូមិលេខ ១ សង្កាត់លេខ ៣ ក្រុងព្រះសីហនុ ខេត្តព្រះសីហនុ (តំបន់កំពេញ)។ ពាក់ព័ន្ធទៅនិង ហេតុការនេះបើតាមសាក្សីរស់នៅក្បែរកន្លែងកើតហេតុបាននិយាយប្រាប់ឲ្យដឹងថា នៅ មុនពេលកើតហេតុគេឃើញជនរងគ្រោះនៅមុខបន្ទប់នៃអាគារជាន់ទី១៣។មួយសន្ទុះមកស្រាប់តែជនរងគ្រោះបានធ្លាក់មកដល់ដីស្លាប់បាត់ទៅហើយ ដោយមិនដឹងថា ជនរងគ្រោះលោតពីលើអាគារសម្លាប់ខ្លូនឬរអិលធ្លាក់ជើង ធ្លាក់ដោយខ្លូនឯងនោះទេ។ជនរងគ្រោះបានធ្លាក់ពីអាគារកម្ពស់១៣ជាន់មកបុកទម្លុះដំបូលបន្ទប់ទឹកផ្ទះប្រជាពលរដ្ឋដែលជាប់អាគារនោះធ្លាក់ដល់ដី បណ្តាលឲ្យជើងជនរងគ្រោះម្ខាងត្រូវបានដាច់ពេញពីដងខ្លួនស្លាប់ភ្លាមៗ នៅក្នុងផ្លុកឈាមកន្លែងកើតហេតុ តែម្តង ។ ដោយ ឡែក សំរាប់ បងស្រីជាម្ចាស់កើតហេតុបាននិយាយប្រាប់ឲ្យដឹងផងដែរថា នៅមុនពេល កើរហេតុ រូបគាត់ បានចូលបន្ទប់ទឹក លុះក្រោយមករូបគាត់បានចេញពីបន្ទប់ទឹកប្រមាណ១នាទី ក៏ស្រាប់តែកើតហេតុជន រងគ្រោះធ្លាក់ ចូលក្នុងបន្ទប់ទឹកផ្ទះរបស់គាត់តែម្តងតែ។ ជាមួយគ្នានេះបងស្រី ម្ចាស់ផ្ទះក៏បានបញ្ជាក់ផង ដែរ ថា នេះចាត់ទុកជាសំណាងរបស់គាត់ហើយ ដែលបានចាក់ចេញមុនពេលកើតហេតុ បានបន្តិច […]

ភ្នំពេញ÷ថ្ងៃទី២៦ ខែមករា ឆ្នាំ ២០២១ វេលាម៉ោង ៨ និង ៤៥នាទីព្រឹក មានករណីគ្រោះថ្នាក់ចរាចរណ៍មួយបានកើតឡើងនៅតាមបណ្ដោយផ្លូវសហព័ន្ធរុស្ស៊ីដែលស្ថិតនៅសង្កាត់កាកាប ១ ខណ្ឌពោធិ៍សែនជ័យ រាជធានីភ្នំពេញ បណ្ដាលឲ្យនារីម្នាក់រងរបួសស្រាល តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញនារីម្នាក់ធ្វើដំណើរពីលិចទៅកើតមកដល់ត្រង់ចំណុចកើតហេតុប្រុងបទមកឆ្វេងឆ្លងផ្លូវ ស្រាប់តែក៏មានរថយន្តហាយឡិនឌ័រមួយគ្រឿងមកបុកពីក្រោយពេញទំហឹង បណ្ដាលឱ្យម៉ូតូរងការខូចខាតយ៉ាងដំណំនឹងនារីម្នាក់រងរបួសស្រាល។  ក្រោយកើតហេតុកម្លាំងជំនាញចុះមកដល់ ធ្វើការវាស់វែងនិងយករថយន្តអែបខាងធ្វើការដោះស្រាយគ្នាដោយភាគីខាងរថយន្តព្រមដោះស្រាយដោយទទួលសងចំនួន 300 ដុល្លារបញ្ចប់រឿងនៅកន្លែងកើតហេតុ៕ដោ% Touch Ravuth

