ខេត្តត្បូងឃ្មុំ៖ បុរស ២នាក់បានបាត់បង់ជីវិតភ្លាមៗ នៅនឹងកន្លែងកើតហេតុ នៅលើផ្លូវជាតិលេខ៨ ដោយសារតែរថយន្តម៉ាក lexus 570 ដែលគេស្គាល់ថា ជារបស់លោក ថង សាវុន អភិបាលខេត្តមណ្ឌលគីរី បើកបុកយ៉ាងពេញទំហឹងបណ្តាលឱ្យផ្លោងមនុស្សចេញពីម៉ូតូសណ្ដោងរ៉ឺម៉ក។គ្រោះថ្នាក់ចរាចរណ៍នេះ បានកើតឡើងនៅថ្ងៃទី២៩ ខែកញ្ញា ឆ្នាំ២០២២ វេលាម៉ោង១២និង១៥នាទីថ្ងៃត្រង់ ចន្លោះបង្គោលគីឡូម៉ែត្រលេខ១៤៥/១៤៦ ស្ថិតនៅភូមិពោធិស្រុក ឃុំកោងកាង ស្រុកពញក្រែក។ ចំណែករថយន្តបានជ្រុលធ្លាក់ចូលទៅក្នុងព្រៃ ហើយអ្នកបើកបរបានរត់គេចខ្លួនបាត់ស្រមោលតែម្តង ក្រោយពេលកើតហេតុ។ប្រភពពីកន្លែងកើតហេតុបានឲ្យដឹងថា មានករណីគ្រោះ ថ្នាក់ចរាចរណ៍មួយកើតឡើងរវាងម៉ូតូសណ្តោងរ៉ឺម៉ក និងរថយន្ត។ នៅកន្លែងកើតហេតុនោះ គឺម៉ូតូសណ្តោងរ៉ឺម៉កម៉ាកវ៉េវ (គ្មានអាវ)ពណ៌ខ្មៅគ្មានស្លាកលេខបើកបរដោយ ឈ្មោះ អែម សំអូន (ហៅគោ) ភេទប្រុស អាយុ២៧ឆ្នាំ ជនជាតិខ្មែរ រស់នៅភូមិស្ទឹងតូច ឃុំកក់ ស្រុកពញាក្រែក ខេត្តត្បូងឃ្មុំ (ស្លាប់នៅនឹងកន្លែងកើតហេតុ) បានឌុបឈ្មោះ ផន ភីន ភេទប្រុស អាយុ១៦ឆ្នាំ នៅរស់ភូមិ-ឃុំជាមួយអ្នកបើកបរ (ស្លាប់នៅកន្លែងកើតហេតុ) ចំណែករថយន្តម៉ាក LEXUS LX570 ពណ៌ខ្មៅ ពាក់ស្លាកលេខភ្នំពេញ 2AQ-2225 ។ចំណែកអ្នកបើករថយន្តវិញ បើករត់គេចខ្លួនបាត់ស្រមោល។ប្រភពដដែលបន្តថា ក្នុងហេតុការណ៍ខាងលើនេះ បានបណ្តាលឱ្យម៉ូតូសណ្តោងរ៉ឺម៉កខូចខាតធ្ងន់ ចំណែករថយន្តវិញ គឺខូចកម្រិតខ្លាំងដូចគ្នា។ ក្រោយពេលកើតហេតុ សពជនរងគ្រោះទាំង២នាក់ ត្រូវបានជំនាញធ្វើកំណត់ហេតុ រួចប្រគល់សពអោយក្រុមគ្រួសាយកទៅធ្វើបុណ្យតាមប្រពៃណី។ចំណែករថយន្ត lexus 570 និងម៉ូតូសណ្តោងរ៉ឺម៉កត្រូវបានមន្ត្រីជំនាញយកមករក្សាទុកនៅអធិការដ្ឋាននគរបាលស្រុកពញាក្រែកជាបណ្ដោះអាសន្ន៕
Related Articles
លោក ឃួង ស្រេង៖ បើកការដ្ឋានស្ថាបនាមហាវិថីថ្មី១ខ្សែ ទទឹង៣០ម៉ែត្រ និងបណ្តោយជាង៥គីឡូម៉ែត្រ ចាប់ពីផ្លូវ១០០៣ ដល់មហាវិថីឈ្នះ-ឈ្នះ ដើម្បីជួយរំរួលចរាចរណ៏
ភ្នំពេញ ៖ ការដ្ឋានស្ថាបនាមហាវិថីថ្មីមួយខ្សែ ដែលមានទទឹង៣០ម៉ែត្រ និងបណ្តោយផ្លូវជាង៥គីឡូម៉ែត្រ ដោយចាប់ពីផ្លូវលេខ១០០៣ ផ្លូវបត់ចូលផ្សារទំនើបអេអន ម៉លសែនសុខ ស្របប្រឡាយមេខាងជើងរាជធានីភ្នំពេញ រហូតដល់មហាវិថីឈ្នះ-ឈ្នះ ក្នុងខណ្ឌឫស្សីកែវបានដំណើរបើកការដ្ឋានហើយ។ ពិធីបើកការដ្ឋានបានធ្វើឡើងនាព្រឹកថ្ងៃទី០៧ កញ្ញា ឆ្នាំ២០២០នេះ នៅលើកបណ្តោយផ្លូវនេះ ក្នុងសង្កាត់ស្វាយប៉ាកខណ្ឌឬស្សីកែវ ក្រោមវត្តមានលោក ឃួង ស្រេង អភិបាលរាជធានីភ្នំពេញ និងមានការចូលរួមពីប្រជាពលរដ្ឋជាច្រើននាក់ដែរ។ ប្រធានមន្ទីរសាធារណការ និងដឹកជញ្ជូន រាជធានីភ្នំពេញ លោក សាំ ពិសិដ្ឋ បានបញ្ជាក់ឲ្យដឹងថា មហាវិថីថ្មីនេះ រត់ត្រង់ជួរ ភ្ជាប់មកមហាវិថីអង្គរ ឆ្ពោះមករង្វង់មូលកាំកូ។ ជាប្រភេទផ្លូវភ្លោះ មានប្រវែង៥៨៦០ម៉ែត្រ ទទឹង ៣០ម៉ែត្រ ជាផ្លូវបេតុងអារមេរ កម្រាស់២០សង់ទីម៉ែត្រ។ ក្នុងនោះ ផ្លូវសងខាង១២ម៉ែត្រ សួនកណ្តាល២ម៉ែត្រ និងចិញ្ចើមផ្លូវសងខាង២ម៉ែត្រ ផ្លូវទ្វេរទិស មាន៣គន្លង សម្រាប់រថយន្តទៅមក និង១គន្លង សម្រាប់ទោចក្រយានយន្តទៅមក។ ដាក់បណ្តាញលូសងខាងផ្លូវទំហំ ០.៨ម៉ែត្រ ប្រវែង ១១៧២០ម៉ែត្រ និងដាក់លូឆ្លងកាត់ទទឹងផ្លូវ ចំនួន៨ កន្លែង។ លោក សាំ […]
អ្នកកំពុងមើលហ្នឹងមានអ្នកកាន់ដៃ Countdown ថ្ងៃឆ្លងឆ្នាំហើយនៅ?
MSJ TV ត្រៀមខ្លួនរួចជាស្រេចក្នុងការនាំយកនូវការប្រគុំតន្រ្តីK-POPដ៏អស្ចារ្យដែលមានការចូលរួមពីសំណាក់តារាទាំងក្រៅស្រុក និងក្នុងស្រុក។ជួបគ្នាជាមួយក្រុមតារាចម្រៀងស្រីរហូតដល់ទៅ២ក្រុមមកពីប្រទេសកូរ៉េ X:IN និង Ferry Blue។ មិនត្រឹមតែប៉ណ្ណោះបន្ទាប់ពី Countdown យើងក៏នឹងមានការ MIX ភ្លេងបែប EDM ដែលចាក់ដោយ DJ Annah មកពីប្រទេសកូរ៉េដោយផ្ទាល់។ ជួបគ្នាថ្ងៃទី ៣១ ខែធ្នូ ឆ្នាំ២០២៣ ខាងមុខនេះណា។ តម្លៃសំបុត្រត្រឹមតែ ៣០០០០៛ សម្រាប់ Early Bird តែប៉ុណ្ណោះ។ បន្ទាប់ពីដល់ចំនួនកំណត់យើងនឹងលក់នៅក្នុងតម្លៃធម្មតាវិញ។ ត្រៀមៗទាំងអស់គ្នាណា ហើយកុំភ្លេចហៅដៃគូរដៃកង់មកផងណា។ *សំបុត្រនឹងមានដាក់លក់ក្នុងពេលឆាប់ៗនេះ ***MSJ TV សូមរក្សាសិទ្ធក្នុងការផ្លាស់ប្តូរដោយពុំបាច់ជូនដំណឹងទុកជាមុន
សូមជូនទិដ្ឋភាពនៃ ការប្រណាំងទូក ង ដកស្រង់បច្ចេកទេស ប្រចាំស្រុកល្វាឯមថ្ងៃទី១ …
សូមជូនទិដ្ឋភាពនៃ ការប្រណាំងទូក ង ដកស្រង់បច្ចេកទេស ប្រចាំស្រុកល្វាឯមថ្ងៃទី១ មានបងប្អូនប្រជាពលរដ្ឋប្រមាណ ១០,០០០ នាក់បានចូលរួមទស្សនា ប្រកបដោយភាពសប្បាយរីករាយ និងសុខសុវត្ថិភាព ពីការរៀបចំដោយរដ្ឋបាលស្រុកល្វាឯម និងការការពារសណ្តាប់ធ្នាប់ពីកងកម្លាំងទាំងបី និងក្រុមគ្រូពេទ្យ។រដ្ឋបាលស្រុកល្វាឯម សូមជម្រាបជូនពុកម៉ែបងប្អូនប្រជាពលរដ្ឋសូមអញ្ញើញចូលរួមទស្សនាការប្រណាំងទូកនៅថ្ងៃស្អែកជាថ្ងៃផ្តាច់ព្រ័ត្តអោយបានច្រើនកុះករ៕ នារសៀលថ្ងៃពុធ ១០កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២២ ខែវិច្ឆកា ឆ្នាំ២០២៣