(ខេត្តស្ទឹងត្រែង)÷ ឈើជ្រុងប្រភេទលេខ១ ជាង៣០០កំណាត់ ត្រូវបានកម្លាំងសមត្ថកិច្ចចម្រុះខេត្ត រួមមាន កម្លាំងនគរបាលប្រឆាំងបទល្មើសសេដ្ឋកិច្ចខេត្ត កម្លាំងរដ្ឋបាលព្រៃឈើ និងកម្លាំងបរិស្ថានខេត្តស្ទឹងត្រែង បានចុះបង្ក្រាប និងរឹបអូសបាន គ្រាដែលក្រុមឈ្មួញកំពុងសម្រុកកាប់ និងដឹកជញ្ជូនយកមកស្តុកទុកក្នុងព្រៃ នៅក្នុងភូមិសាស្ត្រខេត្តស្ទឹងត្រែង ហើយគ្រោងនឹងដឹកជញ្ជូនឆ្លងចូលទៅខេត្តរតនគិរី ភាគឦសាននៃប្រទេសកម្ពុជា ជាប់ព្រំដែនប្រទេសវៀតណាម។ ប្រតិបត្តិការនេះត្រូវបានគេឲ្យដឹងថា បានធ្វើឡើងចាប់តាំងពីថ្ងៃទី២១មិថុនា រហូតដល់ថ្ងៃទី២៣មិថុនាឆ្នាំ២០២២នេះ នៅចំណុចអូរដំបង ស្ថិតក្នុងភូមិតាឡាត ឃុំតាឡាត ស្រុកសេសាន ខេត្តស្ទឹងត្រែង ដែលនៅជាប់នឹងព្រំប្រទល់ ឃុំហាតប៉ក់ ស្រុកកូនមុំ ខេត្តរតនគិរី។ ប្រភពព័ត៌មានបានឲ្យដឹងថា ឈើជ្រុងដែលរងការបង្ក្រាប និងរឹបអូសបាននាពេលនេះ ជាប្រភេទឈើលេខ១ ឈើផ្ចឹកមានចំនួនច្រើនជាង ៣២០កំណាត់ ត្រូវបានគេឡាំងជា៤ជ្រុងមានមុខកាត់មធ្យម ០.៣ ម៉ែត្រ និងមានប្រវែង ២ម៉ែត្រកន្លះ ទៅ ៣ម៉ែត្រ ហើយឈើទាំងនេះ ទំនងក្រុមឈ្មួញ គ្រោងដឹកជញ្ជូនឆ្លងទន្លេសេសាន ពីខេត្តស្ទឹងត្រែង ទៅខេត្តរតនគិរី។ ប្រភពដដែលបានឲ្យដឹងទៀតថា នៅក្នុងប្រតិបត្តិការបង្ក្រាប និងរឹបអូសឈើជាច្រើនរយកំណាត់នេះ សមត្ថកិច្ចមិនបានឃាត់ខ្លួនជនល្មើសបំផ្លាញព្រៃឈើនោះទេ ព្រោះត្បិតជនទាំងនោះបានរត់គេចខ្លួន មុនពេលសមត្ថកិច្ចចុះទៅដល់ទីតាំងស្តុកឈើនោះ។ ប្រភពព័ត៌មានដដែលបានឲ្យដឹងទៀតថា ឈើទាំងនេះត្រូវបានក្រុមឈ្មួញមានលុយ បានបំផុសប្រជាពលរដ្ឋនៅក្នុងតំបន់នោះ ឲ្យចូលទៅក្នុងព្រៃក្រឡាពស់ និងភ្នំគុល កាប់និងឈើដឹកយកមកលក់ឲ្យខ្លួន ហើយព្រៃឈើដែលរងការកាប់បំផ្លាញនេះ សង្ស័យស្ថិតនៅក្នុងដែនព្រៃការពារជីវៈចម្រុះ ក្រោមការគ្រប់គ្រងដោយរដ្ឋបាលព្រៃឈើ និងឧទ្យានុរក្ស