ខេត្ដកំពង់ចាម៖ កងកម្លាំងបោសសម្អាត បានស្រង់យុទ្ធភណ្ឌជាង ៦តោន ចេញពីនាវាចម្បាំងចំណាស់ដែលលិចនៅក្នុងទន្លេនាខេត្តកំពង់ចាម គិតត្រឹមថ្ងៃទី២៥ ខែមករា ឆ្នាំ២០២១នេះ ។ មេបញ្ជាការបោសសម្អាតគ្រាប់មិនទាន់ផ្ទុះ នៃមជ្ឈមណ្ឌលជាតិគ្រប់គ្រង កងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម (NPMEC) លោកឧត្តមសេនីយ៍ទោ ម៉ី សុភា ​បានឱ្យដឹងថា គ្រាប់ជាង ៦តោន ដែលកម្លាំងជំនាញបានស្រង់ចេញពីក្លូបនាវាច្បាំងចំណាស់ ១គ្រឿងនេះ គឺស្ថិតនៅក្នុងចំណោមគ្រាប់យុទ្ធភណ្ឌដ៏ច្រើនសន្ធឹកសន្ធាប់ ដែលវាត្រូវបានលិចជាមួយនាវា ស្ថិតនៅភូមិវាល ឃុំមានជ័យ ស្រុកស្រីសន្ធរ ខេត្តកំពង់ចាម កាលពីសម័យសង្គ្រាមស៊ីវិល។ មកដល់ពេលនេះកម្លាំងជំនាញបានប្រមូល និងស្រង់គ្រាប់យុទ្ធភណ្ឌមិនទាន់ផ្ទុះកំពុងប្រតិបត្តិការយ៉ាងក្តៅគគុកលើការងារនេះ។ លោកឧត្តមសេនីយ៍ទោ បានបញ្ជាក់ថា គ្រាប់យុទ្ធភណ្ឌដែលកម្លាំងជំនាញប្រមូលបានជាង ៦តោននេះ រួមមាន គ្រាប់ត្បាល់ ៨១មីលីម៉ែត្រ, គ្រាប់ត្បាល់ ៦០មីលីម៉ែត្រ និងគ្រាប់កាំភ្លើងយន្ត ១២,៧មីលីម៉ែត្រផងដែរ។ ក្រៅពីគ្រាប់យុទ្ធភណ្ឌមិនទាន់ផ្ទុះជាង៦តោន ដែលស្ថិតនៅក្នុងចំណោមគ្រាប់យុទ្ធភណ្ឌជាច្រើននោះ កម្លាំងជំនាញបានប្រមូលវត្ថុតាងជាច្រើនរួមមាន មួកដែក កាំបិតកងទ័ព ស្លាកឈ្មោះរបស់ទាហាន លន់ ណុល ជាដើម។ សូមបញ្ជាក់ថា នាវាមួយគ្រឿង ដែលផ្ទុកដោយយុទ្ធភណ្ឌរាប់រយតោន ត្រូវបានកម្លាំងសមត្​ថកិច្ចនគរបាល នៃអធិការដ្ឋាននគរបាលស្រុកស្រីសន្ធរ […]

ភ្នំពេញ៖ នារីម្នាក់វ័យ២៨ឆ្នាំម្នាក់ស្លាប់យ៉ាងអាណោចអធម័នៅវេលាម៉ោងប្រហែលជា០៨:០០នាទីយប់ នាថ្ងៃទី២៣ ខែមករា ឆ្នាំ២០២១ នៅតាមបណ្តោយផ្លូវ២១៧ ស្ថិតក្នុងសង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។ នារីដែលស្លាប់ខាងលើបង្កដោយសាររថយន្ត អាល់ហ្វាត ពណ៌ស ពាក់ស្លាកលេខ ភ្នំពេញ 2BJ-2004 មួយគ្រឿងបើកបុករះម៉ូតូ២គ្រឿង ហើយកិនពីលើនារីជនរងគ្រោះស្លាប់នៅនឹងកន្លែងតែម្តង ។ បើតាមប្រភពព័ត៌មានពីកន្លែងកើតហេតុបានអោយដឹងថា រថយន្តអាល់ហ្វាតពណ៌សខាងលើមុនដំបូងបើកបុករថយន្តម៉ាកធុនត្រានៅមុខវត្តសំបួរ នៅតាមបណ្តោយផ្លូវ២១៧ ក្នុងខណ្ឌដង្កោ ហើយបន្តបើករត់តាមផ្លូវ២១៧ឆ្ពោះមកច្រមុះជ្រូកស្ទឹងមានជ័យ បានប៉ះជាមួយរថយន្តកាមេរីឆ្លាមមួយគ្រឿងទៀត ហើយនៅបន្តបើករត់ទៀត រហូតមកបុកម៉ូតូហុងដាឌ្រីមសង់ សេ១២៥ ពណ៌ខ្មៅ ពាក់ស្លាកលេខ តាកែវ 1N-8939 រងការខូចខាងយ៉ាងដំណំ ចំណែកបុរសជាអ្នកបើកម៉ូតូរបួសស្រាល ហើយបន្តបុកម៉ូតូហុងដាស្កុបពី ពណ៌ស ពាក់ស្លាកលេខ ភ្នំពេញ 1II-9166 បើកបរដោយនារីម្នាក់ ដែលជាជនរងគ្រោះស្លាប់ខាងលើ ដោយរថយន្តកិនពីលើជនរងគ្រោះ ស្លាប់នៅនឹងកន្លែងកើតហេតុតែម្តង ហើយប្រភពពីគ្រួសារសពបានបញ្ជាក់ថា នារីជនរងគ្រោះខាងលើជិតដល់ថ្ងៃចូលរោងការផងដែរ ។ នារីជនរងគ្រោះមានឈ្មោះ ហេង អាយុ២៨ឆ្នាំ ។ ក្រោយពេលកើតហេតុជនបង្កខាងលើត្រូវបានសមត្ថកិច្ចឃាត់ខ្លួន ចំណែកសពនារី ត្រូវបានគ្រួសារដឹកតាមរថយន្តសាម៉ុយ យកទៅធ្វើបុណ្យតាមប្រពៃណី៕ដោយ%ទូច រ៉ាវុធ