(ភ្នំពេញ). ក្រសួងការងារ និងបណ្តុះបណ្តាលវិជ្ជាជីវៈបង្ហាញនីតិវិធីនៃការបញ្ជូន និងដំណើរការឯកសារពលករកម្ពុជាទៅធ្វើការនៅបរទេសដើម្បីចៀសវាងចាញ់បោកមេខ្យល់នាំទៅធ្វើការដោយខុសច្បាប់ប្រឈមនឹងការដាក់ទោសទណ្ឌនិងបញ្ជួនត្រឡប់មកវិញ។ក្រសួងការងារបានជូនដំណឹងដល់សាធារណជន ជាពិសេសប្រជាពលរដ្ឋ កម្ពុជាដែលមានបំណងទៅធ្វើការនៅបរទេសឱ្យបានជ្រាបថា ដើម្បីស្នាក់នៅ និងធ្វើការនៅបរទេសដោយ ស្របច្បាប់ បងប្អូនត្រូវមានឯកសារសំខាន់ៗដូចជា កិច្ចសន្យាសេវារកការងារឱ្យធ្វើ កិច្ចសន្យាការងារ ប័ណ្ណពលករ កម្ពុជាទៅធ្វើការនៅបរទេស (OCWC) លិខិតឆ្លងដែន/លិខិតធ្វើដំណើរពលករកម្ពុជាធ្វើការនៅបរទេស (TD) ទិដ្ឋាការការងារ និងប័ណ្ណអនុញ្ញាតការងារ។ទន្ទឹមនឹងនេះ សាមីពលករកម្ពុជា អាចតាមដានដំណើរការឯកសាររបស់ខ្លួនតាមដំណាក់កាលនីមួយៗ ចាប់ពីដំណាក់កាលចុះឈ្មោះស្វែងរកការងារ រហូតដល់ចប់កិច្ចសន្យាការងារ និងវិលត្រឡប់មកកម្ពុជាវិញ តាមរយៈគេហទំព័រ https://tracking.ocwc.co/៕