នៃមន្ទីរបរិស្ថានខេត្តស្ទឹងត្រែង។ ក្រោយការកាប់ផ្តួល និងពុះជ្រៀក ជា ៤ជ្រុងហើយ ក្រុមឈ្មួញសកម្មខាងបំផ្លាញធនធានធម្មជាតិ ជីវៈចម្រុះ និងព្រៃឈើ បានធ្វើការដឹកជញ្ជូនឈើទាំងនោះ តាមគោយន្តកន្ត្រៃ ឬរថយន្តកែច្នៃ យកមកទម្លាក់នៅមាត់ទន្លេក្នុងស្រុកសេសាន និងបន្ទាប់មកក៏ដឹកជញ្ជូនឆ្លងទឹក យកមកដាក់នៅមាត់ទន្លេត្រើយខាង ឃុំហាតប៉ក់ ស្រុកកូនមុំ ខេត្តរតនគិរី អាចនឹងដឹកបន្តយកទៅលក់នៅក្នុងប្រទេសវៀតណាម ថែមទៀតផង។ ទោះជាយ៉ាងណាក៏ដោយចុះ ខណៈនេះកម្លាំងសមត្ថកិច្ចចម្រុះខេត្តស្ទឹងត្រែង បានធ្វើការបង្ក្រាប និងរឹបអូសនេះដែរ ដោយមិនបណ្តោយឲ្យឈ្មួញបន្តធ្វើសកម្មភាព ប្រព្រឹត្តបទល្មើសព្រៃឈើ តទៅទៀតបានឡើយ។ ប្រជាពលរដ្ឋមានការកោតសរសើរ ចំពោះចំណាត់ការបង្ក្រាបបទល្មើសព្រៃឈើ នៅក្នុងស្រុកសេសាន ប៉ុន្តែ ពួកគាត់ក៏បានស្នើដល់កម្លាំងសមត្ថកិច្ច ឲ្យបន្តចុះបង្ក្រាបបទល្មើសព្រៃឈើ នៅក្នុងស្រុកសៀមបូក ខេត្តស្ទឹងត្រែង ដែលមានព្រំប្រទល់ជាប់ ខេត្តក្រចេះ នោះផងដែរ។ តាមសេចក្តីរាយការណ៍បានឲ្យដឹងថា ជនសង្ស័យប្រព្រឹត្តបទល្មើសព្រៃឈើ នៅក្នុងស្រុកសៀមបូកនោះ មានជាច្រើននាក់ ប៉ុន្តែ មានម្នាក់ត្រូវគេស្គាល់ ឈ្មោះ តាវុធ ដែលគេនិយមហៅថា (តាវុធ ត្បូងខ្លា) ដែលជាឈ្មួញចាស់វស្សា រកស៊ីជួញដូរឈើនេះ មានរយៈពេលជាច្រើនឆ្នាំមកហើយ មិនដែលមានសមត្ថកិច្ចណាហ៊ានបង្ក្រាបនោះឡើយ សង្ស័យ តាវុធត្បូងខ្លា នេះ មានខ្នងបង្អែកធំនៅពីក្រោយ ទើបអាចដំណើរការដឹកជញ្ជូនឈើតាមទូក ពីខេត្តស្ទឹងត្រែង យកទៅលក់នៅខេត្តក្រចេះ បានយ៉ាងរលូនបែបនេះ?៕
Related Articles
រថយន្តហ៊ីណូ ព្រលះរថយន្តនីសសាន់ពេញមួយទំហឹង បណ្តាលឲ្យមនុស្ស៥នាក់ ស្លាប់ទាំងព្រឹក នៅស្រុកមោងឫស្សី
