(ភ្នំពេញ)៖ ក្រោមការបញ្ជាផ្ទាល់ពីលោកវរសេនីយ៍ឯក ម៉ន វុធី អធិការនៃអធិការដ្ឋាននគរបាលខណ្ឌពោធិ៍សែនជ័យ បានរៀបកងកម្លាំងអន្តរាគមន៍ពិសេសថ្មី និង ផែនការថ្មី ដើម្បីបង្ក្រាបបទល្មើស ឆក់ ប្លន់។ នៅយប់ថ្ងៃទី១៨ខែធ្នូឆ្នាំ២០២១ កម្លាំងនគរបាលនៃអធិការខណ្ឌចេញល្បាតពួនស្ទះបង្ក្រាបក្រុមចោរប្រដាប់អាវុធកាំភ្លើងខ្លីជិះម៉ូតូដេញតាមធ្វើសកម្មភាពបាញ់ប្លន់យកម៉ូតូពីជនរងគ្រោះមិនបានសម្រេច ត្រូវប្រជាពលរដ្ឋនិងអ្នករត់កង់បីរួមសហការជាមួយកម្លាំងនគរបាលនៃអធិការដ្ឋានខណ្ឌពោធិ៍សែនជ័យធ្វើការចាប់ខ្លួនជនសង្ស័យបាន២នាក់។ ស្ថិតនៅតាមបណ្តោយផ្លូវមហាវិថីសហព័ន្ធរុស្ស៊ីភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ ជនសង្ស័យទី១)ឈ្មោះ ឡុង សុថា អាយុ១៩ឆ្នាំមុខរបរកម្មករសំណង់ស្នាក់នៅផ្ទះជួលភូមិថ្មគោល១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ជនសង្ស័យទី២)ឈ្មោះ សឿង សំណាង អាយុ២៥ឆ្នាំមុខរបរជាងជួសជុលទូរស័ព្ទស្នាក់នៅភូមិថ្មគោល១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ វត្ថុតាំងដកហូតកាំភ្លើងខ្លី១ដើមនិងម៉ូតូមួយគ្រឿងហុងដាឌ្រីមC125ពណ៌ខ្មៅស៊េរីឆ្នាំ២០១៨ពាក់ស្លាក់លេខភ្នំពេញ1GU,7276 ។ចំណែកជនរងគ្រោះទី១)ឈ្មោះ មឿង វីលឡា ភេទប្រុសអាយុ២៥ឆ្នាំមុខរបរជាងសំណង់ស្នាក់នៅបន្ទប់ជួលភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញនិងជនរងគ្រោះទី២)ឈ្មោះ ស៊ីម ស៊ីហុង ភេទប្រុសអាយុ២៥ឆ្នាំមុខរបស់ជាសំណង់ស្នាក់នៅភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។បច្ចុប្បន្នជនសង្ស័យត្រូវកម្លាំងនគរបាលជំនាញនៃអធិការខណ្ឌពោធិ៍សែនជ័យកំពុងសាកសួរដេីម្បីកសាងសំណុំរឿងបញ្ជូនទៅកាន់តុលាការចាត់ការតាមផ្លូវ៕
ខេត្តត្បូងឃ្មុំ ៖ ស្នងការនគរបាលខេត្តត្បូងឃ្មុំបានប្រកាសឱ្យប្រជាពលរដ្ឋត្រូវមានការប្រុងប្រយ័ត្នខ្ពស់ចំពោះមុខសញ្ញាទាំង៥នាក់ លួច និងប្លន់ ដែលមាន ភិនភាគដូចនៅក្នុងរូបថតខាងក្រោម ។ នគរបាលខេត្តត្បូងឃ្មុំមិនត្រឹមតែប្រកាសដំណឹងឱ្យបងប្អូនប្រជាពលរដ្ឋប្រុងប្រយ័ត្នប៉ុណ្ណោះទេ ថែមទាំងអំពាវនាវឱ្យជួយសហការ និងរាយការណ៍ទៅសមត្ថកិច្ច តាមរយ:ទូរស័ព្ទលេខ 097 888 35 58 ឬ 097 92 33 266 ដើម្បីមានវិធានការ។ បើបងប្អូនប្រជាពលរដ្ឋសហការបានល្អ លោកអធិការនគរបាលស្រុកមេមត់នឹងផ្តល់ប្រាក់ឧបត្ថមមួយចំនួនដល់បងប្អូន ដោយបញ្ជាក់ទីតាំង និងពេលវេលាដែលជនទាំងនេះស្នាក់នៅ ។ សូុមបញ្ជាក់ថា រាល់ព័ត៌មានដែលបងប្អូនបានរាយការណ៍ យើងខ្ញុំនឹងរក្សាជាការសម្ងាត់ជូន ៕
ស្រុកស្វាយអន្ទរ: បន្ទាប់ពីមានសេចក្តីរាយការណ៍ពីប្រជាពលរដ្ឋថាមានចោរ៤នាក់បានមកគាស់ទ្វាឡានដឹកស្រូវយកលុយនៅចំណុចរង្វង់មូលស្វាយអន្ទរខណ:នោះដែរលោក អ៊ុង ផាន អធិការស្រុកស្វាយអន្ទរបានដឹកនាំកម្លាំងដោយផ្ទាល់ក៏បានធ្វើការដេញព័ទ្ធស្ទាក់ចាប់បាន២នាក់។ ដែលហេតុការណ៍នេះបានកើតឡើងនៅថ្ងៃទី២៥ ខែសីហា ឆ្នាំ២០២០ វេលាម៉ោង១២នឹង៧នាទីនៅចំណុចរង្វង់មូលស្វាយអន្ទរដោយសារតែមានប្រជាពលរដ្ឋឃើញក្រុមចោរមានគ្នា៤នាក់កំពុងតែធ្វើសកម្មភាពគាស់ទ្វាឡានដឹកស្រូវហើយស្រែកឆោឡោនិងប្រជាពលរដ្ឋបានប្តឹងដល់សមត្ថកិច្ចពេលនោះដែរមិនបង្អង់យូរលោក អ៊ុង ផាន អធិការស្រុកស្វាយអន្ទរបានដឹកនាំកម្លាំងដេញព័ទ្ធស្ទាក់ជនសង្ស័យដែលជិ:ម៉ូតូមួយគ្រឿងម៉ាកឌ្រីមសង់សេ១២៥ ពណ៌ខ្មៅពាក់ស្លាកលេខ ភ្នំពេញ: CI 9767 ជិ:ចូលផ្សារឈូកមាសពេលនោះក្រុមចោរឃើញសមត្ថកិច្ចក៏ភ័យស្លន់ស្លោក៏បានជិ:ម៉ូតូរត់គេចបន្តរហូតដល់ប៉ុស្តិ៍នគរបាលព្រៃខ្លាក៏បានបត់ក្រោយមកបុកចំពីមុខរថយន្តរបស់លោកអធិការខណ:ពេលដែលលោកអធិការកំពុងដេញតាមពីក្រោយក៏បណ្តាលរងការខូចខាតយ៉ាងដំណំនឹងបណ្តាលអោយជនសង្ស័យម្នាក់រងរបួសបាក់ភ្លៅ។ លោក អ៊ុង ផាន អធិការស្រុកស្វាយអន្ទរបានអោយអ្នកសារព័ត៌មានយើងដឹងថាជនសង្ស័យទាំងពីនាក់នោះជាជនជាតិចិនទី១,មានឈ្មោះ ជិញ ឈាវ ភេទប្រុស អាយុ៣២ ឆ្នាំ មានទីកំណើតនៅភូមិ កានថាង ឃុំ ធីង ធ័ន ស្រុក លាវជាំង ខេត្តគង់ស៊ី ឃាត់ខ្លួននៅអធិការដ្ឋាននគរបាលស្រុកស្វាយអន្ទរ ទី២,ឈ្មោះ ធាន ឈួយ ភេទប្រុស អាយុ៣៥ ឆ្នាំ មានទីកំណើតនៅភូមិ ផាន សឿ ឃុំ ជីងធ័ន ស្រុក លាវជាំង ខេត្តគង់ស៊ី រងរបួសបាក់ភ្លៅត្រូវបានដឹកយកទៅសង្គ្រោះនៅមន្ទីពេទ្យបង្អែកខេត្តព្រៃវែង។ គួររំលឹកផងដែរថាកន្លងមកលោកអធិការស្រុកស្វាយអន្ទរតែងតែយកចិត្តទុក្ខដាក់ចំពោះសេចក្តីសុខ សុវត្ថិភាពរបស់ប្រជាពលរដ្ឋមិនថាពេលក៏ដោយជាក់ស្តែងក្នុងការបង្ក្រាបមួយនេះលោកបានខិតខំចំណាយកម្លាំងកាយចិត្តដើម្បីបង្ក្រាបក្រុមជនសង្ស័យទាំងនេះរហូតដល់មានការខូចខាតទ្រព្យសម្បត្តិផ្ទាល់ខ្លួនថែមទៀតផង បច្ចុប្បន្នសមត្ថកិច្ចកំពុងធ្វើការសាកសួរនឹងកសាងសុំណុំរឿងដើម្បីចាត់ការតាមនិតិវិធីហើយក៏កំពុងស្រាវជ្រាវរកជនសង្ស័យ២នាក់ទៀតដែលជាបក្សពួកដើម្បីធ្វើការឃាត់ខ្លួនជាបន្តទៀត៕