បាត់ដំបង ៖ នៅលើកំណាត់ផ្លូវជាតិលេខ៥ ដែលកំពុងស្ថាបនា មានគ្រោះថ្នាក់ចរាចរណ៍ដ៏រន្ធត់មួយ កើតឡើងស្ថិតនៅចំណុចក្រុមទី៧ ភូមិមោង ឃុំមោង ស្រុកមោងឫស្សី ខេត្តបាត់ដំបង នៅថ្ងៃទី២៨ ខែតុលា ឆ្នាំ២០២១។ ករណីគ្រោះថ្នាក់ចរាចរណ៍នេះ កើតឡើងរវាងរថយន្ត ១គ្រឿង ម៉ាកហ៊ីណូធុនដឹកជញ្ជូន ពាក់ស្លាកលេខ កំពង់ឆ្នាំង 3A-1566 អ្នកបើកបរមិនស្គាល់អត្តសញ្ញាណ (រត់គេចខ្លួន) បើកបរក្នុងទិសដៅពីកើតទៅលិច លុះពេលមកដល់ចំណុចកើតហេតុខាងលើ បានបុកជាមួយរថយន្ត ១គ្រឿងទៀត ម៉ាកនីសសាន់ធុនដឹកទំនិញ ពាក់ស្លាកលេខ បាត់ដំបង 2B-2211 អ្នកបើកបរមិនស្គាល់អត្តសញ្ញាណ (ស្លាប់) ដែលកំពុងបើកបរច្រាស់ទិសគ្នា។ សមត្ថកិច្ចចុះពិនិត្យទីតាំងកើតហេតុ គឺមានមនុស្សស្លាប់ចំនួន៥នាក់ ដោយកៀបជាប់ក្នុងរថយន្តទាំងអស់ និងរងរបួសធ្ងន់ ១នាក់ ត្រូវបានបញ្ជូនទៅមន្ទីរពេទ្យបង្អែកស្រុកមោងឬស្សី។ កម្លាំងការិយាល័យចរាចរណ៍ខេត្ត កំពុងចុះទៅអន្តរាគមន៍ ដោយសារតែសពមនុស្សទាំង៥នាក់ ត្រូវគាបជាប់មិនទាន់យកចេញបាននៅឡើយ៕
រថយន្តដឹកអនុផលព្រៃឈើ របស់មេឈ្មួញ ឈ្មោះ ធា ត្រូវបានកម្លាំងកងរាជអាវុធហត្ថស្រុកស្ទឹងត្រង់
កម្លាំងកងរាជអាវុធហត្ថស្រុកស្ទឹងត្រង់បានធ្វើការបង្ក្រាបរថយន្តដឹកអនុផលព្រៃឈើខ្នាតសាំយ៉ុងកែច្នៃយក្សចំនួន ២គ្រឿង ខណៈដែលប្រតិបត្តិការនេះធ្វើឡើងនៅវេលាម៉ោង១១៖០០ ថ្ងៃទី០១ ខែវិច្ឆិកា ឆ្នាំ២០២២នេះ នៅចំណុចភូមិឈើទើ ឃុំពោកតាងួន ស្រុកស្ទឹងត្រង់ ខេត្តកំពង់ចាម។បើតាមប្រភពព័ត៌មានពីអ្នកសារព័ត៌មានជាច្រើនអង្គភាពក៏ដូចជាប្រជាពលរដ្ឋបានឲ្យដឹងថា រថយន្តកែច្នៃសាំយ៉ុងខ្លាតយក្សទាំងពីរនោះគឺជារបស់លោកធា ដែលបានដឹកចេញពីចំណុចភូមិស្រែភ្លី ឃុំកំពង់ចាម ស្រុកសំបូរ ខេត្តក្រចេះឆ្ពោះទៅស្រុកស្ទឹងត្រង់ខេត្តកំពង់ចាម។ប្រភពបន្តថា ដោយមានការរាយការណ៍ពីរអ្នកសារព័ត៌មានជាច្រើនអង្គភាពជូនទៅថ្នាក់ដឹកនាំខេត្តឯកឧត្តម វ៉ា ថន ដែលជាគណៈឯកភាពបញ្ជាការខេត្តក៏ដូចជាលោកនាយឧត្តមសេនីយ៍ សាន ប៉ុនថាន ដែលជាអគ្គមេបញ្ជាការកងរាជអាវុធហត្ថខេត្តក្រចេះបានចង្អុលបង្ហាញបញ្ជាទៅមន្ត្រីថ្នាក់ក្រោមឱវាទក៏ដូចជាធ្វើការសហការទៅខាងមន្ត្រីកងរាជអាវុធហត្ថខេត្តកំពង់ចាម និងស្រុកស្ទឹងត្រង់ទើបធ្វើការបង្ក្រាបទៅលើប្រភេទរថយន្តសាំយ៉ុងកែច្នៃចំនួន២គ្រឿងនោះបាន។បងប្អូនអ្នកសារព័ត៌មានក៏ដូចជាប្រជាពលរដ្ឋបាន មានសេចក្តីកោតសរសើរ និងអរគុណចំពោះថ្នាក់ដឹកនាំខេត្តក៏ដូចជាអគ្គមេបញ្ជាការកងរាជអាវុធហត្ថខេត្ត ដែលបានធ្វើការបង្ក្រាបរាល់បទល្មើសដែលពាក់ព័ន្ធទៅនឹងព្រៃឈើ៕
អាជ្ញាធររាជធានី ខេត្តទូទាំងប្រទេសដុតបំផ្លាញវត្ថុតាងគ្រឿងញៀន សរុប 2.549 សំណុំរឿង គ្រឿងញៀនចម្រុះប្រភេទទម្ងន់ 776 kg 372.10g
ភ្នំពេញ៖ មន្ទីរប្រឆាំងបទល្មើសគ្រឿងញៀន នៅថ្ងៃទី២៧ខែសីហានេះ បានចេញផ្សាយព័ត៌មានថា ក្នុងឱកាសអបអរទិវាប្រឆាំងគ្រឿងញៀនអន្តរជាតិ២៦ មិថុនា ឆ្នាំ២០២០ អាជ្ញាធរនៅទូទាំងរាជធានី ខេត្ត រួមមាន ភ្នំពេញ.កណ្ដាល.តាកែវ.កំពង់ស្ពឺ.ស្ទឹងត្រែង.រតនគិរី.ព្រះវិហារ. មណ្ឌលគិរី.ក្រចេះ.បាត់ដំបង ពោធិ៍សាត់. ប៉ៃលិន . កំពង់ឆ្នាំង.បាត់ដំបង .ពោធិ៍សាត់. ប៉ៃលិន.ព្រះសីហនុ.កំពត.កោះកុង ស្វាយរៀង.ព្រៃវែង.កំពង់ចាម.ត្បូងឃ្មុំ.បន្ទាយមានជ័យ .សៀមរាប.កំពង់ធំ.ឧត្ដរមានជ័យ បានដុតបំផ្លាញវត្ថុតាងគ្រឿងញៀន សរុប 2.549 សំណុំរឿង ដែលមានគ្រឿងញៀនចម្រុះជាច្រើនប្រភេទទម្ងន់ 776 kg 372.10g ។ បើតាមរបាយការណ៍របស់មន្ទីរប្រឆាំងបទល្មើសគ្រឿងញៀន បានឲ្យដឹងពីសកម្មភាពដុតបំផ្លាញវត្ថុតាងគ្រឿងញៀនសរុប:” 2549 សំណុំរឿង គ្រឿងញៀន 776 kg 372.10g ” ។ ១) រាជធានីភ្នំពេញ ត្រូវដុតបំផ្លាញគ្រឿងញៀននៅថ្ងៃទី២ មិថុនា ២០២០ រួមមាន ភ្នំពេញ.កណ្ដាល.តាកែវ.កំពង់ស្ពឺ ចំនួន 167 សំណុំរឿង ស្មើនឹង៤៧៧គីឡូក្រាម៧៧ក្រាម ។ ២) ខេត្តស្ទឹងត្រែងត្រូវដុតបំផ្លាញគ្រឿងញៀននៅថ្ងៃទី៣០ មិថុនា ២០២០រួមមាន ស្ទឹងត្រែង.រតនគិរី.ព្រះវិហារ. […]